17 June 2019

RSS Facebook

سوداگریز


تازه خبرونه

د کابل په بازارونوکې د اړتيا وړ لومړنيو توکو بيې

د کابل په بازارونوکې د اړتيا وړ لومړنيو توکو بيې

کابل/ باختر/ د غبرګولې ٢٧ مه نن د لړم د مياشتې١٠...

دروزګان  پوليسو شپاړلس تنه غير مسوول وسله وال کسان ونيول .

دروزګان پوليسو شپاړلس تنه غير مسوول وسله وال کسان ونيول .

کابل باختر د غبرګولي ٢٧مه : دروزګان پوليسو دترينکوت په ښار...

Youtube Player

khantry design

سوداگریز

سوداگریز

کابل\  باخترد وري  دمياشتې  ٣ :
شپاړلس تنه وسله وال طالبان دافغانستان په جنوب کې ديولړ عملياتو په بهيرکې وو ژل شول. .
په دغو طالبانو تيره شپه  او نن سهار دهلمند ولايت دناوې  او سنګين، دقندهار  په پنجوايي اوارزګان ولايت دچارچينو  اودزابل ولايت په شهرصفا ولسواليو کې بريدونه وشول او ووژل شول .
باختراژانس  دناټو ديوې  خبرپاڼې  له خولې  خبر راکړ، دغه وسله وال طالبان په تروريستي فعاليتونو بوخت وو چې دافغان اوناټو دځواکونو له خوا پرې بريدونه وشول او ووژل  شول.
ناټو واي په وژل شويو کسانو کې دوسله والو طالبانو درې تنه سيمه ييز قوماندانان هم شامل دي .
ويل کيږئ  ددغو عملياتو په بهيرکې دطالبانو دجنګي وسايلو  او مالي امکاناتو  درې ډيپوګان هم ترلاسه شوي دي .
په دغو ډيپوګانو کې په لسګونو جنګي وسايل او په سلګونو کيلوګرامه چاوديدونکي  اونشه يي توکي ترلاسه شوي دي.
دناټو په خبرپاڼه کې ددغو عملياتو په بهيرکې  دافغان او دبهرنيو ځواکونو اودملکي وګړو  دسرداحتمالي زيان په باب څه نه دى ويل شوى .

کابل\  باخترد وري  دمياشتې  ٣ :
دهيواد دوو تنو ملي سوداګرو دبدخشان ولايت داطلاعاتو اوفرهنګ  له رياست سره مرسته وکړه.
دبدخشان ولايت داطلاعاتواوفرهنګ رييس انجينرمحمددين خواهاني باختراژانس ته وويل، ددغه ولايت  ملي سوداګر محمدزمان  زاهد څلورپنځوس مربع متره  ترکي غالۍ او دالحاج  عبدالقدير په نامه يوبل سوداګر دوه سوه زره افغانۍ  په فيض اباد ښارکې  دملي تلويزيون  ديو استوونکي تاور ددرولو په خاطر مرسته کړې ده .

کابل\  باخترد وري  دمياشتې  ٣ :
په نورستان ولايت کې دواورې  دبې سارى اورښت له امله په دغه ولايت کې   مواصلاتي لارې دترافيکو پرمخ تړلې شوي دي .
دغه اورښت له تيرماښام څخه دنورستان دمرکز پارون ښار په شاوخوا کې پيل شوى دى او تراوسه پورې دوام لري .
درارسيدلو خبرونوله مخې، دواورې  دغو سختو اورښتونو دنورستان ولايت  له اړوندو ولسواليو سره پارون ښار مواصلاتي لارې دترافيکو پرمخ تړلې دي .
دباختراژانس خبريال  زرداد شينواري  وايي چې همدا اوس دپارون  ښار په ځينو لوړو سيمو کې دواورې  اندازه يو سلو شلو ساتني مترو ته رسيدلې ده.
دنورستان ولايت دولسواليو اوپارون ښار ته  دنږدې سيمو اوسيدونکي چې دخپلې  اړتياوړ زياتره توکي په دغه ښارکې پيري وايي چې دخوراکي توکو اودسون  دموادو له  کمښت سره مخامخ شوي دي  .
په همدې حال کې  خبرترلاسه شوى دى چې دواورې اورښتونو په پارون  ښارکې سيمه ييزې لارې هم دترافيکو پرمخ تړلې دي.
سليم شاه چې پارون ښار ته څيرمه  ژوند کوي وايي چې دواورې دسختو اورښتنونو له امله  نه شي کولاي په ښارکې دخپل کار ځاى ته لاړشي.
له بلې خوا سيمه ييز مقامات وايي چې په موجودوامکاناتوسره يې دترافيکو پرمخ دلارو  دپرانستلو لپاره هلې ځلې پيل کړي دي.
دنورستان ولايت دفوايد عامې  رييس ضابط  خان منګل  باختراژانس ته وويل  که څه هم زموږ امکانات محدود دي  خو بياهم له لارو څخه  دواورې  په پاکولو سره دترافيکو دتګ راتګ زمينه بيا برابره وو.
منګل وايي چې له تيرې شپې  څخه تراوسه پورې  يې دڅوسترو لارو دبيا پرانستلو لپاره کار پيل کړى دى.
دافغانستان په ختيځ کې دنورستان ولايت ددنګو غرونو  اوله لوړو او  ژورو ډکو درو  ترمنځ  پروت دى .
دغه ولايت  دناامنيو له امله  دبيارغونې  له بهير څخه ډيره  پوخ واټ  نه لري
دخامه او له لوړو او ژورو  ډکو لارو شتون ددې سبب شوى دى  چې دژمي په موسم کې  خلک يې دتګ راتګ   لپاره  له ستونزو سره مخامخ واوسي .،

کابل\  باخترد وري  دمياشتې  ٣ :
دکونړ ولايت امنيتي مقامات وايي طالبانو په دغه ولايت کې  دامنيتي ځواکونو دچاڼيزو عملياتوپه بهيرکې دسرزيات زيان زغملي دي.
دغه عمليات تيره شپه دنرنګ ولسوالۍ دناامنو سيمو دپاکولو په مقصد پيل شوي دي  .
دنرنګ ولسوال سيدزيورشاه پاچا باختراژانس ته وويل، دغه عمليات دنرنګ ولسوالۍ په باډيل سيمه کې  ترسره شول  چې په بهيرکې  يې يوزيات شمير وسله وال طالبان وژل شوي دي.،
ده دغه راز ددغو  عملياتو په بهيرکې  ددريو تنو پوليسانو وژل کيدل اوديوپوليس ټپي کيدل تائيد کړل.
ددغو عملياتو په  بهيرکې دايساف  ځواکونو  هم له افغان ګډو ځواکونوسره  همکاري کوله.
دغه عمليات په نرنګ ولسوالۍ کې دناامنو سيمو  ترپاکولو پورې دوام کوي.

کابل\  باخترد وري دمياشتې  ٣ :
دافغانستان داسلامي جمهوريت  جمهوررييس حامدکرزي نن له غرمې مخکې په اماني ليسه کې دښوونځي زنګ وکړنګاوه او د ١٣٩٢  تعليمي  کال  په رسمي ډول پيل شو.
دباختراژانس  دخبريال دخبرله مخې، په هغې غونډه کې  چې له همدې امله  داماني ليسي په تالارکې  جوړه شوې وه لومړى دپوهنې وزير فاروق وردګ خبرې وکړې او دپوهنې په بيلابيلو برخو کې يې ددغه وزارت برياليتوبونه بيان کړل.،
وروسته دافغانستان داسلامي جمهوريت  جمهورريس حامدکرزي وينا وکړه  اوله طالبانو څخه يې وغوښتل  چې دښوونځيو دسوځولو پرځاى دى  له ښوونځيو سره مرسته وکړي.
جمهوررييس دافغانستان له پوهنې سره  له مرستندويو هيوادونو څخه مننه وکړه او څرگنده يې کړه  يوولس کاله مخکې  په همدې ورځ  افغانستان له هيواد څخه بهر پنځوس تنه محصلان لرل  خو اوس دغه شمير له لسو زرو څخه اوښتي دي.
په  دغو مراسمو کې دکابينې  يوشمير غړو ، په پارلمان کې دخلکو  يوشمير استازو
دجمهوررييس سترسلاکار  پوهاند نعمت الله شهراني  ، يوشمير ښوونکو ، دښوونځيويو شمير مديرانو او زده کوونکو ګډون  کړي و.
ددغه خبرتفصيل وروسته خپريږي .

کابل\  باخترد وري دمياشتې  ٣ :
دبدخشان  په  وردوج ولسوالۍ کې  ميشتو امنيتي ځواکونو پرون مازيګر په دغې ولسوالۍ  دوسله والو طالبانو پراخ بريد په شاوتمباوه.
د وردوج ولسوال  دولت محمدخاور باختراژانس  ته وويل، وسله والو طالبانو چې بهرنيان هم ورسره و  پرون مازيګر دپنځو بجو په شاوخوا کې  دوردوج ولسوالۍ په ودانۍ بريد وکړ  چې دولسوالۍ  دامنيتي مسوبينو دمقاومت له امله يوولس تنه وسله وال طالبان ووژل  شول او اووه تنه نوريې ټپيان شول.
دغه راز په دې نښته کې دملي اردو  درې تنه منسوبين او دعامه نظم يو پوليس ټپيان شول  چې  روغتيايي حالت يې مخ په ښه والي بلل شوى دى .
دبدخشان  دوالي ويندوى عبدالمعروف  راسخ  په دې باب باختراژانس ته وويل چې په دې نښته کې  يوولس تنه وسله وال طالبان وژل شوي اواوولس تنه نور يې ټپيان شوي دي.
دغه راز دملي امنيت  يو خبرځاى باختراژانس ته وويل  چې دنښتې په وخت کې  څو ميله وسلې اويوه اندازه مهمات دجګړې په ډگر کې پاتې دي.
ديادونې وړ ده   چې په وردوج ولسوالۍ کې دامنيتي  ځواکونو دپرونيو عملياتو اودناټو دځواکونو دعملياتو په بهيرکې دطالبانو دډلې  ديوتن مشهور قوماندان مولوي  حمزه  په ګډونه دري څلويښت تنه وسله وال طالبان وژل شوي دي.

کابل\  باخترد وري  دمياشتې  ٣ :
په هرات ولايت کې دتنکيو ځوانانو دجام دفوټبال  په سياليو کې دپوهنې  داستقلال ټيم اتل شو.دهرات ولايت  دورزشي امريت مرستيال ضياالحق ضيا باختراژانس ته وويل، ددغو سياليو په  وروستي پړاو کې دپوهنې داستقلال ټيم او داموټيم لوبه وکړه  چې په نتيجه کې يې دصفر په مقابل کې په يوې سره  دپوهنې داستقلال ټيم په ګټه  پاى ته ورسيده  او دغه ټيم  اتل شو  او دامو  او ازادي  ټيمونو دويم اودريم مقامونه وګټل.
ديوبل خبرله مخې :   په هرات ولايت  کې  دتنکيو ځوانانو دفوټبال سيالۍ  داتفاق ټيم په اتلوالۍ سره پاى ته ورسيدې.
ددغو سياليو په وروستي پړاو کې  داتفاق  اوجامي ټيمونو لوبه وکړه چې په نتيجه کې  يې دصفر په مقابل کې  په يوې سره داتفاق دټيم په ګټه پاى ته ورسيده  .
دغه راز دجامي  اوميوند ټيمونو دويم اودريم مقامونه وګټل.دغه سيالۍ دشپږو ټيمونو ترمنځ په دغه ولايت کې پيل شوې  وې.

کابل\  باخترد وري دمياشتې  ٣ :
دفراه ولايت امنيه قوماندان دطالبانو په ډلې پورې اړوند ددوو تنو دنيولو خبرورکړ  چې غوښتل يې  دسيمه ييزو پوليسو په جامو کې دپوليسو په منسوبينو بريد وکړي .
دفراه ولايت دغه امنيتي مقام وايي  چې دغه دوه تنه ددغه ولايت په بالابلوک ولسوالۍ کې ونيول شول .
دفراه ولايت امنيه قوماندان  اقانور کين توز باختراژانس ته وويل،  دغو دوو تنو غوښتل   دفراه ولايت په بالابلوک ولسوالۍ کې  دسيمه ييزو پوليسو په يوه پوسته کې په خپلو ملګرو بريد وکړي  اوپوسته ددولت  وسله والو مخالفينو ته تسليم کړي چې پروګرام  يې دپوليسو له خوا کشف اوشنډ کړى شو.

کابل -باختر  دوري دمياشتې دريمه
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب  په دې ډول اټکل کړې دي:
کابل د تودوخې لوړه درجه ١٤، ټيټه ٤اسمان ځاى ځاى وريځ داورښت امکان شته
هرات لوړه ١٨،  ټيټه ٥  آسمان وريځ ځاى ځاى وريځ
جلال آباد لوړه ١٨،  ټيټه ٦ اسمان ځاى ځاى وريځ داورښت امکان شته
قندهار لوړه ٢٠ ټيټه ١٠ آسمان ځاى ځاى وريځ داورښت امکان شته
مزارشريف لوړه  ١٦، ټيټه ٤  آسمان وريځ د اورښت امکان شته
کندز لوړه ١٥، ټيټه ١  آسمان وريځ د اورښت امکان شته
غزني لوړه ١١ ، ټيټه ١  آسمان وريځ د اورښت امکان شته
باميان  لوړه ٨ ، ټيټه منفي ٢ آسمان وريځ د اورښت امکان شته
فيض آباد لوړه ٧، ټيټه  صفر آسمان وريځ د اورښت امکان شته
  شمالي سالنګ لوړه منفي١ ، ټيټه منفي ٦- آسمان وريځ  د اورښت امکان شته
جنوبي سالنګ لوړه منفي ١ ، ټيټه منفي ٢ –  آسمان وريځ  د اورښت امکان شته
  شبرغان لوړه ١٧ ، ټيټه ٦  آسمان  ځاى ځاى وريځ د اورښت امکان شته
فراه لوړه ١٩ ټيټه ٦  آسمان ځاى ځاى وريځ 
خوست لوړه ١٣، ټيټه ٥  آسمان وريځ  د اورښت امکان شته
ميمنه لوړه  ١٤ ، ټيټه ٤  آسمان وريځ  د اورښت امکان شته
لښکرګاه لوړه ٢٣ ، ټيټه ١٠ آسمان ځاى ځاى وريځ  د اورښت امکان شته
په کابل کې سبا لمر ٥٣/ ٥خيژي او د مازيګر په ٦/ ٦ولويږي .

Saturday, 23 March 2013 10:22

د اسعارو بيه:

کابل\باختر\دوري د مياشتې دريمه:
دکابل دشهزاده سراى دصرافانو درييس  دمعلوماتو له مخې، نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     53/40  افغانيو پلورل په   53/45افغانيو
يوانګليسى پونډ پيرودل په   80 /2 0افغانيو پلورل په   80 /30افغانيو
داماراتو يو درهم پيرودل په 40/ 14 افغانيو پلورپه 45 / 14 افغانيو
يوه يورو  پيرودل په 20 69/ افغانيو پلورل په   69 /30  افغانيو
يوسعودي ريال پيرودل په  00 14/پلورل  14/5 افغانيو
زرهندي کلدارى پيرودل په 980 افغانيو پلورل په 990 افغانيو
زرپاکستاني کلداري پيرودل په  535افغانيو پلورل په  536 افغانيو
زر ايراني تو مان پيرودل په 15/40  افغانيو پلورل په   15/50 افغانيو.