12 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

کابل باختر د وږي دمياشتې   ٢٢ :
د حج او اوقافو وزارت خبرتيا!
  دکابل ښار د ناحيوهغو حاجيانو ته چې شمېره يې له ٢٠٠١ څخه تر ٢٣٠٠ پورې  دى، خبر ورکول کيږي چې سبا  د ١٣٩٢کال د وږي د مياشتې په ٢٣ نيټه  د شنبې د ورځې له غرمي مخکې په لسو بجو د عيدګاه جامع جومات ته ورشي
او دغه راز له هغو حاجيانوڅخه  چي شميره يې له  ٢٣٠١ څخه تر ٢٦٠٠ پورې دي غوښتنه کيږي چې  دشنبې او يکشنبې دشپو ترمنځ  دشپې په لسوبجو دعيدګاه جامع جومات ته ورشي   چې واکسين يې تطبيق او د حرمين شريفين په لور په ټاکلو الوتنوکې تنظيم شي.
  له محترموحاجيانوڅخه غوښتنه کيږي چې خپل نوبت رعايت کړي او خپل بانکي آويزونه له ځان سره ولري او په الوتنوکې د بې نظمي سبب نه شي. له دې پرته به مسووليت په خپله د دوى په غاړه وي.
د شيعه حاجيانو او د کابل ولايت او د هغه د اړونده ولسواليو د حاجيانو الوتنې وروسته اعلاميږي.
دعيدګاه جومات ته  د بدرګه کوونکي په نامه  د اشخاصو ننوتل منع دى.

کابل – باختر د وږې دمياشتې ٢٢
دکندز او کاپيسا واليانو اعلام وکړ چې دافغانستان د فوټبال دملي ټيم دغړو دهڅونې په خاطر له هغوي سره مرسته کوي.
دکندز والي محمدانورجګدلک اعلام  وکړ چې دى دملي ټيم هر غړي ته به   دکندز داستوګنې په يو ښارګوتې داستوګنې يو نمره ځمکه ورکړى . او له بله پلوه دکاپيسا  والى محراب الدين صافي نن وويل  چې له دغه ټيم سره  دوه زره  ډالره مرسته کوي.
د کندز دوالي ويندوى  عنايت الله خليق باختر آژانس ته وويل چې د انورجګدلک په لارښوونه دښار په يو ښه ښارګوټې کې به دافغانستان دفوټبال دملي ټيم هرغړي ته ځمکه  ورکړ شي .
محراب الدين صافى نن په ورزشي  نندارو او په هغې غونډه کې چې دآسيا دجنوب په سياليو کې دافغانستان داتلوالي په وياړ په کاپيسا ولايت کې جوړه شوې وه وويل ،  چې له ملي ټيم سره  به دووه زره ډالره مرسته وکړى.
دا په داسې حال کې ده  چې دهيواد په لسګونو مرکزونو او سياسي او اقتصادي شخصيتونو دافغانستان ملي ټيم ته يې دمليونو افغانيو دورکولو ژمنه کړې ده .

ويل کيږي جمهور رييس کرزي  هم دهيواد دملي ټيم هرغړي ته ديو يو اپارتمان او نغدو پيسو د ورکولو ژمنه کړې ده . دبلخ والي عطا محمدنور هم ويلي دي چې څلويښت زره ډالره دافغانستان د فوټبال اتلانوته  ورکوي.
دافغانستان دفوټبال ملي ټيم د آسيا دجنوب په سياليو کې اتل شو.

 

کابل – باختر د وږې دمياشتې ٢٢
وسله والو طالبانو په کاپيسا ولايت کې دجومات يو ملا امام په  ډزو سره شهيدکړ .
ويل کيږي امنيتي ځواکونو د دغه ديني عالم د وژلو په اړوند درې تنه نيولي دي .
دکوهستان د دويمې برخې دولسوالۍ د ګالوته افغانيه دجومات په ملا امام
عبدالرحمن تيره شپه کله چې دماخستن دلمانځه له اداکولو وروسته دخپل
کور په لور روان و  دوسله والو طالبانو له خوا ورباندې ډزې وشوې او شهيد شو.
دکاپيسا ولايت دامنيې قوماندانۍ د اوپراسيون آمر اسدالله اميري باختر آژانس ته وويل ، يرغلګر ددغه ملا امام له تر وروسته دامنيتي ځواکونوله خوانيول شوى دى
په دې وروستيووختوکې دکوهستان په لومړۍ برخه کې هم دسليم نامه ديو جومات  په ملا امام  ډزې وشوې  چې ټپي  شو.

کابل – باختر د وږې دمياشتې ٢٢
دهلمنددبريښنا د ادارې مسوولين وايي چې ډير ژر به  د دغه ولايت د بريښنا بهير بيا تامين شي .
دغه خبرې په داسې حال کې کيږي چې څه دپاسه  دوه اوونۍ کيږي چې په دغه ولايت کې د بريښنا بهير شليدلى دى .
ويل کيږي چې په سنګين ولسوالۍ کې د طالبانو او د امنيتي ځواکونو ترمنځ دنښتې په بهير کې د بريښنا يو مزى غوڅ شوى دى .
دهلمنددبريښنا رييس انجينر حفيظ الله باختر آژانس ته وويل :  چې د  دوى انجينيران پرون بريالى شول په سنګين کې دغوڅ شوي مزي د ترميم لپاره کار
پيل کړى.
ده  وويل ،  د طالبانو دشتون او ددغې ولسوالۍ په ځينو سيمو کې دنا امنيو له امله تراوسه پورې دمزې دتمديد لپاره دغو سيموته تلل ناممکن و.
دهلمند دځينو سيمو او دقندهار ولايت بريښنا دکجکى د بريښنا له بند څخه ترلاسه کيږي چې اوس د مزي د غوڅيدو له امله بريښنا نشته.
دهلمنددبريښنا رييس وايي تر دوو يا دريو ورځو پورې به د بريښنا ستونزه لري شي.

مسکو\ ايرنا\  باختر د وږې دمياشتې ٢٢
دروسيې دنووګراد ايالت اوليکى ښار د رواني روغتيا په يو روغتون کې د اورلګيدنې له امله څوارلس تنه بيدرکه شوي دي .
دروسيې ريانوستي خبرې آژانس ددغه هيواد دبيړنې حالاتو د وزارت دويندوى     له خولې خبر ارکړ  دغه پيښه نن سهار رامنځته شوه دنهه پنځوسو تنو ناروغانو له جملې څخه چې په دغه روغتون کې بستروو پنځه څلويښت تنه يې ژغورل شوي دي  او څوارلس تنه نور بيدرکه شوي دي چې اټکل کيږي  وژل شويوي  او دروغتون ودانۍ په بشپړه توګه ويجاړه شوې ده .
دروان کال دثور په مياشت کې هم د روسيې په جنوبي او مرکزي سيمو کې د روانې روغتيا په دوو روغتونو کې اور لګيدلى و چې دمرګ ژوبلې سبب شوى و.

کويته \ډي ډان \  باختر د وږې دمياشتې ٢٢
ناپيژندل شويو يرغلګرو تيره شپه دپاکستان په بلوچستان ايالت کې په افغانستان
کې دناټو دميشتو ځواکونو دنقليه وسايطو په يو کاروان د آر پي  جي   بريد وکړ او
اودسون د توکو نهه ټانکرونه يې وسوځول .
دغه بريد دبلوچستان ايالت دقلات سيمې ته څيرمه وشو چې له امله يي نهه ټانکرونه وسوځيدل او يو موټر چلوونکې و وژل شو او  دوه تنه نوريې ټپيان شول .
دغه وسايط په سړک کې درول شوى وو، دغه وسايط دکراچۍ له بندريښارڅخه افغانستان ته روان وو.
تراوسه پورې ددغه بريد مسووليت چا په غاړه نه دى اخستى.

کابل باختر دوږي دمياشتې ٢٢:
د افغانستان جمهوررئیس حامدکرزي قرغزستان ته د خپل سفر په لومړۍ ورځ، پرون له غرمې وروسته د دغه هېواد له جمهوررئیس المازبیک اتمبایف سره  د قرغزستان په پايتخت  بشکیک کې وکتل.
دجمهوري رياست مطبوعاتي دفتر باخترآژانس ته خبر ورکړ :
په دې کتنه کې دواړو لورو د دوه اړخیزو اړیکو او همکاریو او د سیمې د هېوادونو ترمنځ د مواصلاتي لارو او د وسپنې د پټلۍ د جوړیدو او پراختیا په اړه خبرې اترې وکړې.
د قرغزستان جمهوررئیس، حامدکرزي ته د ښه راغلاست دويلو په ترڅ کې وویل چې هېواد یې له افغانستان سره د اړیکو د پراختیا غوښتونکی دی او په همدې موخه یې په دې وروستیوکې په کابل کې خپل سفارت پرانیست.
ده وویل چې د سیمې د هېوادونو د یوځای کولو او د هغوی ترمنځ د سوداګریزو او اقتصادي اړیکو د پراختیا لپاره  ځمکنۍ لارې ډير ارزښت لري .
المازبیک اتمبایف هغه طرحه پیشنهاد کړله چې له مخې یې د چین، قرغزستان، تاجکستان، افغانستان او ایران هېوادونه  د وسپنې پټلۍ له لارې سره یوځای کیږي.
د هېواد جمهوررئیس حامدکرزي د قرغزستان د جمهوررئیس له دغې طرحې څخه د هرکلي په ترڅ کې وویل چې په وچه کې پراته هېوادونه باید د مواصلاتي لارو او د وسپنې پټلۍ د پراختیا له لارې خپلې اړیکې پراخې کړي
په دې کتنه کې حامدکرزي د قرغزستان جمهوررئیس المازبیک اتمبایف ته بلنه ورکړله چې په یو مناسب فرصت کې افغانستان ته سفر وکړي چې د قرغزستان د جمهوررئیس لخوا د مننې په ویلو سره ومنل شوه.

- کابل باختر دوږي دمياشتې  ٢٢:
د افغانستان جمهوررئیس حامدکرزي د شانګهای د همکاریو د سازمان د مشرانو د غونډې بهيرکې د ایران له جمهوررئیس ډاکتر حسن روحاني سره پرون مازیګر د قرغزستان په پلازمېنې بشکیک کې وکتل.
دجمهوري رياست مطبوعاتي دفتر باخترآژانس ته خبرورکړ :
په دې کتنه کې د دواړو هېوادونو جمهورو رئیسانو د دوه اړخیزو اړیکو د پراختیا، د افغانستان د سولې د بهیر، له امریکا او یو شمېرنورو هېوادونو سره د افغانستان د امنیتي موافقه لیکونو، له نیشه یې توکو سره د مبارزې او د سیمه ایزو مسلو په باب خبرې اترې وکړې.
جمهوررئیس حامدکرزي وویل چې افغانستان تل هڅه کړې ده چې له دوست او ورور هېواد ایران سره خپلې اړیکې پراخې کړي.
د ایران جمهوررئیس ډاکتر حسن روحاني د افغانستان جمهوررئیس او خلکو ته د هندوستان د فوټبال د ملي لوبډلې پر وړاندې  د افغانستان د فوټبال د ملي لوبډلې د بریالیتوب له امله د مبارکۍ په ترڅ کې وویل چې ایران له افغانستان سره د ورور ګلویزو او دوستانه اړیکو د لرلو اراده لري.
ده د افغانستان لپاره د تل پاتې سولې د ټینګښت هیله وکړه، څرګنده یې کړه چې ایران په افغانستان کې د سولې او امنیت د ټینګښت غوښتونکی دی، ځکه چې سوله ييز افغانستان د ایران په ګټه دی.
د افغانستان جمهوررئیس حامدکرزي په دغه کتنه کې په ایران کې د افغان مهاجرینو د ویزې د تمدید د ستونزې د حل غوښتنه وکړه، هیله یې څرګنده کړه چې هېواد ته د هغوی بیرته راستنیدل په داوطلبانه ډول ترسره شي.
د ایران جمهوررئیس په دې اړه د خپل هېواد د همکارۍ ډاډ څرګند کړ، وې ویل چې ایران  له ۳۵ کلونو را په دیخوا د افغان مهاجرینو کوربه دی او نه غواړي چې هغوی وځورول شي خو هغه شمېر افغان کډوال چې د استوګنې کارت نه لري باید خپل ځانونه اړوندو ادارو ته ور وپیژني او په ایران کې د اوسیدلو کارتونه ترلاسه کړي.

کابل باختر دوږي دمياشتې ٢٢ :
دافغانستان دولت هغه تروريستي بريد چې نن سهار په هرات ښار کې د امريکاد متحده ايالاتو پر قنسلګرۍ ترسره شو په کلکو ټکو غندي. 
دبهرنيو چارو وزارت مطبوعاتي دفتر باخترآژانس ته خبرورکړ :
دغه تروريستي بريد، چې په هغه کې يواځې د متحده ايالاتو قنسلګرۍ ورودي دروازې ته زيان ورسيده خو په څنګ کې يې د قنسلګرۍ ۲ افغان ساتونکې شهيدان او ۲۰ ملکي وګړي ټپيان شول، يو ځل بيا د افغانستان د دښمنانو ناکامي او د افغانستان د سوله دوستو وګړو د ژوند په مقابل کې د دوی وحشيانه او ظالمانه بی تفاوتي ثابتوي. 
د هرات ولايت د ځايي چارواکو د وروستيو معلوماتو سره سم، بريد  نن سهار په ۵ بجو هغه مهال وشو چې پنځو تروريستانو د متحده ايالاتو د قنسلګرۍ د وروردي دروازې پر وړاندې د يوه موټربمب، راکټونو او سپکو وسلو څخه په استفادې بريد ترسره کړ، چې په نتيجه کې ټول پنځه بريد کوونکي د افغان ملي امنيتی ځواکونو له خوا له پښو وغورځول شول. افغان ملي امنيتی ځواکونو دغه بريد په ډير لږ وخت کې ترکنټرول لاندې راووست او په خپل دې کار باندې يې د لا زياتو ملکي تلفاتو او د امريکې قنسلګرۍ کارکوونکو ته د کوم ځاني زيان او د قنسلګرۍ ودانۍ ته دزيات زيان داوښتو مخه ونيوله.
زموږ امريکايي همکارانو ډاډ راکړۍ چې د دوی د قنسلګرۍ ټول کارکوونکي خوندي او مصوونه دي.
د افغانستان دښمنان بايد په دې پوه شي چې دوی هيڅکله نشي کولای د غه شان تروريستی بريدونو له لارې د افغانستان  دملت هغه ټينګ عزم او اراده چې په خپل هيواد کې يې د تلپاتې سولې، امنيت او پرمختګ لپاره لري، کمزورى کړي. دې دښمنانو يوځل بيا ټولې نړۍ ته وښوده چې دوی د افغانستان د خلکو لپاره د مرګ او تباهۍ څخه بل څه نه لري.

کابل – باختر د وږې دمياشتې ٢٢
يو ماشوم په بغلان ولايت کې دوه تنه چې ويل کيږي دهغه پلاريې وژلى  و په ډزو سره  ووژل .
دغه ماشوم په داسې حال کې چې دامنيتي ځواکونو له خوا نيول کيده وويل : دولت په اتو کلونو کې زما دپلار دقاتلينو په مجازاتو اقدام ونه کړ له همدې امله په خپله لاس په کار شوم او دخپل بيګناه پلار دوينې غچ مى له ظالمانو څخه واخست.
دغه ماشوم چې اوولس کلن دى او د ده صلاح ولسوالۍ دکم يخلردسيمې اوسيدونکې دى .
پوليس وايي دغه ماشوم  پرون  مازيګر په پټه  دوه  تنه  چې ويل کيږي  اته کاله مخکې  يې دهغه بزګر  پلار وژلى و  په ډزو سره  ووژل .
دغه ماشوم په داسې حال کې چې ژړل  يې وويل ،  څلور کلن وم چې دغو کسانو زما بزګر پلاريې  وواژه  خو دولت هغوى ته د سزا ورکولو په برخه کې کوم اقدام ونه کړ،  له همدې امله ما به خپله دخپل پلار د ونيو غچ واخست  .
دبغلان ولايت د ده صلاح ولسوال عبدالخليل رحيمي باختر آژانس ته وويل  :
دغه ماشوم ددغو دوو تنو له وژلو وروسته دامنيتي ځواکونو له خوا ونيول شو.
ويل کيږي چې د دغه دوولس کلن ماشوم  د ډزو له امله  د ووژل شويو يو خپلوان
هم ټپي شوى دى  .
په همدې حال کې د ده صلاح دسيمې اوسيدونکي   په دولت انتقاد کوي چې مجرمينو ته يي سزانه ده ورکړې او وايي چې زبرځواکو ته دغه قضايي مصونيت عادى  خلکوته يي ژوند سخت کړي دي
د ده صلاح ولسوالۍ يو سيمه ييز مشر عبدالمنان وايي د دولت له خوا له قانوني څارنې څخه د زبرځواکو مجرمينو مصونيت د دې سبب شوى دى  چې خلک دامنيتي ځواکونو او عدلي او قضايي ارګانو په نسبت خپل باور له لاسه ورکړي.