18 September 2019

RSS Facebook

سوداگریز


تازه خبرونه

انتخابات او امنیتي ګواښونه

کابل/ باختر/ د وږي ۲٧ مه د جمهوري ریاست راتلونکي انتخابات...

Youtube Player

khantry design

سوداگریز

سوداگریز

کابل  \باختردلړم دمياشتې ٢١ :
ټاکل شوى ده دمدينې منورې له ښارڅخه دافغاني حاجيانو دليږدونې پروګرام سره له سبا پيل شي .
همدا اوس نږدې اته زره تنه افغاني حاجيان دمدينې منورې په ښارکې  شپې سباکوي .
دسعوي عربستان له مکې مکرمې څخه دباخترا ژانس دخبريال نثاراحمدنوير دخبرله مخې: له دوو ورځو را په دې خوا له سعودي عربستان څخه دافغاني حاجيانو دليږدونې پروګرام ګړندي شوې دي او دغه پروګرام له سرله سبا په مدينه منوره کې هم پيليږي.
دافغاني حاجيانو دليږدونې بهير په څو تېرو ورځوکې له ځينو ستونزو سره چې په عمده توګه  ديوهوايي شرکت دتخنيکي نيمګړتيا زيږنده وه؛ مخامخ شوي و، خو اوس دافغاني بعثه مسوولين وايي چې دافغاني حاجيانو د راستنولو بهيربه ددغو ستونزو په له منځه وړلو سره ګړندي شي. .
تراوسه پورې نږدې اتلس زره تنه افغاني حاجيان په سعودي عربستان کې پاتې دي چې له دې جملې څخه اته زره تنه يې دمدينې منورې په ښارکې دي  .
دهغو حاجيانو دليږدونې پروګرام چې په  مدينه منوره کې دي سرله سبا پيليږي.
ديادونې وړ ده چې د آرياناهوايي شرکت ، دکام اير او صافي له خصوصي هوايي شرکتونوسره دنږدې ديرشو زرو تنو افغان حاجيانو دليږدونې پروګرام په غاړه لري .
 

کابل  \باختردلړم دمياشتې ٢١ :
دافغانستان داسلامي جمهوريت دجمهور رييس  حامدکرزي د ډاډګيرنې او خواخوږۍ پيغام !
په ژورې خواشيني سره مې خبرترلاسه کړ چې دهيواد دپوهنې يو سابقه لرونکى خدمتګار عبدالغفور محبي دهغې ناروغى له امله چې ورپيښه شوې وه؛ وفات شو.
انالله وانااليه راجعون
ارواښاد عبدالغفور محبي يوه زياته موده دهيواد دپوهنې په بېلابېلوبرخو کې خدمت وکړ او وروستي دنده يې په دې لاره کې دباميانو ولايت دپوهنې رياست و.
ده دهيواد دبچېانو په روزنه کې زيات کړاونه وګالل او خدمتونه يې دقدر وړ او مړينه يې ضايعه ده .
دخپلې ډاډګيرنې او خواخوږي مراتب د ده کورنۍ ، دوستانو اوشاګردانو ته وړاندې کوم او د لوى  خداى (ج) له دربار څخه متوفى ته دمغفرت اوپاتې کسانو ته يې دجميل صبرهيله کوم .
 

Sunday, 11 November 2012 03:31

دپوهنې وزارت خبرتيا

کابل  \باختردلړم دمياشتې ٢١ :
دپوهنې وزارت باختراژانس ته ديوې خبرتيا په ليږلوسره ويلې دي چې دهيواد دسړو سيمو له لومړۍ ټولګي څخه تراووم ټولګي پورې دلومړني دوري  د زده کوونکو کلني ازموينې  د روان کال دلړم دمياشتې په ٢٥ نيټه اوله اووم ټولګي څخه تر دوولسم ټولګي پورې دزده کوونکو کلني ازموينې د روان کال دلينډۍ دمياشتې په لومړۍ نيټه د چهارشنبې په ورځ پيل  او دلينډۍ دمياشتې په  ١٥ نيټه پاى ته رسيږي.
 

کابل  \باختردلړم دمياشتې ٢١ :
دافغانستان په ختيځ  کې افغان سيمه ييزمقامات دپاکستاني پوځيانو د راکټي بريدونو دسختوالې خبر راکوي.
دوى وايي چې په تېرو ٢٤ ساعتو کې دافغانستان په ختيځ کې د کونړ او نورستان د ولايتونو په ځينو برخوکې دپاکستاني پوځيانوله خوا زيات توغندي توغول شوې دي.
باختراژانس ته په رارسيدلو خبرونو کې ويل شوى دى  چې همدا اوس هم دکامديش  او د وټه پورې د ولسواليو په ځينو برخو دغه بريدونه دوام لري.
دنورستان ولايت امنيه قوماندان غلام الله  نورستاني باختراژانس ته وويل چې په تېرو ٢٤ساعتوکې دپاکستان له خاورې څخه ددغه ولايت  دکامديش  دسرحدي ولسوالۍ  په ځينو سيمو نږدې دوه توغندي توغول شوي دي.
دنورستان امنيه قوماندان وايي  چې دغه بريدونه دشپې له خوا زيات زور اخلي اويواځې دسيمې خلکو ته يې مالي توانونه اړولې دي.
په همدې حال کې دنورستان والي محمدتميم نورستاني وايي  چې دوى ته 
دترلاسه شويو کشفي معلوماتوله مخې، دغه راکټي بريدونه دميرکني په نامه دپاکستاني پوځيانوله يوې قرارګاه څخه ترسره کيږي .
له بلې خوا په کونړ ولايت کې امنيتي  مقاماتو هم خبر ورکړي دي چې ددغه ولايت ځينې سيمې په تېره بيا د وټه پورې ولسوالۍ په تېرو ٢٤ ساعتوکې د روان هجري لمريز کال په لومړيو وختوکې ددغو بريدونوله پيل څخه  دپاکستاني پوځيانو د ډيرو سختو ر اکټي بريدونو ډگر وو.
ويل کيږي چې ددغو بريدونو له امله يو کوچني ماشوم ټپي شوى  اوڅوکورونه زيانمن شوي دي .
دپاکستاني پوځيانو راکټي بريدونه د روان هجري لمريزکال له لومړيو وختو څخه  دکونړ ،نورستان  او دننګرهار د ولايتونو  په ځينو سيمو پيل شوى دى .
دترلاسه شويو ارقامو له مخې، ددغو بريدونو له پيل څخه تراوسه پورې  پاکستاني پوځيانو دافغانستان دختيځ په سيمو څه ناڅه اته زره توغندي توغولي دي.که څه هم سيمه ييز مقامات ددغو بريدونو له امله دمرګ ژوبلې شمېر پنځه ديرش تنه بولي؛ خو دسيمې اوسيدونکي وايي چې شمېر له دې څخه  څوبرابره زيات دي .
 

کابل – باختر دلړم يو ويشتمه:
دافغانستان داسلامي جمهوريت دجمهوري رياست سرپرست مارشال محمد قسيم فهيم دخوست ولايت په صبريو ولسوالي کې دماين دښخولو عاملين چې دچاودنې له امله يې پرون ديو ماشوم او د دوو ښځو په ګډون زموږ شپږ تنه بيګنا ،هيوادوالو شهيدان شول،په کلکه وغندل.
دجمهوري رياست سرپرست ددغې زړه بوږونوکې پيښې دقربانيانو کورنيو ته د ډاډګيرنې او خوا خوږۍ دمراسمو د وړاندې کولو په ترڅ کې څرګنده کړه چې دغه شان عملونه دبشريت پرخلاف جنايت دى او د اسلام په مبين دين کې عاملين يې د الهي عذاب مستوجب دى .
دجمهوري رياست سرپرست امنيتي مسوولينو او نورو مسوولومرکزونو ته لارښونه وکړه چې ددغې پيښې عاملين وپيژني ،ونيسې او دقانون منګولو ته دې وسپاري.
 

کابل – باختر دلړم يو ويشتمه:
درې تنه وسله والو مخالفينو چې دهلمند ولايت په مربوطاتوکې يې دترورستي بريدونو دترسره کولو نيت درلود؛ دملي اردو دمنسوبينو له خوا ونيول شول.
دملي دفاع وزارت مطبوعاتي دفترباختر آژانس ته خبرورکړ: وسله والو مخالفينو چې غوښتل دهلمند ولايت دګرمسير ولسوالۍ په مربوطاتو کې په ترورستي بريدونو لاس پورې کړي؛ دملي اردو دځواکونو دامنيتي دندو په بهيرکې ونيول شول.
ديوبل خبر له مخې: درې تنه ماين ښخوونکې په هلمند ولايت کې دماين دښخولو په وخت کې ټپيان شول.
درې تنه ميان ښخوونکي تېره شپه کله يې چې غوښتل د هلمند ولايت دنادعلي ولسوالۍ د زور آباد په مربوطاتوکې ماين ښخ کړي؛ ماين وچاوديد او له امله يې درې تنه ماين ښخوولې ټپيان شول او دپوليسو له خوا ونيول شول. له دوى څخه يوه اندازه وسلې او دوه ماينونه هم ترلاسه شوى.
ديو بل خبرله مخې، هغه سړى چې غوښتل يې د ارزګان ولايت د دهراود ولسوالۍ په ميانده سړک د وسايطو ضدماين ښخ کړي؛ دماين ښخولو په وخت کې دپوليسو له خوا ونيول شو.
 

کابل  \باختردلړم دمياشتې ٢١ :
د افغانستان داسلامي جمهوريت دولت د بهرنیو چارو وزارت د ديپلوماسۍ انستیتیوت او د اقتصادي همکاریو د ریاست په مرسته د مرکزي آسیا د پوهنتون د عامه پالیسۍ او ادارې انستیتیوت د ۱۳۹۱ کال د لړم په ۲۲ نېټه " د افغانستان او مرکزِي آسیا ترمنځ د سوداګرۍ او همکارۍ په اړه" سمپوزیم جوړ کړ.
دبهرنيوچارو وزارت د اطلاعات او خپرونومديريت باخترآژانس ته خبرورکړ:
دا سمپوزیم د آغا خان د پراختیایې شبکې سیاسي استازی، ښاغلی علي موجي؛ د افغانستان د بهرنیو چارو وزارت د اقتصادی چارو رئیس وحیدالله ویسی؛ په افغانستان کې د کاناډا د سفارت د ماموریت مرستیالې، مېرمن شیلي وایتننګ؛ او د مرکزي آسیا د پوهنتون رئیس، ډاکټر بوهدان کراوچینکو په ویناوو سره، پېل شو.
ډاکټر بوهدان کراوچینکو وویل، " د مرکزي آسیا پوهنتون خوښ دی چې د افغانستان د اسلامی جمهوریت د بهرنیو چارو وزارت د دیپلوماسۍ انستیتیوت او د اقتصادي همکاریو ریاست سره کار وکړي. د افغانستان او مرکزي آسیا ترمنځ د سوداګرۍ د پراختیا موضوع د سیمي د ټیکاو له پاره ډېره اړینه ده".
په دغو ناستو کې چې؛ په افغانستان کې د اقتصادې ودې د لاسته راوړلو له پاره د سوداګریزې پراختیا استراتیژي؛ د افغانستان او مرکزي آسیا ترمنځ د سوداګرۍ پراختیا؛ د افغانستان او مرکزي آسیا ترمنځ د اقتصادي اړیکو په اړه وړاندیزونه؛ او د سوداګریزو مسئلو په اړه د ظرفیت لوړولو موضوع ګانې یې تر پوښښ لاندې نیولي وې، د وزارتونو استازو او دولتي کمیټو، سوداګریزو ټولنو او همدارنګه خپلواکو متخصصینو او د غیر دولتي سکتور غړو څخه تقریباً شاوخوا ۷۰ تنو ګډون کړی وو.
د افغانستان د بهرنیو چارو وزارت د اقتصادی چارو رئیس ښاغلی وحیدالله ویسی د دغو ګډو هڅو په اهمیت ټینګار وکړ: ده وویل، " د مرکزی آسیا هیوادونه او افغانستان د نړۍ د تر ټولو شتمنو او متنوع سیمو څخه یوه ده. زمونږ ترمنځ زیاته سیمه ییزه همکارۍ د دی فرصت راکوی چې په وچه کې ګیر د انرژۍ له نظره شتمن د مرکزی آسیا هیوادونه د خلیج هیوادونو د ګرمو اوبو بندرونو او د انرژۍ وږې سویلی آسیا سره ونښلوی. اوس د دی وخت رارسیدلې چی په خپلو کې همکاری زیاته او غښتلې کړو".
سمپوزیم،  په دې وروستیو کې د سوداګرۍ د پالیسۍ او خبرو اترو په اړه د افغانستان، قزاقستان، قرغیزستان جمهوریت او تاجکستان د ملکی خدمتونو ۶۰  مامورینو لپاره د عامه پالیسۍ او اداری انسټیټوټ (IPPA’s) له اړخه  لس ورځنۍ روزنه چې په  ایسک کول، کرغیزستان کې په لاره اچول شوی وه، تعقیب کړه. چې مشری یې د کاناډا د کارلیټن پوهنتون د لوړ پوړو سوداګریزو خبرو اترو ماهرانو پر غاړه وه، نوموړی روزنې سوداګریزه اقتصاد، د پالیسۍ د تحلیل او ستراتیژیک فرصتونو (ګزینه ها)، د سوداګرۍ خنډونو او تعرفو رژیمونو، نړیوالو مالیاتو او د نړیوالو سوداګریزو خبرو اترو موضوعات په بر کې نیول. د زیربناوو د پرمختګ، د کوچنیو او منځنیو تصدیانو، ظرفیت جوړونې د اهمیت په ګډون چي افغانستان د نړۍ اقتصاد سره یو ځای کوي او د تعرفې د رژیم په منځته راوړلو کې ورسره مرسته کوي، د سمپوزیم موضوعات د روزنې د ګډونوالو له خوا په ګوته شوې وې.
د روزنې سیمینار او سمپوزیم د سیمه ییزې همکارۍ او باور جوړونې (RCCB) پروژې په چوکاټ کې تنظیم شوی، چې د افغانستان او مرکزی آسیا ترمنځ د سیمه ییزې سوداګرۍ او اقتصادی همکارۍ د موجوده پرمختګ او پیاوړتیا په اړه د عامه مامورینو د پوهې د زیاتوالي په موخه طرحه شوې. د RCCB پروژه د مرکزی آسیا پوهنتون د عامه پالیسۍ او اداری انسټیټوټ له اړخه د کاناډا دولت د بهرنیو چارو  او نړیوالې سوداګري ادارې (DFAIT) او آغاخان شبکې، کاناډا (AKFC) په مرسته پلی کیږي.
 

کابل – باختر دلړم يو ويشتمه:
ټاکل شوى ده د دوه اړخيزامنيتي موافقه ليک دسند په باب د امريکا او دافغانستان داسلامي جمهوريت ترمنځ خبرې په نږدې راتلوونکې کې په کابل پيل شي.
دغه ټکې دبهرنيو چارو وزارت ويندوى جانان موسى زى نن دخبريالانو په وړاندې څرګند کړ اووې ويل: ټاکل شوى ده دغه خبرې د روان ميلادي کال د نوامبر دمياشتې په پنځلسمه نيټه چې دلړم له مياشتې سره سمون خوري؛ پيل شي. دباختر آژانس دخبريال دخبر له مخې، موسى زى په دې خبري غونډه کې وويل چې په دغو خبروکې د دواړو هيواددونو امريکا او افغانستان دهيتونو ترمنځ د دوه اړخيزو امنيتي موافقه ليک دسنددموادو په باب خبرې کيږي .
ده وويل: افغاني هيئت په واشنګتن کې دافغانستان د سفير اکليل حکيمي په مشرۍ او امريکايي هيئت په بلغاريا کې دامريکا دپخواني سفير جيمو ايرليک په مشرۍ ګډون وکړي .
موسى زى وويل: دخبرو په هيئت کې دکوم کميسيون جوړلو په پام کې نه دى او هغه څه چې ملي شو را ته معلومات ورکړ شوي دي سم نه دي. ده دخبرو دهيئت په سرکې د اکليل حکيمي دټاکنې دليل به ده هيواد دجمهور رييس باور او دغه راز په ديپلوماتيکه برخه کې دتخصص، تجربې او څه دپاڅه شلو کلونو کاري سابقه او هغو موافقه ليکونو په باب دحکيمي پراخ معلومات وباله چې دامريکايي دنورو هيوادونو سره لاس ليک کړي دي او زياته يې کړ: اکليل حکيمي دهغو ګوتې په شمار ماهرانو له جملې څخه دى چې دنړۍ له ځينو هيوادونو سره دامريکا دمتحده ايالاتو دموافقه ليکونو دلاس ليک کولو په باب پراخ او نوې معلومات لري. موسى زى په دې خبري کنفرانس کې څرګنده کړه چې دمرکچي هيئت په ترکيب کې له ګمرکانو نيول، د دفاعي ،امنيتي او اقتصادي مرکزونو دبېلابېلو برخو ماهران غړيتوب لري.
ده وويل چې په دغو خبروکې دافغانستان مرکچې هيئت دملى ګټو ،دملي امنيت دساتنې له مخې او دافغانستان دخلکو دمهمو او اساسي هدفونو دتحقيق له مخې چې په هيواد کې دسولې تامينول او سراسري امنيت او ثبات دافغانستان دځوانې ډيموکراسي پياوړتيا او ساتنه او د افغانستان دامنيتي ظرفيتونو لوړول دي؛ عمل وکړي.
دبهرنيوچارو وزارت ويندوى په دې خبري غونډه کې دغه راز داسلامي همکاريو دسازمان دغړو هيوادونو دبهرنيوچارو د وزيرانو په شوراکې دګډون په خاطر په راتلونکې اوونۍ کې جيبوتي دافغانستان دبهرنيو چارو د وزير دسفر خبر ورکړ.
ده په افغانستان کې دپاکستاني طالبان د ډلې دمشرمولانا فضل الله شتون ردکړ او وې ويل: لکه څنګه چې دافغانستان دولت اجازه نه ورکوي ترورستي ډلې دافغانستان له خاورې څخه په استفادې سره دګاونډيو هيوادونو پرخلاف ترورستي بريدونه ترسره کړي؛ په همدې ډول دولت له ګاونډيو هيوادونو څخه هم دغه شان هيله لري چې تروريستانو ته اجازه ورنه کړي چې زموږ دخلکو او هيواد پرخلاف ترورستي او ورانکارو عملونو لاس پورې کړي.
ديادونې وړ ده چې ولسي جرګې په پروني غونډه کې دافغانستان دسفير په مشرۍ دامنيتي سند دموافقه ليک په باب دخبرو په پيل انتقاد وکړ او په دغو خبرو کې يې په سياسي او امنيتى مسلو د پوهو او غوره شخصيتونو دشموليت غوښتنه وکړ.
 

کابل  \باختردلړم دمياشتې ٢١ :
د روان کال په دريومياشتوکې د ١٣٩١ کال دهمدې مودې په پرتله   د وسله والو مخالفينو په بريدونو کې په سلو کې ١٣ کمښت راغلى دى.
دغه ټکې دملي دفاع وزارت ويندوى جنرال محمدظاهرعظيمي  باختراژانس ته څرگنده کړه او زياته يې کړه: دغه کمښت په داسې حال کې  چې د دښمن دکمزورې کېدو  او دامنيتي حالت دښه والې ښکارندوى ندي، په حقيقت کې دامنيتي ځواکونو په تېره بيا دافغانستان دملي اردو دځواکونو دمسلکي وړتيا اوځواکمني دلوړولوښکارندوى دى.
ده زياته کړه: په روان کال کې په سلوکې اتياعمليات دافغانستان دملي  اردو له خوا په مستقل ډول رهبري اواجراشوي دي او دغه راز دندې ته په پاملرنې سره چې په نږدې راتلوونکې کې د امنيتي مسووليتونو دليږدونې دريم پړاو پاى ته رسيږي؛ اوس دافغانستان په سلوکې اوياپه هغو سيمو کې شامليږي چې دمسوليتونو ليږدول ترسره شوې دي  او امنيت په نسبي ډول په دغو سيموکې دپخوا په پرتله ښه شوى دى.
جنرال عظيمي ټينګار کوي چې دملي دفاع وزارت دمشرتابه اوپه تيره بيا دملي دفاع د وزير ټولې هلې ځلې دمشرتابه دظرفيت دلوړولو  دملي  اردو دمنسوبينو دمسلکي زده کړو اودملي دفاع وزارت دظرفيتونو دلوړولو په خاطر متمرکز شوې دي.
 

Sunday, 11 November 2012 14:04

ډاکتر همرا ه معرفي شو

کابل  \باختردلړم دمياشتې ٢١ :
دشهيدانو،معلولينو کار اوټولنيزو چارو وزارت دکار د چارومعين ددغه وزارت کارکوونکو ته  ور وپيژندل شو.
دطبي علوموماستر پوهنيار ډاکترحسام الدين همراه دعلمي کادر په ساتنې سره چې دشهيدانو، معلولينو،کار اوټولنيزو چارو وزارت په وړانديز او د افغانستان داسلامي جمهوريت  دجمهور رييس حامدکرزي په منظوري؛ په دې وروستيو وختوکې ددغه وزارت دشهيدانو ، معلولينو کار او دټولنيزو چارو د وزيري آمنې افضلي له خوا ددغه وزارت کارکوونکو ته وروپيژندل شو.
دباختراژانس دخبرله مخې:  په هغې غونډه کې چې له همدې امله  جوړه شوې وه؛ دمهاجرينو د راستنولو دچارو او دلوړو زده کړو وزيرانو، په روغتيايي اوقومي چاروکې دجمهوري رياست سلاکارانو، دملي دفاع وزارت مرستيال،دلوى څارنوالي مرستيال ،دملي شورا يوشمېر غړو، د اداري اصلاحاتو اوملکي خدمتونو دخپلواک کميسيون رييس، د وسله والو ځواکونو جنرالانو او افسرانو اوديوشمېروزارتونو معينانو گډون کړي وو.
په دې غونډه کې له هغه وروسته چې دپوهنيار ډاکتر همراه دټاکنې حکم دچارو د اداري او د وزيرانو شورا د دارلانشا دلوى رياست دمرستيال له خوا ولوستل شو، آمنې افضلي هغه ددغه وزارت دکار دچارو دمعين په توګه معرفي کړ.
په دې غونډۀ کې ويناواولو دپوهنيار ډاکتر همراه دښه شخصيت يادونه وکړه .
پوهنيارډاکتر حسام الدين همراه په ملي شورا کې دخلکو د استازې  په بيړنۍ لويي جرګه او په دوديزه لويه جرګه کې فعال ګډون  درلود او دعامې روغتيا وزارت دمعين، دمالي او اداري رياست، دمعالجوي طب په  رياست کې يې کارکړى دى.
دى په اداري او مالي څانګه کې د ماليزيا له نړيوال پوهنتون څخه دماسترى سندلري او دجمهوري رياست څومډالونه او لومړي درجه ستاين  ليک يې هم ترلاسه کړى دى .