23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

کابل – باختر دلړم اووه ويشتمه:
د افغانستان دځوانانو دعالي شورى دريمې سترې غونډې ته دافغانستان داسلامي جمهوريت دجمهور رييس حامد کرزي پيغام!
خوشحاله يم چې داطلاعاتو او فرهنګ وزارت په نوښت، دافغانستان دټولو ځوانانو سراسري شورى فعاله ده او دخپلو نورو کارونو ترڅنګ ،دادې نن يې خپله دريمه ستره غونډه جوړه کړې ده.
د ډيرې خوښي او وياړ خبر ده چې زموږ دهيواد د وګړو زياته برخه ځوانان دي او دا زيات والې موږ اميدواره کوي چې افغانستان به د همدغو ځوانانو دمټو په زور پر ټولو موجودو مشکلاتو ډېر ژر بريالي شي او هيواد به د آبادۍ او ښيرازۍ پر لور چټک ګامونه پرمخ واخلي.
ځوانان په ټولو جوامعو کې دتحرک او فعاليت بهترينه او اساسي ترينه محرکه قوه ده، چېرې چې ځوانان ډير وي، هلته کار ،فعاليت او تحرک هم ډير وي.
زموږ د هيواد دا محرکه قوه دلوى خداى په فضل دغوړېدو او هڅېدو په حال کې ګړنډۍ پرمخ روانه ده او اميد دى چې د افغانستان دخلکو ټولې هيلې او آرزو ګانې به ډېر ژړ سمر ته ورسوي .
د اطلاعاتو او فرهنګ وزارت د ځوانانو معينيت دشاباسي وړ دي چې د افغانستان دځوانانو دعالي شورى دريمه ستره غونډ يې رابللې او زموږ دځوانانو نمايندګانو برخه پکې اخستې ده .
زه باور لرم چې په دې غونډکې به زموږ ځوانان دهيواد ډېرو مهمو مسلو او دځوانانو دپرمختګ په لاره کې دپرتو خنډونو او دحل لارو په باب ډېر ګټور بحثونه وکړي او له نتايجو به يې ټول هيواد وال خبر شي. ستاسو غونډه دې بريالي پاى ته ورسيږي او همت مو تل مل اوسه.
 

کابل – باختر دلړم اووه ويشتمه:
په نيمروز ولايت کې يوپنځه ويشت کلن ځوان د ناپيژندل شويو کسانو له خوا ووژل شو.
د نيمروز ولايت دملي امنيت د رياست يو خبرځاى باختر آژانس ته وويل : دغه ځوان خپل کور ته نږدې د دووتنو وسله والو موټر سايکل سپروله  خوا په ډزو سره ووژل شو.
دخبرځاى دڅرګندونو له مخې: تراوسه پورې د ده د وژل کېدو علت نه دى روښانه شوى او دپيښې عاملين له ساحې څخه په تيښتې بريالي شوي دي.
 

کابل – باختر دلړم اووه ويشتمه:
دننګرهار ولايت د امنيې قوماندانۍ دپوليسو منسوبينو پرون ددغه ولايت په مربوطاتو کې د ميزايلو دشپږو ماينونو په کشف اوترلاسه کولو بريالي شول.
دشمشاد د٢٠٢ ساحوي زون دقوماندانۍ مطبوعاتي دفتر باختر آژانس ته خبرورکړ: دغه ماينونه چې د وسله والو طالبانو له خوا دننګرهار ولايت د غني خيلو ولسوالۍ په مربوطاتوکې عيار شوى و؛ دپوليسو له خوا کشف او شنډ کړى شول.
ديوبل خبر له مخې: دملي پوليسو ځواکونو او د ايساف قوتونو تېره شپه په ګډو عملياتو کې پنځه کې پنځه تنه مشکوک کسان له دوو وسلو او يو لاسي بم سره ونيول .
 

نيويارک – باختر دلړم اووه ويشتمه:
دملګرو ملتو دسازمان سرمنشي ويندوى مارتين سيزکي دغزې په تړانکه کې دحالاتو د خرابوالې او دملکي وګړو د وژلو غندنې ته په اشارې سره؛ سيمې ته په راتلونکو ورځوکې دملګرو ملتو د سازمان دسرمنشي دسفر خبر ورکړ.
ددغه سفر هدف دغزې تړانکې د بحران د پراختيا مخنيوي بلل شوي دي. باختر آژانس د ايرنا دخبري سايت له خولې وويل: د ملګروملتو دسازمان دسرمنشي ويندوى پرون دغزه تړانکې دجګړې د دوام له امله د انديښنې په څرګندونو سره وويل: دملګرو ملتو دسازمان سرمنشي په راتلونکو ورځوکې سيمې ته سفروکړي چې دسيمې دهيوادونو له مشرانو سره د غزې دتاوتريخوالې دکمولو په باب خبرې اترې وکړي.
بان کي مون په دې سفر کې قاهرې رام الله او تل البيب ته لاړشي. ويندوى ټينګار وکړ چې دملګرو ملتو دسازمان سرمنشي په غزې تړانکه کې د تاوتريوالې له امله سخته انديښنه لري او غواړي چې ډواړه لورې ډير ژر جګړه پاى ته ورسوي.
د اسراييلو د هوايي او سمندري بريدونو له امله څه ناڅه پنځه ديرش تنه فلسطينيان شهيدان شوي دي او په سلګونو تنه نور ټپيان شوي دي.
 

اسلام آباد\ دي نيوز  \باختردلړم دمياشتې ٢٧ :
دپاکستان په جنوب لويديځ بلوچستان ايالت کې پرون د يوتن ځانمرګې بريدکوونکې دبريد له امله، څه ناڅه د دوو تنو امنيتي مامورينو په ګډون څلور تنه ووژل شول.
دچېن دسينهوا دخبري اژانس دخبرله مخې، دپاکستان په دولت پورې اړوند دمليشو دځواکونو قوماندان طلعت مسعود وويل: امنيتي مامورينو په يوه معمولي ګزمه کې يو مشکوک موټر دپلټنې په خاطر ودراوه چې ددغه موټر يوې سپرلۍ ځان وچاوه.
د دغي چاودنې له امله دوه تنه امنيتي مامورين ووژل شول. په دې بريد کې خپله ځانمرګې بريدکوونکى او د دغه مشکوک موټر يوه سپرلۍ هم وژل شوې ده .
 

Saturday, 17 November 2012 11:57

طالبانو ته د سر زيان واوښت

فيض آباد  \باختردلړم دمياشتې ٢٧ :
دبدخشان ولايت په وردوج ولسوالۍ کې د امنيتي ځواکونو اوطالبانو ترمنځ نښته کې طالبانو ته د سر زيان واوښت.
دبدخشان د امنيې قوماندانۍ سرپرست سخي داد حيدري باختراژانس ته وويل: دغو وسله والوطالبانو پرون مازيګر په  وردوج ولسوالۍ کې پر يوې امنيتي پوستې بريد وکړ، خو د دوى بريد په شاوتمبول شو.
ده زياته کړه چې په دې پيښه کې طالبانو ته درنده مرګ ژوبله اوښتې ده؛ خو دطالبانو دمرګ ژوبلې دقيق شمېر تراوسه پورې نه دې په ډاګه کړى.
حيدري زياته کړه چې په دغې پيښه کې دوه تنه پوليسان هم ټپيان شوي دي.
 

کابل  \باختردلړم دمياشتې ٢٧ :
په نورستان ولايت کې پرون ديو قوماندان له  خوا پنځلسو کورونو ته اور واچول شو.
دشمشاد  د٢٠٢ ساحوي زون دقوماندانۍ مطبوعاتي دفتر باختراژانس ته خبرورکړ: دکامديش ولسوالۍ د  کماري ګل دکلې يو شمېر اوسيدونکو کورونو ته د وسله والو طالبانو د يوقوماندان مولوي دوست محمدله خوا اور واچول شو.

په خبرکې ويل شوى دى چې يوسلو پنځوس څاروې هم د وسله والو طالبانو له خوا لوټ کړې شوي دي .

کابل – باختر دلړم اووه ويشتمه:
په غزني ولايت کې د ګازو د ډبې د چاودنې له امله اتلس تنه ښځې او ماشومان ټپيان شول.
ويل کيږي دغه پيښه پرون مازيګر د دغه ولايت په اندړو ولسوالۍ کې د واده په مراسموکې رامنځته شوې ده.
د اندړو ولسوال قاسم ديسي وال باختر آژانس ته وويل: دغه پيښه چې د اندړو ولسوالۍ په خوشحال سيمه کې وشوه؛ له امله يې اتلس تنه يې ښځې او ماشومان پکې ټپيان شول .
په همدې حال کې د اندړو ولسوالۍ د روغتون ډاکتران وايي: دڅلور و تنو ټپيانو حالت خراب دى او د درملنې لپاره د غزني ملکي روغتون ته ليږدول شوي دي.
 

کابل – باختر دلړم اووه ويشتمه:
دطالبانو د ډلې ديو قوماندان په ګډون، اته تنه وسله وال طالبان په لغمان ولايت کې له افغان پوځيانو سره په نښته کې ووژل شول.
دغه پيښه پرون د مهترلام ښارته څېرمه په ا بوزى سيمه کې هغه وخت رامنځته شوه چې يوې ډلې وسله والو طالبانو دلغمان ولايت د امنيې قوماندان په کاروان وسله وال بريد وکړ.
د لغمان ولايت امنيه قوماندان فضل احمد شيرزاد باختر آژانس ته وويل چې په دې څلور ساعته نښته کې د طالبانو د ډلې ديو قوماندان په ګډون ٨ تنه وسله  وال طالبان ووژل شول.
د شيرزاد د څرګندونو له مخې، په دې سخته نښته کې لس تنه نور وسله وال طالبان او دوه تنه پوليسان ټپيان شول.
د لغمان ولايت امنيه قوماندان تاييد کړه چې په دې پيښه کې د وسله والو طالبانو ديو قوماندان ملا الماس پلار هم نيول شوى دى.
ويل شوى دى چې دغه سړى هغه وخت ونيول شو چې پر افغان پوځيانو يې ډزې کولې.
د لغمان پر امنيه قوماندان د وسله والو طالبانو بريد په داسې وخت کې وشو چې دې د امنيې پوستو د جوړولو لپاره د مهترلام ښار د شاوخوا ساحو په څيړنې بوخت و.
 

کابل – باختر دلړم اووه ويشتمه:
دکابل ښار دفوټبال دغوره ليګ سياليو پرون مازيګر په دوو لوبو سره دوام وکړ.
دهيواد دفوټبال فدراسيون د رسنيو مسوول احمد شاه ساير باختر آژانس ته په لومړۍ لوبه کې چې يوه په زړه پورې او ګول لرونکې لوبه وه؛ د سولې ټيم دصفر په مقابل کې په پنځو سره دشعاع توحيد ټيم ته ماتې ورکړه او په بله لوبه کې دسنايي ټيم د صفر په مقابل کې په يوې سره د سباوون پرټيم بريالي شو.
دغه سيالۍ د نولسو غوره ټيمونو ترمنځ په کابل ښارکې پيل شوې دي چې تراوسه پورې د فيروزې ټيم يوڅلويښتو امتيازونو په لرلو سره د جدول په سره کې ځاى لري.