28 February 2020

RSS Facebook

سوداگریز


تازه خبرونه

پيغام

پيغام

کابل/ د کب ٨ مه/ باختر د ملي امنیتي ځواکونو د...

طالبانو په سرپل کې ملکي کسان آزاد کړل

طالبانو په سرپل کې ملکي کسان آزاد کړل

-کابل/ د کب ٨ مه/ باختر په سرپل ولايت کې ...

Youtube Player

khantry design

سوداگریز

سوداگریز

کابل_باختر د غبرګولي دمياشتې ٧:
د لاس انجلس ټایمز په یوه تازه مطلب کې لیکي چې د امریکا متحده ایالات باید د افغانستان د جمهوري ریاست  په راتلونکو انتخاباتو کې هڅه وکړي چې د خپلې خوښې وړ کاندید واک ته و رسوي.
د باخترآژانس د خبر له مخې:
د دغه مطلب لیکوال، مکس بات لیکي چې په کابل کې د امریکا سفیر او لوی پوځي قوماندان او هغه نور مهم امریکایي چارواکي چې له سپینې ماڼۍ سره له نږدې څخه په تماس کې دي باید هڅه وکړي چې د افغانستان د جمهوري ریاست په راتلونکو انتخاباتو کې د خپلې خوښې وړ کاندید بریالی او واک ته یې ورسوي.
دی، وایي چې امریکا کولای شي د سي آی اې له پیسو څخه په استفادې سره په انتخاباتوکې بدلون رامنځته کړي.
د لیکوال په باور که څه هم د دغې تګلارې پر وړاندې خنډونه او مخالفتونه هم شته او پخوا هم دا ډول هڅې ناکامې شوې دي.
ورځپاڼه زیاتوي چې  په ۲۰۰۹ میلادي کې د افغانستان د جمهوري ریاست په تېرو انتخاباتوکې د امریکا د پخوانى سفیر کارل ایکن بیري او د افغانستان لپاره د امریکا د ځانګړي استازى ریچارد هالبروک هغه هڅې چې د جمهوررئیس حامدکرزي په مقابل کې بل کاندید بریالی او واک ته ورسوي، ناکامې وې.
لیکوال پر دې باندې ټینګار کوي چې موږ باید خپلې تیرې تیروتنې بیا تکرار نه کړو، بلکې له خپلو تیرو تجربو څخه په استفادې سره په افغانستان کې د خپلې خوښې وړکاندید د واک ته رسولو لپاره سم او پرځای تصمیم ونیسو. #

کابل\  باخترد   جوزا  دمياشتې  ٧ :
دملي دفاع وزارت خبرتيا
دمرکز او ولايتونو د ژورناليزم ، ادبياتو او د کمپيوټر ساينس دپوهنځيو هغو فارغانو ته چې دملي دفاع وزارت د ټولنيز پارلماني او عامه اړيکو په رياست کې يې نومونه ليکلي دي؛ خبر ورکول کيږي چې دملي اردو دعامه چارو په څانګوکې د شموليت آزموينه د روان کال دغبرګولي د مياشتې په څوارلسمه نيټه د سه شنبې په ورځ اخيستل کيږي .
هغو کسانو چې نومونه يې ليکلي دي؛ د تابيعت له تذکرې او د فراغت له سندونوسره په ټاکلې ورځ د سهار په اوو بجو په پل سوخته کې د حربي ښوونځى قراول ته حاضرشي .

کابل\  باخترد    جوزا  دمياشتې  ٧ :
د اطلاعاتو اوفرهنګ وزير ډاکترسيدمخدوم رهين نن ددغه وزارت له فني هيئت سره دکابل  بالاحصار بېلابېلې برخې او د هغه ويجاړشوي ديوالونه وکتل.
دباخترآژانس دخبرله مخې :
  ډاکتر رهين دملي راډيوټلويزيون دخبريال د پوښتنې په ځواب کې دکابل بالاحصار د تاريخچې د بيانولو په ترڅ کې په پړاويز ډول دبالاحصار دبېلابېلو برخو د ترميمولو او بيارغاونې په باب ددغه وزارت تصميم بيان کړ او ددغه لرغونې کلا د ارزښت يادونه يې وکړه.

کابل\  باخترد   جوزا  دمياشتې  ٧ :
دخوشحال خان دليسو ورزشي ډګرونه نن د قومونو، قبايلو او د سرحدونو چارو  وزارت د سرپرست له  خوا پرانيستل شول.
دباخترآژانس دخبرله مخې :
دغه ورزشي ډګرونه دامريکا دسفارت په مرسته د يوسلو شپږپنځوسوزرو امريکايي ډالرو په لګښت جوړشوي دي.
دسرحدونو ، قومونو او قبايلو دچارو وزارت سرپرست  عبدالمالک صديقي  ددغو ورزشي ډګرونو د پرانيستلو په وخت کې د امريکا دسفارت دمرستو له امله مننه وکړه او ددغو ليسو له زده کوونکو څخه يې وغوښتل چې په ورزش سره خپله روغتيا تضمين کړي  اوپه پرله پسې زده کړې سره دخپلې پوهې کچه لوړه کړي .
په دې غونډۀ کې د ورزشکارانو د اتحاديې رييس احمدضيا دشتي هم د موضوع په باب خبرې وکړې .

کابل\  باخترد   جوزا  دمياشتې  ٧ :
دکليو د بيا جوړولو او پراختيا وزير د طبيعي پيښو له امله د رامنځته شويو ستونزو سره د مقابلې او د طبيعي پيښو له امله  په خپل وخت له زيانمنو شويو کسانو سره دمرستې په مقصد نن په کابل کې  له اړوندو کورنيو او بهرنيو مرکزونو له مسوولينو سره کاري غونډه وکړه .
باخترآژانس دکليو دبيا جوړولو او پراختيا وزارت دمطبوعاتي له خولې خبر راکړ: 
دکليو د بيا جوړولو او پراختيا وزير ويس احمد برمک په دې غونډه کې اړوندو کورنيو موسسو ته له طبيعي پيښو سره دمقابلې او د خطرونو دکمښت په باب معلومات ورکړل اوپه دې لاره کې يې د همغږۍ کار او د نړيوالو سازمانونو د مرستو د زياتوالى غوښتنه وکړه .

کابل\باختر\ دجوزا٧
دقندهار ولايت د ارغستان ولسوالۍ د يوې امنيتي پوستې اووه تنه پوليسان دخپلو دوو تنو ميلمنو له خوا شهيدان شول.
د ارغستان ولسوال حاجي عبدالغني مسلميار باخترآژانس ته وويل: دغه پيښه تيره شپه د ارغستان ولسوالۍ د توري کاريز په امنيتي پوسته کې هغه وخت وشوه چې دپو ستې قوماندان دوه تنه ميلمانه له ځان سره را وستل چې دشپې له خوا د ميلمنو او پوليسو ترمنځ شخړه وشوه او ميلمنو د پوليسو له وسلې څخه په استفادې سره ډزې وکړې چې له امله يې اووه تنه پوليسان شهيدان شول او يو تن بل ټپي شو.
دقندهار  د والي ويندوى جاويدفيصل دغه پيښه تا ئيدکړه خو د سر د زيان په باب يې معلومات ور نه کړل.

کابل- باختر د جوزا دمياشتې ٧:
د کاپیسا ولایت د تګاب ولسوالۍ یو شمېر مشرانو د افغانستان د اسلامي جمهوریت له جمهوررئیس حامدکرزي سره په کتنه کې په دغې ولسوالۍ کې د بهرنیو ځواکونو له خوا د شپنیو عملیاتو د بندیدو غوښتنه وکړه.
د جمهور رييس د ويندوى مطبوعاتي دفترباخترآژانس ته خبرورکړ:
په دې کتنه کې چې نن غرمه په ارګ کې ترسره شوه، مسکین یار او د کاپیسا ولایت د ولایتي شورا رئیس حسین سنجري د نورو په استازیتوب خبرې وکړې، وې ویل چې په دوامداره توګه د بهرنیو ځواکونو له خوا د تګاب ولسوالۍ د بې ګناه اوسیدونکو پر کورونو باندې د شپې له خوا چاپې اچول کیږي چې له امله یې ګڼ شمېر بې ګناه خلک وژل کیږي.
دوی د هېواد له جمهوررئیس څخه وغوښتل چې د بهرنیو ځواکونو له خوا دې د دغې ولسوالۍ د خلکو پر کورونو باندې چاپو اچولو ته د پای ټکی کیښودل شي.
د تګاب مشرانو زیاته کړه که چیرې زموږ پر ولسوالۍ باندې د بهرنیانو چاپې بندې شي، موږ به د امنیت په ټینګښت کې له امنیتي ځواکونو سره خپله همکاري لا زیاته کړو.
حامدکرزي د تګاب د مشرانو د خبرو له اوریدو وروسته وویل: " د شپې عملیات په افغانستان کې د یولوی ناورین سبب شوي دي او زما او د بهرنیانو ترمنځ شخړه هم د دغو عملیاتو او د ملکي تلفاتو پر سر رامنځته شوه.   "
د هېواد جمهوررئیس دوی ته ډاډ ورکړ لکه څنګه چې د هېواد په نورو سیموکې د شپنيو عملیاتو په بند ولوکې ښه والى راغلی دی، په همدې ډول به د تګاب په ولسوالۍ کې هم د دغو عملیاتو په بندولوکې جدي اقدامات وکړي.
حامدکرزي په تګاب کې ناامنیو ته د اشارې په ترڅ کې وویل چې په هېوادکې د امن ټینګښت هم د دولت او هم د ملت مسوولیت دی، له دې امله هڅه وکړی چې د هېواد له امنیتي ځواکونو سره په همکارۍ کې په خپله سیمه کې د ناامنۍ عوامل له منځه یوسۍ.

کابل\باختر\ دجوزا٧

دافغانستان د اسلامي جمهوريت د جمهور رييس حامدکرزي په مشرۍ د اقتصادي عالي شورا د روان کال لومړۍ غونډه نن له غرمې مخکې د جمهوري رياست د ارګ دګلخانې په ماڼۍ کې جوړه شوه.

دچارو د ادارې او د وزيرانو شورا ددارالانشا لوى رياست باخترآژانس ته خبر ورکړ:

 له اجندا سره سم د افغانستان بانک لوى رييس د ارزښتناکو پاڼو دثانوي بازار رواجول او د اسهامو د بازار جوړول دپولي سياست دتطبيق اود افغانۍ پيسو د ثبات د تامينولو په لاره کې د مناسب بديل په توګه اقتصادي عالي شوراته پيشنهادکړل.

اقتصادي عالي شورا له هراړخيزو خبرو وروسته د سودا ګرۍ او صنايعو د وزير په مشرۍ او د افغانستان بانک دلوى رييس په معاونيت او د ماليې د وزير، د ليږدونې د بهير دکميسيون د رييس ډاکتر اشرف غني احمدزي دافغاني سو دا ګرو اوصنايعود خونو د عامل رييس اود کابل پوهنتون د اقتصاد دپوهنځي د استاد پوهندوى حميدالله نورعباد په غړيتوب يوکميسيون موظف کړ چې په دې اړوند او دسيمې د هيوادونو د اقتصادي حالت دڅيړنې په باب يو بشپړ پروګرام، قانوني چوکاټ، د اسهامو د تثبيت ميکانيزم او په دې اړوند نورموارد په هراړخيزه توګه د دوو اوونيو په دننه کې برابر او اقتصادي عالي شورا ته يې وړاندې کړې.

 وروسته اقتصادي عالي شورا د افغانستان د اقتصادي ودې د ښه والى او دوام په باب هراړخيزې خبرې وکړې ، عالي شورا په دې لاره کې خپله طرحه اوپيشنهادونه وړاندې کړل.

اقتصادي عالي شورا د ماليې وزير او د ملي امنيت مشاوريت موظف کړل چې دافغانستان د اقتصادي ودې دوام دې په هراړخيزه توګه د هيواد د وارداتو اوصادراتو دکچې په پام کې نيولو سره ، له بهرنيو هيوادونو سره د بانکي اړيکو ښه والى په هراړخيزه توګه مطالعه کړي او يوه بشپړه طرحه دې برابره اود اقتصادي عالي شورا را تلوونکو غونډو ته يې وړ اندې کړي.

وروسته د افغانستان د سوداګرۍ اوصنايعو د خونو عامل رييس دخصوصي تاسيساتو د محافظت او د لويو لارو په تګلوري کې د ملي سوداګرو د اکمالاتي کتارونو د بدرګې په اړوند دکورنيو چارو وزارت دعامه محافظت د رياست دګزافې لايحې په باب غونډې ته رپوټ وړاندې کړ اوڅرګنده يې کړه چې د کورنيو چارو وزارت د عامه محافظت د معينيت او د امنيتي تصدۍ د خدمتونو د اخيستلو فيس، دخصوصي امنيتي کمپنيو په تناسب ډير لوړ دي چې په يو وخت کې دسازمان ورکولو دخدمتونو وړاندې کول او د هغوى انتظام په اکمالاتي کتارونوکې په ډيره ټيټه کچه کې دي چې د امنيتي خد متونو د لوړې بيې ورکول له يوې خوا د خصوصي متشبثينو په برخه کې د اقتصادي فشار سبب کيږي او له بله پلوه يي د  وارداتي مالونو د بيې په زياتوالى باندي مستقيمه اغيزه کړې ده.

اقتصادي عالي شورا، د ملي امنيت سلاکار موظف کړ چې د کورنيو چارو وزارت د عامه محافظت د معينيت او د امنيتي تصدۍ د امنيتي خدمتونو د وړاندې کولو لايحه په هراړخيزه توګه دمناسبې بيې اود هغوى دښو خدمتونو د وړاندې کولو په پام کې نيولو سره په جدي اوهراړخيزه توګه بيا وڅيړي او د نتيجې په باب دې د ملي امنيت د شورا را تلوونکي غونډې ته رپوټ وړاندې کړي. 

کابل\  باخترد   جوزا  دمياشتې  ٧ :
طالبانو پرون په  جوزجان ولايت کې د يو سرښوونکي سرغوڅ کړ.
طالبانو د قوش تيپې ولسوالۍ د قراول تيپي دمنځني ښوونځى د سرښوونکي سر غوڅ کړ.
د قوش تيپې ولسوال امين الله باخترآژانس ته وويل چې دقراول تيپې د منځني ښوونځي سرښوونکي رام الله خداى نور  دطالبانو له خوا له کور څخه وايستل شو او تاش کوتلي په ساحه کې يې سرغوڅ  شو.
دخبرځاى دڅرگندونوله مخې: تراوسه پورې څوک په دې تور نه دى نيول شوى او دعاملينو دموندلو لپاره پلټنې پيل شوې دي.
ويل کيږي رام الله خداى نور  سربيره پردې چې دښوونځي سرښوونکي و دقوش تيپې ولسوالۍ دپيوستون د شورا مسودليت يې  هم په غاړه درلود.

کراچې \ ډي ډان  \  باخترد   جوزا  دمياشتې  ٧ :
يومدافع وکيل نن له دوو زامنوسره يې دپاکستان په  کراچي ښارکې ووژل شو.
باخترآژانس دپاکستان د ډي ډان ورځپاڼې له خولې خبر راکړ :
وسله والوکسانو نن سهار ديو مدافع وکيل کوهسار ثقلين او دهغه دوه زامنو دسپرلۍ په موټر دکراچي ښار په  مريپور په واټ کې  ډزې وکړې چې له امله يې هغوى ووژل شول .
دغه وکيل خپل زامن ښوونځي ته ليږدول.
په همدې حال کې دکراچې ښار دمحکمې قاضيانو ددغه وکيل د وژل کيدو پرخلاف د اعتراض په توګه اعتصاب وکړ او د دغې پيښې دعاملينو دمحاکمه کولو غوښتنه يې وکړه .