25 January 2020

RSS Facebook

سوداگریز


تازه خبرونه

دبغلان ديني عالمانو دسولې ملاتړوکړ .

کابل / دليندي ٥مه / باختر : په لسګونو ديني عالمانو...

په تخار کې ١٥٧ پروژې عملي شوي دي .

کابل / دليندي ٥مه / باختر : دتخار دکليو دبيا رغاونې...

دسالنګونو لاره دترافيکو پرمخ پرانستې ده .

کابل / دليندي ٥مه / باختر : دسالنګونومسوولان وايي چې ...

Youtube Player

khantry design

سوداگریز

سوداگریز

واشنګتن _ باختر دثور دريمه :
امريکايي مقاماتو پرون ددغه هيواد دبوستون  ښار دبمي بريد په مشکوک په رسمي ډول د ډله ئيزې وژنې دوسلو دکارولو تور ولګاوه .  داسې  تور چې دمحکوميت په صورت کې  کيداي شي  داعدام مجازات له ځان سره ولري.
دبوستون په ماراتون کې دتيرې اوونۍ د دوشنبې دورځې بمي بريد درې تنه ووژل اوڅه دپاسه يو سلو اويا تنه يې ټپيان کړل .
په نولس کلن جوهر سارنايف په داسې حال کې چې په روغتون کې بستر و ددغه زړه بوږ نوونکي جنايت تور ولګول شو .
امريکايي مقامات دغه راز دجوهر او دهغه له مشر ورور په واسطه دماراتون په ښکتنۍ  کرښه کې ددووبمونو دکارولو دانکيزې  دموندلو په لټه کې دي .
  دجوهر مشر ورورتيمور لنګ  دتيرې جمعې د ورځې په وسله والو نښتو کې ووژل شو .
دامريکا دعدليې وزير اريک هولور وويل ، په دې اړوند څيړنې هماغه  شان دوام لري  .
په همدې  حال کې ددغه جنايت يوازنى تورن چې کله ناکله بې هوښه کيږي ، د امنيتي  مامورينو تر سخت نظر لاندې دى اوخبرې  نشي کولاى .
  دى په غاړه کې ټپي دى او لاتراوسه پورې معلومه نه ده چې  دده ټپونه دپوليسو د ډزو زيږنده دي اويا دځانمرګي بريد .
په رارسيدلو خبرونوکې ويل شوي دي چې جوهر پوښتنې په ليکلي ډول ځوابوي .
  بوستون دامريکا په شمال ختيځ کې يو مهم ښار دى .

کابل_ باختر دثور دريمه :
دبدخشان ولايت دکشم ولسوالۍ  دامنيت آمر پرون مازيګر دوسله والو طالبانو دبريد له امله ټپي شو .
  دبدخشان ولايت دملي امنيت  درياست يو خبرځاى باختراژانس ته وويل  دبدخشان ولايت  دکشم ولسوالۍ  دامنيت په آمر محبوب الله هغه  وخت دوسله والو طالبانو  له خوابريد وشو چې  دکار له سيمې څخه خپل کورته روان و .
دبدخشان دولايتي روغتون يو مسوول وويل ، دمحبوب الله روغتيايي حالت مخ په ښه والى دى .

کابل_ باختر دثور دريمه :
دکونړولايت ددانګام ولسوالۍ تيره شپه هم دپاکستاني پوځيانو دتوغنديو دلګيدو ډګر و خو ويل کيږي چې دغو بريدونو دسرزيان يې نه دى اړولى .
  دکونړ والي  سيد فضل الله واحدي باختراژانس ته وويل، دغه بريدونه تيرماښام پيل شول او تر نيمې شپې پورې يې دوام وکړ .
په دغو راکټي بريدونوکې ددانګام ولسوالۍ په ځينوسيمو توغندي ولګيدل چې دسيمې خلکو ته يې مالي زيان اړولى دى . 
په داسې حال کې  چې دافغانستان په ختيځو سيمو دپاکستاني پوځيانو دراکټي بريدونو له پيل  څخه  يو کال  تيريږي دکونړ ولايت سيمه ئيز مقامات وايي چې دغو بريدونوديوې مياشتې په بهير کې زور اخستى دى .
دکونړ والي وايي چې دتيرې يوې مياشتې په بهير کې يواځې په دغه ولايت دپاکستاني پوځيانو له خوا سل توغندي توغول شوي دي .
  دغه بريدونه دکونړ ولايت په مرورې  ولسوالۍ  کې ملګي وګړو ته دسرزيان  اړولى دى او دنورستان ولايت هم په دې موده کې  دپاکستاني پوځيانو له خوا دلسګونو توغنديو دلګيدو ډګر دى .
دوړاندى شويو شميرنوله مخې، ديوکال په بهير کې  دپاکستاني پوځيانو دراکټي بريدونو له پيل څخه دافغانستان ختيځ دڅه ناڅه اوه زره توغنديو دلګيدو ډګر وو.

کابل_ باختر دثور دريمه :
په هلمند ولايت  کې دوه تنه پوليسان له طالبانو سره په نښته کې شهيدان شول .
په دې نښته کې  يو وسله وال  طالب هم وژل شوى دى  .
  دهلمند دوالي ويندوى محمد عمرځواک باختراژانس ته وويل، طالبانو پرون مازيګر دپوليسوپه  ځواکونو چې دخانشين ولسوالۍ په زير اباد سيمه کې په ګزمې بوخت و ، بريد وکړ چې له امله يې دوه تنه پوليسان شهيدان شول .
دخبرځاى دڅرګندونو له مخې، دپوليسو دځواکونو په متقابلو ډزو کې يو وسله وال طالب هم وژل شوى  اونور طالبان له ساحې څخه وتښتيدل .

کابل_ باختر دثور دريمه :
دفارياب ولايت دپښتون کوټ ولسوالۍ څارنوال نن سهار له خپلې ميرمنې او دريو تنو ساتوونکو سره يې دناپيژل شويو وسله والو کسانو له خوا ووژل شو .
  دفارياب ولايت دپښتون کوټ ولسوال عبدالقدير قادري  باختراژانس ته وويل  دپښتون کوټ په څارنوال ارسلان کله چې له کور څخه دخپل کار ځاى ته  روان و دناپيژندل شويووسله والوکسانو له خوا بريد وشو چې دى له خپلې ميرمنې او ديوساتونکو سره يې ووژل شو او يو ساتوونکي يې ټپي شو .
قادري زياته کړه: دپيښې په اړوندڅوک نه دى نيول شوى او بريد کوونکي له ساحې څخه تښتيدلي دي .
ويل کيږي چې دپښتون کوټ ولسوالۍ دميمنې  ښار په اووه کيلو متري واټن کې پرته ده اوپه وار وار ملکي وګړي پکې وژل شوي دي .

کابل_ باختر دثور دريمه :
دکورنيو چارو وزارت خبرځايونه وايي پنځه تنه وسله وال طالبان له امنيتي ځواکونو سره دنښتې له امله ووژل شول .
دکورنيو چارو وزارت مطبوعاتي دفتر باختراژانس ته خبر ورکړ ، افغان امنيتي ځواکونو په تيرو څليرويشتو ساعتو کې دلغمان ، بدخشان ، زابل ، ارزګان او دغزني دولايتونو په مربوطاتو کې چاڼيز عمليات ترسره کړل چې له امله يې  پنځه تنه وسله وال طالبان ووژل شول او دوه تنه طالبان ټپيان شول .
ويل کيږي چې ددغوعملياتو په بهير کې څلور پنځوس ډول ډول ماينونه ، يو زرو اووه  پنځوس کيلوګرامه  امونيم  نايتريت چې دبمونو په جوړولو کې کارول کيږي ، درې تومانچې اونور پوځي تجهيزات هم ترلاسه شوي دي .
ديوبل خبر له مخې دوسايطو ضد دوه ماينونه چې نوى  دوسله والو مخالفينو له خوا دهلمند ولايت دګرشک  ولسوالۍ په مربوطاتو کې دتروريستي فعاليتونو په مقصد ښخ کړي شوي وو دپوليسو له خوا کشف او شنډ کړي شول .

کابل -باختر  د ثور د مياشتې ٣:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب په دې ډول اټکل کړى دى:
کابل- آسمان اورښت ،  د تودوخې لوړه درجه ١٧، ټيټه ٥
هرات- آسمان اورښت ، د تودوخې لوړه درجه ٢٦،  ټيټه ١٣
جلال آباد- آسمان اورښت ، د تودوخې لوړه درجه ٢٧، ټيټه ١٥
قندهار- آسمان اورښت ، د تودوخې لوړه ٢٦٠ ، ټيټه ١٤
مزارشريف- آسمان اورښت  ، د تودوخې لوړه  ٣٠، ټيټه ١٣
کندز- آسمان اورښت ، د تودوخې  لوړه درجه ٣٠، ټيټه ١٥
غزني- آسمان اورښت ، د تودوخې لوړه درجه ١٥ ، ټيټه ٥
باميان- آسمان اورښت ، د تودوخې لوړه درجه ١٤ ، ټيټه ٤
فيض آباد- اسمان اورښت، د تودوخې لوړه درجه ١٨، ټيټه  ٤
شمالي سالنګ- آسمان اورښت ، دتودوخې لوړه درجه٤ ، ټيټه منفي١
جنوبي سالنګ- آسمان اورښت ، د تودوخې لوړه درجه ٦ ، ټيټه صفر
  شبرغان - آسمان اورښت، د تودوخې لوړه درجه ٣٢ ، ټيټه ١٦
فراه- آسمان ځاى ځاى وريځ ، د تودوخې لوړه درجه ٢٧ ټيټه ١٧
خوست- آسمان اورښت ، د تودوخې لوړه درجه ١٨، ټيټه ١١
ميمنه- آسمان اورښت ، د تودوخې لوړه درجه  ٢٥ ، ټيټه ٨
لښکرګاه- آسمان اورښت ، د تودوخې لوړه درجه ٢٨ ، ټيټه ١٥
په کابل کې به سبا لمرپه ٥ بجو او ١٢ دقيقووخيژي او د مازيګر په ٦بجو او٣١دقيقو ولويږي .

Tuesday, 23 April 2013 09:18

د اسعارو بيه:

کابل\باختر\د غويي د مياشتې ٣:
دکابل دشهزاده سراى دصرافانو د رييس  دمعلوماتو له مخې، نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په  54/85  افغانيو پلورل په  54/90افغانيو
يوانګليسي پونډ پيرودل په   82 /20افغانيو پلورل په   82 /30افغانيو
داماراتو يو درهم پيرودل په 80/ 14 افغانيو پلورپه 85 / 14 افغانيو
يوه يورو  پيرودل په 10 71/ افغانيو پلورل په   71 /20  افغانيو
يوسعودي ريال پيرودل په  45 14/پلورل  14/50 افغانيو
زرهندي کلدارې پيرودل په 1010 افغانيو پلورل په 1020 افغانيو
زرپاکستاني کلدارې پيرودل په  550افغانيو پلورل په  551 افغانيو
زر ايراني تو مان پيرودل په 15/40  افغانيو پلورل په  15/50 افغانيو.

کابل_ باختر د ثور دمياشتې دريمه :
د افغانستان د اسلامي جمهوریت جمهوررئیس حامد کرزی، د افغانستان، پاکستان او امریکا ترمنځ په درې اړخیزه ګډه غونډه کې د ګډون په مقصد، نن له غرمې مخکې د یو جګپوړې دولتي هيئت په مشرۍ  د بلجیم هېواد ته روان شو.
دجمهوري رياست مطبوعاتي دفترباخترآژانس ته خبرورکړ:
د بروکسل په درې اړخیزه غونډه کې به د افغانستان او پاکستان ترمنځ د اړیکو، د سولې د بهیر، د افغانستان او پاکستان ترمنځ په اړیکو کې د وروستیو رامنځته شویو ستونزو او له دې جملې څخه د ننګرهار ولایت د ګوشتې په ولسوالۍ کې د ډیورند د ګرښې په اوږدوکې د پاکستان د اردو له خوا د سرحدي دروازې د جوړیدو پر څرنګوالي بحث او خبرې اترې وشي.
له حامدکرزي سره په دې سفرکې د بهرنیو چارو وزیر ډاکتر زلمی رسول، د ملي دفاع وزیر ستر جنرال بسم الله محمدي، د ملي امنیت سلاکار ډاکتر رنګین دادفر سپنتا، د جمهوري ریاست د عالي مقام د دفتر رئیس عبدالکریم خرم او د جمهور رئیس ویاند ایمل فیضي ملګرتیا کوي.

Tuesday, 23 April 2013 09:17

تبصره:

کابل_ باختر د ثور دمياشتې دريمه :
چين د نړۍ د يو پياوړي اقتصادي هيواد او په سيمه کې د اغيزمن هيواد په توګه کولاى شي په سولې د لاس بري په لاره کې له افغانانو سره مرسته وکړي او د سيمه ييزو همکاريو او همغږۍ د پراختيا سبب شي.
دباخترآژانس مبصر ليکي: دافغانستان په ختيځ کې دچين هيواد لوړه اقتصادي وده لري او په نړۍکې په يوه اقتصادي قدرت د بدليدو په حال کې دى. له افغانستان سره ددغه هيواد اړيکې لرغوني او تاريخي دي چې پيړيوپيړيوته ستنيږي.
دافغانستان داسلامي  جمهوريت جمهور رييس  حامدکرزى په دې وروستيو وختو کې دچين د ولسي جمهوريت له ټلويزيوني شبکې سره يوه مرکه کړې ده .
حامدکرزى په دې مرکه کې په دې ټکي باندي ټينګار وکړ چې چين د افغانستان د ګاونډي او د نړۍ د يوسترقدرت په توګه په افغانستان کې دسولې دبهير په ګړندي  کولو او ملاتړکې ستر رول ولوبوي .
دغه راز حامدکرزى نه يواځې په افغانستان کې د حالاتو په ښه والي، بلکې په سيمه ييزو پرمختياوکې د سيمې د دريو سترو هيوادونو رول اغيزمن بللى دى او د سيمه ئيزو شخړوپه حل کولو کې يې ددغه هيواد د زياتې ونډې غوښتنه کړې ده .
دجمهور رييس کرزي څرګندونې په داسې حال کې کيږي چې افغانستان په څه د پاسه دريو لسيزوکې هغه ستونزې او ناامنۍ چې زياتره يې بهرني اړخ  لري،کړيږي. خو تيرو لسوکلونو ښه زمينه او فرصت برابرکړ چې نړيواله ټولنه په افغانستان کې حالات له نږدې وڅاري او د نړۍ بېلابېل هيوادونه زموږ د هيواد په وړاندې خپل دريځ او غبرګون وښيي. په دې موده کې چين په افغانستان کې د يو ډير ستر بهرني پانګه وال په توګه څرګندشو .
دغه راز دغه هيواد د روغتيا او تکنالوژى د برخو په ګډون، په نورو برخوکې له افغانستان سره همکاري کوي او له چين سره د سوداګرۍ کچه هم ارزښتناکه او د پراختيا په حال کې ده .
ددغو مسئلو ترڅنګ چين په نړيوالواو سيمه ييزو اړيکوکې اغيزمن رول لري. دغه هيواد د شانګهاى د همکاريو د سازمان د بنسټ ايښودونکو هيوادونو له جملې څخه دى اوله پاکستان سره نږدې اړيکې لري. په داسې حال کې  چې د افغانستان او پاکستان اړيکې خپلې لوړې او ژورې لري او له پخوا زمانو راپدې خوا بې باوريو دکابل _ اسلام آباد په اړيکو سيورى کړى دى.
چين کولاى شي دافغانستان او پاکستان د دوست او باور وړ هيواد په توګه څرګند شي او هغه عوامل چې ددغو دواړو هيوادونو د اړيکو د خړپړتيا سبب شوي دي او کيږي، لرې کړي او د متقابل  درک او د سيمه ييزو هکاريو او همغږۍ لپاره فضا مساعده کړي .
افغانستان هغه هيواد چې د تروريستي فعاليتونو، بهرنيو لاس وهنواو د سيمه ييزوسياليو له امله يې زيات کړاونه زغملي دي؛ ددغه شان کرغيړنوعواملوپه له منځه وړلو کې د چين په رول باندې حساب کوي .
دافغانستان خلک لکه څنګه چې جمهور رييس کرزي ويلي دي؛ هيله لري چې په سيمه کې دافغانستان جيوپولتيک موقعيت دافغانستان او دسيمې دخلکو ترمنځ د ژوندانه د ښه والى لپاره عامل وګرځي او چين کولاى شي ددغه موقعيت د ټينګښت لپاره ښه محرک وي .