20 January 2020

RSS Facebook

سوداگریز


تازه خبرونه

په هرات کې دوه تنه د سندونو د جعل کولو په تور ونيول شول

په هرات کې دوه تنه د سندونو د جعل کولو په تور ونيول شول

کابل / دمرغومي ٣٠مه / باختر د ملي امنيت کار کوونکو...

د ننګرهار په شېرزادوکې د پوځي قرارګاوې جوړول دوام لري

د ننګرهار په شېرزادوکې د پوځي قرارګاوې جوړول دوام لري

کابل / دمرغومي ٣٠مه / باختر په داسې حال کې چې...

د هرات پوهنتون د علمي کچې د لوړولو لپاره هڅې

د هرات پوهنتون د علمي کچې د لوړولو لپاره هڅې

کابل / دمرغومي ٣٠مه / باختر د هرات پوهنتون د محصلانو...

Youtube Player

khantry design

سوداگریز

سوداگریز

اسلام اباد\ نړيوالي خبري منابع \  باخترد وري  دمياشتې  ٢٩ :
دپاکستان سترې محکمې نن  په پاکستان کې په ٢٠٠٧ ميلادي کال د بيړنۍ حالت په اړوند د غيرقانوني فرمان د صادرولو په جرم ددغه هيواد د پخوانى جمهور رييس  پرويز مشرف د نيولو لارښوونه صادره کړه.
باخترآژانس د نړيوالوخبرځايونو له خولې خبر راکړ: مشرف چې نن په اسلام آباد کې د سترې محکمې غونډې ته حاضر شوى و اوغوښتل يې چې آزادي يې د وثيقې له مخې تمديد شي؛ په دې محکمه کې د خپلې دوسيې دقاضي له خوا دخپل د نيولو له حکم سره مخامخ شو.
د پاکستان پخوانى جمهور رييس په ٢٠٠٧ کال کې ددغه هيواد د سترې محکمې  دجګپوړو قاضيانو فعاليتونه پنځه نيمې مياشتې تعليق او د هغوى دکورنۍ بند او په هيوادکې د بيړنۍ حالت اعلام يې صادر او دغه رازپه څرګند ډول يې دپاکستان اساسي قانون نقض کړى و.
تيرکال هم دپاکستان سترې محکمې د يوحکم په صادرولو سره د پرويزمشرف  د نيولوفرمان صادرکړ.
د همدې خبرله مخې: د اسلام آباد دمحکمې رييس قاضي شوکر عزيزصديقي د مشرف د وثيقې قرار چې پخوا د همدې محمکمې له خوا ده ته صادرشوى و، لغوه کړ او د هغه د نيولو حکم يې صادرکړ.
په همدې حال کې دپاکستان سميه ييزو رسنيو خبرورکړ: مشرف بريالى شو د هغه د نيولو د حکم له اجراکوونکومخکې له خپل ساتوونکي سره له محکمې څخه ووځي .
په  همدې حال کې د محکمې د حکم د اجرا کولو او د مشرف دسملاسي نيولو لپاره د اسلام آباد د پوليسو له خوا هيڅ غبرګون نه دى ليدل شوى .
مشرف کولاى شي د محکمې د لارښوونکى د حکم پرخلاف د نوى نظرغوښتنه وکړي.
دپاکستان پخوانى جمهور رييس او ددغه هيواد د اردو پخوانى قوماندان چې په دې ورځوکې ددغه هيواد د اساسي قانون د نقضولو له قضايي تور سره مخامخ دي؛ پخوا ويلي وې، په محکمه  کې د ځان د دفاع او آن جيل ته د تلو لپاره  چمتو دي .
مشرف له خبريالانو سره په خبروکې له ١٩٩٩ څخه تر ٢٠٠٨ کال پورې په پاکستان کې دخپل دولت د اجرايي سياستونوڅخه  ددفاع په ترڅ کې زياته کړه چې دپاکستان د جمهور رييس په توګه دخپلې تصدي په وخت کې کومه تېر وتنه نه ده کړي .
د پاکستان پخوانى جمهور رييس په خپله خوښه د تبعيد څوکلونه په دوبى اولندن کې تيرکړ اوسږکال پاکستان ته ستون شو.
په پاکستان کې بېلابېلومحکموپه مشرف باندې دپاکستان دپخوانۍ صدراعظمې بيظيربوټو د ترور او د بلوچستان ايالت د قبايلي رييس نواب اکبربګتي د وژلو تورلګولي دي.
مشرف په ١٩٩٩کال کې د وخت دصدراعظم او دنواز څانګې دمسلم ليک دګوند او د اوسنى مشر نوازشريف دوست د پوځي کودتا له لارې راوپرځاوه او د واک په ګدۍ کښيناست.
مشرف د ١٣٨٧ کال د زمري په مياشت کې د ملي پارلمان له خوا د استيضاح د مخنيوي لپاره له خپلې دندې څخه استعفا وکړه.
مشرف له څلوروناحيوڅخه ځان پارلماني انتخاباتوته کانديدکړى و، خو ددغو څلورو ناحيو له مسوولينو له خوا د مشرف کانديدى رد شو او نه شي کولاى  د روان کال دمارچ دمياشتې د٢١ نيټې په انتخاباتوکې ګډون وکړي.

قاهره \  نړيوالي خبري منابع \  باخترد وري  دمياشتې  ٢٩ :
د مصر جمهور رييس محمدمرسي نن له روسي مقاماتو سره دخبرو لپاره د تور سمندر په ساحل کې د سوجي بندري ښارته ورسيد.
د همدې خبرله مخې: د روسيې جمهور رييس ولاديمير پوتين به سبا له خپل مصري سيال مرسي سره خبرې وکړي .
پوتين او مرسي به ددغې کتنې په بهيرکې د اقتصادي او سوداګرۍ، ګرځندوى اوعلمي همکاريو د دوه اړخيزو موضوعګانوپه باب خبرې وکړي.
د منځنى ختيځ د سولې موضوع او له دغې سيمې څخه د اټومي وسلو د ايستلو په باب د ترسره شويو هلوځلو، د سوريې د بحران او دليبيا مسئله به هغه موضوعګانې  دي چې د مصراو روسيې جمهور رييسان به ورباندې خبرې وکړي.
دمصر او روسيې اړيکې په دې وروستيو کلونو کې پراخې شوې دي.
دواړه هيوادونه دغه راز له اټومي انرژى څخه د سوله ييزې استفادې دمشارکت لپاره علاقمندي څرگنده کړه او په دې اړوند روسيه په مصرکې د اټومي بټۍ د جوړولو لپاره تيارى اعلام کړ.

واشنګټن\دى دان \  باخترد وري  دمياشتې  ٢٩ :
د ټکزاس ايالت د کيمياوي سري د توليد په يوه ستره کارخانه کې د اورلګيدنې له ا مله سخته چاودنه شوې ده.
يوه سخته چاودنه تېره شپه د امريکا د تکزاس ايالت د واکوپه ښارکې د کيمياوي سري په يوه فابريکه کې وشوه چې له امله يې څه دپاسه اويا تنه ووژل شول او يو سلو پنځوس تنه نور ټپيان شول او د چاودنې علت تر اوسه پورې نه دى روښانه شوى .
ددغې چاودنې سختوالى دومره سخته وه چې د چاودنې د سيمې تر اويا کيلومترى واټن پورې اوريدل شوى او په څو نورو ودانيوکې هم د اورلګيدنې سبب شوې دي او د چاودنې سيمې ته څېرمه ښوونځيو او وړکتونونو او د بوډاګانو د ساتنې يوه ودانۍ هم زيا نمنه شوې ده .
د تکزاس ايالت د عامه مصوونيت د ادارې يو مامور د رويټرز خبري آژانس ته وويل چې چاودنه دو مره سخته وه چې د لسګونو تنو په ټپي کيدو برسيره، څېرمه ودانيو ته هم زيان اړولى دى او څو ښوونځي او د استوګنې کورونه هم سځيدلي دي او له دغې پيښې وروسته شاو خوا ودانۍ تشې شوې دي.
د روغتون ډا کترا نو د دغې پيښې د يو شمير ټپيانو روغتيايي حالت خرا ب بللى دى.
د پيښې له سيمې څخه هوايي عکسونه ښيي چې ددغې کارخانې تاسيسات اوشاوخوا ودانۍ په بشپړه توګه ويجاړې شوې دي.
دغه چاودنه دوه ورځې وروسته له هغه کيږي چې د امريکا د بستون په ايالت کې ځغاستې د لوبې په بهيرکې چاودنه وشوه چې له ا مله يې درې تنه ووژل شول او څه دپاسه سل تنه نورټپيان شول.

کابل\  باخترد وري  دمياشتې  ٢٩ :
په پکتيا، پکتيکا ، بغلان او بلخ په ولايتونوکې يوه زيا ته اندازه وسلې او مهمات ترلاسه شول.
د ملي امنيت د لوى رياست موظفينو د جلاجلا عملياتو په بهيرکې دپکتيا ، پکتيکا، بغلان او بلخ ولايتونو له مربوطاتوڅخه يوه اندا زه وسلې او مهمات کشف اوتر لاسه کړل.
د ملي امنيت د لوى رياست مطبوعا تي دفتر باخترآژانس ته خبرورکړ: دملي امنيت د لوى رياست موظفينو دپکتيا، پکتيکا ،بغلان او د بلخ ولايتونوله مربوطاتو څخه له شلوشاژورونو سره يې څلور کلاشينکوفونه ، دوه پيکا ماشينګڼې، دهاوان دوه ديرش ماينونه، لاسي بمونه ٣٥٠ کيلوګرامه چاوديدونکي توکي او په سلګونو ګولۍ او نور پوځي تجهيزات ترلاسه کړل
ددغو توکو په ترلاسه کيدو سره د څو تروريستي پيښو مخه ونيول شوه.

کابل\  باخترد وري  دمياشتې  ٢٩ :
د افغانستان ، تاجکستان او ترکمنستان درې ارخيزکميسيون، دترکمنستان-تاجکستان ترمنځ د اوسپنې د پټلۍ د جوړولولپاره دخبرو بله دوره چې د افغانستان له شمال څخه به تيرشي؛ دترکمنستان په پايتخت عشق آباد کې پيل کړ.
د باخترآژانس دخبر له مخې: دغه پروژه د ترکمنستان د اتاحيرت امام نظرله سيمې څخه پيل او د افغانستان د اندخوى او کندزڅخه په تيريدو سره له تاجکستان سره نښلول کيږي.
ددغې پروژې لګښت څلورسوه مليو نه ډالره اټکل شوى دى. پخوا ددغو هيوادونو جمهورو رييسانوپه عشق اباد کې د نوروز د نړيوال جشن ترڅنګ په خپله وروستۍ غونډه کې ددغو هيوادونو ترمنځ د اوسپنې پټلۍ د جوړولو په باب موافقې ته ورسيدل .
ددغو دريو آسيايي هيوادونو ترمنځ د اوسپنې د پټلۍ طرحه د سيمې دلسو هيوادونو په غونډه کې چې په چين کې تر سره شوه؛ وړاندې شوه.
ټاکل شوې ده، آسيايي پرمختيايي بانک د دغې پروژې مالي ملاتړ وکړي.
دفوايد عامې وزارت دمطبوعاتومسوول نجيب الله احدي په دې باب دباخترآژانس خبريال ته وويل: دغه غونډه په عشق ابادکې جوړيږي چې دوه ورځې دوام کوي.
په دې غونډه کې د فوايد عامې وزارت تخنيکې معين نورګل مهمند د افغانستان استا زيتوب کوي

کابل\  باخترد وري  دمياشتې  ٢٩ :
د ښځوپرخلاف دتاوتريخوالى ډرامو دخپرولو په باب دنظر سنجونې ترعنوان لاندې کارګاه نن په پنجشير ولايت کې جوړه شوه.
دپنجشيرولايت مطبوعاتي مسوول  محمدجاويد راهب باخترآژانس ته وويل:
د امريکا د بيارغاونې پرمختيايي موسسې نن دهغو ډرامو دخپرولو په باب دنظر سنجونې ترعنوان لاندې کارګاه چې په افغانستان کې د ښځو پرخلاف  د تاوتريخوالى منعکس کوونکى دى  او د رسنيو له لارې خپريږي؛ د يوې ورځې لپاره په پنجشنيرولايت کې يوه کارګاه جوړه کړه.
د دغې کارګاه يوتن مسوول ولي احمد شيرزاد باخترآژانس ته وويل چې موږ  د دغې کارګاه په جوړولو سره غواړو د دغو ډرامو په باب د بېلابېلو مرکزونو نظريې ترلاسه کړو او د هغو تاوتريخوالوپه باب چې تراوسه پورې ورته پاملرنه نه ده شوې؛  معلومات ترلاسه کړو چې له دې لارې وکولاى شو د ښځو پرخلاف د تاوتريخوالى په کمښت کې ښه کارونه ترسره کړو.
د يادونې وړ ده چې په دې کارګاه کې د سيمه ييزو ادارو او مرکزونو يو شمېر مسوولينو ګډون کړي وو.

کابل\  باخترد وري دمياشتې  ٢٩ :
دملي امنيت د لوى رياست موظفينو پرون د يوې تروريستي پيښې عامل په هرات ولايت کې ونيوه چې دهرات ښار په يوه ګڼ  ميشته سيمه کې د ماين په ايښودلو سره زموږ د زيات شمېر هيوادوالو دشهادت سبب شوى و .
دملي امنيت د لوى رياست  مطبوعاتي دفتر باخترآژانس ته  خبرورکړ:
په نيول شوى سړى تورلګول شوى دى چې څه موده مخکې يې د هرات ښاروالۍ په وړاندې يو ماين ځاى پرځاى کړى و چې د چاودنې له امله يې يوشمېرکسان شهيدان اوټپيان شول.
نيول شوى سړى په هرات کې دطالبانو د يوقوماندان قاري خليل په ډلې پورې مربوط دى .

کابل\  باخترد وري دمياشتې  ٢٩ :
د فوايدعامې وزارت نن دشلو کيلومترو په اوږدوالى د يو سړک د جوړولو تړون له يو افغاني شرکت سره لاسليک کړ.
دباخترآژانس دخبرله مخې: دفوايدعامې وزارت نن دارزګان ولايت دترينکوټ _ دهراود د سړک د جوړولو تړون د افغان-صداقت  له يو افغاني شرکت سره لاسليک کړ.
ټاکل شوې ده دغه شرکت د شلو کيلومترو په اوږدوالى د ترينکوټ  _ دهراود سړک  د جوړولوکار په  اتو مياشتوکې بشپړکړي .
د فوايد عامې وزير انجينر نجيب الله اوژن په داسې حال کې چې ددغه وزارت يوشمېر مسوولين او د ارزګان ولايت سيمه ييز مقامات هم حاضر وو؛ دغه تړون د افغان-صداقت  د افغاني شرکت له رييس سره لاسليک کړ.
د دغې پروژې لګښت څلور سوه څوارلس مليونه افغانۍ کيږي چې د فوايد عامې وزارت له بودجې څخه تمويليږي.
د فوايدعامي وزير د قرارداد د لاسليک کولو په وخت کې ددغه شرکت دکار په کيفيت تينګار وکړ او ژمنه يې وکړه چې ددغه وزارت د سړک جوړولو انجينران به هم ددغې پروژې دکارڅارنه وکړي.

کابل\  باخترد وري دمياشتې  ٢٩ :
دتخار ولايت د تالقانو ښار د بي بي هاجرې د ښوونځى يوشمېر زده کوونکي نن مسمومې شوې.
دتالقانو ښار دملکي روغتون سرطبيب ډاکتر عبدالجميل باخترآژانس ته وويل : د تالقانو ښار د بي بي هاجرې د ښوونځى اوولس تنه زده کوونکي له مسموميت وروسته دغه روغتون ته ليږدول شوې دي.
ده زياته کړه چې د يوشمېر مسموم شويو زده کوونکو روغتيايي حالت ښه دى.
ده ددغه ښوونځى د زده کوونکو د مسموميت علت څرگند نه کړ.
دا په داسې حال کې ده چې تېرکال هم د همدې ښوونځى دوه سوه تنه زده کوونکي مسمومې شوې وې اوپه ټوليزه توګه دتالقانو ښار په څو ښوونځيوکې اووه سوه تنه زده کوونکي مسموم شوي وو.
امنيتي مقاماتو تراوسه پورې په دې باب نظر نه دى څرگندکړى.

کابل\  باخترد وري دمياشتې  ٢٩ :
دبدخشان ولايت دکوکچې راډيو مسوول مديرپرون ديو غيرمسوول وسله وال سړى له خوا ټپي شو.
دبدخشان ولايت امنيه قوماندان جنرال امام الدين مطمئن باخترآژانس ته وويل چې  دکوکچې راډيوپه مسوول مدير عبدالملک خراساني هغه وخت بريدوشوچې  دسيمې خلکو  پرې شک وکړ چې دى له طالبانوسره همکاري لري اوطالبانوته وسلې ليږدوي .
خراساني د جرم ولسوالۍ دملي امنيت دمنسوبينوله خوا وژغورل شول او روغتون ته وليږدول شو .
دغه راز دبدخشان د ژورنالستانو د اتحاديې رييس عبدالبصير حقجو وايي: که چيرې له طالبانوسره د عبدالملک خراساني د همکارى په اړوند سندونه وړاندې شي دغه اتحاديه کوم اعتراض نه لري اوکه چيرې سندونه اوشواهد نه وي؛ دغه اتحاديه د خراساني د حيثيت د اعاده کولو غوښتنه کوي او د هغه له حقوقوڅخه  دفاع کوي .