20 September 2019

RSS Facebook

سوداگریز


تازه خبرونه

دفراه له مرکز څخه ديو تروريست نيول کيدل

شبرغان / باختر/ د وږي٢٩مه : د فراه پوليسو تيره...

د شبرغان- مزارشريف لويه لاره د ترافيکو پرمخ خلاصه شوه

شبرغان / باختر/ د وږي٢٩مه : د شبرغان- مزارشريف لويه...

په ننګرهار کې دملکي وګړو دتلفاتو په اړوند ضد ونقيض ادعاوې

جلال آباد / باختر/ د وږي٢٩مه : په ننګرهارکې...

Youtube Player

khantry design

سوداگریز

سوداگریز

کابل –باختر دتلې ١٦
د وسله والو طالبانو يو قوماندان نن سهار دګرديز ښار په مربوطاتوکې دګډو ځواکونو په عمياتوکې په پتنځاى کې ونيول شو.
باختر آژانس دناټو دخبر پاڼې له خولې خبر راکړ: دياغيانو دغه قوماندان دپکتيا او لوګر د ولايتونو په مربوطاتوکې د زياتو ترورستي بريدونو رهبري په غاړه درلوده.
ويل کيږي دغه قوماندان په پکتيا او لوګر ولايتونوکې د وسله والو طالبانو او دحقاني شبکې ترمنځ د ارتباطي په توګه هم و.
خبرپاڼه زياتوي چې ددغو عملياتو په بهيرکې نښته هم شوې ده چې په بهيرکې يې څوتنو وسله والو طالبانو ته مرګ ژوبله هم اوښتې دى.
 

کابل باختردتلي دمياشتې  ١٣ :
دليتوانيا ددفاع وزير  دافغانستان دملي اردو دپياوړتيا اوسمبالولو په خاطر دخپل هيواد دځواکونو دهمکاريو ددوام ډاډ ورکړ.
دليتوانيا ددفاع وزير پرون دهيواد  لويديځ  حوزي ته سفر وکړ اود ٢٠٧ ظفر قول اردو له قوماندان سره يې وکتل.
دباختراژانس دخبرله مخې، دظفرقول اردوقوماندان تورنجنرال تاج محمد جاهد په دې کتنه کې وويل:  ليتوانيا دهيواد دلويديځې حوزي په ولايتونو په تيره بيا دغور ولايت  دامنيت دتامينولو اوثبات په ټينګښت کې دافغانستان  له دولت سره ښه همکاري کړې ده .
په همدې حال کې دليتوانيا ددفاع وزيرهم اعلام وکړچې دغه هيواد دافغانستان  له خلکو اودولت سره دهمکاري په دوام  ژمن دى .
په همدې حال کې دظفر قول اردو قوماندان  په دې کتنه کې وويل  چې په دغې حوزي کې امنيتي ځو اکونه دامنيتي مسووليتونو دريم پړاو ته هم چمتوالي لري
 

کابل باختردتلي دمياشتې  ١٣ :
ناټوله  افغانستان څخه له ټاکلي مودې مخکې دوتلو په باب رپوټونه په کلکه ردکړل.
دباختراژانس دخبرله مخې ، په دې وروستيو وختو کې  يوشمير لويديځو رسنيو  دناټو دسرمنشي  اندرس فوګ راسموسن له خولې داسې خبرونه خپاره کړل چې ګني بهرني عسکر چې وتل يې د ٢٠١٤ کال تروروستيو پورې  طرحه شوى و له ټاکلي  مو دې مخکې به له افغانستان څخه ووځي .
ويل شوي دي چې  دغه تصميم په بهرنيو عسکرو ديوشمير افغان  پوځيانو دبريدونو له امله نيول  شوى دى  چې له امله يې تراوسه پورې  يوپنځوس تنه بهرني عسکر وژل شوي دي .
خو دناټو ويندوى  دغه خبرونه تحريف شوي وبلل اواعلام يې وکړ چې له افغانستان څخه دوتلو په باب دناټو ستراتيژي بدله شوې نه ده اوله افغانستان څخه به  دناټو ځواکونه  په پړاويز ډول ووځي .
ده تائيد کړه  چې دافغانستان په باب دناټو په ستراتيژي کې هيڅ بدلون نه دى رامنځته شوى  او رامنځته به نه شي  اودوتلو پروګرام به دزماني جدول له مخې ترسره شي  اوپه بهرنيو عسکرو ديوشمير افغان پوځيانو دبريدونو له زياتوالې سره  هيڅ اړيکه نه لري .
سره له دې چې دناټو ويندوى  په لويديځو مطبوعاتو کې دناټو دسرمنشي خبرې  تحريف شوي وبللې   دملي دفاع وزارت يو مقام وايي  که چيري بهرني ځواکونه د ٢٠١٣ کال  ترپاى پورې  له افغانستان څخه ووځي  افغان امنيتي ځواکونه دهيواد دامنيت دتامينولو لپاره بشپړتياري لري .
 

واشنګتن \ بي بي سي نيوز\  دتلي دمياشتې  ١٣ :
دامريکا  جمهوررييس  بارک اوباما اودامريکا دجمهوريت غوښتونکي له ګوند څخه دده انتخاباتي سيال  ميترا رامني  د جمهوري رياست دانتخاباتو په لومړني مناظره کې داقتصادي موضوعګانو په باب خبرې وکړې .
اوباما هلې ځلې وکړې  چې خپل سيال داسې معرفي کړي  چې دبډايو  په مالياتو  زيات کمښت رامنځته کړي  اوپه عين حال کې  په عادى خلکو دمالياتو اندازه زياته کړي .
رامني  دغه تورونه رد کړل  اوداوباما په دولت يې دبودجې دکسر اودوزګارتيا دکچې په  خاطر بريد وکړ.
ټول امريکايي مفسرين  په دې نظر دي  چې ميترا رامني په دې مناظره کې ګټوونکي اعلام شوى دى  .
دامريکا دجمهوري رياست انتخابات به دروان کال دلړم په مياشت کې ترسره شي .
 

نوي ډيلي \ نيوکريلا\  دتلي دمياشتې  ١٣ :
هند نن ددغه هيواد داوريساي په ايالت کې دپرتيوي  _٢  بالستيکي توغندي په برياليتوب سره ازمايښت کړ.
دغه توغندى اټومي او غير اټومي سرګولې  ليږدولى شي اودرې سوه پنځوس کيلومتره واټن وهلى شي .
پريتوي _٢ لومړنۍ پرمخ تللى توغندى چې هندهغه ديو  هراړخيز پروګرام له مخې  دلارښوونکي شويو توغنديو دتوليد لپاره يې جوړکړى دى  او کولاي شي پنځه سوه کيلوګرامه اټومي او غيراټومي سرګلوله  وليږدوي .
پريتوي _ ٢ نهه متره اوږدوالي اويو متر قطرلري اودالوتنې لپاره له اوبلن سون  موادو او دوو ماشينونو څخه استفاده کوي.
 

کابل باختردتلي دمياشتې  ١٣ :
ټاکل شوې ده  دناټو دغړو هيوادونو ددفاع وزيران  دتلي دمياشتې په اتلسمه  اونوولسمه نيټه  په بروکسل کې غونډه وکړي  چې له  ٢٠١٤ کال وروسته له افغانستان سره د همکاري يو هراړخيز چوکاټ طرحه کړي .
دناټو سرمنشي تائيده کړې ده چې دغه شان غونډه تر راتلوونکوڅو ورځوپورې جوړيږي .
په دې غونډۀ کې به  له  ٢٠١٤ کال وروسته له افغانستان سره  دهمکاري په باب خبرې وشي .
ناټو غواړي له  ٢٠١٥ کال څخه نوى ماموريت چې دافغان امنيتي ځواکونو په روزنې متمرکز وي  تمرکز ولري.
داپه افغانستان کې دناټولپاره يو نوى ماموريت دى  چې دهغوى ماموريت له جنګي حالت څخه په روزنيز حالت بدلوي .
دناټو سرمنشي هيله څرگنده کړه چې دغه سازمان وکولاي شي  تر ٢٠١٣  کال پورې افغان امنيتي ځواکونو ته دروزنې اومعلوماتو دوړاندى کولو په لاره کې يوه  هراړخيزه طرحه  جوړه کړي .
دناټو دسرمنشي دڅرگندونوله مخې،  داستراليا ، نوى زيلاند ،ګرجستان ، فنلند ، سويدن  او اوکراين په ګډون يوشمير هيوادونو تياري څرگند کړي دي  چې په دې لاره کې  همکاري کوي.
ناټو اوس ددغه سازمان د جوړيدو له وخت  څخه په افغانستان کې په ستر پوځي ماموريت بوخت دى . 
دوه څلويښت هيوا دونه چې زياتره يې دناټو غړي دي  دغه ماموريت  دڅه ناڅه يوسلو شلو زرو عسکرو په شتون سره پرمخ وړي  چې زياتره يې امريکايي عسکردي .ناټو غواړي دغه ماموريت د ٢٠١٤ کال ترپاى پورې پاى ته ورسوي.
 

کابل باختردتلي دمياشتې  ١٣ :
په فراه ولايت کې  دماين دچاودنې له امله  دوه تنه ماشومان ووژل شول او څلور تنه نوريې ټپيان شول .
دغه چاودنه پرون ماښام دفراه ښار په مربوطاتو کې هغه وخت وشوه چې يو خوشه يي ماين وچاوديد.
دفراه دوالي ويندوى عبدالرحمن ژوندى باختراژانس ته وويل: دغه ماين  په يوې ويالې کې ځاى  پرځاى شوى و اوکله چې ماشومان تيريدل له لري واټن  څخه دطالبانو له خوا وچول شو.
ده تائيد کړه چې په دې چاودنه کې دوه ماشومان ووژل شول اوڅلور تنه نوريې ټپيان شول .
خوعيني شاهدان وايي چې په دې چاودنه  کې درې تنه ماشومان ووژل شول او پنځه تنه نوريې ټپيان شول .
دفراه سيمه ييز مقامات وسله وال طالبان ددغې ماين ايښودنې مسوول وبلل .
په همدې حال کې دفراه دملکي روغتون ډاکترانو  ددوو تنو ټپيانو روغتيايي حالت خراب بللي دي .
طالبان له  زياتې مودې را په دې خوا په ګڼ ميشتو لارو کې دماينونو په ايښودلو لاس پورې کوي  چې زياتره ملکي وګړي قرباني کيږي .
 

کابل باختردتلي دمياشتې  ١٣ :
داطﻻعاتو اوفرهنګ دوزير ډاکتر سيدمخدوم رهين په مشرۍ دسترپيغمبر (ص) داهل بيت  دسيرت او کارنامو دتحقيق دسيمينار د جوړولو دکميسيون مقدماتي غونډه جوړه شوه.
دباختراژانس د خبرله مخې،  داطلاعاتو اوفرهنګ وزارت په پام کې لري دعلمي اوتحقيقي سيمينارونودجوړولو په لړکې داځل  دمحرم الحرام دمياشتې په اوومه او اتمه نيټه  داسلام دسترپيغمبر حضرت محمد (ص) داهل بيت دسيرت او کارنامو تحقيقي سيمينار په کابل کې جوړ کړي .
ډاکترسيدمخدوم رهين ددغه سيمينار د جوړولو د کميسيون په  مقدماتي غونډۀ کې وويل: داسلام دستر پيغمبر داهل بيت  فضليتونه له لمرڅخه ځلانده دى . دنبوي بعثت له پيل څخه دنړۍ دکار ترپاى پورې به  دغه لمر هيڅکله  افول ونکړي .
داهل بيت دفضايلو په باب خبرې کول په  حقيقت کې دلمردرڼا  صفت کول دى.
ډاکتررهين زياته کړه: داطلاعاتو اوفرهنګ وزارت تصميم ونيو چې  دتاسو عالمانو اوپوهانو په مرسته  دمحرم الحرام دمياشتې اوومه او اتمه نيټه  دغه سيمينارته ځانګړي کړي.
ډاکتر رهين دغه راز  وويل : هيله لرو چې دغه شان سيمينار هر کال په ټاکلي موده جوړ شي .
داطلاعاتو اوفرهنګ وزير  په پاى کې له پوهانو ، عالمانو او څيړونکو څخه وغوښتل چې په دې باب خپل اثار داطلاعاتو اوفرهنګ په وزارت کې دسيمينار د کاري کميټې په پته وليږي .
وروسته په ديني چاروکې دجمهوررييس ستر سلاکار پوهاند نعمت الله شهراني خبرې وکړې او ويې ويل  چې دپيغمبراهل بيت له مذهبونو څخه لوړ دى ځکه دپيغمبر اهل بيت په ټولي اسلامي نړۍ پورې مربوط دى نه په يو مذهب.
دغه راز په دې غونډۀ کې دولسي جرګې دغړو سيدحسين عالمي بلخي او استاد محمداکبري په ګډون  يو شمير عالمانو خبرې وکړ ې.
 

کابل باختردتلي دمياشتې  ١٣ :
څوشيبې مخکې  دغور دوالي دسپرلۍ په کاروان دچاودنې بريدوشو.
تراوسه روښانه نه ده چې په دې پيښه کې دغور والي ته زيان رسيدلى دى اوکه نه .
باختراژانس ته په رسيدلي خبرونو کې ويل شوي دي  چې دغور والي دښوونکي دورځې  دنمانځې له  مراسمو څخه دخپل کار په لور روان و چې ورباندې دچاودنې بريد وشو.
دغه پيښه دچغچران ښار دسلطان علاوالدين غوري د ليسي دروازې ته څيرمه رامنځته شوه، چيرته چې  سيمه ييز مقامات  دښوونکي دورځې دنمانځنې په مراسمو کې دګډون لپاره راټول شوي وو.
تراوسه پورې ددغې چاودنې له امله دسردزيان  کچه  معلومه نه ده خو عيني شاهدان وايي چې ددغې پيښې له امله دسرزيان رامنځته شوى دى.
دغه راز تراوسه نه دى مشخصه شوې چې دغه پيښه ځانمرګي بريد و يا چاودنه.
ددغې پيښې جزئيات وروسته خپريږي .
 

کابل باختردتلي دمياشتې  ١٣ :
دفارياب ولايت داطلاعاتو اوفرهنګ رياست دځوانانو آمريت دنوى ودانۍ دجوړولوکار ددغه ولايت  دوالي له خوا پيل شو .
دغه ودانۍ داطلاعاتو اوفرهنګ رياست په انګړ کې ديوسلو څلور پنځوس متر مربع ځمکې په ساحه کې دپنځه مليونو افغانيو په لګښت جوړيږي .
دفارياب والي ډاکترمحمدالله بتاش وويل :دغه ودانۍ په دوو پوړونو کې جوړيږي چې شپږاداري خونې ، دکنفرانس سالون  اونور ضروري ملحقات پکې پام کې نيول شوي دي.
ده څرگنده کړه چې ددغې ودانۍ په جوړولو سره به  دځاى د کمښت له پلوه ددغه ولايت  داطلاعاتو اوفرهنګ رياست دځوانانو دامريت ستونزې لري شي .