23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

کابل باختردتلي دمياشتې  ١٣ :
دفارياب ولايت داطلاعاتو اوفرهنګ رياست دځوانانو آمريت دنوى ودانۍ دجوړولوکار ددغه ولايت  دوالي له خوا پيل شو .
دغه ودانۍ داطلاعاتو اوفرهنګ رياست په انګړ کې ديوسلو څلور پنځوس متر مربع ځمکې په ساحه کې دپنځه مليونو افغانيو په لګښت جوړيږي .
دفارياب والي ډاکترمحمدالله بتاش وويل :دغه ودانۍ په دوو پوړونو کې جوړيږي چې شپږاداري خونې ، دکنفرانس سالون  اونور ضروري ملحقات پکې پام کې نيول شوي دي.
ده څرگنده کړه چې ددغې ودانۍ په جوړولو سره به  دځاى د کمښت له پلوه ددغه ولايت  داطلاعاتو اوفرهنګ رياست دځوانانو دامريت ستونزې لري شي .
 

کابل باختردتلي دمياشتې  ١٣ :
په غورولايت کې پرون دماين دچاودنې له امله  دملي اردو  دوه تنه منسوبين شهيدان شول.
ددفاع وزارت  مطبوعاتي دفتر باختراژانس ته  خبرورکړ، دغه ماين چې دوسله والو طالبانوله خوا دغور ولايت  دپسابندولسوالۍ  په مربوطاتو کې په يوسړک  کې ځاى پرځاى شوي و دملي اردو دمنسوبينو دګزمې دتيريدوپه وخت کې  وچاوديد  چې له امله يې دملي اردو دوه تنه منسوبين شهيدان شول .
دغه رازدهلمند ولايت  دناوي ولسوالۍ په مربوطاتو کې دماين   دچاودنې له امله  دملي اردو يوتن منسوب ټپي شوى دى .
 

کابل باختردتلي دمياشتې  ١٣ :
شپږتنه وسله وال مخالفين پرون دهېواد په ځينو ولايتونو کې دملي اردو دمنسوبينو دتصفيوى عملياتو په بهيرکې ووژل  شول .
دملي دفاع وزارت  مطبوعاتي دفتر باختراژانس ته  خبرورکړ، دغه عمليات دلغمان ولايت داليشنګ ولسوالۍ،دغور ولايت دپسابنددولسوالۍ اودقندهار د خاکريز ولسوالۍ په مربوطاتو کې ترسره شول چې شپږتنه وسله وال مخالفين ووژل شول او دوه تنه مشکوک کسان ونيول شول.
 

کابل باختردتلي دمياشتې  ١٣ :
دملي اردو منسوبينو په  خوست ولايت کې دوه تنه دورانکارو فعاليتونو  دترسره کولو په تور ونيول .
دملي دفاع وزارت  مطبوعاتي دفتر باختراژانس ته  خبرورکړ.
د ٢٠٣ تندرقول اردو منسوبينو دخوست ولايت د صبريوولسوالۍ په مربوطاتو کې تصفيوي عمليات ترسره کړل  چې په بهېر کې يې دوه تنه ونيول شول او له هغوى څخه څلور مخابرې  او دوه کمره لرونکي مبايلونه  چې مشکوک عکسونه پکې دي ترلاسه  کړي دي .
 

کابل باختردتلي دمياشتې  ١٣ :
يوولس تنه ياغي طالبان په هلمند ولايت کې دعملياتو په بهيرکې ووژل شول.
په دغو ياغيانو نن سهار کله چې په تروريستي فعاليتونو بوخت وو ، دنادعلي ولسوالۍ په  مربوطاتو کې  ددوى پرپټنځاى دافغان اوناټو ځواکونوله خوا ورباندې بريد وشواوووژل شول .
باختراژانس دناټوديوې خبرپاڼې له خولې خبر راکړ چې ددغو عملياتو په بهير کې دياغيانو پټنځاى په بشپړه توګه له منځه تللى دى.
ناټو وايي ددغو عملياتوپه بهيرکې  ددغو ياغيانو قوماندان هم وژل شوى دى.
په خبرپاڼه کې  دافغان اوناټو ځواکونو او ملکي وګړو دسرداحتمالي زيان په باب څه نه دى ويل شوى .
 

کابل باختردتلي دمياشتې  ١٣ :
دناټويو عسکر  په افغانستان کې دياغيانو دبريد له امله ووژل شو.
ددغه بهرني پوځي هويت نه دى په ډاګه شوى چې نن سهار دافغانستان په جنوب کې  کله چې په ګزمې بوخت و دياغي طالبانو له خو ورباندې بريد وشو او ووژل شو.
ناټو ديوې خبرپاڼې په خپرولو سره دخپل دغه عسکر وژل  کيدل  تائيد کړ  خو دهغه دهويت اودپيښې دقيقه سيمه يې نه ده په ډاګه کړې .
دنه تائيدشويو شميرونو له مخې، دروان ميلادي کال له پيل څخه تراوسه پورې څه ناڅه څلور سوه نوي تنه بهرني عسکر په افغانستان کې له ياغيانوسره په نښته  کې وژل  شوي دي .
داپه داسې حال کې ده چې دغه شمير په تيرميلادي کال کې پنځه سوه شپږنوي تنو ته رسيدلي و.
 

کابل باختردتلي دمياشتې  ١٣ :
دننګرهار ولايت دحصارک ولسوالۍ په مربوطاتوکې دافغان ځواکونو اوياغي طالبانو ترمنځ  نښته پاى ته رسيدلې ده.
دغه نښته پرون له غرمې وروسته دوه نيمې بجې هغه وخت پيل شوه چې په لسګونو تنو وسله والو طالبانو حصارک ولسوالۍ ته څيرمه دپان  په امنيتي پوستې بريدوکړ.
دننګرهار ولايت دحصارک ولسوال عبدالخالق معروف باختراژانس ته وويل ، چې دغه جګړه کابو پنځه ساعته يې دوام وکړ چې له امله يې څوتنو ياغيانو ته مرګ ژوبله اوښتې  ده.
دحصارک ولسوال تائيد کړه چې په دې جګړه کې درې تنه پوليسان هم ټپيان شوي دي .
معروف وويل  چې وسله والو طالبانو دحصارک ولسوالۍ دنيولو په خاطر بريد کړي و خوله ماتې وروسته وتښتيدل.
باخترآ ژانس ته په رسيدلو  خبرونو کې ويل شوي دي چې په دې بريد کې يو شمير پاکستاني ياغيانو هم ګډون درلود.،
دحصارک ولسوالۍ دننګرهار ولايت مرکز جلال ابادښار په لويديځ  ٨٥کيلو متري واټن کې پرته ده  اوپه دې وروستيو وختو کې وسله والو طالبانو له دې جملې څخه دپاکستاني جګړه مارانو دفعاليتونو شاهده وه.
په دې وروستيو وختو کې ددغې ولسوالۍ په لسګونو تنو اوسيدونکو دطالبانو دظلم اوتيري له امله  ددغې ډلې پرخلاف پاڅون وکړ.
 

کابل- باختر د تلې  ١٢:
دهيواد دلويديځ  زون د واليبال  سيالۍ تير ماښام دهرات د واليبال  ټيم په اتلولې سره پاى ته ورسيدې .
دهرات ولايت ورزشي آمر عبدالقيوم جامي  باختر اژانس ته وويل: په دغو سياليوکي چې درې ورځې يې دوام درلود او په هغوکې دغور او فراه د ولايتونوټيمونو او دهرات ولايت دوو ټيمونو برخه لرله، په پاى کې يې دهرات د واليبال  ټيم لومړۍ مقام او دفراه او غور د ولايتونو ټيمونو په  ترتيب سره دويم او دريم مقامونه وګټل .
  ديوه اړونده خبرځاى دڅرګندونوله مخې: دغه سيالۍ د مرکز د واليبال  فدراسيون او دهرات ولايت د ورزشي آمريت له خوا پيل شوې وې.
 

چاريکار – باختردتلې١٢
په پروان ولايت کې دپوليسو او دغير مسوولو وسله والو کسانو ترمنځ په جګړه کې دوه تنه پوليسان، دوه ښځې او يو غيرمسوول وسله وال ټپيان شول.
دپروان ولايت دامنيې قوماندان مطبوعاتي دفتر باختر آژانس ته خبرورکړ: دپروان ولايت دامنيې قوماندانۍ دپوليسو منسوبينو نن کله يې چې غوښتل غير مسوول وسله وال کسان بې وسلې کړې دپوليسو او ددغو کسانو ترمنځ جګړه ونښته.
يوه اړونده خبرځاى وويل: په دې جګړه کې دوه تنه پوليسان، دوه ښځې او يو غير مسوول وسله وال ټپيان شول.
خبرځاى زياته کړه: پوليسو دوه تنه غيرمسوول وسله وال کسان له يوکلا شينکوف سره نيولى دى. پيښه  څيرل کيږي.
 

چاريکار – باختردتلې١٢
په پروان ولايت کې دپوليسو او دغير مسوولو وسله والو کسانو ترمنځ په جګړه کې دوه تنه پوليسان، دوه ښځې او يو غيرمسوول وسله وال ټپيان شول.
دپروان ولايت دامنيې قوماندان مطبوعاتي دفتر باختر آژانس ته خبرورکړ: دپروان ولايت دامنيې قوماندانۍ دپوليسو منسوبينو نن کله يې چې غوښتل غير مسوول وسله وال کسان بې وسلې کړې دپوليسو او ددغو کسانو ترمنځ جګړه ونښته.
يوه اړونده خبرځاى وويل: په دې جګړه کې دوه تنه پوليسان، دوه ښځې او يو غير مسوول وسله وال ټپيان شول.
خبرځاى زياته کړه: پوليسو دوه تنه غيرمسوول وسله وال کسان له يوکلا شينکوف سره نيولى دى. پيښه  څيرل کيږي.