18 October 2017

RSS Facebook

سوداگریز


تازه خبرونه

دپکتيا دپرونيو بريدونو په اړوند دپنځو تنو پوليسانو نيول کيدل

کابل \باختردتلې دمياشتې٢٦نيټه : پنځه تنه پوليسان د پکتياولايت ...

دبهرنيو چارو وزارت معينې دبشردحقوقو له کتوونکې سره وکتل

کابل \باختردتلې دمياشتې٢٦نيټه : دبهرنيو چارو وزارت معيني دبشر دحقوقو...

دوه ويشت تنه داعشيان په ننګرهار کې ووژل شول

کابل \باختردتلې دمياشتې٢٦نيټه : دوه ويشت تنه داعشيان پرون دننګرهار...

Youtube Player

khantry design

سوداگریز

سوداگریز

کابل باختر د تلې  پنځه ويشتمه :
لس تنه په ننګرهار ولايت کې دبيلابيلو  جنايي پيښو په اړوند ونيول شول .
دغه کسان په تيرو څليرويشتو ساعتو کې دننګرهار ولايت په بيلابيلو سيمو کې دپوځيانو دځانګړو عملياتو او پلټنې په بهير کې نيول شوي دي .
دننګرهار ولايت دامنيې قوماندانۍ وياند حضرت حسين مشرقي وال دباختراژانس خبريال ته وويل چې دغه کسان دغلا ، وژنې ، دنشه يي توکو دقاچاقو او دانسان تښتونې په اړوند نيول شوي دي .
  ختم_سعيده _ اکرم

کابل باختر د تلې  پنځه ويشتمه :
په هلمند ولايت کې ديولړ هوايي  اوځمکنيو  بريدونو په  بهير کې  اوولس تنه وسله وال طالبان  ووژل شول .
دغه بريدونه دګرشک ولسوالۍ او دلښکرګاه ښار په مربوطاتو کې دطالبانو په سنګرونو تيره شپه پيل شول او تر نن سهار پورې يې دوام درلود .
دهېواد په جنوب  دملي اردو يوه جګپوړي  قوماندان باختراژانس ته وويل چې په دغو هوايي او ځمکنيو بريدونوکې اوولس تنه وسله وال طالبان وژل شوي دي .
  ختم_ ف _ اکرم

کابل باختر د تلې  پنځه ويشتمه :
ديارلس تنه وسله وال طالبان په روزګان  ولايت له پوځيانو سره  په نويو نښتو کې ووژل شول .
جګړې  نن سهار په چارچينو ولسوالۍ کې دپوځيانو په ناڅاپي  بريد کې ونښتې .  په روزګان ولايت ددهراود ولسوالۍ امنيه قوماندان شاه محمد باختراژانس ته وويل چې په دغو نښتو کې ١٣ تنه ډار اچوونکي وژل شوي دي .
شاه محمد وايي چې په دغو بريدونوکې وسله والوطالبانو ته د سردزيان  په اوښتو سربيره  دوسله والو طالبانو دډلې څو سنګرونه له ټولو جنګي وسايلو سره يې دړې وړې شوي دي .  ويل کيږي چې په دغو نښتو کې پوځيانو او دسيمې اوسيدونکو ته  زيان نه دى اوښتى .   ختم_ شکريه _ اکرم

کابل باختر د تلې  پنځه ويشتمه :
دافغانستان په ختيځ ننګرهار ولايت کې دطالبانو او داعشيانو ترمنځ مرګانۍ نښتې هماغه شان دوام لري .
دغه نښتې وړمه شپه په خوږياڼيو په مربوطاتو کې پيل شوي دي  او په خپل قوت سره دوام لري .
دننګرهار دوالي وياند عطاالله خوږياڼي باختراژانس ته وويل چې په دغو نښتو کې تراوسه پورې له دواړو لورو څخه  ٢٧ تنه ډار اچوونکي وژل شوي او په لسګونو تنه نور ټپيان شوي دي .
ده وويل چې ددواړو لورو ترمنځ نښتې هماغه شان دوام لري .
په همدې  حال کې ويل شوي دي چې دغه نښتې ددې سبب  شوي دي چې دسيمې په لسګونو کورنۍ له خپلو کورونو او ټاټوبو څخه بيځايه شي .
دافغانستان په ختيځ کې  په څو وروستيو ورځو کې دطالبانو  او داعشيانو ترمنځ  نښتو  زور اخستى وي .
  ختم_ ف _ اکرم

کابل باختر د تلې  پنځه ويشتمه :
شپږ تنه وسله وال طالبان  پرون دفارياب ولايت په قيصار ولسوالۍ کې ووژل شول .
د٢٠٩ شاهين قول اردو مطبوعاتي مسوول جګړن نصرت الله جمشيدي باختراژانس ته وويل چې دغه وسله وال طالبان ددغه ولايت دقيصار ولسوالۍ په شاخ کلي کې  دهوايي بريد له امله ووژل شول .
ده زياته کړه ددغه بريد له امله اووه تنه نور وسله وال طالبان  ټپيان شول .
  ختم_ عطاالله _ اکرم

کابل باختر د تلې  پنځه ويشتمه :
په سرپل ولايت کې يوسړى دماين په چاودنه کې پرون ووژل شو .
دسرپل دوالي وياند ذبيح الله زماني باختراژانس ته وويل وژل شوى سړى   ښوونکى و او غوښتل  يې دغه ماين دموټرسايکل په واسطه له لغمان سيمې  څخه چې دطالبانو تر واکمنۍ لاندې ده ددغه ولايت مرکز ته وليږدوي .
ختم_ عطاالله _ اکرم

مادريد  باختر د تلې  پنځه ويشتمه :
  د پرتګال او اسپانيا په مرکز او شمال کې د اور ليګدنې له امله چې د اوونۍ په پاى کې  پيل شوه؛ څه ناڅه ٣١ تنه ووژل شول .
باختر آژانس د بي بي سي د خبري شبکې له خولې خبر ورکړ:
د پرتګال د بيړنيو چارو د سازمانونو يوه وياند وويل چې په ټوليزه توګه  اورلګيدنې دوام لري چې په لسګونو موارده يې جدي دي
د پرتګال د شمال اورلګيدنې له پولې څخه په تيريدو سره د اسپانيا دګاليسيا ناحيې ته رسيدلى دى او دڅه ناڅه درې تنو دوژل کيدو سبب شوي دي
داور وژنې په زرګونو تنه کارکوونکى ددغه اور  دکنترولولو لپاره  چې له سره او وچ دوبي وروسته  لګيدلى دى  هلې ځلې کوي .
د اوفليا استوايي توپان داروپا لويديځو سواحلو ته په نږدې کيدو سره دسختو بادونو دچليدو سبب شوى دى چې اورلګيدنه يې پراخه کړې ده .
داسپانيا صدراعظمې  ماريانوراخوي دګاليسيا ناحيې په کتنه کې وويل دغه اور لګيدنې ښايي قصدي وي .
  دې وويل له هغه څه سره چې مخامخ  يو  ناڅاپي  نه دي بلکې رامنځته کړى شوى دى .
پخوا داسپانيا دکورنيو چارو وزير  په دې اړوند دڅو تنو له پيژندولو  خبرورکړى  و .
دجون په مياشت کې دپرتګال په يوه ګڼ ميشت  ځنګل کې د پراخې اورلګيدنې  له امله ٦٤ تنه ووژل شول او ١٣٠ تنه ټپيان شول .
  ختم_ شکريه _اکرم

بغداد  باختر د تلې  پنځه ويشتمه :
  له کرکوک څخه په را رسيدلو خبرونوکې ويل شوي دي چې د عراق حکومتي ځواکونه د ښار مرکز ته ننوتي دي او د ولايت ودانۍ او نور دولتي تاسيسات يې په واک کې نيولي دي .
د عراق په شمال ختيځ کې د کرکوک ښار د کنترولولو لپاره د عراقي ځواکونو عمليات وړمه شپه پيل شول او دغه ځواکونه پرته له دې چې د کردي ځانمرګو له جدي مقاومت سره مخامخ شي، په لنډ وخت کې ښار ته ننوتل. د حشد شعبي د شيعه ځواکونو په ګډون د پوځي مليشه ډلو په ملګرتيا د عراقي ځواکونو له چټک پرمختګ سره جوخت د کرکوک په زرګونو تنه اوسيدونکي له دغه ښار څخه تښتيدلي دي. مخکې له دې د عراق د مرکزي حکومت ځواکونو هوايي ډګر  ډيره مهمه پوځي اډه او د دغه ښار  په لويديځ او شمال لويديځ کې نفتي ډګرونه تر خپل کنترول لاندې نيولي وو .
د کردستان د اقليم خبري سرچينې وايي: دولتي ځواکونه هلې ځلې کوي چې د اربيل او سلمانيه ښارونو ته کرکوک ته غځيدلې لارې وتړي .
د سيمې  طبي سرچينو د فرانسې خبري آژانس ته ويلي دي چې د نښتو په بهيرکې څه ناڅه لس تنه وژل شوي دي .
د کرکوک د کنترول د ترلاسه کولو لپاره د عراق د دولتي ځواکونو عمليات د يکشنبې په شپه پيل شول او پرون سهار د اردو د تروريزم ضد ځانګړو ځواکونو چې په امريکا کې يې زده کړې کړې دي؛ د کرکوک په شمال لويديځ کې د کى– ١  پوځي اډه ونيوله  .
مخکې له دې هم د عراق دولتي ځواکونو د ګازو د شرکت په ګډون د ښار واټونه او اصلي او بنسټيز تاسيسات تر خپل کترول لاندې ونيول .
د عراق دولت وايي چې د کرکوک عمليات يې په دغه کړکيچن ښارکې د امنيت د بيا تامينولو په موخه پيل کړي دي .
د امريکا د بهرنيو چارو وزارت د دوشنبې په شپه په يوه وينا کې وويل چې امريکا د کرکوک په شاوخوا کې د تاوتريخوالي د رامنځته کيدو په باب د رپوټونو له امله ژوره انديښنه لري .
  دغه وينا د داعش په ځپلو باندې د تمرکز په اړتيا باندې ټينګار وکړ .
  ختم_  سعيده _ اکرم

کابل باختر د تلې  پنځه ويشتمه :
د تاريخي او فرهنګي آثارو د ساتنې د قانون د بيا کتنې کميسيون نن داطلاعاتو او فرهنګ وزارت د تقنين او پاليسۍ د چارو د سلاکار دلارو نذير زوى په مشرۍ غونډه وکړه .
د باختر آژانس د خبريال دخبرله مخې:
په دې غونډه چې د اطلاعاتو او فرهنګ وزارت د اړوندو څانګو د رييسانو په ګډون جوړه شوه؛ د تاريخي او فرهنګي آثارو د ساتنې په قانون غور او خپرې وشوې .
د اطلاعاتو او فرهنګ وزارت د تقنين او پاليسۍ د چارو سلاکار دلاور نذير زوى  وويل چې د دغه کميسيون د غړو له بيا څيړنې او خبرو اترو وروسته به يوه هر اړخيزه طرحه تسويد او د پړاوونو د بشپړولو په مقصد اړوندو مراجعو ته وليږدول شي.
  ختم_ ف _ اکرم

مزارشريف باختر د تلې  پنځه ويشتمه :
د بلخ ترافيکو په مزارشريف ښارکې د څه دپاسه زرو بې مدرکو موټرسايکلونو د راټولولو خبر ورکړ .
دبلخ ولايت دترافيکو مدير جنرال اسد الله باختر آژانس ته وويل چې په تيرو څلورو ورځوکې څه دپاسه زر بې مدرکه  موټرسايکلونه يې راټول کړي او خبر دارى يې ورکړ چې له دې وروسته هيڅ بې مدرکه او بې پليټه ليږدونکو وسايط او موټرسايکلونه په ښار کې د تګ راتګ اجازه نه لري .
  ده وويل چې تر اوسه پورې د څه دپاسه شلو زرو موټرسايکلونو خاوندانو د ترافيکو له مديريت څخه قانوني سندونه اخستي دي او ده د بې سندو موټرسايکلونو د راټولولو موخه په ښارکې دنظم تامينول، د جنايي جرمونو د کچې ټيټول، د ښار په کچه د موبايلونو د غلا او په دغه ولايت کې د ترافيکي پيښو  مخنيوي وباله .
جنرال اسد الله د موټر سايکلونو خاوندانو ته خبر دارى ورکړ چې د دوى دموټر سايکلونو د آزادولو لپاره هيڅ راز واسطه نه مني،  تر څو چې د ترافيکو له ادارې څخه خپلو موټرسايکلونو ته قانوني مدرک ترلاسه نه کړي .
دغه راز دمزارشريف ښاريانو د پوليسو له خوا د ښار په کچه د بې پليټه ليږدونکو وسايطو او د بې مدرک موټرسايکلونو د راټوليدو له امله خوښي   څرګنده کړه او ويې ويل چې زياتره غلاوې او نا امنۍ  د دغو بې سندو وسايطو د فعاليت سبب کيږي .
د يادونې وړ ده چې د بلخ د والي په وياند منير احمد فرهاد څو ورځې مخکې په مزارشريف ښارکې د دوو تنوموټرسايکل سپرو له خوا ناوړه قصد وشو او ټپي شو.
  ختم_  سعيده _ اکرم

 

Page 9 of 5686