31 May 2020

RSS Facebook

سوداگریز


تازه خبرونه

نړیواله ټولنه په افغانستان کې د ولسواک نظام ملاتړ کوي

نړیواله ټولنه په افغانستان کې د ولسواک نظام ملاتړ کوي

کابل/ د وږي ۱۱ مه / باختر اروپایي ټولنې په دغو...

دېرش ميليونه ډالر ليلامېږي

دېرش ميليونه ډالر ليلامېږي

کابل/ د غبرګولى١١ مه / باختر مرکزي بانک ٣٠ ميليونه ډالر...

Youtube Player

khantry design

سوداگریز

سوداگریز

 کابل / د غبرګولي ۴ مه / باختر
دلغمان  داليشنګ ولسوالۍ داستوګنې پر يوه کور د هاوان ماين د لګېدو له امله څلور تنه ووژل شول او اووه تنه نور ټپيان شول.
باختر آژانس د لغمان د والي د وياند اسد الله دولتزي له خولې خبرراکړ چې دهاوان دغه ماين پرون ماښام  داليشنګ ولسوالۍ په مربوطاتو کې داستوګنې په يوه کور ولګيد چې په پايله کې دماشومانو په ګډون څلور تنه ووژل شول او ٧ تنه نور ټپيان شول .
ختم _ج _ اکرم

 کابل / د غبرګولي ۴ مه / باختر
شپږ غير مسوول وسله وال کسان نن سهار دبغلان په بنو اندراب ولسوالۍ کې ووژل شول.
د دغو کسانو ترمنځ جګړه د دغې ولسوالۍ په شاه کش کلي کې داختر دلمانځه له اداکولو وروسته ونښته.
د بغلان دامنيې قوماندانۍ دامنيت آمر سمونيار يوسفي دباختر آژانس سيمه یيز خبريال علي علمي ته وويل چې  د پوليسو ځواکونه دغير مسوولو وسله والو کسانو  د نيولو لپاره ساحې ته تللي دي او اوس په سيمه کې حالت ښه دى او د نورو وسله والو کسانو د نيولو لپاره  دپوليسو هلې ځلې په جدي ډول دوام لري .
اوس دبغلان  دپل حصار او ده صلاح په ولسواليو کې دغير مسوولو وسله والو ډلو دبې وسلې کولو او نيولو لپاره دپوحيانو عمليات دوام لري او ددغو ولسواليو زياتې سيمې امنې شوې دي او ټاکل شوې ده دغه عمليات ددغه ولايت په ټولو هغو ولسواليو کې چې غير مسوولې وسله والې ډلې پکې فعاليت کوي؛ هم ترسره شي.
ختم -ج - اکرم

کابل /  دغبر ګولي ۴ مه / باختر
افغان حکومت او طالبانو دواړو د اختر په درناوي اوربند وکړ. افغانان د دغه سوله ییز اقدام هرکلی او ملاتړ کوي او د اختر په درشل  کې یې پر ټولوښکیلو خواوو غږ کړی و چې د اختر په ویاړ او د باور فضا د رامنځ ته کولو په موخه اوربند وکړي.
د باختر آژانس مفسر د دغه اوربند ارزښت ته کتنه کړېده او لیکي:
دغه اوربند سره له دې چې دایمي نه دی او لنډ مهالی دی، له هره پلوه ستر ارزښت لري.
تر ټولو ړومبی دا چې د اختر په ورځو کې اوریند زموږ دیني ارزښتونو ته د درنښت ښکارندویي  کوي. کوچنی اختر یو ستر اسلامي جشن دی او نمانځنه یې آرامې او سوله ییزې فضا ته اړتیا لري. که جګړه دوام مومي، نو څرګنده خبره ده چې فضا آرامه او سوله ییز ه کېدای  نه شي. اوربند د آرامې او سوله ییزي فضا لپاره لومړی اساسي شرط دی.
دویم دا چی اوربند د افغان ولس غوښتنو او هیلو ته د غاړې ايښودو مانا لري. افغانان تل ټینګار  کوي چې باید ښکیلې خواوې اوربند وکړي، له جګړې لاس  واخلي او د سولې خبرو ته سره کېني. افغان ولس په دوحه کې د امریکایانو او طالبانو تر منځ د سولې له موافقې راوروسته تل غوښتنه کوله چې باید اوربند وشي، بیا د روژې په رارسېدو د خلکو  یوه اساسي غوښتنه همدا د اوربند ټینګول وو، خو له بده مرغه په روژه کې اوریند ونه شو او جګړو زورواخیست. په کابل او یو شمېر ولایتونو کې خونړي بریدونه وشول او درنه مرګ ژوبله یې واړوله. د اختر په رانږدې کېدو خلکو بیا د ا وربند غوښتنه وکړه. له ښه مرغه، د اختر په شپه دواړو خواوو د اوربند زېری ورکړ. متل دی وایي  (کب چې هر وخت له اوبو وباسئ تازه د ی). افغانان د دغه اوربند هرکلی او ملاتړ کوي.
درېم دا چې د افغان حکومت او طالبانو تر منځ اوربند له پراخ نړیوال ملاتړ او هرکلی سره مخ شو او دا جوتوي چې نړیواله ټولنه د سولې پر لور  د عملي ګامونو تږې ده او په دې  لاره کې د هر نوښت ننګه کوي.
څلورم دا چې دغه اوربند وښوده که کورنی او نړیوال فشار دوام ومومي نو په جګړه کې ښکیلې خواوې هرومرو اوربند ته غاړه ږدي  او له جګړې لاس اخلي. یوه ستونزه دا ده چې له بده مرغه لا تر اوسه پر ښکیلو خواوو هغسې فشار چې  تمه یې کېږي نه دی راوړل شوی. کله چې موږ فشار یادوو، نو موخه مو هم کورنی فشار دی او هم نړیوال . په دې برخه کې تر  ډېره سلیقه یي چلند شوی او ښکیلو لوریو داسې فشار نه دی احساس کړی چې هغوی جوړ جاړي ته حاضر  شي، له جګړې لاس واخلي او اوربند ته غاړه کېږدي. په دې اړه چلند تر یو بریده د عذر  او زاریو بڼه لرلې ده او دا هغه څه دي چې په جګړه کې ښکیل  لوري  د جګړې دوام ته هڅوي او په جګړه کې د بري یو ډول کاذبه هیله او تمه ورکوي. باید کورنی او نړیوال فشار  دوام ومومي.
په هر حال د اختر په  ورځو کې دوه اړخیز اوربند یو ښه اوپر ځای  سوله ییز نوښت دی او باید ملاتړ او هرکلی یې وشي. اوس باید ټول کوښښ دا وي چې دا لنډمهالی  اوربند پر تلپاتې اوربند واوړي او جګړه د تل لپاره پای  ومومي.
پای/ن.ش

کابل / د غبرګولي ۴ مه / باختر
د افغانستان د اسلامي جمهوریت جمهوررییس محمداشرف غني د تشریفاتو قطعې له معاینې وروسته نن سهار د نېکمرغه کوچني اختر لمونځ په ارګ کې ادا کړ.
د جمهوررییس د ویاند دفتر باختر آژانس ته خبر ورکړ؛ د اختر د لمانځه په مراسمو کې پر جمهوررییس سربېره مخکېني جمهوررییس حامد کرزي، د ملي مصالحې عالي شورا رییس ډاکټر عبدالله عبدالله، د سوداګرۍ او اقتصادي پراختیا او بې وزلۍ کمولو په چارو کې د جمهوررییس فوق العاده استازي محمدیوسف غضنفر، قاضي القضات او د سترې محکمې رییس قانونپوه سېدیوسف حلیم، لوی څارنوال فرید حمیدي، د هېواد یو شمېر سیاسي مشرانو، ملکي او نظامي مقاماتو او د ملي شورا استازو د لمانځه له ادا کولو وروسته له یو بل سره د اختر مبارکي وکړه. 
وروسته جمهوررییس غني د افغانستان عظیم ملت ته د نېکمرغه کوچني اختر د مبارکي پرمهال د ملکي او نظامي شهیدانو کورنیو ته د تسلیت او غمشریکۍ مراتب وړاندې کړل او همدارنګه یې د هېواد د دفاع ، امنیت او ثبات په برخه کې د امنیتي او دفاعي ځواکونو د اتلولیو او سرښندنو له امله د دوی او د دوی د ویاړلو کورنیو قدرداني وکړه او د اختر مبارکي یې ورته وویله.
جمهوررییس وویل: له بده مرغه سږکال روژه اوکوچنی اخترپه داسې حال کې راغلل، چې د کرونا وبا ټوله نړۍ او زموږ ولس سخت متاثر کړی او  موږ به چې تل د اختر په ورځ د ولس کوربانه وو، دا ځل مو د وبا د مخنیوي له امله چې هم شرعي حکم دی او هم د عامې روغتیا وزارت لارښوونه ده، تعداد محدود کړ.
جمهوررییس  په هېواد کې د کرونا پېښو زیاتېدو ته په اشارې له هېوادوالو څخه وغوښتل  چې د روغتیا وزارت د سپارښتنو په اساس مراسم مختصر ونیسي او د یو بل له لیدلواو تګ راتګ، ډډه وکړي.
د هېواد جمهوررییس ټولو ناروغانو ته د روغتیا او شهیدانو ته د فردوس جنت هیله وکړه او همدارنګه یې د عامې روغتیا وزارت صحي کارکوونکو، ډاکټرانو، نرسامو  او د خصوصي سکتور کارکوونکوڅخه په مننې وویل: هغوی ته چې له کرونا ویروس سره د مبارزې په لومړۍ کرښه کې قرار لري، د کابینې د پرېکړې په اساس خاص امتیازات په پام کې دي. 
جمهوررییس د جمهوریت پر واحد صف د خوښي څرګندولو ترڅنګ د ملي مصالحې عالي شورا رییس ډاکټر عبدالله عبدالله څخه د دغه دروند مسوولیت د منلو له امله مننه وکړه.هغه سوله د ولس ورکه وبلله او ویې ویل: د سولې اساسي موخه ثبات دی او  سږکال به د دوامدارې او تلپاتې سولې چې د ثبات موجب شي، شاهدان واسوو. 
جمهوررییس غني د طالبانو له لوري د اوربند د اعلان هرکلی وکړ او ویې ویل: پرون شپه یې ټولو امنیتي او دفاعي ځواکونو ته امر کړی چې بشپړ اوربند مراعت او یوازې دفاعي حالت غوره کړي او هیله یې څرګنده کړه چې دا اختر د دوه کاله دمخه اختر غوندې ولس ته د خوشالۍ او سوکالۍ ورځې وي.
محمداشرف غني څرګنده کړه: د مسوول دولت په توګه غواړو یو بل ګام هم واخلو او اعلان کوو چې د طالبانو د زندانیانو ازادېدل به چټک شي او همدارنګه یې پر طالبانو غږ وکړ چې د امنیتي او دفاعي ځواکونو هغه زندانیان چې له دوی سره دي، ژر تر ژره ازاد کړي.
جمهوررییس وویل: ځینو کړیو طالبانو ته دا فهم ورکړی چې اوربند د دوی د کمزورۍ لامل کېږي او که د اوږدمهال لپاره اوربند وکړي، نو خپل سیاسي وزن له لاسه ورکوي، مګر اوربند چې له ډېرو کلونو راهیسې د افغانستان اسلامي جمهوري دولت دریځ دی، د کمزورۍ نه، بلکې د ځواک او قوت نښه ده.
جمهوررییس غني  طالبان د افغانستان د ټولنې واقعیت وبلل  او زیاته یې کړه: د وزن د تثبیت ځای د جنګ میدان نه، بلکې د مذاکراتو مېز دی. هغه زیاته کړه: جنګ موږ په ځانګړي ډول افغان ښځو ته له بدمرغۍ مه واره نور هیڅ نه دي راوړي او افغان ښځې نن د سولې لپاره د سیاسي اجماع په لومړي کتار کې دي.
هغه زیاته کړه: سوله زموږ ملي غوښتنه او د سولې ګټونکی د افغانستان ولس دی. د سولې موافقتنامه په افرادو او ډلو نه، بلکې د افغانستان خلکو پورې تړاو لري او د دغې موافقتنامې د تائید په اړه به وروستۍ پرېکړه د افغانستان ملت وکړي. 
جمهوررییس له طالبانو څخه وغوښتل چې د افغانستان ملت ته صدمه ونه رسوي، ځکه هرڅوک چې ټپي او یا شهید کېږي، یو نه جبرانېدونکی داغ دی. هغه زیاته کړه: ټول علما په دې نظر دي چې جنګ مشروعیت نه لري او اساسي حل لاره د مذاکراتو پیلول دي. د مذاکرې همه شموله افغان پلاوی چې د افغانستان د ملت او دولت استازیتوب به وکړي، مذاکراتو ته چمتو دی.
جمهوررییس وویل: دامنیتي وضعیت د ښه والي لپاره یې په تېروڅلورو اوونیوکې دټولوقول اردوګانواودولایتونوله امنیه قوماندانانو اود ملي امنیت له رییسانو سره جلاجلا د زړورو امنیتي او دفاعي ځواکونودشرایطو د ښه والي په خاطرتفصیلي خبرې کړي او دملاتړ ډاډ یې ورکړی دی.
جمهوررییس غني په ټینګار سره وویل: زه یو واربیا ژمنه کوم چې د دوی معنوي او مادي ملاتړ به دپخوا په څېر په ښه توګه روان وي، داسې ملاتړ چې زموږ د سرتېرو تجهزاتاواعاشه به ترپخوا لا بهتره شي.
جمهوررییس د خپلې وینا په پای کې وویل: باثباته افغانستان د سیمې د ثبات او هوساینې لامل کېږي او همدارنګه یې سیمه ییزې اړیکې او هراړخیزې همکارۍ زموږ د راتلونکي دبریالیتوب کیلي وبلله او په ټولو نږدې او لیرې  ګاونډیانو یې غږ وکړ چې  د سولې او ثبات د تامین په برخه کې د افغانستان د ملت او دولت دوامدار همکاران اوسي.
پای – ج

 کابل / د غبرګولي ۴ مه / باختر
د نېکمرغه کوچني اختر په مناسبت د اطلاعاتو او فرهنګ وزارت د مشرتابه پیغام
د اطلاعاتو او فرهنګ وزارت رهبري د نېکمرغه کوچني اختر د رارسېدو په مناسبت د افغانستان او نړۍ ټولو مسلمانانو ته د زړه له تله مبارکي وایي. د خوښۍ ځای دی چې زموږ پر دین مین ولس په هېواد کې د جګړو له دوام، د کرونا ویروس له خپرېدو او نورو ګڼو ستونزو سره سره، د طاعتونو، عبادتونو او د نفس د تزکیې میاشت په خپل کلک ایمان او ټینګې اسلامی عقیدې سره پای ته ورسوله او له دغه ستر الهي آزمونه یو ځل بیا بریالی او سرلوړی راووت.
له بده مرغه د روژې په مبارکه میاشت کې د افغانستان د اتل وسله وال پوځ د اړوندوانو په ګډون زموږ یو شمېر هېوادال په ترهګریزو بریدونو کې په شهادت ورسېدل او د طبي پرسونل په ګډون یو شمېر نورو هم د کووېډ-۱۹ ناروغۍ له امله خپل ژوند له لاسه ورکړ. موږ د ټولو شهیدانو پا ک روح ته دعا کوو او له کورنیو سره یې خواخوږي او همدردي شریکوو. کوچنی اختر پر خپل عقیدتي ارزښت سربېره ستر ټولنیز ارزښت هم لري. اختر په حقیقت کې د ټولنیزې سولې او پخلاینې، زغم، صبر او دوه اړخیز درناوي جشن دی؛ خو له بده مرغه موږ سږکال کوچنی اختر په عادی شرایطو کې نه نمانځو. کرونا ویروس د خپرېدو په حال کې دی او زموږ د ټولو سلامتیا او ژوند ګواښي. له دې امله موږ باید د ځان، کورنۍ، خپلوانو، دوستانو، همکارانو او ټول ملت د روغتیا د ژغورلو په موخه د اختر په ورځو کې روغتیایي سپارښتنې او پیغامونه په کلکه رعایت کړو. موږ د کوچني اختر په ویاړ په جګړه کې ټول ښکیل لوري اوربند ته رابولو. لکه پورته چې وویل شول اختر د ټولنیزې سولې او پخلاینې جشن دی، له دې امله باید ښکیلې خواوې د اختر په درناوي له تاوتریخوالي او جګړو ډډه وکړي. موږ پر شتمنو هېوادوالو غږ کوو چې د روژې په څېر د اختر په ورځو کې هم له بې وزلو سره مرسته وکړي.
په پای کې یو ځل بیا د کوچني اختر په مناسبت تاسې ټولو ته د زړه له تله مبارکي وایو.
پای.ن.ش

 کابل / د غبرګولي ۴ مه / باختر
د هېواد د يوشمېر ولايتونو خلکو د طالبانو د مشرتابه له خوا د اعلام شوي اوربند هرکلی وکړۍ.
د طالبانو مشرتابه سره له دې چې څو ورځې مخکې له خپلو افرادو څخه غوښتي وو  چې د هېواد د پوځيانو په وړاندې د جګړې دسختوالي لپاره چمتو شي، خو تېره شپه اعلام وکړ چې طالبان د اختر په درېيو ورځوکې اوربند کوي.
په داسې يو حالت کې چې له يوې خوا د کرونا ويروس خپرېدل او له بله پلوه د هېواد په ځينو سيمو کې د جګړې سختوالي د خلکو ذهنونه اغېزمن کړي دي، د طالبانو له خوا د اوربند اعلام او له هغه څخه د هېواد د جمهوررييس هرکلي او ملاتړ د خلکو  د خوښۍ سبب شوى دى.
د کندز ښار اوسېدونکي سېد اجمل باختر آژانس ته وويل چې په دغه ولايت کې زموږ د خلکو فکر د جګړو له زياتوالي څخه زيات اغېزمن شوی و.
هغه وويل: سره له دې چې د هېواد پوځي مشرانو کندز ته راغلل او پوځيان هم له پخوا  څخه زيات په لوړې روحيې سره د کندز دفاع ته چمتو دي، خو بيا هم جګړه، د ډزو غږونه او د خلکو وژنه نور خلک ستړي کړي دي.
هغه وويل چې په کندز ښار او د طالبانو تر واکمنۍ لاندې سيمو کې خلک ددغه اوربند که څه هم د درېيو ورځو لپاره اعلام شوى دى، هرکلی کوي او د  آرامۍ او خوښۍ احساس کوي او د دوى په زړونوکې په هېواد کې د سولې او روغې جوړې لپاره هيلې را ژوندې شوې دي.
د فراه اوسېدونکي امان الله هم وويل چې د طالبانو او پوحيانو ترمنځ د اوربند اعلام د فراه د خلکو له تود هرکلي سره مخ شوى دى.
هغه له باختر آژانس سره په اړيکه کې وويل: اوس د افغانانو ترمنځ جګړه مفهوم او مانا نه لري. بايد دولت او هم طالبان سولې ته غاړه کېږدي او په هېواد کې د کرونا ويروس پرخلاف مبارزې ته شرايط برابر کړي چې خلک له دغه ستر مصيبت څخه وژغورل شي.
د ننګرهار اوسېدونکي زيارمل وويل: زموږ خلک د اختر ترڅنګ په هېوادکې له اعلام شوي اوربند څخه خوشحاله دي او دغه خوښي نن د ننګرهار د هر اوسېدونکي  په څېره کې ليدل کېده.
له هغه اوربند څخه چې دوه کاله مخکې په اختر کې د طالبانو او حکومت له خوا اعلام  شوی و، طالبان ډله ډله ښارونو ته راغلل او له پوځيانو او خلکو سره يې د اختر مبارکي وکړه او يادګاري عکسونه یې واخیستل او د خلکو، طالبانو او پوځيانو ترمنځ  زياتې خاطرې پاتې شوې. خو سږ کال د دغه اوربند په شرايطو کې ويل شوي دي چې طالبان بايد ښارونو ته لاړ نه شي او پوځيان هم د طالبانو تر کنټرول لاندې سيمو ته لاړ نه شي.
په هر ترتيب؛ دا د دولت او طالبانو ترمنځ د باور فضا د رامنځته کولو لپاره يوه ښه هيله او پيل دى او خلک هيله من دي چې له دغه فرصت څخه استفاده وشي او دواړه لوري د خبرو ميز ته کېني او قضيې د خبرو له لارې حل او په هېواد کې دايمي سوله تامينه کړي.
ختم – ج- اکرم

 کابل / د غبرګولي ۴ مه / باختر
د کورنيو چارو وزارت ستر امنيتي معين ستر پاسوال عبدالصبور قانع پرون د بادغيس له پوځي او ملکي مسوولينو سره په غونډه کې د دغه ولايت امنيتي حالت وڅېړه.
د ٢٠٧ ظفر قول ارد مطبوعاتي دفتر باختر آژانس ته خبر ورکړ؛ په دې غونډه کې  چې د  ٢٠٧ ظفر قول اردو د درستيزوال دګروال عصمت الله غروال او د بادغيس د ملکي او پوځي مسوولينو په شتون جوړه شوه، په بادغيس کې د ظفر قول اردو د دريمې لوا د مسووليت ساحې د ښه امنيت د تامين په اړوند خبرې وشوې او پوځي مسوولينو په دغه ولايت کې امنيتي پروګرامونه بيان کړل.
په غونډه کې د بادغيس پوحي او ملکي مسوولينو ډاډ ورکړ چې خپلې دندې په ښه  توګه او د هېواد پالنې په روحيې سره ترسره کوي او د امنيت، سولې او ثبات د تامين په خاطر له هېڅ راز سرښندنو څخه ډډه نه کوي.
د کورنيو چارو وزارت ستر امنيتي معين د جمهوري رياست د حکم د تطبيق په خاطر  د پلان جوړولو او د محارپوي عملياتو د ترسره کولو او د امنيتي او دفاعي ځواکونو د کارونو څېړنه يې دغه ولايت ته د خپل سفر له مهمو هدفونو څخه وبلله او د بادغيس  له ټولو ملکي او پوځي مسوولينو څخه يې وغوښتل چې د دښمن د بريدونو د دوام په صورت کې دې د دښمنانو او د ناامنۍ د عواملو د ځپلو په خاطر د ځمکنيو او هوايي ځواکونو له ټولو ظرفيتونو څخه استفاده وکړي.
ختم - ج - اکرم

 کابل / د غبرګولي ۴ مه / باختر
د نېکمرغه کوچني اختر لمونځ نن د هېواد په ټولو ولايتونوکې په امنه فضا کې ادا شو.
د باختر آژانس د سيمه ييزو خبريالانو د خبرونوله مخې؛ سره له دې چې په هېواد کې  د کرونا ويروس د خپرېدو خطر مخ په زياتيدو دى، خو خلکو د هېواد په مرکز،  ولايتونو او ولسواليو کې د لږو امنيتي ټکو په رعايتولو سره جوماتونو ته لاړل او د اختر لمونځ يې ادا کړ.
ديني عالمانو او ملا امامانو د اختر لمانځه په خطبو کې د ديني موعظو ترڅنګ د هغه اوربند چې د اختر په درېيو ورځو کې د طالبانو له خوا اعلام شوى دى او د افغانستان  د اسلامي جمهوريت د جمهور رييس او د وسله والو ځواکونو د اعلی سرقوماندان له خوا یې هرکلي شوى دى؛  خوښي څرګنده کړې ده او له طالبانو او دولت څخه په هېواد کې د دايمي سولې غوښتنه شوې ده.
زياترو دغو ديني عالمانو روانه جګړه ناروا بللې ده او ويلي یې دي چې دغه جګړه ورور وژنه ده او په هېڅ صورت په اسلام کې جواز نه لري.
ديني عالمانو د اختر لمانځه په خطبو کې د دغه اوربند اعلامول نېک فال بللی دى او هيله يې څرګنده کړې ده چې دا د هېواد د مسلمانو خلکو ترمنځ د سولې او روغې جوړې د راتلونکو اقداماتو لپاره ښه پيلامه وي.
په دغو خطبو کې دغه راز له خلکو غوښتل شوي دي چې د کرونا ساري ويروس  جدي ونيسي او روغتيايي ټکي رعايت کړي او د ځان او خپلو کورنيو د ساتنې لپاره  خپل مسووليت ادا کړي.
ديني عالمانو روغتيا د الله (ج) ستر نعمت او د انسان سلامتيا يې هغه امانت وباله چې الله (ج) ورکړی دی او  انسانان د خپلې سلامتيا په ساتنه کې الله (ج) ته مسوول دي. 
په دغو خطبو کې څرګنده شوې ده: که چېرې روغتيايي امیني تکو ته پاملرنه ونه کړي؛  هم ځان له خطر سره مخ کوي او هم د خپلې کورنۍ او ټولنې ژوند له خطر سره مخ کوي.
دوى له کرونا ويروس سره مبارزه د هر مومن مکلفيت وباله او له لمونځ کوونکو څخه يې وغوښتل چې په اختر کې د خپلو خپلوانو کورونو ته له ورتګ څخه ډډه وکړي او په دې ډول د دغه خطرناک ويروس د زيات خپرېدو د مخنيوي په لاره کې  خپل پور ادا کړي.
دا په داسې حال کې ده چې د کورنيو چارو، حج او اوقافو او د عامې روغتيا وزارتونو هم له خلکو څخه غوښتي دي چې د کرونا ويروس د زيات خپرېدو د مخنيوي په خاطر په اختر کې له ګرځېدو څخه ډډه وکړي.
ختم - ج –اکرم

 کابل / د غبرګولي ۴ مه / باختر
د هېواد د ملي دفاع وزارت سرپرست اسدالله خالد او په افغانستان کې د غوڅ ملاتړ ماموريت عمومي قوماندان جنرال ميلر د هېواد د لوېديځو ولايتونو د امنيتي حالت د څېړنې په موخه پرون هرات ته سفر وکړ.
باختر آژانس د ٢٠٧ ظفر قول اردو د مطبوعاتي دفتر د خبرپاڼې له مخې خبر راکړ چې په دغه سفر کې د ملي دفاع وزارت سرپرست د  ٢٠٧ ظفر قول اردو له قوماندان تورنجنرال ذبيح الله مومند، د هرات له والي سېد وحيد قتالي او د دغه ولايت له جګپوړو امنيتي مقاماتو سره وکتل.
د ملي دفاع وزارت سرپرست په دغه ولايت کې د پوځيانو احضارات وڅېړل او د اختر د امنيت د تامين او په ټوليزه توګه د هرات د امنيتي حالت د ښه والي په خاطر د امنيتي او دفاعي ځواکونو مسوولينو ته لارښوونې وکړې.
د ملي دفاع وزارت سرپرست اسدالله خالد په داسې حال کې چې يوشمېر پوځي مسوولين ورسره ملګري وو، هرات ښار ته لاړ او له خلکو سره يې له نږدې روغبړ وکړ.
په هرات ښار کې د ملي دفاع  وزارت د سرپرست شتون په هېواد کې د ملي واکمنۍ او د ځمکنې بشپړتيا د دفاع او د خلکو د سر او مال د ساتنې لپاره د پوځيانو دهوډ په نسبت د هرات د خلکو د خوښۍ اوهرکلي سبب شو.
ختم - ج - اکرم

Sunday, 24 May 2020 09:11

د مبارکی پيغامونه

 کابل / د غبرګولي ۴ مه / باختر
د افغانستان د اسلامي جمهوريت د جمهوررييس محمد اشرف غني، د جمهوري رياست د مرستيالانو، د ملي مصالحې عالي شورا د رييس ډاکټر عبدالله عبدالله، د کابينې د غړو، د ملي شورا د دواړو مجلسونو رييسانو، د سترې محکمې د رييس، د هېواد د امنيتي او دفاعي ځواکونو او د افغانستان د ټول ملت په نامه د نېکمرغه کوچني اختر په مناسبت د مبارکى پيغامونه باختر آژانس ته رسېدلي دي.
په پيغامونوکې د نېکمرغه کوچني اختر په مناسبت د ښو مبارکيو او نيکو هيلو د څرګندولو ترڅنګ ويل شوي دي چې مسلمه امت د نفس د تزکيې، طاعتونو او عبادتونو مياشت تېره کړه او اوس د نېکمرغه کوچني اختر ورځې نمانځي.
دغه راز په پيغامونوکې څرګنده شوې ده چې اختر مسلمانانو ته د سولې، پيوستون او  روغې جوړې د ستر پيغام زيری ورکوي.
په پيغامونوکې د نېکمرغه کوچني اختر په ورځو کې د دولت او وسله والو مخالفانو ترمنځ د اوربند د هرکلي په ترڅ کې په هېواد کې پر دايمي اوربند او سولې پر ټينګښت ټينګار شوى دى.
دغه راز څرګنده شوې ده چې د افغانستان د راتلونکي په اړه د تعقل د فرصت او د دايمي سولې په اړوند د خبرو لپاره فرصت له هر وخت زيات برابر شوى دى او په هېواد کې وروستي بدلونونه په افغانستان کې د سولې د پیل او د جګړې د پاى ته رسېدو زيری ورکوي.
په پيغامونوکې جګړې او وينې تویيدنې، د اسلام مبين دين د زده کړو او حکمونو پرخلاف بلل شوې دي او ټينګار شوى دى چې رښتيني مسلمانان په مسلمه توګه سولې ته  چې د خداى (ج) فرمان دى؛ مخه کوي او په هېواد کې جګړې او ورور وژنه پاى ته رسوي.
دغه راز په دغو پيغامونو کې د الله (ج) له درباره د هېواد د خلکو د آرامۍ او سوکالۍ او د دايمي سولې او امنيت د ټینګښت هيله شوې ده.
دغه پيغامونه د اطلاعاتو او فرهنګ وزارت او د يوشمېر نورو وزارتونو، دولتي ادارو، ټولنيزو، فرهنګي، تحصيلي او تعليمي بنسټونو، سازمانونو، قومي مشرانو، اتحاديو او د ملکي او پوځي بنسټونو له خوا رسېدلي دي.
ختم - ج – اکرم

Page 9 of 8778