12 November 2019

RSS Facebook

سوداگریز


تازه خبرونه

د جوزجان مدني فعالانو د سولې ملاتړ وکړ

د جوزجان مدني فعالانو د سولې ملاتړ وکړ

کابل/ دلړم٢٠مه/باختر د جوزجان د مدني ټولنې يو شمېرفعالانو نن په...

يو ښوونځى په تخارکې جوړېږي

يو ښوونځى په تخارکې جوړېږي

کابل/ دلړم٢٠مه/باختر د تخار په ينګي قلعه ولسوالۍ کې د شهيد...

طالبانو په غورکې دوه ملکي وګړي په ډزو سره ووژل

طالبانو په غورکې دوه ملکي وګړي په ډزو سره ووژل

کابل/ دلړم٢٠مه/باختر وسله والو طالبانو په غورکې دوه ملکي وګړي د...

Youtube Player

khantry design

سوداگریز

سوداگریز

کابل باختردوږي دمياشتې ٢٨ :
دهلمندولايت دمارجې ولسوالۍ نوى ودانۍ نن پرانستل شوه.
دباخترا ژانس دخبرله مخې:  دهلمندوالي محمدګلاب منګل ددغې ودانۍ  د پرانستلو په وخت کې وويل:  دغه ودانۍ دهلمند دبياجوړولو د ولايتي ټيم په مرسته د اووه سوه پنځوسو زرو امريکايي ډالرو په لګښت دپنځه جريبه ځمکې په ساحه کې جوړه شوى ده .
دغه ودانۍ  اوولس ادارې  خونې ، دکنفرانس سالون  اونور ضروري ملحقات لري.
د هلمندوالي وويل: اوس په مارجې ولسوالۍ کې امنيت تامين دى او د ودانيو دکمښت له پلوه ددغې ولسوالۍ دمنسوبينو ستونزې لرې شوي دي.
 

کابل باختر آژانس دوږى٢٨
د دولت نهه تنه وسله وال مخالفين دکندز ولايت دچاردرې ولسوالۍ دتويره کش په کلي کې دسولې له بهير سره يوځاى شول.
ويل کيږى دغه کسان دسولې د اوونۍ په درناوى له دولت سره يوځاى شوى دي.
دباختر آژانس دخبر له مخې: دکندز والي محمد انور جګدلک دغوکسانوته هرکلى ووايه  او ويې ويل: سوله دټولو خلکو اړتيا ده او جګړه له تباهى او ويجاړ تيا پرته بلې څه  نه رامنځته کوي .
ده ددولت له وسله والو مخالفينو څخه وغوښتل چې له جګړې او ورور وژنې څخه لاس واخلي او دسولې له بهير سره يوځاى شي.
ديادونې وړده چې د روان کال په بهير کې د دولت پنځه سوه پنځوس تنه وسله وال مخالفين ددغه ولايت دسولې دعالي شورا په همکاري دسولې له بهير سره يوځاى شوي دي
 

کابل باختر آژانس دوږى٢٨
په غزني کې دپاڅون کونکو او ياغيانو ترمنځ نښته کې درې تنه ياغي طالبان او درې تنه پاڅون کوونکي ووژل شول او څلورتنه نور ياغيان ټپيان شول.
دغه جګره تيره شپه ددغه ولايت داندړو ولسوالۍ په موريانې کلي کې ونښته .
دغزني د اندړو ولسوالۍ دپاڅون کوونکو مشر فيض الله فيضان باختر آژانس ته وويل: ياغي طالبانو د دوى دتګ راتګ په لاره کې کمين نيولي و، دهغې جګرې له امله چې ونښته درې تنه ياغي طالبان ووژل شول او څلورتنه نوريې ټپيان شول.
ده وويل: په دې نښته کې د دوى درې تنه ځواکونه هم وژل شوي دي او دياغيانو يو شمير وسلې او مهمات او دوه موټر سايکلو نه هم د دوى لاس ته ورغلي دي.
 

کابل باختردوږي دمياشتې ٢٨ :
دشهيدانو، معلولينو، کار او ټولنيزوچارو وزارت خبرتيا!
په کابل ښارکې په اوونۍ کې  دپنځه ورځې کار او د دوو ورځو رخصتيو دپنجشنبه او جمعې له مخې دکار دپيل او پاى رژيم  :
_  دتلې دمياشتې  له لومړۍ نيټې څخه دکب دمياشتې ترپاى پورې دکارپيل دسهار په اتو بجو او دکار پاى په اوونۍ کې دپنځه ديرشو ساعتونو کار له مخې  دلمانځه د ادا کولو او ډوډۍ خوړلو لپاره دغرمې  له دولسو بجو څخه له غرمې وروسته تريوې بجې پورې ديو ساعت  وقفې په پام کې نيولوسره  له غرمې وروسته په څلورو بجو.
د کب دمياشتي ترپاى پورې   دکار پيل دسهار په  اتو بجو  او دکار پاى  په اوونۍ کې دپنځه ديرشو ساعتونو کار له مخې دلمانځه  د ادا کولو او دډوډۍ خوړلو لپاره دغرمې له دولسو بجو څخه له غرمې وروسته تريوې بجې پورې د يوساعت وقفې په پام کې نيولو سره له غرمې وروسته  ترڅلورو بجو په اوونۍ کې دشپږو ورځو کار له مخې  په ولايتونو او دبانکونو په ګډون دکابل ولايت په ولسواليو کې دکار دپيل اوپاى رژيم  .
_  په اوونۍ کې  دشپږو ورځو کار له مخې په ولايتونو اوبانکونو په ګډون دکابل ولايت  په ولسواليو کې دکار دپيل اوپاى رژيم.

_  دتلي دمياشتې له لومړۍ نيټې څخه دکب دمياشتې تر پاى پورې دکارپيل دسهار له اتو بجو و،دکار پاى دلمانځه د ادا کولو او د ډوډۍ خوړلو لپاره دغرمې له ١٢ بجو څخه  له غرمې وروسته تريوې بجې پورې  ديوساعت وقفې په پام کې نيولوسره غرمې وروسته تردريو بجو او ديرشو دقيقو او دپنجشنبې د ورځو دکار پيل دسهار له اتو بجو اوديرشو دقيقو اودکارپاى په اوونۍ کې دپنځه ديرشو ساعتونو کارپه پام کې نيولو سره له غرمې وروسته په يوه نيمه بجه .
_ په توليدي ، خدماتي موسسو ، په دايمي فعالو برخو ، ( دکار د شفتونو دتنظيم، نشراتي موسسو او په روغتيايي مرکزونو کې دکار وختونه   دکاري خصوصيتونو ، اقليمي اومنطقوي  شرايطو په پام کې نيولوسره  د اړوندو لايحو اومقرراتو سره سم  دي، په اوونۍ کې دپنځه ديرشو ساعتونو کارپه پام کې نيولوسره تنظيم او عيارکړي .
_  دتعليمي اوتحصيلي موسسو او ادارو لرونکي وزارتونه دې  دخپل کار دپيل اوپاى رژيم له اړوندو لايحو اومقرراتو سره سم عيارکړي.

کابل باختردوږي دمياشتې ٢٨ :
دسمنګانو ولايت د انتخاباتو دخپلواک کميسيون د ولايتي دفتر د ادارې دنوى ودانۍ لومړۍ برخه دملګروملتو د سازمان د پرمختيايي ادارې په مالي مرسته دايبکو په ښارکې بشپړه شوه .
دسمنګانو ولايت د انتخاباتو د خپلواک کميسيون د دفتر ولايتي مسوول محمدکريم باختراژانس ته وويل: ددغه کميسيون د ادارې د ودانۍ  د جوړولو کار داته جريبه ځمکې په ساحه کې په دوو پړاونو کې په پام کې نيول شوى و چې د ايبکو دنوى ښار دماسترپلان په ساحه کې جوږيږي .
ده وويل: ددغې ودانۍ لومړۍ برخه ديوسلو شپيتو زرو امريکايي ډالرو په لګښت  جوړه شوى ده چې دملګروملتو  د سازمان د پرمختيايي ا داريې له خوا تمويل شوى دي .
محمدکريم  دغه راز وويل چې په راتلوونکې  پروګرام کې ددغه کميسيون  دفترونه او سترسالون جوړيږي .
په همدې حال کې د سمنګانو ولايت د والي د دفتر مطبوعاتي مسوول دملګروملتو دپرمختيايي ادارې ددغه اقدام له امله مننه وکړه او ويې ويل: د دونرونو او مرستندويو هيوادونو په مرسته او دغه راز د دولت  له بودجې څخه ددغه ولايت  په سلوکې اويا دولتي ادارو ته نوى  ودانۍ  جوړې شوي دي چې دغې ودانۍ  په دغه ولايت کې خلکو ته دښوخدمتونو د وړاندې کولو په برخه کې ښه رول لوبولې دي.
ده وويل:  خو اوس ددغه ولايت په سلو کې ديرش دولتي ادارې دمناسب ځاى د نشتوالې له ستونزې سره مخامخې دي اوپه کرايي کورونو کې ورځني چارې پرمخ بيايي .
داپه داسې حال کې ده چې همداوس ددغه وزارت دمستوفيت، اطلاعاتو اوفرهنګ ، کانونو ، اقتصاد اود عدليې د رياستونو د ودانيو دجوړولو کار دوام لري چې ټاکل شوى ده په نږدې راتلوونکې کې دغه ودانۍ ګټې اخيستنې ته وسپارل شي .
 

کابل باختردوږي دمياشتې ٢٨ :
په هلمند ولايت کې د وسله والو طالبانو په کمين کې يو ملکي وګړى اوپوليسو يو سرتيرى  و وژل شو.
د هلمند د والي ويندوى داود احمدي باختراژانس ته وويل: د پوليسو دسرتيرو يو موټر تيره شپه ددغه ولايت دګرشک ولسوالۍ په مربوطاتو کې د وسله والو طالبانو له  کمين سره مخامخ شو چې له امله يې د پوليسو يو سرتيرى اويو ملکي وګړى ووژل شول .
دهلمندولايت په کجکي ولسوالۍ کې د يوې بلې پيښې له امله يو تن ملکي وګړى ووژل شو .
دهلمند د والي ويندوى باختراژانس ته وويل: دغه سړى د کجکي  ولسوالۍ په مربوطاتو کې  دښخ کړى شوى ماين د چاودنې له امله ووژل شو.
ويل کيږي دغه ماين دطالبانو له خوا ښخ کړى شوى و.
 

کابل باختردوږي دمياشتې ٢٨ :
وسله والو ياغي طالبانو تيره شپه دغزني ولايت په ده يک ولسوالۍ کې يو قومي مشر ووا ژه.
حاجي ولي محمد چې په دې وروستيو  وختو کې له سعودي عربستان څخه ددغه ولايت  د ده يک ولسوالۍ په رباط کلي کې خپل کورته راستون شوى و، د وسله والو ياغي طالبانو له خوا ووژل شو.
د ده يک ولسوالۍ امنيه قوماندان فيض محمدتوپان باختراژانس ته وويل: حاجي ولي محمد د دولت  له هيڅ ارګان اوسياسي ډلې سره اړيکې نه لرلې.
دغه راز هغه  وويل: د دولت وسله والو مخالفينو دده يک ولسوالۍ ديو اوسيدونکى  کور وسوځاوه  چې په دغه کورکې ديرش ټوکه قرانکريم هم سوځيدلي دي.
 

کابل باختردوږي دمياشتې ٢٨ :
څوارلس تنه ياغي طالبان د افغان امنيتي ځواکونو دچاڼيزو عملياتو په بهيرکې ووژل شول.
دکورنيو چارو وزارت مطبوعاتي دفترباختر اژانس ته خبرورکړ: دملي پوليسو ځواکونو په تيرو ٢٤ ساعتو کې دکندز، زابل ، ارزګان ، ميدان وردګو ، لوګر ، پکتيکا، هلمند ، ننګرهار او دنيمروز د ولايتونو په مربوطاتو کې يولړچاڼيز عمليات ترسره کړل  چې له امله يې څوارلس تنه ياغي طالبان ووژل شول او د دښمن دوه سوه پنځوس کيلوګرامه  نشه يي توکي، شپږکلاشينکوفونه، د هاوان نهه ماينونه، د وسايطو ضد نهه ماينونه، نور پوځي تجهيزات او دوه موټرسايکلونه په عملياتو کې د برخه والو ځواکونولاسته ورغلي دي.
 

کابل باختردوږي دمياشتې ٢٨ :
د دايکندي ولايت دښځو دچارو رييسه ميرمن حوا رضايي په ميدان وردګو ولايت کې دياغيانو له منګولو څخه آزاده شوه.
ميرمن رضايي د وږي دمياشتې په ٢٦ نيټه له دايکندي څخه کابل ته دسفر په وخت کې په ميدان دره کې د ناپيژندل شويو وسله والو کسانو له خوا تښتول شوى وه.
ميرمن رضايي دامنيتي ځواکونو اوقومي مشرانو په هلوځلو له ياغيانو سره له کومې معاملې پرته آزاده شوې ده.
ديادونې وړ ده چې د دايکندي ولايت دپوليسو دجلب اوجذب قوماندان شاه ولي د روان کال د وږدي په اتلسمه نيټه دغوربند په دره کې دياغيانو له خوا ووژل شو.
تراوسه پورې دکابل _ باميانو دلوى لارې د نا امنيو پرخلاف د اعتراض په توګه څو ځلې مظاهرې شوي دي؛ خو تراوسه پورې په دې لاره کې بشپړامنيت نه دې تامين شوى .
 

کابل باختردوږي دمياشتې ٢٨ :
دبدخشان ولايت  دفيض اباد ښار دڅلورمې ناحيې ددهنه آب دکلي د اوبو دکانال د جوړولو کارپرون پيل شو.
دغه کانال د المان دپرمختيايي بانک په  مرسته د درې سوه نولسو ډالرو په لګښت  جوړيږي .
د بدخشان ولايت داوبو دتنظيم رييس، انجينر محمدرفيع وويل: ددغه کانال په  جوړولو سره  پنځه سوه هکتاره زراعتي  ځمکه خړوبيږي.
دبدخشان والي داکتر شاه ولي الله ددغه کانال د دپرانستلو په وخت کې وويل:  داپه بدخشان ولايت کې  دبيارغاونې لسمه پروژه ده  چې جوړيږي.
ده د المان دپرمختيايي بانک دمرستې څخه مننه وکړه.
دفيض اباد ښار دڅلورمې ناحيې يو تن اوسيدونکى امرالدين دباختراژانس خبريال ته  وويل: ددغې سيمې خلک د اوبو له کمښت سره مخامخ دي اوددغه کانال په جوړولو سره به هم دکرنيزو ځمکو دخړوبولوستونزه لرې کيږي اوهم دڅلورمې ناحيې د بريښنا بند چې پخوا د ابو دکمښت له امله له فعاليت څخه پاتې و؛ بيا په فعاليت پيل کوي او څه ناڅه پنځه سوه کورني له بريښنا څخه يې ګټه اخلي .
ددغه  کانال د جوړولو کاربه څلور مياشتې وخت ونيسي .