19 October 2020

RSS Facebook

سوداگریز


تازه خبرونه

اسلام د اعتدال او ميانه روى دين سينمار جوړ شو

کابل/ د تلې٢٨مه / باختر (اسلام د اعتدال او ميانه...

١٥٥ ځوانان د بيان له فن سره بلد شول

کابل/ د تلې٢٨مه / باختر د بيان فن د وړيا زده...

Youtube Player

khantry design

سوداگریز

سوداگریز

کابل_باختر دچنګاښ د مياشتې٢٤مه:
د افغانستان د طالبانو په باب د پاکستاني پوځ له نظره د هغه هېواد یوه پخواني متقاعد برید جنرال په کم ساري ډول پرده پورته کړې ده. د نیوز په ورځپاڼه کې متقاعد پاکستاني برید جنرال صدیقي د پاکستان د پخواني ولسمشر او پوځي مشر جنرال پرويز مشرف له خولې لیکلي دي چې افغان طالبان د پاکستان د پوځ لپاره چمتو ځواک دی چې تل یې کارولی شي.
باخترآژانس ته په را رسيدلوخبرونوکې ويل شوي دي:
د پرويز مشرف له خولې دا هم ویل شوي چې افغان طالبان د پآکستان د پوځ د ګټو لپاره په هر مناسب وخت کې کاریدلی شي او دوی یې د هند پر ضد هم د اړتیا پر وخت کارولی شي.
متقاعد پاکستانی برید جنرال دا هم وایي چې پرویز مشرف منله چې طالبانو افغانستان خراب کړی خو د پاکستان د پوځ لپاره ستراتیژیک احتیاطي ځواک دی چې د اړتیا پر وخت یې کارولی شي.
پرویز مشرف اوس په پاکستان کې د بیلا بیلو جنایي او سیاسي قضیو له امله نظر بند دی.

کابل\باختر\دسرطان ٢٤
دملي اردو منسوبينو په ښه توګه په هيوادکې د امنيت د تامينولو په مقصدپرون د هلمند ولايت دګرشک ولسوالۍ په مربوطاتوکې يولړ چاڼيز عمليات ترسره کړل چې له امله يې دوه تنه وسله وال مخالفين ووژل شول او يوه اندازه وسله او مهمات ترلاسه شول.
دملي دفاع وزارت مطبوعاتي دفتر باخترآژانس ته خبر ورکړ: دغه راز د زابل ولايت دشاه جوى ولسوالۍ په مربوطاتوکې دملي اردو او دملي پوليسو د منسوبينو دګډو چاڼيزو عملياتو په بهيرکې يو وسله وال مخالف وژل شوى دى.
دغه راز د هلمند ولايت د واشير ولسوالۍ په مربوطاتوکي د ملي اردو او ملي پوليسو د منسوبينو په ګډو عملياتوکې پنځه تنه مشکوک مخالفين ونيول شول.
دغه راز دقندهار ولايت د ميوند ولسوالۍ په مربوطاتوکې دملي اردو دخاصې قطعې د منسوبينو دګډو چاڼيزو عملياتوپه بهيرکې دوه تنه مشکوک مخالفين او دپکتيا ولايت د احمدا باد ولسوالۍ په مربو طاتو کې پنځه تنه مشکوک مخالفين له يو کلاشينکوف او له څلورو شاژورونو سره ونيول شول.
ديو بل خبر له مخې: د وسله والو مخالفينو له خوا دميدان وردګو ولايت د جلريز ولسوالۍ په مربوطاتوکې دښخ کړاى شويو ماينونو د چاودنې له ا مله د ملي اردو پنځه تنه منسو بين ټپيان شول.

کابل\باختر\دسرطان ٢٤
دملي امنيت د لوى رياست موظفينودتخار ولايت دچال ولسوالۍ لپاره د طالبانو د ډلې نومول شوى ولسوال  د تالقانو ښار په مربو طاتوکې ونيوه.
دملي امنيت د لوى رياست مطبوعاتي دفتر باخترآژانس ته ديوې خبر پاڼې په ليږلو سره ليکلي دي چې ده په لومړنيو تحقيقاتوکې اعتراف کړى دى چې پوځي تعليمات او په واټ کې د ښخولو لپاره د ماينونو د جوړولو لارې چارې يې په شمالى وزيرستان کې د جندالله د ډلې له ازبکستاني ښوونکو څخه زده کړې دي او دتخار ولايت لپاره د طالبانو د نومول شوى والي مولوي باز محمد له خوا چې دپاکستان په پيښورکې استوګنه لري؛ د دغه ولايت دچال د ولسوال په تو ګه ټاکل شوى و چې په تالقانو ښارکې د ماين ښخولو په وخت کې ونيول شو.

کابل\باختر\دسرطان ٢٤
دمشرانو جرګه رئيس فضل هادي مسلميار نن يومف د سويس دنيا پوهنتون دلوى رئيس کړه وړه وستايل.
دمشرانو جرګې مطبو عاتي دفتر باختراژانس ته خبر ورکړ: په هغې غونډه کې چې له همدې امله جوړه شوې وه او ځينو سناتورانو هم پکې برخه لرله؛ د يومف سويس دنيا پوهنتون لوى رئيس ډاکترجاويد سنګ دل ددغه تحصيلي مرکز دفعاليتونو په باب د معلوماتو د وړاندې کولو په ترڅ کې دسنامجلس رئيس ته وړانديز وکړ چې د لوړو زده کړو په برخه کې له کمو پرمختللو ولايتونو څخه شل تنه محصلان چې دځينو دلايلو له امله له زده کړې څخه پاتې شوې وې؛ معرفي کړي چې په وړيا ډول ددغه پوهنتون په درسي پروګرامونو کې شامل شي.
دسنا مجلس رئيس ددغه وړانډيز په تاييدولو سره ځوان نسل ته د زده کړې د زمينو د برابرولو په خاطر د دنيا پوهنتون کړه وړه وستايل او دمشر انو جرګې ستاين ليکونه او نښان يې ډاکتر جاويد سنګدل او په افغانستان کې د دنيا پوهنتون سرپرست جنرال احمد شاه ته وړاندې کړل.

کابل \ باختر  د چنګاښ ٢٤ :
د روژې دمبارکې مياشتې په درناوى د قرآن کريم د پسرلي ستر نندارتون نن په کابل  کې پرانيستل شو .
دباخترآژانس دخبرله مخې: په دې  نندارتون کې چې داطلاعاتو اوفرهنګ وزارت په همکارۍ جوړشوى دى؛ شلوتنو خپرونکو په ديرشو غرفوکې قرآن کريم په چاپي، تصويري اوصوتي ډول نندارې ته وړاندې کړى دى.
په هغومراسموکې چې له همدې امله پرځاى شوي و؛ ويناوالو د روژې د قرآن کريم  د نازليدو دمبارکې مياشتې دفضليت په باب خبرې وکړې .
دغه نندارتون دلسو ورځو لپاره دمينه والو پرمخ پرانيستى دى.

کابل \ باختر  د چنګاښ ٢٤ :
د افغانستان لپاره دملګرو ملتو دسازمان دسرمنشي ځانګړى استازى يان کوبيش وايي: ددغه سازمان دامنيت شورا يوځل بيا له افغانستان سره په خپل هميشني ملاتړ ټينګار کړى دى.
دباخترآژانس دخبرله مخې، يان کوبيش وايي: د ملګرو ملتو سازمان له بيلابيلو سياسي ډلو او دولتي مرکزونو سره له نږدې کارکوي چې په افغانستان کې د پراخې وګړني واکمنۍ لاره اواره شي .
کوبيش دغه راز وويل چې د ملګروملتوسازمان د دې ترڅنګ دسولې په بهيرکې هم خپل رول لوبوي او دافغانستان د راتلوونکي په نسبت ځان مسوول بولي.
دغه شورا له افغانستان سره د اوسنيو او له ٢٠١٤ کال وروسته مرستو په باب ټينګارکړى او د سولې او دملي روغې جوړې بهيريې يواځينۍ اړتيا بللې او په دې برخه کې  برياليتوبونه يې له هيلو ډک وبلل .
دملګروملتو سازمان  سربيره پر دې دافغانستان اقتصادي وده ډير مهم اوبرخليک ټاکوونکي بولي .
يان کوبيش دغه راز د افغانستان له حکومت څخه وغوښتل چې په هيوادکې د بشرحقوقو ته جدي پاملرنه وکړي او باور يې څرگندکړى چې د افغانستان خلک او  حکومت د دې کار ملاتړ کوي.

کابل \ باختر  د چنګاښ ٢٤ : 
دکونړ ولايت يو سيمه ييز مقام د وسله والو طالبانو له خوا شهيد کړاى شو.
دکونړ ولايت د والي مرستيال  قاضي محمدنبي احمدي باخترآژانس ته وويل: دکونړولايت دمقام اجرائيه مدير راضي خان کله چې له جومات څخه خپل کور ته روان و؛ د وټه پورې ولسوالۍ دکورباغ په سيمه کې دوسله والو طالبانو  له خوا پرې بريد وشو او شهيد کړاى شو.
يوه اړونده خبرځاى وويل: يرغلګر طالبان ددغه سيمه ييز مقام له شهادت وروسته په تيښتې بريالي شول او امنيتي مامورينو دهغه دنيولو لپاره پلټنې پيل کړې دي .

کابل \ باختر  د چنګاښ ٢٤ :
څلور تنه وسله وال طالبان پرون په سرپل ولايت کې ووژل شول.
دسرپل ولايت دامنيې قوماندانۍ د امنيت آمر سمونوال سخي داد حيدري باخترآژانس ته وويل: په هغوچاڼيزوعملياتوکې چې دملي اردو دکوماندو د ځواکونو او دملي پوليسو له خوا د نړيوالو ځواکونو دهوايي پوځ په مرسته  دسانچارک ، ګوسفندي او د سوزمه قلعه د ولسواليو په مربوطاتوکې ترسره شول؛ د دوو تنو قوماندانانو په ګډون څلور تنه وسله وال طالبان ووژل شول، پنځه تنه ټپيان او درې تنه نور ونيول شول.
دحيدري دڅرگندونوله مخې: دغه عمليات د دښمن له شتون څخه ددغو ولسواليو دپاکولو په مقصد پيل شوي دي او د دښمن يوه اندازه جنګي وسايل هم دهوايي عملياتو له امله ويجاړشوي دي .
دسرپل ولايت د امنيې قوماندانۍ د امنيت آمر زياته کړه چې پرون دسرپل ولايت  په صياد ولسوالۍ کې په يوه جلا پيښه کې يو سيمه ييز پوليس د وسله والوکسانو له خوا ټپي شو او دپوليسو ځواکونو پنځه تنه ددغې قضيې په اړوند نيولي دي.

کابل \ باختر  د چنګاښ ٢٤ :
دهيواد د واليبال ملي ټيم په نيپال کې د آسيا د جنوب په سياليوکې له دريمې ماتې سره مخامخ شو.
د المپيک د ملي کميټې د واليبال فدراسيون يوتن مسوول عارف پيمان باخترآژانس ته وويل: د هيواد د واليبال ملي ټيم په خپلې وروستۍ لوبه کې چې تير ماښام ترسره شوه؛ د صفر په مقابل کې په دريوسره دسريلانکا ټيم په وړاندې ماتې وخوړه .
دغه راز دغه ټيم په تيرو دوو لوبوکې هم دنيپال په وړاندې د دوو په مقابل کې په دريو او د مالديف په مقابل کې د يوې په مقابل کې په دريو سره ماتې منلې وه.
د آسيا د جنوب د واليبال دغه سيالۍ دافغانستان ، نيپال  ، مالديف  اوسريلانکا دټيمونو په ګډون د روان کال د جولاى د مياشتې په دولسمه نيټه دنيپال دکتمندو په ښارکې پيل شوې دي..

کابل \ باختر  د چنګاښ ٢٤ :
په هلمند ولايت کې دوه تنه ملکي وګړي شهيدان شول .
د هلمندولايت په موسى قلعه ولسوالۍ کې تيره شپه يو دکاندار د طالبانو له خوا شهيد کړاى شو.
د هلمند د والي ويندوى احمدزيرک باخترآژانس ته وويل: يرغلګر له سيمې څخه تښتيدلى دى او امنيتي مامورين د دوى د نيولو لپاره پلټنې پيل کړې دي.
په يوه بله پيښه کې د سنګين ولسوالۍ په مربوطاتوکې دماين دچاودنې له امله  يوملکي وګړي شهيدشو.
د هلمند د والي ويندوى احمدزيرک باخترآژانس ته وويل: دغه سړى د سنکين د ملازد په ساحه کې دماين دچاودنې له امله شهيدشو.