29 January 2020

RSS Facebook

سوداگریز


تازه خبرونه

د افغانستان او پاکستان ترمنځ د تورخم بندر د ترافيکو پرمخ پرانيستل شو

د افغانستان او پاکستان ترمنځ د تورخم بندر د ترافيکو پرمخ پرانيستل شو

کابل / دسلواغې ٩مه / باختر د افغانستان او پاکستان ترمنځ...

 سوله غوښتونکو سمنګانو ته سفر وکړ

سوله غوښتونکو سمنګانو ته سفر وکړ

کابل / دسلواغې ٩مه / باختر د وګړنى سولې کاروان يوه...

Youtube Player

khantry design

سوداگریز

سوداگریز

کابل\  باختردلندي دمياشتې  ٢٥ :
دافغانستان اوپولند دبهرنيو چارو وزيرانو نن ددواړو هيوادونو ترمنځ  دهمکاري نوى موافقه ليک لاسليک کړ.
دافغانستان دبهرنيو  چارو وزير وايي چې دغه موافقه ليک به دافغانستان  اوپولند دملتونو ترمنځ دهمکارۍ او دوستۍ دپياوړتيا اوپراختيا سبب شي .
دباخترا ژانس  دخبرله مخې،  دپولند دبهرنيو چارو وزير شيکورسکي نن کابل ته راورسيد.
دغه سفر دده دافغان سيال ډاکتر زلمي رسول په بلنه وشو چې په بهيرکې يې ددواړو هيوادونو دبهرنيو چارو وزيرانو دافغانستان اوپولند ترمنځ دهمکارۍ نوى موافقه ليک لاسليک کړ.
دغه موافقه ليک په سياسي ، امنيتي ، اقتصادي ، فرهنګي ، ښوونې  اوروزنې اوعلمي برخو کې ددواړو هيوادونو  دريځ اومکلفيت په ګوته کوي   چې داعتبار موده يې پنځلس کاله ټاکل شوې ده.
دافغانستان دبهرنيو چارو وزير ډاکتر زلمي رسول دموافقه ليک  له لاسليک کولو وروسته څرگنده کړه، دغه موافقه ليک  به دافغانستان اوپولند  ترمنځ ددوستۍ اوهمکارۍ دلازياتې پياوړتيا اوپراختيا سبب شي  چې په بيلابيلو برخو کې دهکاريو پراخ طيف پکې شامليږي .
دافغانستان دبهرنيو چارو وزير زياته کړه چې ده دپوليند دبهرنيو چارو له وزير شيکورسکي سره  په کتنه کې په افغانستان کې دطبيعي  منابعو دسکتور په ګډون په بيلابيلو سکتورونو کې دپولندي  شرکتونو دپانګونې دفرصتونو په باب خبرې کړي  دي .
هيله لرو وکولاي شو  په دې مشخصه برخه کې په راتلوونکي کې نږدي همکاري ولرو.
دافغانستان اوپولند ترمنځ  دهمکاري نوى موافقه ليک به  ددواړو هيوادونو دپارلمانونو له تصويب وروسته نافذ اوداجرا وړ وي.
ددغه موافقه ليک له لاسليک وروسته دافغانستان دبهرنيو چارو وزير ډاکترزلمي رسول اودپولند دبهرنيو چارو وزير شيکورسکي  په يوه خبري غونډه کې دخبريالانو پوښتنو ته ځواب ووايه.
دپولند دبهرنيو چارو  وزير له ٢٠١٤ م کال وروسته  کله چې بهرني ځواکونه له افغانستان څخه وځي ، دخپل هيواد ماموريت اودريځ  څرگند کړل او ويې ويل   چې پولند به دناټو دپروګرام په چوکاټ کې  په افغانستان کې خپل ماموريت ته دوام ورکړي  او دغه ماموريت به زياتره ددغه هيواد دامنيتي ځواکونو دروزنې او سمبالولو په برخه کې وي.
ده په افغانستان کې دځوانې ديموکراسۍ  ملاتړ وکړ او ويې ويل چې پولند ددغه شان ديموکراسي دودې  په خاطر له افغانستان سره مرسته کوي.
دافغانستان دبهرنيو چارو وزير په دې خبري کنفرانس کې  ددې ترڅنګ چې دافغانستان اوپولند دهمکاريو په باب معلومات ورکړل  دامنيتي همکاري دسند دلاسليک کولو په اړوند له امريکايي مقاماتوسره دخبرو دپرمختيا په باب ديوې پوښتنې په ځواب کې وويل چې په دې باب خبرې دوام لري اوپرمختګونه هم شوي دي.
 

کابل\  باختردلندي دمياشتې  ٢٥
د افغانستان د اسلامي جمهوریت جمهور رئیس حامد کرزي په بهرنیو هېوادونو کې د افغانستان سفیرانو او جنرل قونسلانو ته وویل: تاسو له نړۍ سره د زرګونو کلونو پخواني هېواد په توګه د افغانستان د فرهنګ، غرور او متانت رښتینی استازیتوب وکړﺉ.
دجمهوري رياست مطبوعاتي دفترباختراژانس ته خبرورکړ
حامدکرزى چې نن سهار د بهرنیو چارو په وزارت کې په بهرنیو هېوادونو کې د افغانستان د سفیرانو او قونسلانو کنفرانس ته وینا کوله، وویل: تاسو د افغانستان د دیپلوماتانو په توګه د نړۍ له هېوادونو سره په اړیکو کې خپل هېواد لکه څنګه چې دی، هغسې معرفي کړﺉ.
د هېواد جمهور رئیس د ډیپلوماسۍ په برخه کې د افغانستان پرمختګ ته اشاره وکړه او وې ویل: د افغانستان تر ټولو لویه کامیابي چې د افغانستان ملت یې ستایي، د افغانستان سیاسي او دیپلوماتیک دریځ دی، خو دا دریځ په ډېره لویه بیه ترلاسه شوی دی چې هغه د افغانستان د ملت قرباني ده.

حامد کرزي وویل: پداسې حال کې چې موږ په تېرو لسو کلونو کې د نړۍ له مرستو څخه مننه کوو، دا هم باید تاسو نړۍ ته ور په یاد کړﺉ چې دوی هم باید د افغانستان مننونکي واوسي ځکه چې هره ورځ په دې خاوره کې د افغانستان ملت ددې خاورې او له ترورېزم سره د مجادلې لپاره چې د نړۍ غوښتنه ده، قرباني ورکوي.

جمهور رئیس په دې باندې ټینګار وکړ چې دا زموږ او ستاسو دنده ده چې په نړۍ کې د افغانستان بیرغ سر لوړی، باعزته او با وقاره وساتو او دا مو هم دنده ده چې نړۍ د افغانستان قربانۍ هېرې نکړي، که موږ د نړۍ د همکاریو مدیون یو، جهان هم باید زموږ د قربانیو مدیون واوسي او دا هله کېدای شي چې موږ یې یادې کړو او زموږ په خاطر کې وي.

حامدکرزي له ۲۰۱۴ کال وروسته د افغانستان او نړۍ اړیکو ته د اشارې په ترڅ کې  وویل: له ۲۰۱۴ میلادي کال وروسته چې بهرني ځواکونه له افغانستان څخه وځى او د امنیتي مسؤولیتونو لېږد بشپړیږي، په ډاډ سره ویلای شم، نه یوازې دا چې زموږ په امنیت کې به کمۍ رانه شي، بلکې زموږ د حالت او ژوند د ښه والي لامل به هم شي.

د هېواد جمهور رئیس وویل: موږ باید د خپلې خاورې د خاوندانو په توګه د خپلې خاورې مالکیت په تمامه معنی نړیوالو ته وښیو، نو له تاسو مې غوښتنه دا ده چې د نړۍ په هېوادونو کې د هغوی له مامورینو او رسنیو سره په کتنو او اړیکو کې له ۲۰۱۴ کال وروسته په افغانستان کې د حالاتو په اړه ډاډ ورکړﺉ.

حامد کرزي د بهرني سیاست او تګلارې په اړه وویل: د افغانستان بهرني تګلاره پر کثیر المحوري سیاست باندې ولاړه ده، په سیمه کې مو له ګاونډیانو او اسلامي هېوادونو سره اساسي اړیکې دي او په هره بیه مو هڅه کړې چې دا اړیکې پیاوړې او مضبوطې وي، په سیمه ایزو همکاریو او سازمانونو کې هم د افغانستان غړيتوب ثابت شوی دی.

د هېواد جمهور رئیس له لویدیځ او امریکې سره د افغانستان اړیکو ته اشاره وکړه او وې ویل: له دوی سره زموږ د اړیکو تینګښت هم زموږ او هم د هغوی هڅه وه، خو په ختیځ کې د روسیې، چین، ایران، هند او نورو هېوادونو سره د افغانستان اړیکې په خپله  زموږ نوښت و، افغانستان غواړي چې دې اړیکو ته دوام ورکړي او خپل بهرنی سیاست داسې بنا کړي چې هم زموږ ګټې پکې خوندي وي او هم له نړۍ سره مو اړیکې ټینګې وي.

حامدکرزي د نړۍ له یو شمېر هېوادونو سره د افغانستان ستراتیژیکو همکاریو ته د اشارې په ترڅ کې وویل: له نړۍ سره زموږ د ستراتیژیکو همکاریو اړیکې د افغانستان لپاره حیاتي اهمیت لري، له شک پرته دا اړیکې د افغانستان د خلکو په خیر دي، خو دا اړیکې په هېڅ ډول نشي کولای د افغانستان د ملي واکمني او له نورو هېوادونو سره زموږ د حسنه اړیکو لپاره ګواښ شي.

جمهور رئیس څرګنده کړه: په داسې حال کې چې افغانستان د امریکا د متحده ایالاتو متحد او ملګری دی، له روسیې سره هم غوره اړیکې لري، افغانستان چې د هند ستراتیژیک متحد دی له پاکستان سره هم غواړي د دوستۍ او ورورۍ اړیکې ولري، خو دا اړیکې باید یو اړخېزې نه وي او موږ غواړو چې دوست هېواد پاکستان له موږ سره خپلې اړیکې لکه چې زموږ هیله ده، په حقیقي بڼه ولري.

په دى کنفرانس کې د بهرنیو چارو وزیر ډاکټر زلمي رسول هم خبرې وکړې او د کنفرانس اود افغانستان د بهرني سیاست په اړه یې د غونډې برخه والو ته معلومات ورکړل.
د یادولو وړ ده چې د افغانستان د سفیرانو او جنرل قونسلانو کنفرانس به د پنځو ورځو لپاره دوام ولري.

پيکينګ \ نړيوالي خبري منابع \  باختردلندي دمياشتې  ٢٥ :
داټومي امنيت نړيواله غونډه نن دبيلابيلو هيوادونو او سازمانونو داستازو په ګډون په جاپان کې پرانستل شوه.
دجاپان دفوکوشيما په ولايت کې ددغې غونډې دجوړولو هدف  داټومي امنيت لپاره دهمکاري  پياوړتيا ده .
دفوکوشيما اټومي بټۍ  په همدې سيمه کې په ٢٠١١ کال کې دزلزلې او سونامي له امله  له اټومي ناتار سره مخامخه شوه او دنړۍ ستر اټومي ناتار رامنځته شو.
دغه درې ورځني غونډه دوزيرانو په کچه جوړه شوې  ده او مشرتوب يې په ګډه داټومي انرژي  اداره اودجاپان حکومت په غاړه لري.
په دې غونډه کې  دايران  دبهرنيو  چارو وزارت دمرستيال په مشري يو ايراني هيئت هم ګډون کړى دى  او اړونده لوري  به داټومي   ناتار دمخنيوي اوپه دې برخه کې  دنړيوالو همکاريو  دپياوړتيا په باب خبرې وکړي.
په دې غونډو کې به ټينګار وشي داټومي انرژي دنړيوالې ادارې غړي دى بايد داټومي بټيو  امنيتي څيړنه زياته کړي اودهغو امنيت لوړ کړي.
دانساني منابعو له ودې اوداټومي  مرکزونو اودهغو له پياوړتيا سره مرسته ددغې غونډې له نورو مسلو څخه دى .
ديوکال په تيريدوسره سره دفوکوشيما يوسلو شپيته زره تنه اوسيدونکي  په فوکوشميا  کې خپلو کورونو ته دستنيدو حق نه لري اوپه  نورو امنوسيمو کې شپي سباکوي.
 

انقره\ دويچه ويله\  باختردلندي دمياشتې  ٢٥ :
امريکا ، المان  اوهالند ترکيې ته دپاتريتوت دافع  هوا توغندي ليږي اوناټو
اوامريکا  دسوريې  دجمهوررييس بشارالاسد  رژيم دنسکوريدو په  حال کې ويني  .
په ترکيه کې دتوغنديو اوځواکونو دځاى پرځاى کولو دعملياتو فرمان دامريکا ددفاع دوزير ليون پنيتا له خوالاسليک شوى دى  چې دهغه له مخې دپاتريتوت ددافع  هوا توغنديو دوه قطعې داردو له څلور  سوه پرسونل سره دسوريې اوترکيې ګډې پولې ته استول  کيږي اوهالند هم ترکيې ته دغه توغندي ليږي.
دالمان پارلمان هم پرون په غوڅ  اکثريت سره  ترکيې ته دپاتريوت توغنديو  اوڅلور سوه تنو الماني سرتيرو استول چې تر ٢٠١٤ ميلادي  کال پورې به په ترکيه کې ځاى پرځاى شي تصويب کړه.
سوريه د ٢٠١١ کال دمارچ له مياشتې څخه ددولت دمخالفينو اوحکومتي ځواکونو ترمنځ په جګړه اخته ده چې څلويښت زره تنه وژل شوي او په لسګونو زره تنه نور ددغه هيواد په دننه کې اوبهرته مهاجرشوي دي.
 

دمشق \ دروسيي غږ راډيو\  باختردلندي دمياشتې  ٢٣ :
په داسې حال کې چې په درسته سوريه کې خونړي نښتې دوام لري اوددولت پلوي
اومخالف وسله وال ځواکونه ديو بل دوژنې په لټه کې دي دملګروملتو دسازمان دسوله ساتي مرکز غړو هيوادونو تصميم نيولي دي چې دملګروملتو دسازمان  تر نظر لاندې له څلورو څخه ترلسو زرو تنو پورې سوله ساتو ځواکونو داستولو امکان وڅيړي.
دباختراژانس دخبرله مخې ،  ددغو ځواکونو دشتون وړانديز په سوريه کې دنښتو دبندولو لپاره درښتيني  حل دلارې دلټولو له مياشتو مياشتو هلوځلو وروسته دملګرو ملتو دسازمان او دعربو اتحاديې دځانګړي استازي اخضر ابراهيمي  له  خوادملګروملتو سازمان ته ورکړشوى دى.
په سوريه کې ددغو سوله ساتو ځواکونو شتون دملګروملتو د سازمان دامنيت شورا دغړو تائيد ته اړتيالري  چې په دغه هيواد کې سياسي پوځي  بې ثباتي چې د ٢٠١١ کال دمارچ له مياشتې څخه پيل شوې ده په يو ډول نه يو ډول پاى ته  ورسول شي .
 

کابل\  باختردلندي دمياشتې  ٢٥ :
دملي اردو منسوبينو پرون دقندهار ولايت په مربوطاتو کې  دوسله والو طالبانو يو سرګروپ له دوو تنو افرادو سره يې ونيو.
دملي  دفاع وزارت مطبوعاتي دفتر باختراژانس ته خبرورکړ،  دغه سرګروپ دملي اردو  دځانګړې قطعې  دخاصو عملياتو په بهير کې ددوو تنو  افرادو سره يې ونيول شو ، اعتراف کړى دى چې په دغه ولايت کې   په څو تروريستي اوورانکارو بريدونو ، ماين ښخولو ، په پوځي منسوبينو په بريدونو اووسله والو مخالفينو ته دمهاتو اوتجهيزاتو دليږدول مسووليت په غاړه درلوده.
ويل کيږي له ده څخه څوميله ډول ډول وسلې هم ترلاسه شوي دي.
 

کابل\  باختردلندي دمياشتې  ٢٥ :
دملي اردو پنځه تنه سرتيري دماين دچاودنې  اوددښمن دډزو له امله شهيدان شول.
دملي دفاع وزارت مطبوعاتي دفتر باختراژانس ته خبرورکړ.
دملي اردو پنځه تنه سرتيري دفراه ولايت دبالابلوک اودهلمند ولايت دکجکي ولسواليو په مربوطاتو کې دامنيتي دندوپه بهيرکې  ددښمن له خوا دښخ کړيو شويو ماينونو دچاودنو  او ډزو له امله شهيدان شول.
دغه راز دقندهار ولايت د ژيړي ولسوالۍ په مربوطاتو کې دماين دچاودنې له امله دملي اردو يو عسکرټپي شو.
 

نوي ډيلي \ دي نيوز\  باختردلندي دمياشتې  ٢٥ :
دپاکستان دکورنيو چارو وزير رحمان ملک نن دهند له صدراعظم منموهن سنګهه سره وکتل  او خبرې يې وسره وکړې.
دباختراژانس دخبرله مخې ، دپاکستان دکورنيو چارو وزير  چې دهند دکورنيو چارو وزير سوشل کمار سيندي ددرې ورځني سفر لپاره دپنجشنبې  په ورځ نوى  ډيلي ته ورسيد وويل  چۍ دى دسولۍ له يو پيغام سره  هند ته رسيدلى دى.
رحمان ملک  وويل چې هيواد يې په دواړو هيوادونو اوپه ټوله سيمه کې دسولې غوښتوونکي دى  او زياته يې کړه چې دوى نه غواړي بمي چاودنه بياتکرارشي.
په همدې حال کې دهندصدراعظم منموهن سنګهه وويل چې هيواد يې له
پاکستان اوله خپلو ګاونډيانوسره دښو اړيکو غوښتوونکي دى .
په دې کتنه کې رحمان ملک  دبومي دکلي دپراختيا دپروژې په پرانستلو کې دګډون په مقصد پاکستان ته دسفر لپاره دهند صدراعظم ته بلنه ورکړې ده.
 

کابل\  باختردلندي دمياشتې  ٢٣ :
دملي اردو منسوبينو دبلخ ولايت په مربوطاتو کې دچاڼيزو عملياتو په بهيرکې درې ځانمرګي واسکټونه اويوه بوشکه چاوديدونکي توکي ترلاسه کړل.
دملي دفاع وزارت دويندوى مطبوعاتي دفتر باختراژانس ته  خبرورکړ:  دبلخ ولايت  دچاربولک ولسوالۍ په مربوطاتو کې  دافغان  ځواکونو دګډو چاڼيزو عملياتو په بهيرکې  درې  ځانمرګي واسکټونه اويوه شل ليتره بوشکه چاديدونکي  توکي  چې ويل کيږي  دوسله والو مخالفينو له خوا دورانکارو  او تروريستي بريدونو په مقصد دچاربولک ولسوالۍ دشوايان له کلي څخه دمزارشريف بيز ته ليږدول کيدل کشف اوشنډ شول.
دبلخ ولايت يو امنيتي مقام ويلى دى چې دپيښې عامل پيژندل شوي  او دده دنيولو په مقصد دامنيتي مرکزونو هلې ځلې دوام لري .
 

کابل\  باختردلندي دمياشتې  ٢٥ :
داطلاعاتو اوفرهنګ وزارت دځوانانو دمعينيت خبرتيا:
داطلاعاتو اوفرهنګ وزارت دځوانانو دچارو معينيت دروزنيزو اسانتياو دبرابرولو په مقصد دازهر  دلوړو زده کړو له موسسي ، دعدالت دلوړو زده کړو له انستيتوت ، دهيواد دلوړو زده کړو له موسسي ، دتيک هت  دمعلوماتي تکنالوژي له انستيتوت ، دطلوع معاصر  دمعلوماتي تکنالوژي دلوړو زده کړو له مرکز او دآژير دلوړو زده کړو له انستيتوت سره په سلو کې دپنځوسو اوشپيتو تخفيف په پام کې نيولو سره څلورو زروتنو اړو اوبيوزلو ځوانانوته تړونونه لاسليک کړي دي.
مينه وال کولى شي دنوم ليکنې اومعرفي کولو په مقصد دتذکري له فوتوکاپي اودوو عکسونو سره په پل باغ  عمومي کې داطلاعاتو او فرهنګ وزارت دځوانانو دچارو دمعينيت دځوانانو دودې ،مصوونيت  اوروزنې دمرکزونو رياست  ته ورشي .