24 September 2020

RSS Facebook

سوداگریز


تازه خبرونه

جمهوررئیس محمد اشرف غني د پاکستان د نوي سفیر باورلیک ومانه

جمهوررئیس محمد اشرف غني د پاکستان د نوي سفیر باورلیک ومانه

کابل/ د تلې ۳مه/ باختر د افغانستان د اسلامي جمهوریت...

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

Youtube Player

khantry design

سوداگریز

سوداگریز

کابل\  باختر د چنګاښ ١٦ :
وسله والوطالبانو تيره شپه د غزني ولايت د اندړو ولسوالۍ د لغوي دکلي جامع جومات وچاوه .
دغزني ولايت  د اندړو ولسوال محمد قاسم ډيسيوال باخترآژانس ته وويل   :
وسله والوطالبان داندړو ولسوالۍ دلغوي دکلي په جامع جومات کې د چاوديدونکو توکو په ځاى پرځاى کولو سره دغه جومات د ماښام د لمانځه له اداکولو وروسته وچاوه چې له امله يې د جومات ملاامام او دوه تنه لمونځ کوونکي ټپيان شول.
دډيسيوال دڅرگندونوله مخې: د دغې پيښې د ټپيانو روغتيايي حالت  خراب بلل شوى دى.

کابل \ باختر د چنګاښ ١٦ :
دملي اردو درې تنه عسکر په ميدان وردګو ولايت کې د امنيتي دندو دترسره کولو په بهيرکې شهيدان شول.
دملي دفاع وزارت د ويندوى مطبوعاتي دفتر باخترآژانس ته خبرورکړ:
دملي اردو درې تنه عسکر دميدان وردګو ولايت دچک اوسيدآباد د ولسواليو په مربوطاتوکې په واټ کې په ښخ کړى شويو مايونو د ختلو له امله شهيدان شول.
د يوبل خبرله مخې: دملي اردو څلورتنه عسکر دکابل ولايت د سروبي، د لوګر ولايت دڅرخ، دقندهار ولايت د غورک او د هلمندولايت دموسى قلعه ولسواليو په مربوطاتو کې په واټونوکې په ښخ کړى شوى ماينونو دختلو په څو جلاجلا پيښوکې شهيدان شول.

کابل \ باختر د چنګاښ ١٦ :

دملي اردو منسوبينو تيره شپه  د خوست ولايت په مربوطاتوکې دچاڼيزو عملياتو په بهيرکې درې تنه وسله وال مخالفين ونيول .

دملي دفاع وزارت  دويندوى مطبوعاتي دفتر باخترآژانس ته خبرورکړ :

دملي اردو منسوبينو دغه عمليات دخوست ولايت دموسى خيلو ولسوالۍ په مربوطاتو کې ترسره کړل  چې له امله يې درې تنه وسله وال مخالفين  د زيکو يو  له دوو صندوقو ګوليو ، د هاوان له شپږو ماينونو، دتوغندي ويشتوونکي له يو ماين  او دتوغندي ويشتوونکي له څلورو حق السوق سره ونيول.

دغه راز دملي اردو منسوبينو دهلمند ولايت دناوې ولسوالۍ په مربوطاتوکې  د امنيتي ګزمې په بهيرکې  شپيته کيلوګرامه چاوديدونکي توکي ترلاسه کړل.

کابل \ باختر د چنګاښ ١٦ :

دافغانستان داسلامي جمهوريت قاضي  القضات پوهاند عبدالسلام عظيمي نن له غرمې مخکې د خپل کار په دفترکې دامريکا دکالورنيا ايالت له سناتور جنرال ګراهام اوپه افغانستان کې د ميشتو امريکايي قوتونو د ٤٣٥ قطعې له لوى قوماندان جنرال بالان عيارسره وکتل.

د سترې محکمې مطبوعاتي دفتر باخترآژانس ته  خبرورکړ: په  پيل کې دواړو جنرالانو د سترې محکمې په وړاندې د وروستۍ  ځانمرګى پيښې او له دې امله د سر د اوښتو زيانونو او مالي تاوانونو په نسبت همدردي څرگنده کړه او د خپلې ډاډګيرنې مراتب د سترې محکمې مشرتابه هيئت او منسوبينو او د شهيدانو کورنيو او ټپيانو ته څرګندکړل.

وروسته د قانون په واکمنۍ پورې د اړوندو مسئلو په باب چې د امنيت د تامينولو ضمانت کوي؛ خبرې وشوې او قاضي القضات د قانون د ساتنې د ارګانونو د رول او رسالت په باب خبرې وکړې او په خاصه توګه يې د محکمو جوړښت، په قضايي نظام کې د ښځو د مشارکت کچه اوپه بېلابېلو اړخونوکې د قضايه قوې کړه وړه بيان کړل او زياته يې کړه چې قضايه قوه د پخوا په نسبت په ښه حالت کې ده او د عادلانه محاکمې د موازينو په رعايتولو سره د دوسيو په څيړنه کې د محکمو ظرفيت او واکمني لوړه شوې ده.

قاضي القضات دغه راز  زياته کړه: ستره محکمه لکه څنګه چې رسالت يې غوښتنه کوي، په مقطعي ډول عمل نه کوي، بلکې خلکوته د خدمتونو د ړاوندې کولو په خاطر د سالم قضايي نظام اساسات جوړ کړي دي او هم يې په بېلابېلو اړخونوکې په تېره بيا د قضايي تعليماتو او معلوماتو د مرکزونو او دکاري دفترونو دجوړولو په ساحه کې د قضايه قوې ملي لومړيتوب لرونکي پروګرامونه تدوين کړي دي چې دقضايه قوې نننيو  او راتلوونکو اړتياوو ته ځواب وايي .

دغه راز د دندو د ښه سمون په مقصد يې له اداري فساد سره په مبارزه کې د محکمو دامنيت دتامينولو په خاطر دقضايي پوليسو دفعاليت دپراختيا، دقضايي زده کړو او د قضايه قوې د نورو مادي او تخنيکي اړيتاوو د حل کولو په خاطر د قضايي پوليسو د فعاليت د پراختيا په لاره کې اغيزمن تدبيرونه نيولي دي چې له شک پرته هم په دفتري ساحه کې او هم د معلوماتي تکنالوجۍ په ساحه کې د تجهيزاتي خدمتونو په وړاندې کولوکې ځينو نړيوالو مرکزونو په تېره بيا د ٤٣٥ قطعې رول د مننې او قدر وړ دى.

وروسته سناتورګراهام او په افغانستان کې د ناټو د ٤٣٥ قطعې لوى قوماندان جنرال بالان عيار د محکمو د ظرفيت په لوړولوکې د مرستې په برخه کې د خپلو کاري پروګرامونو د بيانولو په ترڅ کې د قضايه قوې په ګډون، د قانون د ساتنې  دمرکزونو د فعاليت په ساحه کې پرمختګوزنه د قدروړ وبلل او تيارى يې څرگند کړ چې د پخوا په شان به دمحکمو د اړتياوو د لرې کولو او د قانون د زياتې واکمنۍ په مقصد خپلو مادي ، تخنيکي او تجهيزاتي مرستو ته دوام ورکړي.

Sunday, 07 July 2013 07:23

د اسعارو بيه:

کابل\باختر\دچنکاښ د مياشتې ١٦:

دکابل دشهزاده سراى دصرافانو د رييس  دمعلوماتو له مخې، نن له غرمې مخکې دبهرنيو پيسو په مقا بل کې دافغانۍ ارزښت په دې ډول دى:

يوامريکايي ډالر پيرودل په 70 56/  افغانيو پلورل په  56/80افغانيو

يوانګليسي پونډ پيرودل په 80  83 /افغانيو پلورل په  83 /90افغانيو

داماراتو يو درهم پيرودل په 35/ 15 افغانيو پلورپه 40 / 15 افغانيو

يوه يورو پيرودل په 70 72/ افغانيو پلورل په   72 /80  افغانيو

يوسعودي ريال پيرودل په  05 15/پلورل 15/10 افغانيو

زرهندي کلدارې پيرودل په 960 افغانيو پلورل په 970 افغانيو

زرپاکستاني کلدارې پيرودل په  559افغانيو پلورل په 560 افغانيو

زر ايراني تومان پيرودل په 17/30  افغانيو پلورل په  17/40 افغانيو.

کابل باختر د چنګاش پنځلسمه :
دحج دملي کميټې غونډه نن له غرمې مخکې دجمهور رييس  دمرستيال او ددغې کميټې درييس محمد کريم خليلي په مشرۍ غونډه وکړه .
  دجمهوري رياست مطبوعاتي دفتر باختراژانس ته خبر ورکړ ، په دى غونډه کې دجمهور رييس مرستيال محمد کريم خليلي  دحاجيانودليږدونې په لاره کې داړوندو ادارو او ارګانونو ترمنځ دلاښې همغږۍ  په رامنځته کولو باندې دټينګار  په ترڅ کې څرګنده کړه چې ټولې اړونده ادارې دې بايد په دې لاره کې لازم تدبيرونه او اقدامات وکړي .
په دې غونډه کې چې دکورنيو هوايي شرکتونو استازو هم برخه لرله ددغو شرکتونو له لارې دحاجيانو دليږدونې دڅرنګوالي په باب خبرې وشوې  اوپريکړه  وشوه چې دصافي هوايي شرکت لس زره تنه  او داريانا او کام اير هوايي شرکتونه  هريو اووه زره تنه يو تن ديوزرو درې سوه شلو امريکايي ډالرو په بدل کې دحج دمراسمودپرځاى کولو لپاره سعودي عربستان ته وليږدوي .
  دغه راز کميټې سعودي عربستان ته دحاجيانو په ليږدونه کې دهمغږۍ  درامنحته کولو په باب غور اوخبرې وکړې .
دغونډې غړو په دې  ارتباط يو لړ نظريې او وړانديزونه  طرحه کړل .
په دې اړوند دحج او اوقافو ، او دترانسپورت او هوايي چلند دوزارتونو او دکورنيو هوايي شرکتونو داستازي په غړيتوب کورني او بهرني  کميسيونونه جوړ شول .
کورنۍ کميسيون دماليې وزارت دمعين په مشرۍ  اوبهرنۍ کميسيون دحج او اوقافو وزارت  او دهوايي شرکتونو داستازو په مشرۍ موظف شول .  چې دهيوادپه دننه اوبهرکې دې دحاجيانو دليږدونې  دڅرنګوالي تنظيم اويوخيل کړي .

کابل باختر د چنګاش پنځلسمه :
دملي شورا  دمشرانوجرګې درييس فضل هادي مسلميار له خوا دجولاي دمياشتې دڅلورمې نيټې ، دامريکا دمتحده ايالاتو دخپلواکي  ددوه سوه اووه ديرشمې کاليزيې له امله  ددغه هيواد دسنامجلس  درييس سناتور پيتريک جي ليهي په نامه دمبارکي پيغام ليږل شوى دى .
په پيغام کې ددواړو هيوادونو ترمنځ دتاريخي اړيکو يادونه  شوې ده او ددغو اړيکو په لازيات ټينګښت او پراختيا باندې ټينګار شوى دى .

کابل باختر د چنګاش پنځلسمه :
دهيواد دملي سوداګراو مخور الحاج  محمد نعيم ميمنه ګي  دمړينې له امله دسرحدونو اوقبايلو دچارو وزارت د ډاډ ګيرنې پيغام .
په ژورې  خواشينۍ سره مو خبر ترلاسه کړ چې دهيواد ملي سوداګر الحاج محمد نعيم ميمنه ګي  دهغې ناروغۍ له امله چې ورپيښه شوې وه ، وفات شوى دى .
  ارواښاد دفارياب ولايت يومخور قومي شخصيت ، د غاليو دصادروونکو د مديره هيئت غړى او د هيواد يو ملي سوداګر و چې خپل عمر يې هيوادوالو ته دخدمت او دخپل هيواد دودې او سمسورتيا په لاره کې تير کړ .
دسرحدونو اوقبايلو دچارو وزارت دده مړينه  يو ضايعه بولى او ارواښاد ته دلوى خداى ( ج )  له دربار څخه دفروس جنت اوپاتې کسانو ته يې دجميل صبر هيله کوي .

کابل باختر د چنګاش پنځلسمه :
دچين صدراعظم او دپاکستان صدراعظم په يوه ګډه اعلاميه کې چې چين ته دپاکستان  دصدراعظم له سفر وروسته  خپره شوې ده  دسيمه ئيزې  سولې او ثبات  دتامينولو لپاره  په افغانستان کې  له يوپراخ  سياسي بهير سره  دخپلو هيوادونو  ملاتړ اعلام کړ .
باختراژانس ته  په رارسيدلو خبرونوکې ويل شوي دي ، داعلاميې په يوه برخه کې ليکل شوي دي  چې  دواړه مشران ددې په پام کې نيولو سره  چې په افغانستان کې حالت  کولى شى  دسيمې دامنيت اوثبات په حالاتو هم جدي اغيزه ولري . ټينګار وکړ چې يوازې  ديوې سياسي روغې جوړې  له لارې  کيداي شي  په افغانستان کې يو والي ، سوله او ثبات  تامين شي .
دواړو لورو دافغانانو په مشرۍ  اومالکيت  دسولې له بهير سره خپل ملاتړ اعلام کړ  اوژمنه يې وکړه  چې دنړيوالې ټولنې  تر څنګ به له افغانستان سره مرسته وکړي .  چې په سولې ، ثبات او امنيت برلاسي شي .

کابل باختر د چنګاش پنځلسمه :
دوزيرانو شورا داقتصادي کميټې  غونډه نن له غرمې وروسته دجمهور رييس  دمرستيال او ددغې کميټې درييس محمد کريم خليلي په مشرۍ  جوړه شوه .
  دجمهوري رياست مطبوعاتي دفتر باختراژانس ته خبر ورکړ ، په دې غونډه کې لومړى  دهوايي ترانسپورت  دشرکتونو ستونزې  وڅيړل شوې . دترانسپورت او دملکي هوايي چلند وزارت  معين  دهوايي شرکتونو دحالت ، بهر ته  دکورنيو هوايي شرکتونو  او کابل ته  دبهرنيو هوايي شرکتونو  دالوتنو په باب ديو رپوټ  دوړاندې کولو په ترڅ کې  څرګنده کړه چې دولت داريانا ، صافي او دکام اير دهوايي شرکتونو سره  دمرستې په مقصد په ټوليزه توګه  دهغوى څه دپاسه پنځلس مليونه ډالره  او څه ناڅه  دوه سوه مليونه افغانۍ  پورونه بخښلي دي .
دهوايي شرکتونو داتحاديې  مرستيال او دغونډې ځينو غړو دخصوصي هوايي شرکتونو دحالت  او له هغوى سره دمرستې دلارو چارو په باب  خبرې وکړې  او په دې اړوند يې يو لړ وړانديزونه طرحه کړل . 
په دې غونډه کې دجمهور رييس  دستر اقتصادي سلاکار په مشرۍ او دماليې ، اقتصاد ، ترانسپورت او ملکي هوايي چلند او دبهرنيو چارو دوزارتونو ،  دسوداګرۍ دخونو او دخصوصي شرکتونو داتحاديې  داستازو په ګډون يو کميسيون  جوړ شو .
دغه کميسيون بايد له هوايي شرکتونوسره دمرستې دڅرنګوالي په باب  خپله  هراړخيزه طرحه دکميټې  په يوه غونډه کې وړاندې کړي .
   دغونډې دکار په دوام داقتصاد وزير  د ١٣٩٢ مالي کال په لومړيو دريو مياشتو کې دوزارتونو او ادارو دپرمختيايي پروژو دتطبيق دڅرنګوالي په باب  يو رپوټ  وړاندې کړل .  ددغه رپوټ له مخې ، په دغه مالي کال کې په څه دپاسه  شپږ سوه شپږو پروژو کې پانګونه شوې ده  چې د اوولسو پروژو کار بشپړ شوى او د څه دپاسه  يو سلو نوي  پروژو ساختماني کار دوام لري .
دپروژو په کاري ساحو کې دامنيت نشتوالي ، تدارکاتي ستونزې او دځينو دونرونو دژمنې نه عملي کيدل دپرمختيايي پروژو په تطبيق کې له ډيرو مهمو ستونزو څخه بلل کيږي .
  په دې غونډه کې دغه راز دانرژي او اوبو وزارت معين  دبادي بريښنا دتوليد دبرخې دخصوصي شرکتونو دفعاليتونو دپراختيا دڅرنګوالي په باب خپله طرحه  غونډې ته وړاندې کړه .
دانرژي او اوبو وزارت دمعين  دڅرګندونو له مخې ، په صنعت کې دانرژي په تيره بيا دبريښنا انرژي  ارزښت ته  په پاملرنې  اودغه راز دکار دپيداکولو په مقصد ددغه وزارت  په چوکاټ کې  دبريښنا دخدمتونو دتنظيم اداره جوړه شي او دغه راز دغه وزارت ته دې په خصوصي شرکتونو دجواز دويشلو اجازه  ورکړى شي .
کميټې دانرژي او اوبو وزارت دوړانديزونو په باب  له څيړنې او خبرو وروسته  ، هغه  په دې شرط چې  دغه وزارت له دې څخه جوخت  په دې اړوند يوه قانوني  مسوده  برابره او وړاندې کړي ، تاييد کړه .
وروسته دجيوديزي او کارتوګرافي دادارې  دلوازمودتامينولو دقرارداد دبشپړولو دنه ځواکمنۍ په باب  دافغان سرويس  پرودکتس  شرکت دموضوع په باب  غور اوڅيړنه وشوه . ددغه شرکت درپوټ له مخې،  دغه شرکت  ددغې ادارې  دوسايلو  دتامينولو په برخه کې خپلې ژمنې په سلوکې څه دپاسه اويا عملي کړى دى خو دپاکستان په کراچۍ بندر کې  درامنځته شويو ستونزو په نسبت  په دې نه دي بريالي شوي چې خپلې پاتې ژمنې عملي کړي . 
کميټې له څيړنې اوخبرو وروسته  ، پريکړه وکړه په هغه صورت کې چې  دغه شرکت دباوري سندونو له مخې ثابته کړي چې دجيوديزي او کارتوګرافي  دادارې په وړاندې  دهغه  دژمنو نه ترسره کول دپاکستان په کراچۍ بندر کې دستونزو له رامنځته کيدو وروسته دې  ، جريمه دې وبخښل شي .
دغونډې په پاى کې  کميټې دښاروالۍ  دمحصول داخستلودنوى نظر دلايحې په باب  خبرې اوڅيړنې وکړې  .
  کميټې  له څيړنې وروسته دغه لايحه  په غير قانوني ډول دپيسو داخستلو دکمښت ،  سوداګرو او متشبثينو ته  داسانتياو دبرابرولو او دکسب او کار دحالت  دښه والي له پلوه  هغه تاييد کړه .
  کميټې دغه راز  دهيواد دجنوب لويديځې حوزې دنفتي توکو دواردونکو سوداګرو دستونزو له څيړنې وروسته  هغه  دوزيرانو شورا ته  وړاندې کړې .