24 September 2020

RSS Facebook

سوداگریز


تازه خبرونه

جمهوررئیس محمد اشرف غني د پاکستان د نوي سفیر باورلیک ومانه

جمهوررئیس محمد اشرف غني د پاکستان د نوي سفیر باورلیک ومانه

کابل/ د تلې ۳مه/ باختر د افغانستان د اسلامي جمهوریت...

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

Youtube Player

khantry design

سوداگریز

سوداگریز

کابل\باختر\دسرطان ١٥
دملي اردو ځواکونو له ٢٤ ساعتو وروسته په نورستان کې سرحدي پوستې بيا له وسله والو طالبانو څخه ونيولې.
وسله والو طالبانو دپاکستاني طالبانو په ګډون دپنجشنبې په ورځ په کامديش کې د افغان سرحدي پوليسو په څو پوستو بريدونه وکړل اووي نيولې.
په دې بريدکې اته تنه سرحدي پوليس شهيدان اوديارلس تنه نورټپيان شول.
دغه راز ويل شوى دى چې وسله والو طالبانو په دې بريد کې شپږ تنه سرحدي پوليس له ځان سره بيولي دي .
د نورستان ولايت د کامديش ولسوال مولوي عبدالرحمن باختراژانس ته وويل داردو ځواکونو د هغو پوځي عملياتو په بهير کې چې پرون تر ناوخته پورې يې د وام درلود افغان امنيتي پوستې بيرته ونيولې
د کامديش د ولسوال دڅرګند ونو له مخې، په دغوعملياتو کې د وسله والو طالبانو دډلې ددريو تنوپاکستا ني جګړه مارانو په ګډون پنځه تنه وسله وال طالبان ووژل شول او لس تنه نوريې ټپيان شول خولا تراوسه پورې دشپږو تنو افغان سرحدي پوځيانو د برخليک په باب خبر نه دى ترلاسه شوى.
سيمه ييز مقامات وايي چې ښايي وسله والو طالبانو دغه شپږ تنه سر تيري له ځان سره پا کستان ته بيولي وي.
دغه امنيتي پو ستې له پا کستان سره دپولې په کورديش سيمه کې دى
درارسيدلو خبرونو له مخې، همدا اوس دپوليسو سرحدي ځواکونه بيا په دغو پوستو کې ځاى پرځاى شوي دي .
دسيمې اوسيدونکي وايي چې وسله والو طالبانو ځينې دغه پوستې له نيولو وروسته سوځولي دي .
دوى ادعا کوي چې په دغو پوستو کې داور لګيدنې له ا مله يوشمير افغان سرتيري شهيدان شوي دي.
په همدې حال کې دکامديش ولسوالۍ بازارهم پرون د افغان امنيتي ځواکونو اود وسله والوطالبانو ترمنځ د نښتې ډګر و .
دکامديش د ولسوال دڅرګندونو له مخې، دغه نښته ددريو تنو وسله والو طالبانو د وژل کيدو سبب شوه .
په دې وروستيو وختو کې د نورستان والي تميم نورستاني دغه ولايت ته د څه دپاسه زرو تنو پاکستاني ،ازبکستاني ، چيچني اود عرب طالبانو درسيدو خبر ورکړ او وي ويل که چيرې دولت ډير ژر دغه ولايت په تيره بيا سرحدي ولسوالۍ کامديش ته دزياتو پوځيانو په استولو اوځاى پرځاى کولو اقدام ونه کړي دتروريستي ډلو له خوا ددغې ولسوالۍ دنيول کيدو احتمال شته .
ددغه ختيځ ولايت مقامات تل په پا کستان او په تيره بيا ددغه هيواد د استخباراتو په سازمان په نورستان کې له تروريستي ډلو سره د هم کاري او ملاتړ تور لګوي او وايي چې ددغو جګړه مارانو ترمنځ دڅو تنوپاکستاني ميجرانو شتون ددغې همکاري بيلګه ده .

کابل\باختر\دسرطان ١٥
دلوړو زده کړو وزارت خبرتيا.
دتاجکستان جمهوريت ديرش تحصيلي بورسونه د افغانستان د لوړو زده کړو وزارت په واک کې ورکړى دى.
دليسانس ددورې دغه بورسونه داوسپنې پټلۍ ، کرکيلي ،ښکلو هنرونو ،هوټل داري اودژب پو هنې په څانګو کې دى.
له دې ا مله مينه والو ته خبر ورکول کيږي چې د منلو شرايط په دې ډول دى
\دکانديد عمر بايد له ديرشو کلونو څخه ټيټ نه وي
\دثانوي دورې تصديق ليک اود نمرو ترانسکريپت له ځان سره ولري
\په١٣٩١ کال کې له ښوونځي څخه فارغ شوى وي
دبورسونو د ويش دعالي کميسيون د١٣٩٢ کال دچنګاښ د مياشتې د نهمې نيټې پريکړې ته په پاملرنې سره په شرايطو برابر کانديدان د ثانوي دورې ددرې کلنو نمرو د لوړې فيصدي له مخې انتخا بيږي .
مينه وال کولى شي له خپلو سندو نو سره دروان کال د چنګاښ د مياشتې له شلمې نيټې څخه دلوړو زده کړو وزارت دمحصلانو د بورسونو لوى مديريت ته ورشي اونوم وليکي .

کابل\باختر\دسرطان ١٥
دوسله والو طالبانو دډلې ددوو تنو جګړه مارو طالبانو په ګډون شپږ تنه وسله وال طالبان له افغان سر تيرو سره په نښته کې ووژل شول.
په دې پيښه کې د اردو يو سرتيرى هم شهيد شوى او يو تن بل يې ټپي شوى دى .
دغه جګړه تيره شپه  ناوخته دجغتو ولسوالۍ په مرد اله سيمه کې هغه وخت ونښته چې د اردو سرتيرو د وسله والو طالبانو په يو کاروان بريد و کړ.
د ميدان وردګو په ولايت کې د ملي اردو دځواکونو يوه ويندوى باختراژانس ته وويل: چې په دې نښته کې ددغې ډلې ددوو عرب جګړه مارانو په ګډون شپږ تنه وسله وال طالبان وژل شوي دي .
ده تائيد کړه چې په دې پيښه کې داردو يو سرتيرى شهيد اويو تن بل ټپي شوى دى
ويل کيږي چې ددغې نښتې په پاى کې افغان ځواکونو د وسله والو طالبانو يوانډى چاوديدونکي توکي ترلاسه کړي دي .
د ميدان وردګو ولايت سيمه ييزو مقاماتو په دې وروستيو وختو کې دميدان وردګو ولايت ته دسلګونو تنو پاکستاني ،عرب ،چيچني او ازبکي جګړه مارانو درسيدو خبر داري ورکړى و .

کابل\باختر\دسرطان ١٥
دبدخشان ولايت په مربوطاتو کې تيره شپه له پوليسو سره دنښتې په بهير کې درې تنه وسله وال طالبان ووژل او دوه تنه نور يې ټپيان شول.
دغه راز په دې نښته کې يو پوليس شهيد او دوه تنه نور پوليسان ټپيان شول.
دبدخشان ولايت د بهارک ولسوال عتيق الله باختراژانس ته وويل : جګړه هغه وخت ونښته چې وسله والو طالبانو ددغې ولسوالۍ د خواجه ابدال په سيمه کې د ملي پوليسو په امنيتي پوستې بريد وکړ او له امله يې درې تنه طالبان ووژل او دوه تنه نور يې ټپيان شول.
خبرځاى زياته کړه، په دې نښتنه کې چې دوه ساعته يې دوام درلود يوپوليس شهيد او دوه تنه نور پوليسان ټپيان شول.

کابل باختر د چنګاش پنځلسمه :
دبدخشان ولايت دکوز يفتل په ولسوالۍ کې دموټر دتګ راتګ يوپل چې دسمين جو سيند دپاسه جوړ شوى دى پرون ګټې اخستنې ته وسپارل شو .
دبدخشان دوالي ويندوى باختراژانس ته وويل، دغه پل دنړيوال بانک له بودجې څخه داته ديرشو مليونو افغانيو په لګښت دسلو مترو په اوږدوالي او داتو مترو په سور جوړشوى دى .
ده زياته کړه: ددغه پله دجوړولو کار چې دبدخشان ولايت نهه سرحدي ولسوالۍ  ددغه ولايت له مرکز سره نښلوي په شلو مياشتو کې بشپړ شوى دى .
دسيمې يو تن اوسيدونکى عزيز الله وايي کال په کال دسمين جوسيند دڅپانده کيدوله امله له دولسو تنو څخه ترپنځلسو تنو پورې په اوبو کې ډوب اوله منځه تلل چې ددغه پله په جوړيدو سره له سيند څخه دتيريدو له پلوه دخلکو ستونزې لرې شوي دي .

کابل باختر د چنګاش پنځلسمه :
دافغان امنيتي ځواکونو دهغو چاڼيزو عملياتو په بهير کې چې دهيواد په ځينو ولايتونوکې ترسره شول نهه تنه وسله وال طالبان ووژل شول .
دکورنيو چارو وزارت مطبوعاتي دفتر باختراژانس ته خبرورکړ ،افغان امنيتي ځواکونو په تيرو څليرويشتو ساعتو کې دکونړ ، بغلان ، فارياب ، غزني او دپکتيا دولايتونو په مربوطاتو کې يو لړ چاڼيز عمليات ترسره کړل چې له امله يې نهه تنه وسله وال طالبان ووژل شول  دوه تنه ټپيان او شپږ تنه نور يې ونيول شول .
دغه راز په دغو عملياتو کې ددښمن يوه اندازه سپک او درانده جنګي وسايل هم په عملياتو کې  دشاملو  ځواکونو لاس ته ورغلي دي .
ديوبل خبر له مخې، دوسايطو ضد دوه  ماينونه چې  دوسله والومخالفينو له خوا نوى دورانکارو او تروريستي فعاليتونو په خاطر دهلمند ولايت دکرشک ولسوالۍ په مربوطاتو کې ښخ کړاي شوي وو دملي پوليسو له خوا کشف اوشنډ کړى شول
ديوبل خبر له مخې، پوليسو دکابل ښار داوولسمې امنيتي حوزې په مربوطاتوکې شپږ تنه دغلا  په تور ونيول  .

کابل باختر د چنګاش پنځلسمه :
په سرپل ولايت کې پرون دماين دچاودنې له امله دپنځو تنو ملکي وګړو په ګډون نهه تنه شيدان شول .
دغه پيښه هغه  وخت رامنځته شوه چې دپوليسو دسرتيرو دسپرلۍ کاروان ددغه ولايت دسوزمه قلعه ولسوالۍ دکټه قلعه دکلي په لاره کې روان و .
دسرپل ولايت امنيه قوماندان عبدالروف تاج باختراژانس ته وويل چې په دې چاودنه کې پنځه تنه ملکي وګړي او څلورتنه پوليسان شهيدان او دوه تنه نور پوليسان ټپيان شول .
عبدالروف  تاج وسله وال طالبان ددغې پيښې  مسوول وبلل او ويې ويل چې ددغې پيښې  دعاملينو دپيژندنې او نيولولپاره يې پلټنې  پيل کړي دي .

جاکارتا باختر د چنګاش پنځلسمه :
  داستراليا نوى صدراعظم اندونيزا ته دسفر په ترڅ کې ددغه هيوادله جمهور رييس سره  دپناه غوښتوونکو دمسئلې او دواړو هيوادونو ترمنځ دسوداګرۍ په باره کې  خبرې وکړې .
  دباختراژانس دخبر له مخې، داستراليا صدراعظم کوين راد داندونيزيا له جمهور رييس سوسيلو بامبانګ يوديونو څرګنده کړه، دپناه غوښتوونکو مسئله هغه موضوع ده چې په استراليا او اندونيزيا  سربيره دسيمې زياتره هيوادونه هم دهغې په وړاندې مسوول دي .
په دې کتنه کې وپتيل شوه چې دعراق، افغانستان  ، سريلانکا اوبرما په ګډون دبيلابيلو هيوادونو دپناه غوښتوونکو داستازوپه ګډون دمسئلې دڅيړنې لپاره منظمې غونډې جوړې شي .
  په وروستيوکلونوکې ددغو هيوادونوزياتره پناه غوښتوونکي اوهم دمنځني ختيځ نور هيوادونه اندونيزيا ، تايلند او ماليزيا ته په سفر سره هلې ځلې کوي چې ځان داستراليا دکرسمس  ټاپو ته ورسوي .
دپناه غوښتوونکومسئله داندونيزيا او استراليا ترمنځ په يوې اصلي موضوع بدله شوې ده چې دواړه هيوادونه دلومبوک تړون په لاسليک کولو سره دهلوځلو له لارې غواړي چې هغه وڅيړي .
دملګروملتو دسازمان دپناه غوښتوونکو ادارې درپوټ له مخې، کال په کال له افغانستان ، سوماليا ، سريلانکا او دمنځني ختيځ له ځينو هيوادو څخه زيات شمير پناه غوښتوونکي استراليا ته ديون په مقصد اندونيزا ته سفر کوي .
داندونيزيا په اوبو کې د بيلابيلو هيوادونو دپناه غوښتوونکو دسپرلۍ بيړۍ دډوبيدو په وروستۍ پيښو کې پنځه پنځوس  تنه ووژل شول .
  دتجارتي مسئلو په باب خبرې ددغو دوو مقاماتو ترمنځ دکتنې بله برخه وه چې ددواړو هيوادونو ترمنځ دسوداګرۍ دپراختيا غوښتنه يې وکړه .

کابل باختر د چنګاش پنځلسمه :
په هرات کې دغوره ليک دفوټبال سياليو پرون مازيګر په يوې لوبې سره دوام وکړ .
دهرات ولايت دورزشي  امريت مرستيال ضيا الحق ضيا باختراژانس ته وويل، په دغو سياليو کې داماني  او آمو ټيمونو  لوبه وکړه چې لوبه ديوې په مقابل کې په يوې  سره برابره پاى ته ورسوله .
دغه سيالۍ  دغوره ليک دلسو ټيمونو ترمنځ په دغه ولايت کې  پيل شوي دي .

کابل باختر د چنګاش پنځلسمه :
دهيواد دسوک وهلو دملي ټيم ورزشکارانو ونه کړاي شول  داسيا داتلوالى دسياليو وروستي نيمايي پړاو ته لاړه ومومي .
دسوک وهلو دفدراسيون ترينر نثار احمد قاري زاده باختراژانس ته وويل، په هغو سياليو کې  چې پرون ترسره شوې دهيواددملي ټيم ورزشکار محمدعارف دعراقي ورزشکار، الله داد رحيمي دمنګوليايي ورزشکار،علي رضاحسيني دتاليندي ورزشکار په وړاندې ماتې ومنله .
دهيواد دغه ورزشکاران په دې بريالي شوي  وو چې په خپلو کوريايي ، اردوني  اوقرغزستاني سيالانو بريالي شي .