29 January 2020

RSS Facebook

سوداگریز


تازه خبرونه

د افغانستان او پاکستان ترمنځ د تورخم بندر د ترافيکو پرمخ پرانيستل شو

د افغانستان او پاکستان ترمنځ د تورخم بندر د ترافيکو پرمخ پرانيستل شو

کابل / دسلواغې ٩مه / باختر د افغانستان او پاکستان ترمنځ...

 سوله غوښتونکو سمنګانو ته سفر وکړ

سوله غوښتونکو سمنګانو ته سفر وکړ

کابل / دسلواغې ٩مه / باختر د وګړنى سولې کاروان يوه...

Youtube Player

khantry design

سوداگریز

سوداگریز

تهران – باختر دليندۍ ديارلسمه
دايران دبهرنيو چارو وزير على اکبر صالحى ويلي دي چې له ټولو هيوادونو سره داړيکو ټينګښت او پراختيا ايران ته اهميت لري خو ګاونديان زموږ دولت او نظام ته زيات ارزښت لري.
صالحى ديکشنبې په شپه دسيستان او بلوچستان ولايت ته ديو ورځني سفر له پاى ته رسيدو او ددغه هيواد د جنوب ختيځ دسمندرى او وچې دپولو له کتنې وروسته په زاهدان ښار کې ددغه ولايت دمالونو او موادو له قاچاقو سره دمبارزې دکميسيون په غونډه کې وويل: ايران په اوږدو پولو سره يو هيواد دى چې دنړۍ په نقشه کې پنځلسو مهمو او ستراتيژيکى هيوادونو هغه احاطه کړى دى او موږ ته دغه هيوادونه دنورو په نسبت ډير مهم دى.
دايران دبهرنيو چارو وزير زياته کړه چې له ګاونډيو هيوادونو سره داړيکو ټينګښت دايران دبهرنى سياست لومړيتوب دى ځکه له هغو سره زياتې ګډې ګټې لرو. صالحى زياته کړه چې ايران  په نړۍ کې ستراتيژيکي موقعيت لري اوپه داسې حال کې چې زياتره هيوادونه دڅو کيلو مترو پولې دلرلو په هيله دى له شمال څخه تر جنوب او له لويديځ څخه ترختيځ پورې زموږ د هيواد ټولې پولې ممتاز او ځانګړې موقعيت لري او آن که چيرې له فضا څخه ورته وګورو دسمې وچې کرى په زړه او مرکز کې ترسترګو کيږي، ده دغه راز دسيستان او بلوچستان ولايت نسبى ښيګنو ته په اشارې سره څرګنده کړه: په ايران کې يوازې دغه ولايت په مستقيمه توګه له آزادو اوبواو سمندر سره اړيکې لري او دوه ستر او مهم هيوادونه هم زموږ دهيواد ترڅنګ دي.
ده څرګنده کړه ددغو دوو هيوادونو خلک په ټولو اړخونو کې له ايران سره علاقمندى لري چې  له  دغه ظرفيت څخه کيدى شي دسيستان او بلوچستان د لازيات پرمختګ او پراختيا لپاره ګټه واخستل شي.
 

کابل – باختر دليندۍ ديارلسمه
دجګړه مارو طالبانو او دحقاني دشبکې څلورتنه سيمه ييز قوماندان په افغانستان کې ونيول شول.
په دغو قوماندانانو تيره شپه او نن سهار کله چې دلوګر قندهار او دهلمند دولايتونو په ځينو برخو کې په ترورستي فعاليتونو بوخت وو، دافغان پوځيانو او دناټو دځواکونو له خوا بريد وشو او ونيول شول.
باختر آژانس دناټو ديوې خبرپاڼې له خولې خبر راکړ چې دغو قوماندانانو ددغو ولايتونو په ځينو برخو کې ديو لړ ترورستي بريدونو مسووليت په غاړه درلود .
ناټو وايي له  دغو قوماندانانو څخه دوه تنه يې ټيک مخکې له دې چې په پوځي او وګړنيو تاسيساتو په يولړ ترورستي بريدونو لاس پورې کړي نيول شوي دي .
ددغو قوماندانو دنيولو په بهير کې جګړ ه هم ونښته او له امله يې په دوى پورې اړوند پنځه ويشت تنه ووژل شول او ونيول شول.
له بلې خوا دناټو پوځيانو وايي چې په دغو عملياتو کې دوسله والو طالبانو دجنګي وسايلو څو ډيپوګانې هم تر لاسه شوي دي.
په خبرپاڼه کې په دغو عملياتو کې افغان پوځيانو او دناټو ځواکونو او ملکى وګړوته دسر درسيدلو زيانونو په باب څه نه دى ويل شوى.
 

مسکو – باختر دليندۍ ديارلسمه
ټاکل شوې ده دروسيې جمهور رييس ولاديمير پوتين په روسيه کې پانګونې ته دترکيې دپانګه والو او سوداګرو دهڅونې په لاره کې نن ددغه هيواد پايتخت انقرې ښار ته سفر وکړي.
دى به په دې سفر کې دترکيې له صدراعظم رجب طيب اردوغان سره وګورى او د دوه اړخيزو اړيکو دپراختيا په باب به خبرې وکړي.
دروسيې دولت دروسيې په لرى ختيځ کې دسايبريا په سيمه کې داقتصادى ودې او دټولنيزو او اقتصادى شرايطو دښه کولو لپاره اوږدمهال پروګرامونه تراجرا لاندې لري.
 

کابل – باختر دليندۍ ديارلسمه
څو شيبې مخکې د ارزګان ولايت په مرکز ترينکوټ ښارکې چاودنه وشوه.
دغه چاودنه نن له غرمې وروسته د دوو بجو په شاوخوا کې د ترينکوټ ښار په يوه ګن ميشت بازارکې شوې ده. عيني شاهدان وايي چې په دې چاودنه کې يو ملکي وګړى وژل شوى او دملي اردو د دوو تنو سرتېرو په ګډون، شپږ تنه نور ټپيان شوي دي.
تراوسه پورې روښآنه نه دى چې دغه پيښه د ماين او يا د چاوديدونکو توکو د چاودنې زيږنده ده او ياهم ځانمرګې بريد شوى دى.
له ترينکوټ ښار څخه د باختر آژانس خبريال خبرراکړ چې  پوځيانو د پيښې ساحې ته دخلکو د ټګ راتګ لاره تړلې ده او روغتيايي ټيمونه هم روغتون ته د ټپيانو په ليږدونې بوخت دي.
 

کابل – باختر دليندۍ ديارلسمه
محمد اسماعيل خان د يو سلو يو څلويښتو رايو په ترلاسه کولو سره وکولى شول بيا د انرژى او اوبو د وزير په توګه د ولسي جرګې دغړو له خوا تاييد شي.
د باختر آژانس د خبريال دخبرله مخې: د انرژى او اوبو وزير محمد اسماعيل نن د يو شمېر پرمختيايي پروژو د نه تطبيق او د هيواد په لوېديځه حوزه کې د جهادي شورا د جوړولو په خاطر، د ولسي جرکې له خوا استيضا ح شو.
دى نن د ولسى جرګې په عمومي مجلس کې حاضر شو او د دغه مجلس د يو شمېر غړو پوښتنو ته يې ځواب ووايه او په نتيجه کې يې په يوه علني ټولپو ښتنه کې چې  د مجلس د يوسلو درې اويا حاضرو غړو په شتون ترسره شوه؛ محمد اسماعيل خان  د يوسلو يو څلويښتو مشبتو رايو په ترلاسه کولو سره بيا تاييد شو .
په داسې حال کې چې د ولسي جرګې يواځې دوه ديرشو تنو غړو د هغه پرخلاف رايې ورکړې.
 

کابل – باختر دليندۍ ديارلسمه
د وسله والو طالبانو يو مشهور قوماندان په بلخ ولايت کې د پوځي عملياتو په بهير کې ونيول شو.
په دغه قوماندان نن سهارکله چې د چمتال ولسوالۍ په ځينو سيموکې د يولړ ترورستي بريدونو په پلان جوړولو بوخت و؛ د افغان پوځيانو او د ناټو د ځواکونو له خوا بريد وشو او ونيول شو.
باختر آژانس د ناټو د يوې خبرپاڼې له خولې خبر راکړ چې دغه قوماندان په بلخ ولايت او د هغه دګاونډيو دولايتونو په ځينو سيموکې د وسله والو طالبانو د زياترو ترورستي بريدونو د رهبري مسووليت په غاړه درلود.
ناټو ددغه  قوماندان هويت په ډاګه نه کړ، خو ويې ويل چې دى د افغانستان په شمال کې د وسله والو طالبانو يو مشهور قوماندان دى .
په خبرپاڼه کې د وسله والو طالبانو په دغه قوماندان په شمال او په تېره بيا د بلخ ولايت د چمتال ولسوالۍ په ځينو سيموکې د لسګونو خونړيو ترورستي پيښو ته د سازمان ورکولو تورلګول شوى دى.
نيول شوى قوماندان د افغانستان په شمال کې د وسله والو طالبانو له نورو سيمه  ييزو قوماندانانو سره هم مالي او لوژيستيکي ملا تړ کړى دى.
ددغو پوځي عملياتو په بهيرکې په دغه قوماندان پورې څو تنه نور اړوند کسان هم نيول شوي دي. ناټو وايي چې ددغه قوماندان په پټنځاى کې يې دجنګي وسايلو يوه ډيپو هم  ترلاسه کړې ده.

کراچى – باختر دليندۍ ديارلسمه
دپاکستان په کراچي ښارکې هره ورځ څه دپاڅه يوزرو پنځه سوه تنه ماشومان دخپلو ميندو او پلرونو له لارې د H – I –V  په ويروس اخته کيږي .
د ډيلى ټايمز ورځپاڼې له خولې دباختر آژانس دخبر له مخې: دروغتيايي چارو يو کارپوه په ماشومانو کې له H – I –V سره دمرستې په اړوند يو سيمينار کې ويلي دي چې ددغې ناروغى په ويروس په سلو کې څه دپاڅه نوى ماشومانوته ويروس د دوى له ميندو اوپلرونوڅخه ليږدول شوي دي.
دغه سيمينار چې د (داو) دروغتيايي علومو دپوهنتون له خوا ديوې ډلې ماشومانو ،دکراچى او دسند ايالت دمدنى روغتونونو په همکاري دايدز دنړيوالې ورځې په مناسبت دايدز دکنترول په پروګرام کې په ٢٠١٢ کال کې جوړ شوى و ،ترسره شو.
دماشومانو د ډاکترانو او طبيبانو په ګډون کارپوهان په دى عقيده دي چې دايدز په وړاندې دماشومانو دمحافظت په لاره کې ډيره اغيزمنه لاره دايدز په ويروس د دوى له اخته ميندو او پلرونو څخه ددغه ويروس له ليږدونې څخه د دوى منع کول او د   H – I –Vپه ويروس په اخته ميرمنو کې دبې وخته اميد وارى مخنيوى دى.
 

Monday, 03 December 2012 11:04

داسعارو بيه:

کابل\باختر\دتلي دمياشتې ١٥ مه:
دکابل دشهزاده سراى دصرافانو درييس  دمعلوماتو له مخې : نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     51/40  افغانيو پلورل په   51/55افغانيو
يوانګليسى پونډ پيرودل په  81/90افغانيو پلورل په     81/91افغانيو
داماراتو يو درهم پيرودل په 90/ 13 افغانيو پلورپه 95 / 13 افغانيو
يوه يورو   پيرودل په     50 66/ افغانيو پلورل په      66 /60  افغانيو
يوسعودي ريال پيرودل په  50 13/پلورل    13/55 افغانيو
زرهندي کلدارى پيرودل په 960 افغانيو پلورل په 970 افغانيو
زرپاکستاني کلداري پيرودل په  535افغانيو پلورل په  536 افغانيو
او زر ايراني تو مان پيرودل په 17/70  افغانيو پلورل په   17/80 افغانيو.
 

بروکسل – باختر دليندۍ ديارلسمه
ټاکل شوې ده دناټو دغړو هيوادونو د بهرنيو چارو وزيران سبا په بروکسل کې غونډه وکړي او دافغانستان ،دموضوع په ګډون ديو لړ مهمو نړيوالو موضوعګانو په باب خبرې وکړي.
په دې غونډه کې به ددغې مسلې په باب هم خبرې وشي چې له ٢٠١٤ م کال وروسته له افغان امنيتي ځواکونو سره په کال کې د ژمنه شويو څلورو ملياردو ډالروڅخه څه ډول اداره او تنظيم شي.
دناټو يو ديپلو مات وويل چې  دافغانستان حکومت غواړي چې ددغو پيسو لګښت په خپله په لاس کې ولرلي خو په افغانستان کې دپراخ فشار دشتون په باب به دلويديځ انديښنې ددې سبب شي چې ناټو په خپله له ٢٠١٤ کال وروسته له افغان ځواکونو سره دنړيوالو مرستو په تنظيم کې مهم رول په لاس کې ولري.
ټاکل شوې ده دافغانستان دبهرنيو چارو  وزير ډاکتر زلمى رسول دناټو دسبا اوبل سبا په غونډو کې دافغانستان دحکومت استازيتوب وکړي په لويديڅ کې کورني فشارونه دافغانستان دجګړې دپاى ته رسيدو لپاره زيات شوي دي.
دهمدې خبر له مخې، دپاکستان دبهرنيو چارو وزيره به هم دناټو په دغو غونډوکې ګډون وکړي، ټاکل شوې ده دناټو دغړو هيوادونو دبهرنيو چارو دوزيرانو په راتلونکي غونډه کې دروسيې او امريکا دبهرنيو چارو وزيران له يوبل سره وکوري او دافغانستان دموضوع په ګډون ديولړ دوه اړخيزو موضوعګانو په باب خبرې وکړي چې دناټو دويندوى دڅرګندونو له مخې، ددغې کتنې هدف دروسيې داړيکو پياوړتيا اود سوريې په موضوع کې ددغه هيواد په همکارى او دغه راز له افغانستان څخه دناټو دځواکونو وتلو ته داسانتياو برابرول دي.
ډامريکا دبهرنيو چارو وزيره ميرمن هيلرى کلنتن دناټو په غونډه کې دګډون په مقصد اروپاته سفر کړى دى.
 

کابل\  باختردلندي دمياشتې  ١٣ :
دغورولايت ددولاينه ولسوالۍ په مربوطاتو کې  دموټر دتګ راتګ دوه ستر پلونه پرانستل شول او ګټې اخيستنې ته وسپارل شول.
دغور ولايت دکليو دبيا جوړولو اوپراختيا رييس انجينر تاج محمدزلال باختراژانس ته وويل: دغه پروژې تيرکال  دکليو دبيا جوړولو اوپراختيا وزارت  دسيمه ييزې ودې  دملي پراختيا  له پروګرام څخه ددغې ولسوالۍ  دقلعه نقشي   په کلي کې  دخلکو په تګ راتګ کې داسانتياو دبرابرولو په مقصد  دبنسټ ډبره ايښودل شوې وه او دجوړولو کار يې  دکليو دبيا جوړولو اوپراختيا رياست  دانجينرانو ترڅارنې لاندې بشپړ اوګټې اخيستنې ته وسپارل شول.
دغور ولايت  دکليو دبيا  جوړولو اوپراختيا رياست  دسيمه ييزې پراختيا دودې دملي پروګرام مسوول عبدالولي حبيبي وويل : دغه پلونه  هريو  لس متره اوږدوالي  او اووه متره سور لري   اودڅه دپاسه شپږو مليونو څلور سوه زرو افغانيو په لګښت دخلکو په سلو کې دلسو په ونډې سره جوړشوي دي.
له بلې خوا دغور ولايت  ددولاينه  ولسوالۍ دکليو دپرمختيايي شوراګانو رييسانو ددغه شان ټولګتو پروژو پرانستل  دامنيت په تامينولو  اودسولې  په ټينګښت کې  ګټور وبلل اوپه دغه ولايت کې يې دبيا جوړولو دزياتو پروژو دتطبيق غوښتنه وکړه.