24 September 2020

RSS Facebook

سوداگریز


تازه خبرونه

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

امنیتي چارواکودکابل دامنیتي وضعیت په اړه غونډه وکړه

امنیتي چارواکودکابل دامنیتي وضعیت په اړه غونډه وکړه

کابل/ د تلې ۳مه/ باختر د افغانستان د اسلامي جمهوري...

يو انس سره زر په ١٩٨٠ډالرو وړاندې کېږي

يو انس سره زر په ١٩٨٠ډالرو وړاندې کېږي

کابل/ د تلې ٣ مه / باختر په نړيوالو بازارونو...

Youtube Player

khantry design

سوداگریز

سوداگریز

کابل\باختر\ دسرطان ٨
څلورتنه وسله وال طآلبان پرون په قند هار ولايت کې د ناټو دجنګي الوتکو د بريد له امله ووژل شول .
په دغوطالبانو د قندهارولايت د پنجوايي ولسوالۍ په تلوکان ساحه کې د ناټو د هوايي ځواکونو له خوا بمبارۍ وشوه او ووژل شول.
ديو بل خبر له مخې: پرون دچمن په ساحه کې يو ماين و چاوديد خو له امله يې چاته زيان ونه رسيد.
پوليسو ددغې چاودنې په اړوند دوه تنه وسله وال طالبان دبم غورځوونکي له پنځو شاژورونواو له يوې مخابرې سره نيو لي دي.

Saturday, 29 June 2013 12:41

تبصره:

کابل\باختر\ دسرطان ٨
د افغانستان د اسلامي جمهوريت جمهور رييس حامدکرزي په خپلې وروستۍ ويناکې ټينګاروکړ چى موږ سوله غواړو او د هغه د ټينګښت په خاطر هڅه اوهاند  کوو، خوهيجا ته د دې اجازه نه ورکوو چې زموږ له سوله ييزو هڅو او هيلو څخه ناوړه استفاده وکړي.
دباختر آژانس مبصر ليکي: د افغانستان د اسلامي جمهوريت جمهور رييس حامد کرزي په خپلې وروستۍ ويناکې په هيوادکې د سولې د بهير او د قطر په دوحه ښارکې طالبانو ته د دفتر له جوړولو سره اړيکې ونيولې.
حامد کرزي په خپلې ويناکې دافغانستان د دولت او خلکو د سوله ييزو هڅو سابقه بيان کړه او وې ويل: دهغوترخو خاطرواوشيبو په پام کې نيولو سره چې دافغانستان خلک يې له جګړې، ورور وژنې اود خپل هيواد له ويجاړولو څخه لري؛ له هرڅه څخه زيات سولې ته اړتيا لري اود هغې د تامينولو لپاره هڅه اوهاند کوي او په دې لاره کې يې زياتې قرباني زغملي دي.
يو زيات شمېر ديني عالمان، قومي او سياسي مشران، عام خلک او ميړنې امنيتي منسوبين په دې لاره کې شهيدان شوي دي، خو د سولې غږ په دې هيواد کې غلى نه شو، بلکې لاپسې پياوړى شو او په پاى کې په هيوادکې د سولې عالي شوراجوړه شوه او زموږ خلکو تل دا غوښتنه کړې ده او کوي يې چې طالبان بايد د پرديو د هدفونو دتحقق لپاره خپل هيواد ويجاړ نه کړي اوځان او خپل ورونه ونه وژنې. خپل بچيان او نور هيواد وال د زده کړې له نعمت څخه چې يو ديني ارشاد دى؛ بې برخې نه کړي دافغانانو مدني او سياسي حقوق له خطر سره مخامخ نه کړي.
جمهور رييس حامدکرزي په خپلې وروستۍ ويناکى په ډاګه کړه چې موږ له طالبانو سره د سولې د خبرو د پيل او د هغوى د دفتر د پرا نيستلو په خاطر په دغوشرايطو اوضمانتونو سره چې د امريکا حکومت ورکړى و؛ موافقه وکړه. خو کله چې دفتر پرانيستل شو؛ موضوع د موافقې اوضمانتونو پر خلاف وه چې موږ ته را کړ شوي و. موږ ددغه عمل په وړاندې ودريدو او د خلکو په غوڅ ملاتړ مو دغه دسيسه شنډه کړه.
دافغانستان د اسلامي جمهوريت جمهور رييس ټينګارکوي چې موږ سولې ته اړتيا لرو او دهغې د ټينګښت په خاطر هڅه اوهاند کوو. خو هيچاته اجازه  نه ورکوو چې زموږ له سوله ييزو هڅو او هيلو څخه ناوړه استفاده وکړي.
حامدکرزي په دې وينا کې  هغو وسله والو طالبانو او مخالفينو ته چې ځان افغانان بولي، څرګند پيغام  درلود.
دى وايي چې پردي په دې لټه کې دي چې د خپلو هدفونو د تحقق په خاطر افغانستان کمزورى کړي او ملوک الطوايفي پرې وتپي.
د افغانستان جمهور رييس ټينګارکوي چې موږ د پرديو عملونه او هلې ځلې له نږدې څارو او د هغو په وړاندې ويښ او هوښياريو.
حامدکرزي له هغو طالبانو څخه چې ځان افغانان او هيوادپال بولي؛ غواړي چې له خپلو وروڼو سره دې د خبرو او تفاهم لاره غوره کړي او مسئلې دې په ګډ تفاهم اونظر سره حل کړي او خپله خاوره دې د پرديو له دسيسو څخه وژغوري.
ددغو خبرو هدف بين الا فغاني تفاهم دى، ځکه په دغه شان حالت کې به دوه طرفه درک موجود وي او د ملي ګټو تامينول به په لومړيتوب کې ځاى ولري.
افغانان د افغانستان د پايښت او د دې هيواد د خلکو د روا حقوقو د تامينولو لپاره فکر کوي. په داسې حال کې چې بهرنيان د خپلو مفکورو اومقصدونو لپاره پروګرامونه جوړه وي او دغو مقصدونو ته د رسيدو لپاره زموږ خلک او هيواد وسيله ګرځوي.
د پيښو تګلوري يوځل بيا ثابته کړه چې زموږ د خلکو او هيواد پرخلاف زياتې توطيې ترلاس لا ندې دي چې وروستى يې په دوحه کې د اسلامي امارت په نامه د يوه دفتر جوړول و.هغه توطيه چې د افغانستان د دولت او خلکو په کلکې ارادې او غوڅوالى سره شنډه شوه. خو زموږ خلک دې هيرنه کړي چې په دوحه کې د طالبانو په نامه د دفتر جوړول يوه لومړۍ او وروستۍ توطيه نه ده. د دې هيواد دښمنان به د خپلو افغاني ضدمقصدونو لپاره نورې ناوړې توطيې او پروګرامونه هم طرحه کړي چې ددغه شان دسيسو شنډول او په اوبو لاهوکول دافغانانو په ملي اوپياوړي ارادې پورې تړاو لري.
اوسني حالات او شرايط زموږ له خلکو څخه غواړي چې لاپسې يو موټى شي او پرې نږدي چې کاذبې خبرې او پروګرامونه د دوى او د را تلوونکو نسلونو برخليک په خپل لاس کې ونيسي.

نوي ډيلي\باختر\ دسرطان ٨
دهند سرحدي سمندري ځواکونو دولس تنه پاکستاني اتباع له دوو کوچنيو پيړيو سره يې ګجرات ته څيرمه د هند په سمندري قلمرو دتيري په دليل نيولي دي.
دډيلي ټايمزد خبر له مخې: دهند سرحدي امنيتي ځواکونو ويلي دي چې دغه دولس تنه ښايي هغه کب نيوونکي وي چې تېره شپه دګزمې په بهيرکي ونيول شول.
يوه اړونده خبرځاى وويل چې دغه کسان به د څيړنې اوپلټنې مرکز ته وليږدول شي.
له نيول شويوکسانو څخه دجنايت د ثابتولو لپاره څه نه دى ترلاسه شوى.

کابل باختر  د چنګاښ ٨ :
په فراه ولايت کې يو تن د الکولي مشروباتو او دنشه يي توکو د پلورنې په تور له نشه يي توکوسره د مبارزې د پوليسو له خوا ونيول شو.
دغه سړى الکوي مشروبات اونشه يي توکي په فراه ښارپورې اړوند باغ کافي په ساحه کې په يو کورکې پلورل .
د فراه د والي ويندوى عبدالرحمن ژوندي باخترآژانس ته و ويل: دغه سړي د شرابو د پلورنې په وخت کې له  نشه يي توکوسره دمبارزې دپوليسو له خوا نيول شوى دى.
د ژوندي دڅرگندونوله مخې: د نيول شوى سړى په کورکې ديرش بوتله شراب، دوه سوه ګرامه هيروئين او يوکيلوګرامه چرس د پوليسو لاسته ورغلى دى.

کابل \ باختر  د چنګاښ ٨ : 
دطالبانو د ډلې دوه تنه قوماندانان په نيمروز ولايت کې په يو کمين کې ووژل شول او درې تنه نوريې ټپيان شول.
دملي امنيت د رياست يو خبرځاى باخترآژانس ته وويل: د طالبانو يو شمېر  قوماندانان هغه وخت دملي امنيت د ځواکونو په کمين کې راغلل چې غوښتل يې د ورانکارو بريدونو د طرحه کولو لپاره د فراه ولايت د بکوا له ولسوالۍڅخه د نيمروز ولايت د خاشرود ولسوالۍ ته لاړشي.
دخبرځاى دڅرګندونوله مخې: د هغې جګړې په بهيرکې چې د طالبانو او دملي امنيت دځواکونو ترمنځ ونښته؛ دطالبانو دوه تنه قوماندانان ووژل شول او درې تنه  نوريې ټپيان شول.
ده وويل: په دې نښته کې امنيتي ځواکونو ته زيان نه دى اوښتى .
د خاشرود ولسوال محمدهاشم  نورزي باخترآژانس ته وويل: ددغوکسانو د سپرلۍ کاروان  د فراه ولايت دبکواه له ولسوالۍ څخه دنيمروز ولايت د خاشرود ولسوالۍ په لور روان و چې دملي امنيت دځواکونو له خوا پرې بريد وشو.
نورزي وويل: د دغوقوماندانانو په وژل کيدو او ټپي کيدو سره به په حاشرود ولسوالۍ کې امنيت ښه شي .

کابل \باختر  د چنګاښ ٨ :
په دايکندي ولايت کې تيره شپه له امنيتي ځواکونوسره د نښتې په  بهيرکې څلور تنه وسله وال مخالفين ووژل شول.
د دايکندي ولايت د امنيې قوماندانۍ مطبوعاتي آمر باخترآژانس ته وويل: د دايکندي ولايت دګيزاب ولسوالۍ په مربوطاتوکې د دغې ولسوالۍ د امنيې قوماندانۍ له پوليسو سره د نښتې په بهيرکې څلور تنه وسله وال طالبان ووژل شول.
ده زياته کړه: په دې پيښه کې چې له تيرې شپې څخه پيل او ترنن غرمې پورې دوام درلود؛ يو امنيتي مامورهم ټپي شوى دى.

کابل \ باختر  د چنګاښ ٨ : 
په فراه ولايت کې پرون مازيګر د يو ځانمرګى بريد له امله دوه تنه ملکي وګړي شهيدان اوپنځه  تنه نور ملکي وګړي ټپيان شول.
ځانمرګى بريدکوونکى په چاويددونکوتوکو بار موټرڅخه په استفادې سره د فراه ولايت د بالابلوک ولسوالۍ دکنسک په ساحه کې د پوځيانو په کاروان بريد وکړ .
د فراه د والي ويندوى عبدالرحمن ژوندي باخترآژانس ته وويل: ددغه بريد له امله دبهرنيوځواکونو يو محاربوي ټانک ويجاړ شو، خو دهغوى د سر د زيان په باب تراوسه پورې خبرنه دى ترلاسه شوى.
ژوندي وويل: په دې پيښه کې يوه ښځه او يو نارينه شهيدان شول اوپنځه تنه نورملکي وګړي ټپيان شول.
دفراه د عامې روغتيا آمر رسول وويل: پنځه تنه ټپيان دفراه ملکي روغتون ته ليږدول شوي دي چې د دوو تنو ټپيانو روغتيايي حالت خراب دى.

کابل \ باختر  د چنګاښ ٨ :
د فوټبال د ساحلي انتخاباتي لومړى پړاو نن سهار په کابل ښارکې په دريو لوبو سره پيل شو.
د فوټبال د فدراسيون دخپرونو آمر مرتضى دانش باخترآژانس ته وويل: دغه سيالۍ چې په  ګول  پروژه کې پيل شوې دي؛ پکې شپاړلس ټيمونه د لسو ورځو لپاره سيالۍ کوي.
د دانش دڅرگندونوله مخې: په لومړې لوبه کې د يوويشتمې پيړۍ ټيم د دريو په مقابل کې په اوو سره د کابورا پرټيم بريالى شو اوپه دويمه  لوبه کې د اردو ټيم دصفر په مقابل کې په دريو سره د سولې ټيم ته ماتې ورکړه او په دريمه لوبه کې د استقلال ټيم دصفر په مقابل کې  په يوې سره د سباوون ټيم ته ماتې ورکړه.

کابل \ باختر  د چنګاښ ٨ :
دامنيتي ځواکونوپه هغوچاڼيزو عملياتوکې چې په تيروڅلرويشتوساعتوکې د هيواد په ځينو ولايتونوکې ترسره شول، څلرويشت تنه وسله وال مخالفين ووژل شول.
دکورنيو چارو وزارت مطبوعاتي دفتر باخترآژانس ته خبرورکړ: د افغان امنيتي ځواکونو او د نړيوالو قوتونو په هغو چاڼيزو عملياتوکې چې د قندهار، کاپيسا،  زابل، ارزګان، ميدان وردګو، لوګر، غزني، پکتيا او د هلمند د ولايتونو په مربوطاتوکې  ترسره شول؛ څلرويشت تنه وسله وال  مخالفين  ووژل شول، اووه تنه ټپيان او شپږتنه نور ونيول شول او د دغو عملياتو په بهيرکې يوه اندازه وسلې، مهمات او شپږکيلوګرامه چاوديدونکي توکي هم د امنيتي ځواکونولاسته ورغلي دي.
دغه رازدملي پوليسومنسوبينو دلغمان او پروان د ولايتونو په مربوطاتوکې د وسايطو ضد دوه ماينونه کشف اوشنډکړل.
ديوبل خبرله مخې: دکابل دساحوي زون د امنيې قوماندانۍ پوليسو پرون دوه تنه د پغمان ولسوالۍ په مربوطاتوکې د بېلابېلو جرمونو په تورونيول.

Saturday, 29 June 2013 09:59

په مصرکې خونړۍ نښتې

قاهره \ بي بي سي  \ باختر  د چنګاښ ٨ :
دمصر دجمهور رييس محمدمرسي دمخالفينو  او ملاتړو پرونۍ غونډې له خونړيو نښتو سره جوختې وې.
رسنيو دڅه دپاسه  دريو تنو د وژل  کيدو خبر ورکړ چې يو يې امريکايي عکاس و.
دمصرملي ټلويزيون د يوه امريکايي عکاس د وژل کيدو خبر په داسې حال کې مخابره کړ چې په دې اړوند نور رپوټونه ضد اوتقض  بريښي.
په داسې حال کې  چې ځينو رپوټونو دده مړينه دچړې دګوزار زيږنده وبلله، خو نورو رپوټونو د ده دمړينې علت ډزې بللې دي.
له دې سره جوخت دامريکا دبهرنيو چارو وزارت مقاماتو اعلام کړى دى چې په دې اړوند دتحقيق په حال کې دي  .
دامريکا دبهرنيو چارو وزارت مقاماتو ددغه هيواد له اتباعو څخه غوښتي دي چې مصر ته له غير ضروري سفرونو څخه ډډه وکړي.
په نورو رپوټونوکې دمصر په شمالي سيموکې د اوو تنو دمړينې خبر ورکړ.
دمحمدمرسي په زرګونو تنو ملاتړو پرون د جمعې د لمانځه له اداکولو وروسته دپايتخت دجامع جومات په وړاندې خپل لاريون پيل کړ.
پرونى اعتراضونه په داسې حال  کې پيل شول چې دمرسي مخالفينو اعلام کړى دى چې غواړي د راتلوونکي يکشنبې په ورځ په پراخو مظاهرو لاس پورې کړي.
دمصر په دويم سترښار سکندريه کې د بي بي سي خبري شبکې په دغه ښارکې د نښتو په بهيرکې د څه ناڅه سلو تنو دټپي کيدو خبر ورکړ .
د تيرو دوو ورځو د نښتو په بهيرکې دڅلور تنو له وژل کيدو اودسلګونو تنو نورو له ټپي کيدو وروسته دمصر د الازهر ټولنې په دغه هيوادکې دکورنيوجګړو درامنځته کيدو خبردارى ورکړى دى.
دا په داسې حال کې ده چې دمرسي ملاتړي عقيده لري  چې اوسنۍ ستونزې دمصر دپخوانى جمهور رييس حسنى مبارک دحکومت په دوران پورې اړه پيداکوي.