24 September 2020

RSS Facebook

سوداگریز


تازه خبرونه

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

امنیتي چارواکودکابل دامنیتي وضعیت په اړه غونډه وکړه

امنیتي چارواکودکابل دامنیتي وضعیت په اړه غونډه وکړه

کابل/ د تلې ۳مه/ باختر د افغانستان د اسلامي جمهوري...

يو انس سره زر په ١٩٨٠ډالرو وړاندې کېږي

يو انس سره زر په ١٩٨٠ډالرو وړاندې کېږي

کابل/ د تلې ٣ مه / باختر په نړيوالو بازارونو...

Youtube Player

khantry design

سوداگریز

سوداگریز

لندن\ نړيوالي خبري منابع \ باختر  د چنګاښ ٨ :
د بريتانيا دحکومت له  خوا د افغانستان حکومت ته د افغان بنديانو د سپارلو بهير پيل شوى دى.
دبريتانيا د دفاع وزارت مقاماتو پرون دافغانستان حکومت ته دلسو تنو افغان بنديانو دسپارلو خبرورکړ.
اوس په لسګونو افغان بنديان د هملند ولايت  بسشن په پوځي اډه کې د بريتانيايي ځواکونو په جيل کې شپې سباکوي.
دباخترآژانس د فليپ هامونددمطبوعاتي دفترله خوا دخپرې شوې خبرپاڼې له خولې خبر راکړ: دبريتانيا د دفاع وزير ويلي دي چې ددغه هيواد دسترې محکمې  دموافقې له امله چې د حکم په بدلون سره د افغانستان حکومت  ته ديوشمېر افغان بنديانو دسپارلو مخه نيوله؛ خوښ دى .
هاموند هيله وکړه چې ټول مشکوک جنايتکاران چې د ده په خبره زياتره يې د بريتانوي ځواکونو او افغان ملکي  وکړو په وژلو اودپه ماين ښخولو کې لاس لري؛ له زيات ځنډ پرته دې د افغانستان حکومت ته وسپارل شي چې د هغو قضيې د افغانستان د قوانينو له مخې وڅيړل شي.
د افغانستان حکومت مخکې له دې د بريتانوي ځواکونو ترکنترول لاندې دافغان بنديانو ساتل د افغانستان  له ملي واکمنۍ څخه سر غړونه بللې وه.
افغانستان، دافغانستان حکومت ته دافغان بنديانو دسپارلو لپاره بريتانيا ته دوه اوونۍ وخت ورکړى و .
دافغانستان جمهوري رياست دغه راز هيله لري چې دغه بنديان ډير ژر د افغانستان حکومت ته وسپارل شي.

کابل باختر  د چنګاښ ٨ :
دملي اردو منسوبينو نن  دهيواد په ځينو ولايتونو کې دچاڼيزو عملياتو په بهيرکې  دطالبانو ديو قوماندان په ګډون دولس تنه وسله وال مخالفين  ووژل ، درې تنه ټپيان او دوه تنه قوماندان يې ونيول .
دملي دفاع وزارت مطبوعاتي دفتر باختراژانس ته خبرورکړ  :
دملي اردو منسوبينو  دسولې اوثبات دتامينولو په مقصددغزني ولايت  داجرستان  اوده يک دولسواليو په مربوطاتو کې  چاڼيزعمليات ترسره کړل  چې له امله يې پنځه تنه وسله وال مخالفين ووژل شول ، يو تن ټپي شو  او يوه اندازه سپکې وسلې او دماين  پنځه ريموټ کنترولونه ترلاسه شول.
دملي اردو دمنسوبينو  دهغو عملياتو په بهيرکې چې دپکتيکاولايت دبرملي ولسوالۍ په مربوطاتوکې ترسره شول  يو وسله وال مخالف ووژل شو اويو تن بل ټپي شو.
دغه راز دملي اردو دځانګړي قطعي منسوبينو هم دقندهارولايت دميوند ولسوالۍ په مربوطاتو کې ګډ چاڼيزعمليات  ترسره کړل  چې په بهيرکې يې دکبيرجان په نامه دچاودونکو توکو يو برابرونکي له پنځو تنو نورو وسله والو مخالفينواو دوو مخابرو سره ونيول شو.
دغه راز دميدان وردګو ولايت  دنرخ ولسوالۍ په مربوطاتو کې ددغو ځواکونو دعملياتو په بهيرکې دحقاني دشبکې قوماندان ظاهر جان  له دوو تنو مشکوکو کسانو اولاسي بم سره ونيول شو.
په همدې ترتيب درې تنه وسله وال مخالفين هغه وخت ووژل شول اويو تن يې ټپي شو چې  غوښتل يې د وردګو ولايت  دچک ولسوالۍ په مربوطاتو کې   د٨٢ملي متري هاوان يو ماين  وتوغوي  چې دغه ماين دتوغولو په وخت کې وچاوديد او له امله يې دغه کسان ووژل شول .
دقندهار ولايت دخاکريزولسوالۍ په مربوطاتو کې په يوه بله ورته پيښه کې  دطالبانو ديو قوماندان  په ګډون درې تنه ووژل شول.
ديوبل خبرله مخې : دکابل ولايت دسروبي ولسوالۍ  دوريښمو تنګي په مربوطاتو کې  دماين دچاودنې له امله  دملي اردو يو منسوب شهيد شوى دى.

کابل باختر  د چنګاښ ٨ :
دبدخشان ولايت دمرکز فيض آباد په نوى ښارکې دفرهنګ واټ داطلاعاتو اوفرهنګ وزارت دفرهنګي معين له  خوا دپټۍ په پرې کولو سره پرانستل شو.
دغه واټ چې دبدخشان ولايت داطلاعاتو اوفرهنګ رياست ته څيرمه موقعيت لري، داطلاعاتو اوفرهنګ  وزارت له منظوري وروسته پرون ددغه وزارت دفرهنګي معين سيدمصدق خليلي له خوا پرانستل شو.
دفيض آباد له ښارڅخه دباخترآژانس دخبريال دخبرله مخې،  سيدمصدق خليلي ددغه واټ دپرانستلو په وخت کې وويل ، چې دبدخشان په فرهنګپال چاپيريال کې دفرهنګي واټ پرانستل به چې نوم يې له فرهنګ سره تړاولري دبدخشان دفرهنګييانو اوخلکو دخوښي سبب وي.
دغه راز په دغو مراسمو کې هغه ستاين ليکونه  چې داطلاعاتواوفرهنګ وزارت له خوا برابرشوي وو ددغه وزارت دفرهنګي معيين اودکليو دبيا جوړولو اوپراختيا وزارت دمعين  طارق عصمتي له خوا ، دبدخشان والي ، دفيض اباد ښاروال اودآغاخان دساختماني دفتر انجينرانوته چې دکتابتون په  جوړولو کې  همکاري کړې وه وويشل شول.
ديوبل خبرله مخې :
سيدمصدق خليلي او طارق عصمتي  نن دبهارک ولسوالۍ دروغتون دودانۍ  اودښوونکي دروزنې دموسسې دودانۍ دجوړولو دکار بهير وکوت  .
دبهارک  دولسوالۍ روغتون  دآلمان دپرمختيايي بانک په مرسته دآغاخان مرکز له خوا  په دريو پوړونو کې دڅه دپاسه  يومليون امريکايي ډالرو په لګښت جوړيږي 
ديو اړونده چارواکي دڅرگندونوله مخې،  ددغه ديرش بستري روغتون دجوړولو کار په سلو کې اتيا پرمخ تللى دى  چې ترراتلوونکو دريو مياشتو پورې به پرانستل شي .
دغه راز دبدخشان ولايت دبهارک ولسوالۍ دښوونکو دروزنې  دموسسې دودانۍ جوړولوکار چې د آغاخان دپرمختيايي موسسې له  خوا په دوو پوړونو کې جوړيږي  په سلو کې پنځه اتيا پرمخ تللى  دى  چې شل خونې  پکې  په پام کې نيول شوي دي  او په يو وخت کې به دپنځه سوه تنو محصلانو ظرفيت ولري.

کابل باختر  د چنګاښ ٨ :
پنځلس تنه  وسله وال  طالبان په غزني ولايت کې دعقاب په نامه  دعملياتو په بهيرکې ووژل شول او څلور تنه نوريې ونيول شول.
دغزني ولايت داندړو ولسوال محمدقاسم ديسى وال باخترآژانس ته وويل : 
دهغو عملياتو په بهيرکې  چې دوسله والو طالبانو له شتون څخه ددغې ولسوالۍ دناامنو سيمو دپاکولو  په مقصد له دوو ورځو را په دې خوا دعقاب  په نامه پيل شوي دي ديارلس تنه وسله وال طالبان ووژل شول  او څلور تنه نوريې ونيول شول.
دغه راز د ٢٠٣ تندر قول اردو ددويمې لوا يو افسر قندآقا دباخترآژانس له خبريال سره داړيکې په ترڅ کې  وويل، دعقاب عمليات دافغان امنيتي  ځواکونو له خوا دوسله والو طالبانو دله منځه وړلو په مقصد  داندړو او ده يک په ولسواليو کې پيل شوي دي چې دده يک ولسوالۍ دملانوح باباپه کلي کې دوه تنه وسله وال طالبان ووژل شول او څلور تنه نوريې ونيول شول.ددغو عملياتو په بهېرکې پنځه موټرسايکلونه او يوه اندازه چاوديدونکي توکي هم دامنيتي ځواکونولاسته ورغلي دي.

Saturday, 29 June 2013 07:52

د اسعارو بيه:

کابل\باختر\دچنکاښ د مياشتې ٨:
دکابل دشهزاده سراى دصرافانو د رييس  دمعلوماتو له مخې، نن له غرمې مخکې دبهرنيو پيسو په مقا بل کې دافغانۍ ارزښت په دې ډول دى:
يوامريکايي ډالر پيرودل په 40 56/  افغانيو پلورل په  56/45افغانيو
يوانګليسي پونډ پيرودل په 10  85 /افغانيو پلورل په  85 /20افغانيو
داماراتو يو درهم پيرودل په 25/ 15 افغانيو پلورپه 30 / 15 افغانيو
يوه يورو پيرودل په 30 73/ افغانيو پلورل په   73 /40  افغانيو
يوسعودي ريال پيرودل په  95 14/پلورل 15/00 افغانيو
زرهندي کلدارې پيرودل په 950 افغانيو پلورل په 960 افغانيو
زرپاکستاني کلدارې پيرودل په  559افغانيو پلورل په 560 افغانيو
زر ايراني تومان پيرودل په 17/40  افغانيو پلورل په  17/50 افغانيو.

کابل -باختر د چنګاښ اوومه :

 دنورستان ولايت د وانت وايګل ولسوال نن سهار له يو تروريستي بريد څخه روغ رمټ پاتې شو .

 ويل کيږي طالبانو د دغه سيمه ييز مقام د دروازې په وړاندې ماين ښخ کړى و چې دچاودنې له امله يې ده ته زيان نه دى رسيدلى.

 د وانت وايګل ولسوال رحمت الله رحمت باختراژانس ته وويل: د دغې چاودنې له امله د ده زوى ټپي شوى دى .

 ده وسله وال طالبان ددغه ماين ايښودنې مسوول وبلل او ويې ويل: امنيتي ځواکونو ددغه بريد دعاملينو د نيولو لپاره هڅې پيل کړې دي . 

کابل- باختر د چنګاښ اوومه :

 اووه تنه پاکستاني طالبان په نورستان ولايت کې له افغان ځواکونوسره د نښتې په بهيرکې ووژل شول .

 دغه نښته  نن سهار په کامديش  ولسوالۍ کې له پاکستان سره د پولې په اوږدو کې هغه وخت وشوه چې پاکستاني طالبانو د پوليسو د سرتيرو په يوې پوستې بريد وکړ .

 د نورستان ولايت دپوليسو يو مقام باخترآژانس ته وويل: په دې نښته کې اووه تنه پاکستاني طالبان  وژل شوي دي.

 دپوليسو ددغه مقام دڅرګندونو له مخې: طالبان له پاکستان څخه په راتلو سره غوښتل  په کامديش کې د افغان ځواکونو څو پوستې ونيسي، خو بريالي نه شول او وتښټيدل.

 دنورستان امنيتي مقاماتو په دې نښته کې د دوو تنو افغان پوځيانو ټپي کيدل تاييدکړ .

 افغان سيمه ييزو مقاماتو په دې وروستيو وختوکې دنورستان ولايت ځينو سيمو ته د زرو تنو پاکستاني ، عربي ، چيچيني او ازبکي طآلبانو د راتګ خبر ورکړ او خبر دارى يې ورکړ چې طالبان ددغه ولايت په پوځي  او دولتي  تاسيساتو باندې يو ستر پريد ته تيارۍ نيسي . 

بروس ايدل: پاکستاني جنرالان به نوازشريف ته اجازه ورنکړي چې دافغانستان په وړاندې د دوى په طرحوکې لاسوهنه وکړي .

-      هغه  څه چې په قطرکې رامنځته شول، د امريکا او پاکستان د نوې پروژې پرته بل څه نه دي.

-       افغانان د سولې په هغوخبرو باورنه لري چې له هيواد څخه بهر ترسره شي.

٦-کابل- باختر د چنګاښ اوومه :

 په دې وروستيوکې د پاکستاني طالبانو د تحريک يا (تي تي پي) په نامه پاکستاني طالبانو د قطر د دفتر د پرانيستلو هرکلي وکړ.

ددغه تحريک ويندوى رسنيو ته اعلام وکړ چې دپاکستاني طالبانو تحريک د اسلامي امارت تر نامه لاندې د طالبانو د دفتر د پرانيستلو هرکلي کړي دي او دپاکستاني طالبانو تحريک هم د ملا عمر په مشرۍ د افغانستان دطالبانو د اسلامي امارت يوه څانګه ده. ددغه تحريک ويندوى ويلي دي چې دطالبانو دتحريک مشرتابه ملا عمر خپل اعلى سرقوماندان بولي  او د جهاد لپاره يې دملا عمر په واسطه د وفادارۍ لوړه کړې ده او له همدې امله به تل دملا عمرپه لارښوونه اوفرمان عمل وکړي .

 دى زياتوي چې د پاکستاني طالبانو تحريک د افغان طالبانوله مشرتابه څخه جلا نه دى. د ده پرخلاف هر راز تبليغات يواځې آوازې دي .

 په همدې حال کې په تيره بيا په وروستيو څو ورځوکې ليدل شوى دى، هغه څرګندونې او تصميمونه به چې دطالبانو او د قطر د دفتر په نامه ترسره کيږي؛ په پاکستان کې د دوى د مقاماتو له خوا بيانيږي. پاکستاني رسنيو ټول د هغوى له خولې او په پاکستان کې د هغوى دمرکو په بنسټ رپوټونه ورکوي .

  څه موده مخکې دپاکستان حکومت هم په رسمي ډول اعلام وکړ چې د قطر د دفتر په پرانيستلوکې پاکستان د امريکا لپاره د اسانتياوو اصلي برابروونکى و او ددغه دفتر د جوړولولپاره داړيکو دتامينولو زيات رول دپاکستان دپوځي او استخباراتي  دستګاوو له خوا ترسره شوى دى .

په همدې حال کې ځينې امريکايي مقاماتو هم ددغه دفتر په پرانيستلوکې دپاکستان دمرکزي رول او دا چې هغه طالبان چې په دغه دفترکې حضور لري؛ له پاکستان څخه لارښوونه ترلاسه کوي؛ نظر څرګند کړى دى .

 د اوباما د ادارې يو پخوانى جګپوړي  مقام بروس ايدل وايي چې ملا عمر ښايي هيڅکله دپاکستان د استخباراتي دستګاه آى اس آى له تاييد او رضايت پرته هيڅکله په قطرکې د طالبانو د دفتر له پرانيستلوسره موافقه نه کوله .

 ده چې څه دپاسه ديرش کاله يې د امريکا د مرکزي استخباراتو په اداره کې دنده درلوده او د امريکا د جمهورو رييسانو دجګپوړي امنيتي  سلاکار په توګه يې کار کړى دى؛ ټينګارکوي: پوهيږي چې د پاکستان پوځي او استخباراتي دستګاوې دملا عمر اوپه دوحه کې دطالبانو دمشرانو ژوندکنترولوي .

 دقطر د دفتر د جوړولو څرنګوالى چې له پيل څخه د امريکا او پاکستان يوه پروژه وه او د پرانيستلو ډول يې يوځل بيا دغه حقيقت ثابت کړ. ددغه حالت په پام کې نيولوسره د افغانستان حکومت سملاسي جدي غبرګون وښوده او د کابل او واشنګټن  ترمنځ يې د امنيتي  همکاريو د سند په باب خبرې وځنډولې.

 طالبانو ته د دفتر پرانيستل جمهور رييس کرزي ته د جمهور رييس اوباما له خوا دليکل شويو ژمنو او ضمانتونو پرخلاف ترسره شو چې په نتيجه کې يې دجمهور رييس کرزي او د افغانستان د خلکوغوصه يې راوپاروله. د افغانستان دخلکو او دولت له غبرګون وروسته دطالبانو ددفتر لوحه او دهغوى بيرغ لرې کړى شول او که نه هيڅ سليم عقل دا نه مني چې دغه شان تيارۍ او رسميات د امريکا له پخوانى اطلاع پرته ترسره شوي وي.

له دې وروسته د امريکا، پاکستان او طالبانو دريځ بدلون وکړ. دغه بدلونونه د دې ښکارندوى دي چې دطالبانو دفتر د امريکا_ پاکستان  _ طالبانو له يوباطل  مثلث پرته بل څه نه دي چې هدف يې سوله نه بلکې د نورو د پټو او ناوړو هدفونو تحقق دي چې اوس بايد دقطر له لارې دوام وکړي.

 په وروستيوڅو ورځوکې له جمهور رييس کرزي سره دامريکايي مقاماتو پرله پسې  اړيکې ښيي چې دقطر پروګرام يواځې دامريکا دهدفونو دتحقق لپاره او دپاکستان  په منځګړيتوب طرحه شوى دى او د افغانستان ګټې چې دايمي سولې او د تاوتريخوالي بندولو ته رسيدل دي؛ پکې په پام کې نه دې نيول شوې.

 په دې وروستيو ورځوکې دپاکستان صدراعظم هم ددغه دفترپه باب له جمهور رييس کرزي سره خبرې وکړې او له ده څخه  يې وغوښتل چې دطآلبانو دموضوع او د قطر د دفتر په باب د زياتو خبرو لپاره پاکستان ته سفر وکړي .

خو د سولې په بهيرکې له دغو ټولو لاسوهنوڅخه معلوميږي چې دغه بهير پرديو طرحه کړى دى او نتيجه يې هم همدغو پرديو لپاره دى، نه افغانانو ته. له همدې امله پاکستان ته دکرزي دسفرنتيجه ښايي همدا اوس څرګند وي چې دتيرو سفرونو په  شان پاکستان په خپلوکړو ژمنو ولاړ نه دى او دخپلو هدفونو دتحقق په لټه کې به وي. ځکه پاکستاني جنرالان دخپل بهرني سياست دتطبيق لپاره دطالبانو له وسيلې څخه استفاده کوي او حاضر به نه شي چې له دغې وسيلې څخه تير شي .

  بروس ايدل چې دافغانستان او پاکستان لپاره يې د اوباما ستراتيژۍ يې تدوين کړې ده؛ زياتوي چې پاکستاني جنرالان فکر کوي چې وخت د دوى په ګټه دى.

 همدغه جنرالان دافغانستان په وړاندې دپاکستان پلانونه کنترولوي او له همدې امله به صدراعظم نوازشريف ته اجازه ورنه کړي چې دافغانستان په وړاندې د دوى په پلانونو او طرحوکې لاسوهنه وکړي.

نو له دې ټولو سره کولاى شو دې نتيجې ته ورسيږو، هغه څه چې په قطرکې رامنځته شول؛ د امريکا او پاکستان  د نوې پروژې پرته بل څه نه دي چې له طالبانو څخه دخپلو هدفونو دتحقق لپاره استفاده کوي. خو د افغانستان حکومت او خلکو له هغې ترخې تجربې څخه چې له دغه شان لوبو څخه يې زده کړې دي، اجازه به ورنه کړي چې په هيوادکې يې د سولې په نامه يوځل بيا د وينې تويول او تاوتريخوالي دوام وکړي. 

 له همدې امله د افغانستان خلک په هغو خبرو چې مشري يې په خپله افغانان په غاړه ونه لري اوشرايط يې په خپله افغانانو طرحه نه کړي او په افغانستان کې ترسره نه شي؛ باور نه لري او په هغوکې به ګډون ونه کړي.

کابل- باختر د چنګاښ اوومه :

 د ناټو يو سرتيرى نن سهار په افغانستان کې ووژل شو.

 دغه پوځي چې هويت يې نه دى په ډاګه شوى، د افغانستان په ختيځ کې کله چې په ګزمه بوخت و؛ د ماين د چاودنې له امله ووژل شو .

 ناټوباخترآژانس ته د يوې خبرپاڼې په ليږلو سره دخپل دغه پوځي وژل کيدل تاييد کړل، خو د دغې پيښې د دقيق ځاى او د سرتيرى دهويت په باب څه نه دي ويلي. خو د افغانستان په ختيځ کې امريکايي ځواکونو ديره دي.

 دتيرو لسو ورځو په بهيرکې دا د ناټو شپږم سرتيرى دى چې په افغانستان کې وژل کيږي . 

کابل باختر د چنګاښ اوومه :

 د څلورو تنو پاکستاني جګړه مارو ډلو په ګډون ديارلس تنه وسله وال طالبان دپوځي عملياتو په بهيرکې په غزني ولايت کې ووژل شول .

 دغه جګړه ماران پرون ناوخته کله چې په تروريستي فعاليتونو بوخت وو؛ د اندړو ولسوالۍ د ابراهيم زو په سيمه کې د افغان ځواکونو له خوا پرې  بريد وشو او ووژل شول .

 دغزني ولايت د اندړو ولسوال محمد قاسم  ديسي وال  باخترآژانس ته وويل: ددغو عملياتو په بهير کې ديارلس تنه وسله وال طالبان وژل شوي دي .

 ديسي وال تاييدکړه چې څلور تنه پاکستاني طالبان هم په وژل شويوکسانوکې شامل دي .

 ويل کيږي، ددغو عملياتو په بهيرکې د وسله والو طالبانو په لسګونه ميله وسلې هم ترلاسه شوې دي .

 دچهارشنبې په ورځ هم دپنځو تنو پاکستاني جګړه مارانو په ګډون پنځلس تنه وسله وال طالبان دغزني په اندړو ولسوالۍ کې د افغان ځواکونو دجلا جلا عملياتو په بهيرکې ووژل شول .

 دغزني سيمه ييزو مقاماتو په دې وروستيو وختوکې خبر دارى ورکړى و چې دپاکستان دمدرسو په تړل کيدو سره په سلګونو تنه طالبان په تيره بيا د دغې ډلې پاکستاني جګړه ماران دغه ولايت  ته راغلي دي .