29 January 2020

RSS Facebook

سوداگریز


تازه خبرونه

د افغانستان او پاکستان ترمنځ د تورخم بندر د ترافيکو پرمخ پرانيستل شو

د افغانستان او پاکستان ترمنځ د تورخم بندر د ترافيکو پرمخ پرانيستل شو

کابل / دسلواغې ٩مه / باختر د افغانستان او پاکستان ترمنځ...

 سوله غوښتونکو سمنګانو ته سفر وکړ

سوله غوښتونکو سمنګانو ته سفر وکړ

کابل / دسلواغې ٩مه / باختر د وګړنى سولې کاروان يوه...

Youtube Player

khantry design

سوداگریز

سوداگریز

کابل= باختر آژانس دليندۍ دو لسمه:
دسرحدی پولیسو لوی قوماندان پوهنیار پاسوال گل نبی(احمدزی) دکابل د نړیوال هوائي ډگر د سرحدي پولیسو د قوماندانۍ دمنسوبینو دورځني چارو څخه لیدنه وکړه.
د لیدنې پرمهال د کابل نړیوال هوائي ډگر د سرحــــــدي پولیسو قوماندان مل پاسوال محمد جمعه (عدیل)له خوا د هوائي ډگر د پخواني او نوی ترمینل د سرحدي پولیسو اړونده مسلکي څانگو دعبور اوکنترول، د بدني لټونې، د بگاژونو دلټونې، د اکسرې ماشینونو، د نیشه يي او چاودیدونکو توکو د کشف، د ماشینونو د محافظتې کمرو ، د پاسپورت او د ویزو د چک اوکنترول ، د وسلو د ثبتولو، د لابراتوارو او د ( وي  ای  پي  او  وي  وی  ای  پي) د څانگو په هکله معلومات ورکول کیدل ، لیدنه وکړه.
د سرحدي پولیسولوی قوماندان دکابل دنړیوال هوائي ډگر دسرحدي پولیسو دمنسوبینودکار او فعالیت اوپه ځانگړې توگه د حاجیانو د لیږد اوراستنیدو ښه تنظیم له امله د ستاینې په ترڅ کې زیاته کړه چی د کابل نړیوال هوائي ډگر دهیواد یوه مهمه سرحدي دروازه ده چی له دې لارې ډیر بهرني او کورني وگړي د قانوني سفري اسنادو پر بنسټ، زمونږ هیواد ته تګ راتګ کوي او په دغه سرحدي دروازه کې لمړۍ ځل له سرحدي پولیسو سره مخامخ کیږي.
تاسو باید دهیواد د ریښتینو بچیانو او د سرحدي پولیسو د ایمانداره او باشهامته منسوبانو په توګه دنیکو اخلاقو او د سالم چلند خاوندان واوسئ ، د مسافرینو د ښه تنظیم او د هغوی د سفر د اسنادو دقیق چک اوکنترول او د نیشه توکو د انتقال څخه بشپړمخنیوي ستاسو ایماني او وجداني دنده ده او دغه دنده باید په ښه توگه تر سره کړئ.
د سرحدي پولیسو قوماندان د موجودو ستونزو د حل په موخه اړونده چارواکو ته لازمې لارښوونې وکړې.
په پای کې د هوائي ډگر د سرحدي پولیسو قوماندان مل پاسوال محمدجمعه (عدیل) د سرحدي پولیسو لوی قوماندان ته ډاډ ورکړ چی خپلې ورسپارل شوې دندې به په ښه توگه سر ته رسوي او په دې اړوند هر ډول سرښندنې ته په چمتو والې سره ، شپه او ورځ دهیوادوالواومسافرینو په چوپړ کې واوسي.
 

کابل= باختر آژانس دليندۍ دو لسمه:
د کورنیو چارو وزارت د عامه ساتنې او امنیتي تصدۍ معینیت له لورې د کجکي د برښنا بند امنیتي مسوولین وروسته د پوره بایو متریک څخه د یاد معینیت له لورې ثبت او راجستر شول.
په هلمند ولایت کې د کجکي د برښنا بند چې پخوا یې د امنیتي مسولینو ټولې چارې د ګلوبل په نامه له د یو خصوصي امنیتي شرکت له لورې ترسره کیدلې، اوس د عامه ساتنې او امنیتي تصدۍ معینیت له لورې د پوره بایومتریک، ثبت ، راجستر او د هویت کارتونو د ورکولو څخه وروسته ،۱۴۴ تنه امنیتي ساتونکي او ۲۰۱ میله ډول ډول وسلې چې ۱۸۴ میله کلاشینکوفونه، ۶ میله پیکا، ۵ میله آر-پي-جي توغندي ، ۶ میله R P D  او په زرګونو ګولۍ چې له پخوا یې لرلې؛ د عامه ساتنې او امنیتي تصدۍ معینیت له لورې ددغه  بند د امنیتي چارو د سمبالښت په موخه ثبت و راجستر شوې.
 

قاهره – باختر آژانس دليندۍ دو لسمه:
د مصر جمهور رييس محمد مرسي اعلام وکړ چې ددغه هيواد نوى اساسي قانون د ليندۍ د مياشتې تر پنځه ويشتمه نيټه ټولپوښتنې ته وړاندې کيږي.
مرسي دغه تصميم پرون دمصر دموسسينو مجلس غړو ته چې زياتره يې اسلام پال دي؛ اعلام کړ .
مرسي په داسې حال کې چې د مصر د نوى اساسي قانون مسوده يې په لاس کې نيولې و؛ د دغه هيواد ټولو خلکو ته بلنه ورکړ چې په ټولپوښتنوکې ګډون وکړي. د مصر د جمهور رييس مخالفينو نږدې يوه اوونۍ کيږي چې د قاهرې په تحرير دګر کې په تحصن لاس پورې کړي دي او د مصر د نوى اساسي قانون په مسوده کې د جمهور رييس د واکونو د زياتوالې پرخلاف اعتراض کوي.
دمصر د موسسانو مجلس سکولار، ليبرال او مسيحانو غړو د دغه مجلس دپنجشنبې او دجمعې د ورځو له غونډو څخه په وتلو سره ويلي دي چې د دغې مسودې دوه سوه څلور ديرش مادې د فشار په عملي کولو تسويد شوې دي.
 

کابل – باختر آژانس دليندۍ دو لسمه:
په بلخ ولايت کې پرون د يوې ترافيکي پيښې له امله پنځه ووژل شول.
دبلخ ولايت د امنيې قوماندان ويندوى شير جان دراني باختر آژانس ته وويل: يو سراچه موټر د بلخ ولسوالۍ په بنګالې سيمه کې د زيات کړنديتوب له امله له واټ څخه ووت او سيندته وغورځيد چې له امله يې د موتر چلونکى په ګډون، د موټر پنځه تنه سپرلۍ ووژل شوې او يوتن ټپي شو.
د دغې ولسوالۍ په ملکي روغتون کې موظف ډاکتر د ټپي روغتيايي حالت مخ په ښه والى بللى دى.
 

کابل= باختر دليندي دولسمه:
  هغه دولس ورځني  ميتوديکي سيمينار چې د بدخشان ولايت د منځنيو ښوونځيو نهه سوه اته ديرشو تنو ښوونکو ته په فيض اباد ښارکې جوړ شوى و؛ پرون پاى ته ورسيد .
د بدخشان ولايت د ښوونکو د روزنې رييس محمد صابر قادري باختر اژانس ته وويل: په دې سيمينارکې له اووم ټولګي څخه تر نهم ټولګي پورې د ساينسي مضمونونو ښوونکو  ګډون کړي و .
دغه راز دپوهنې وزارت د ښوونکو د روزنې د لوى رياست علمي اومسلکي غړى پوهنيارفضل الرحمن فضلي، د باختر اژانس خبريال ته وويل: ټاکل شوى وه، په دې سيمينارکې د بدخشان ولايت له مرکز او ولسواليو څخه يو زرو پنځه سوه تنه ښوونکوګډون کړاى واى، خو د بدخشان ولايت دپوهنې مسوولينو ونه کړاى شول، دغه شمېر بشپړ کړي او موږ د دولسو ورځو په بهيرکې نهه سوه اته ديرشو تنو ښوونکو ته تريننګ ورکړ
فضلي زياته کړه: د سيمينار په پاى کې هر ښوونکى ته چې له ولسواليو څخه يې په دغه سيمينارکې ګډون کړى و؛ يوه اندازه پيسې ورکړې شوي دي .
 

کابل= باختر دليندي دولسمه:
طالبانو پرون په لغمان ولايت کې يو دوکاندار وواژه.
  د شمشاد ٢٠٢ساحوي زون د قوماندانۍ مطبوعاتي دفتر باختر اژانس ته خبر ورکړ: د لغمان ولايت د الينګار ولسوالۍ اوسيدونکى نصر الله چې  په مهترلام ښار کې يې دوکانداري کوله؛ دولت ته د جاسوسي په تور دطالبانو له خوا وژل شوى دى.
د سيمې اوسيدونکى وايي چې نصرالله يو غريبکار و چې له سياسي مسئلو سره يې کارنه درلود او د جاسوس په نامه وژل شوى دى.
د يوبل خبر له مخې: د کاپيسا ولايت د کوهستان د دويمې برخې د ولسوالۍ اوسيدونکې انيسه پرون د نامعلومو کسانو له خوا په ډزو سره ټپي شوه او په سيمه کې دپوليسو څيړنې دوام لري .
 

پيښور= باختر دليندي دولسمه:
د پيښور ښار په ديرکالوني سيمه کې نن د بم د چاودنې له امله، دوه تنه ووژل شول.
د پوليسو د څرګندونو له مخې: بم په يو موټرسايکل کې ځاى پرځاى شوى و او دوه تنه وژل شوي کسان ښايي ځانمرګې بريدکوونکي و او هدف ته له رسيدو مخکې چاودنه شوې ده .
 

کابل= باختر دليندي دولسمه:
دمهاجرينو د راستنولو  د چارو وزير ډاکتر جماهير انوري له ملي سوداګرو او له ملي او نړيوالو خيريه مرکزونو څخه وغوښتل چې ترخيمو لاندې استوګنو کورنيو ته ژمني مرستې برابرې کړي .
ډاکترجماهيرانوري چې نن يې د باختر اژانس له خبريال سره  خبرې کولې، په کابل او د هيواد په نورو ولايتونوکې تر خيمو لاندې د سلګونو استوګنو کورنيو د حالت له امله خپله انديښه څرګنده کړه او ويې ويل: په را روان ژمې کې ددغو کورنيو ماشومان او بوډاګان د ژمې د سړښت  له امله، له رامنځته شوى ګواښ سره مخامخ دي .
  ده له ملي سوداګرو او دملي او نړيوالوخيريه مرکزونو څخه وغوښتل چې له دغو کورنيو سره دې د سون د موادو  مرسته وکړي.
  دمهاجرينو د راستنولو د چارو وزير وويل چې لا تراوسه پورې د هيواد په ځينو ساحو کې د جګړې او نا ارامى ستونزه چې له خپلو سيمو څخه د دغو کورنيو د بې ځايه کيدو اصلي عامل بلل کيږي؛ نه ده حل شوى او له دې امله په اصلي سيمو کې يې د دوى د بيا ميشت کولو لپاره کوم کار نه شي ترسره کيدى چې تر خيمو لاندې استوګنوکسانو ستونزې حل کړى شي.
د بې ځايه شويو کسانو او ترخيمو لاندې استوګنو کسانو په باب د مهاجرينو د راستنولو د چارو د وزير انديښنه او هغوى ته د سون د موادو د مرستې غوښتنه په داسې حال کې څرګنديږي چې په هيوادکې د لرګيو او بلن ګاز او د سون د نورو موادو بيې ډيرې لوړې شوې دي او برابرول يې د زياترو کورنيو له توان څخه بهر دى.
 

کابل= باختر دليندي دولسمه:
  په دايکندي ولايت کې د يوې تنکې پيغلې له وژل کېدو وروسته، د دې کورنۍ د دغې پيښې دعاملينو د نيول او محاکمه کولو غوښتنه وکړه .
پنځلس کلنه نجلۍ حنيفه، دوه ورځې مخکې د ناپيژندل شويو وسله والو کسانو له خوا د دايکندي ولايت د خدير ولسوالۍ په ګورګه سيمه کې ووژل شوه .
د دغې تنکې پيغلې مور وايي: سره له دې چې د دې د لور له وژل کېدو څخه دوه ورځې تيريږي؛ عاملين يې تر اوسه پورې نه دي نيول شوي او د دغې نجلۍ د وژل کېدو انګيزه نه ده روښانه شوى.
د دې کورنۍ وايي چې موږ له هيچا سره دښمني نه لرو؛ په همدې حال کې د دايکندي ولايت د ښځو د چارو د رياست سرپرستې حبيبې شجاعي له باختر اژانس سره د خبرو په ترڅ کې ددغه ولايت له امنيتي مقاماتو څخه وغوښتل چې د دغه جنايت د عاملينو په نيولوکې هلې ځلې وکړي .
له بلې خوا هم په دايکندي کې امنيتي مقامات وايي چې په خدير ولسوالۍ کې د حنيفې د وژل کېدو د عاملينو د نيولو لپاره يې عمليات پيل کړي دي .
وروستى پيښه په داسې حال کې رامنځته کيږي چې له دغې پيښې  څخه دوه ورځې مخکې دوو خونيدو په مزارشريف ښارکې په نامعلومو دلايلو په ځان وژنې لاس پورې کړ او يوه کوچنې نجلۍ چې نهه کلنه وه؛ په جوزجان کې ووژل شوه .
د بشر د حقوقو مدافع مرکزونه په افغانستان کې د تاوتريخوالې د زياتوالې له امله انديښنه څرګندوي او دغه شان پيښو دکمښت په لاره کې د جدي اقداماتو غوښتنه کوي .
 

کابل= باختر دليندي دولسمه :
په ننګرهار ولايت کې امنيتي مقامات وايي: هغه ځانمرګې بريدکوونکي چې د جلال اباد په هوايي ډگر يې يرغل کړي و؛ وژل شوي او په دغه ډگر کې  حالت عادي بڼه غوره کړې ده .
دباختر اژانس دخبر له مخې: نن سهار په پنځه نيمو بجو، پنځه تنه ځانمرګې يرغلګر دجلال اباد هوايي ډګر ته ننوتل او له امنيتي مامورينو سره يې جګړه پيل کړه .
دننګرهار ولايت د امنيې قوماندانۍ مطبوعاتي مسوول حضرت حسين مشرقي وال باختر اژانس ته وويل: له دوه نيمو ساعتو جګړو وروسته په هوايي ډګر پنځه واړه ځانمرګې يرغلګر ووژل شول .
ده تاييد کړه چې په دې پيښه کې د هوايي ډګر پنځه تنه امنيتي مامورين هم شهيدان شوي دي .
ويل کيږي چې لومړۍ يو تن يرغلګر په چاوديدونکو توکو بار موټر د هوايي ډګر د دروازې په وړاندې واچاوه او وروسته نورو يرغلګرو هم هلې ځلې وکړې چې د هوايي ډګر پر تاسيساتو بريدونه وکړي .
په را رسيدلو خبرونوکې ويل شوى دى چې ځانمرګو يرغلګرو په دغه هوايي ډګر کې د ناټو له ميشتو پوځيانو سره هم نښته  کړې ده؛ خو په  هوايي ډګر کې بهرنيو عسکرو ته د سر د رسيدلي زيان په باب کوم خبر نه دې ترلاسه شوى .
د ننګرهار ولايت په در بابا په ولسوالۍ کې د وږي د مياشتې د څوارلسمې نيټې له پيښې وروسته چې يو ځانمرګې يرغلګر ځان د يوې ميرمنې د جنازې دښخولو د مراسمو ديو شمېر برخه والو ترمنځ وچاوه او څه ناڅه شل تنه يې و وژل او پنځوس تنه نور يې  ټپيان کړل. نننۍ پيښه لومړنۍ ځانمرګې بريد دى .
ويل شوى دى چې په دې پيښه کې دوه تنه ملکي وګړي هم وژل شوي دي، خو امنيتي مسوولينو په دې باب  څه نه دى ويلي .