24 October 2020

RSS Facebook

سوداگریز


تازه خبرونه

 درې ماين جوړونکي  طالبان په تخار کې د خپل ماين قرباني شول

درې ماين جوړونکي طالبان په تخار کې د خپل ماين قرباني شول

٢٤-کابل / دلړم دويمه /باختر درې ماين جوړونکي طالبان په...

 په هلمند کې  د عملياتو په دوام  ٧ وسله وال طالبان و وژل شول

په هلمند کې د عملياتو په دوام ٧ وسله وال طالبان و وژل شول

٢٣-کابل / دلړم دويمه /باختر په داسې حال کې چې...

 يوولس وسله وال طالبان  په زابل کې و وژل شول

يوولس وسله وال طالبان په زابل کې و وژل شول

٢٢- کابل / دلړم دويمه /باختر ١١ وسله وال طالبان...

Youtube Player

khantry design

سوداگریز

سوداگریز

Tuesday, 02 July 2013 11:37

څلورتنه مجازات شول.

کابل\باختر\ د سرطان ١١
څلورتنه نن په بغلان ولايت کې په يوه قضايي علني محاکمه کې په مجازاتو محکوم شول.
دبغلان له ولايت څخه د باختراژانس دخبريال دخبر له مخې، په دې غونډه کې چې دبغلان ولايت د مرافعه محکمې درئيس قضاوتمند ميرويس په مشري جوړه شوه موظف څارنوال د مدارکو او شواهدو له مخې دوه تنه چې په قتل تورن دي لومړي په شل کاله اودويم په لس کاله تنفيذي بند اودوه تنه نور چې ټانکر ته داوراچولو اودغلا تور پرې لګول شوي وو هريو په درې درې کاله بند محکوم شول .
دموظف څارنوال دڅرګندونو له مخې، دمحکمې حکم وروستۍ نه دى او ددوى دتميز غوښتنې حق محفوظ دى.

کابل\باختر\ د سرطان ١١
په سمنګانو ولايت کې دغير مسولو وسله والو کسانو ترمنځ نښته کې ديوه ځوان په ګډون چې نوى واده يې کړى و دوه تنه ووژل شول او دوه تنه نورټپيان شول.
دغه جګړه پرون دسمنګانو ولايت دکوز دره صوف د ولسوالۍ دګوله حصار په سيمه کې ونښته چې غيرمسولو وسله والو کسا نو ديو بل غيرمسول قوماندان د افرادو دسپرلۍ په کاروان بريد و کړ.
دسمنګانو ولايت امنيه قوماندان مصدق الله سديد باخترا ژانس ته وويل چې په دې نښته کې ديو ځوان په ګډون چې نوى واده يې کړى و دوه تنه ووژل شول اودوه تنه نورټپيان شول.

کابل\باختر\ د سرطان ١١
دماليې وزيرډاکترعمرزاخيلوال پرون دملګروملتودسازمان دسرمنشي له مرستيال کينيت اليسون سره وکتل .
دماليې وزارت مطبوعاتي دفتر باختراژانس ته خبر ورکړ :  دافغانستان لپاره د ملګروملتودسازمان له ځانګړي  استا زي يان کوبيش سره په دې کتنه کې په داسې حال کې چې دده سلاکاراود ماليې وزارت معينانو او سلاکارانو هم برخه لرله ډاکترعمر زاخيل وال دشويو پرمختګونو اود هغو ژمنو په باب معلومات وړا ندې کړل چې د توکيو دکنفرانس په چوکاټ کې د افغا نستان له خوا شوې وې .
په دې غونډه کې اليسون دځان له خوا د ماليې وزير ته په بشپړه توګه ډاډ ورکړ چې له افغانستان سره د ملګرو ملتو دسازمان مرستې به دوام و مومي .
دواړو لورو په برياليتوب سره په نږدې راتلونکي کې دجګپوړو مقاماتو دغونډې دجوړيدو دبرياليتوب په باب خوشبيني څرګنده کړه .

کابل\باختر\ د سرطان ١١
دمومندو دقومي شورا درئيس اوغړو او ددغه قوم د نورو مشرانو په وړانديز قاضي زرشاه مو مند دجمهور رئيس د يو حکم په ترڅ کې په قومي چارو کې د افغا نستان د اسلا مي جمهوريت د جمهور رئيس دسلا کار په توګه وټا کل شو.
دچارو د ادارې اود وزيرانو شوراددارالانشا لوى رياست باختراژانس ته خبر ورکړ چې قاضي زرشاه مو مند لوړې زده کړې او مسلکي پوهه لري او په قومي چارو کې د مشاوريت په پست کې دده له بډاي تجربې ، پوهې اوټولنيز نفوس څخه دسو له ييزو هدفونو د تحقق اودټولنيزې سوکالۍ په لاره کې کاراخيستل کيږي

کابل\باختر\ د سرطان ١١
دسترې محکمې عالي شورا نن له غرمي مخکې دافغانستان د اسلا مي جمهوريت دقاضي القضات پوهاند عبدالسلام عظيمي په مشري غونډه و کړه او په اجندا کې نيول شوي موضوعګانې يې وڅيړلې.
دسترې محکمې دخپرونو رياست باختراژانس ته خبر ورکړ، عالي شورا لو مړي دوست او ورور هيواد ترکيې ته ديوې ډلې افغان قاضيانو دسفر نتيجې چې دلسو ورځو لپاره دسترې محکمې او ددغه هيواد د عدليې وزارت ترمنځ دلاسليک شوي موافقه ليک له مخې دسازمان موندلو جرمونو اودتروريزم په لاره کې دروزنيزو پروګرامونو د زده کړې په مقصد شوى و مثبتې وبللې او دترکيې دقاضيانو او څارنوالانو اود قضايي ملي اکاډمۍ د همکارۍ او ښه هر کلي له ا مله يې مننه او قدرداني وکړه اود قضايه قوې د ادارې عمومي امريت ته يې لارښوونه وکړه چې له لاسليک شوي تفاهم ليک سره سم دې دراتلوونکو پرو ګرامو نو سمون کې لازم اجراات و کړي .
په غونډه کې لومړي دقضايي پلټنې درياست رپوټونه اود خوست ولايت د استيناف محکمې دښاري ابتدائيه محکمې اود ولسواليو دابتدائيه محکمو ، د نيمروز   ولايت دابتدائيه ښاري محکمې اود ولسواليو دابتدائيه محکمو دقضايي اجرا ا تو په اړوند تدقيقى نظريې او هم دلغمان ولايت د ښاري ابتدا ئيه محکمې د مدني اود عامه حقوقو دديوان داجرااتو په نسبت دعوا ديو تن خاوند دشکايت په باب دقضايي پلټنې رپوټ وڅيړل شول او په ټوليزه توګه په دغو محکمو پورې اړوند اتو تنوقاضيانوته دقضايي سرغړونو دڅيړنې دڅرنګوالي له مقررې سره سم دکسرمعاش ، اخطاراو توصيې په ګډون لازم تاديبي جزا ګانې تجويز شوې .
وروسته  يوشمير رسيدلو استهدا ګانو په باب غور وشو اود جمهوري رياست د عالي مقام دبخښنې له فرمانونو څخه دبنديانو اومحجوزينو له متعارف حد څخه د زياتې استفادې په برخه کې د لوى څارنوالي د حکمونو دتنفيذ  درياست استهدا ته په پاملرنې سره څرګنده شوه چې دبنديانو اومحجوزينو د مجازاتودبخښنې او تخفيف په باب د جمهوري رياست د عالي مقام دفرمانونو محتويات قانوني اعتبار لري او هم په يو کال کې له فرمانونو څخه د محکومينو اومحجوزينو د استفادې دقيد په باب دسترې محکمې دعالي شورا د١٣٨٧ کال د تلي د مياشتې د اووه ويشتمې نيټې د ٤٦٠ ګڼه مصوبې دريمه فقره .، يوا زې يوځل دصادرو شويو فرمانونو له روحيې سره موافقه لري او په هغه صورت کې چې د راتلوونکو فرمانونو په څرګند حکم سره  منتفي نه شي دتطبيق وړ دى اود هغو مخالفى مشورتي نظريې اعتبار نه لري .
دغه راز د کابل ولايت داستيناف محکمې د مدني اوشخصي احوالو دديوان د استهدايې په وړا ندې لارښوونه  وشوه که څه هم په مدني موضوعګانو کې دقاضي د اختياري او الزامي ډډې کولو موارد د مدني محاکماتو داحوالو دقانون په ٦٥_٦٦_٦٧ او٦٨ مادو کې په مشخص ډول ليکل شوي دي خو سربيره پردې څرګنديږي هغه قاضي چې په محکمه کې د تصدي په وخت کې دابتدا ئيه محکمې د پريکړې په نقض کې ګډون و لري په ا بتدا ئيه محکمه کې د قضيې په وروستي تصميم نيونه کې نشي کولاي ګډون و کړي .
په همدې ترتيب د هغو قضيو د جرم د پيل په اړوند چې دجمهوري رياست د مقام دمجازاتو د بخښنې اوتخفيف دفرمامونو له مفادو څخه مستثنا شوي دي د محکمو د قطعي او وروستيو حکمونو پرتطبيق باندې دڅارنې درياست د استهدايې په وړا ندې څرګنده شوه څرنګه چې په فرمان کې د جرم وصف طرحه دى له دې امله که  چيرې د مجازاتو د بخښنې اوتخفيف صادر شوي فرمانونه ، مشخص جرمونه مستثنا کوي دهغوى د جرم پيل او ترسره کول هم يوشان دى ، کوم توپير نه لري .
دغه راز دهغو تورنو کسانو د استينافي قضيو د څيړنې دڅرنګوالي په برخه کې چې دوسيې يې د ولايتونو دنظامي استيناف په محکمو کې دي او په خپله په مرکز کې بنديان دي ، د نظامي استيناف د محکمې درياست د استهدايې په وړاندې لارښوونه وشوه چې دستونزې حل دڅارنوالي په اجرااتو پورې اړه لري که چيرې دغه اداره اړوندو ولايتونو ته د بنديانو  دليږد ونې امکانات ونه لري کولاي شي دنظر وړ قضيو د محکمې بدلون پيشنهاد کړي سر بيره پردې د بياکتنې دپنځوغوښتنو او په مدني او جزايي موضوعګانو کې د محکمې د بدلون دشپاړسو غوښتنو څيړنه ددعوا د خا وندانودلوى څارنوالۍ د ادارې له خوا   طرحه شوې وې ، هم د اجندا يوه برخه وه چې د هرې موضوع په باب لازم تصميمو نه ونيول شول.

کابل -باختر  د چنکاښ د مياشتې ١١:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب په دې ډول اټکل کړى دى:
کابل- آسمان ځاى ځاى وريځ ، د تودوخې لوړه درجه ٢٩، ټيټه ١٢
هرات- آسمان ، ځاى ځاى وريځ ، د تودوخې لوړه درجه ٣٦،  ټيټه ٢١
جلال آباد- آسمان ځاى ځاى وريځ ، د تودوخې لوړه درجه ٣٦، ټيټه ٢٤
قندهار- آسمان ، ځاى ځاى وريځ، د تودوخې لوړه ٤٠ ، ټيټه ٢٥
مزارشريف- آسمان وريځ، داورښت امکان شته ، د تودوخې لوړه  ٤٠، ټيټه ٢٧
کندز- آسمان  وريځ، داورښت امکان شته د تودوخې  لوړه درجه ٣٩، ټيټه ٢٢
غزني- آسمان  ځاى ځاى وريځ، د تودوخې لوړه درجه ١٧ ، ټيټه ١١
باميان- آسمان وريځ داورښت امکان شته ، د تودوخې لوړه درجه ١٥ ، ټيټه ٧
فيض آباد- آسمان وريځ داورښت امکان شته، د تودوخې لوړه درجه ٢٨، ټيټه  ١٦
شمالي سالنګ- آسمان وريځ، داورښت امکان شته ، دتودوخې لوړه درجه ٨ ، ټيټه  ٣
جنوبي سالنګ- آسمان وريځ داورښت امکان شته ، د تودوخې لوړه درجه ١٣، ټيټه ٦
  شبرغان - آسمان ځاى ځاى وريځ ، د تودوخې لوړه درجه ٣٦، ټيټه ٢٥
فراه- آسمان ، ځاى ځاى وريځ، د تودوخې لوړه درجه ٣٩ ټيټه ٢٥
خوست- آسمان وريځ، داورښت امکان شته ، د تودوخې لوړه درجه ٣١، ټيټه ٢٠
ميمنه- آسمان ځاى ځاى وريځ ، د تودوخې لوړه درجه  ٤٠ ، ټيټه ٢٥
لښکرګاه- آسمان شين ، د تودوخې لوړه درجه ٤١، ټيټه ٢٤
جبل سراج-اسمان وريځ داورښت امکان شته ،ددوخې لوړه درجه ٢٧-ټيټه ٨
په کابل کې به سبا لمرپه ٤ بجو او ٢٧ دقيقو وخيژي او د مازيګر په ٧بجو او ١١ دقيقو ولويږي . 

کابل باختر د چنګاښ يوولسمه :
وسله والو طالبانو تيره شپه دبدخشان ولايت دزيباک  ولسوالۍ  دتوپخانې دسيمې په سرحدي پوستې بريد وکړ او دامنيتي ځواکونو له مقاومت سره مخامخ شول .
  دبدخشان ولايت دزيباک ولسوال سيد احمد شاه زيرم باختراژانس ته وويل چې وسله والو طالبانو دتيرې شپې  ددولسو بجو په  شاوخوا کې دتوپخانې په سيمه کې چې له پاکستان سره پولې ته نږدې پرته ده په سرحدي پوستې بريد وکړ چې دامنيتي ځواکونو له مقاومت سره مخامخ شول او خواره واره شول .
  دبدخشان والي ډاکتر شاه ولي الله اديب او ددغه ولايت امنيتي مسوولينو پخوا ويلي و چې دپاکستان استخبارات غواړي دوردوج ولسوالۍ په نا امن کولو سره دتوپخانې  دسيمې له لارې دطالبانو داکمالاتو لپاره لاره پرانيږي او دالومړي ځل دى چې ددغې سيمې په امنيتي پوستې بريد کيږي .
دزيباک ولسوالۍ توپخانه هغه سيمه ده چې  دپاکستان پولې  ته رسيږي او دښمن هلې ځلې کوي چې ځان ته دتدارکاتو لاره پرانيزي .
دزيباک  ولسوال وايي چې تراوسه پورې معلومه نه ده چې څومره مخالفين وژل شوي اويا ټپيان شوي دي .
ده څرګنده کړه چې په دې پيښه کې امنيتي ځواکونو ته زيان نه دى اوښتى .

کابل باختر د چنګاښ يوولسمه :
دافغانستان دبشر دحقوقو خپلواک کميسيون ددغه کميسيون  دحقوقي سلاکار قاضي غلام  نبي حکاک  دمړينې خبر راکړ .
په هغه پيغام کې چې ددغې ادارې له لارې باختراژانس ته  رسيدلى دى ويل شوي دي چې قاضي غلام نبي حکاک  دناروغي له امله  داته پنځوس کلنۍ په عمر په هرات ولايت کې وفات شوى دى .
دافغانستان دبشر دحقوقو خپلواک کميسيون دده مړينه يوه ضايعه بولى او دخپلې ډاډګيرنې او خواخوږۍ مراتب دارواښاد کورنۍ او دوستانو ته يې څرګندوي .

کابل باختر د چنګاښ يوولسمه :
دوسله والو طالبانو د ډلې يو قوماندان پرون دهلمند ولايت په مربوطاتو کې ونيول شو .
دملي دفاع وزارت دويندوى مطبوعاتي دفتر باختراژانس ته وويل، دوسله والو طالبانو د ډلې يو قوماندان  عبدالواحد چې داکمالولو ، دچاوديدونکو توکو په ليږدولو او ويشلو او دوګړو پرخلاف  دبريدونو په پلانولو  کې فعال رول درلود .
  دهلمند ولايت دنادعلي ولسوالۍ په مربوطاتو کې دملي اردو دمنسوبينو دچاڼيزو عملياتو په بهير کې  له څلورو تنو غړو او يوې اندازې سپکو او درندو وسلو سره ونيول شو .
ديوبل خبر له مخې، يو وسله وال مخالف دهلمند ولايت دموسي قلعه ولسوالۍ په مربوطاتو کې دملي اردو دمنسوبينو دعملياتو په بهير کې ووژل شو او څلور تنه نور ټپيان شول .
دغه راز يو وسله وال طالب چې دقندهار ولايت دميوند ولسوالۍ په مربوطاتو کې په تروريستي او ورانکارو فعاليتونوبوخت و دامنيتي منسوبينو  له خوا ووژل شو .

کابل باختر د چنګاښ يوولسمه :
په اردن کې داسيايي  سياليو په دوام دهيواد دسوک وهلو دملي ټيم ورزشکار نورستاني نن له خپل هندي سيال سره  لوبه کوي .
ددغو سياليو په لړکې دسوک وهلو دملي ټيم يوبل ورزشکار اميد شهراني په خپل سريلانکايي سيال بريالى شو .
دالمپيک دملي کميټې دخپرونو آمر سيمع دره يي  باختراژانس ته وويل، دغه سيالۍ  چې دشلو اسيايي هيوادونو دورزشکارانو په ګډون د عمان په ښار کې  په انفرادى ډول په لسو وزني ګروپونو  کې پيل شوې دي دهيواد دملي ټيم ورزشکار اميد شهراني په دري اويا  کيلوګرامه وزن کې خپل سريلانکا يي سيال ته ماتې ورکړه چې ددغو سياليو په دوام ټاکل شوې ده نن شپه دملي ټيم بل ورزشکار  له خپل هندي سيال سره لوبه وکړي  .
ديادونې وړ ده په دغو سياليو کې له افغانستان څخه لسو تنو ورزشکارانو ګډون کړى دى .