28 January 2020

RSS Facebook

سوداگریز


تازه خبرونه

دبريښنا له کمښت سره مخامخ يو .

دبريښنا له کمښت سره مخامخ يو .

کابل /دسلواغې ٧مه / باختر: دپايتخت اوسيدونکي په کابل...

هرات دګازارګاه  مير صاحب جنازه  خاوروته وسپارل شوه .

هرات دګازارګاه مير صاحب جنازه خاوروته وسپارل شوه .

کابل /دسلواغې ٧مه / باختر: دهرات دپير دارامګاه دفقيد پيژندل شوي...

په غزني کې دراغورځيدلې الوتکې  نوعيت معلوم نه دى .

په غزني کې دراغورځيدلې الوتکې نوعيت معلوم نه دى .

کابل /دسلواغې ٧مه / باختر: لومړني رپوتونه ددې څرګندوي دي چې...

Youtube Player

khantry design

سوداگریز

سوداگریز

٦_  کابل  \باختردلړم دمياشتې ١١ :
دحج او اوقافو وزارت خبرتيا
دحاجيانو له هرکلي کوونکو څخه چې له سعودي عربستان څخه هيواد ته
راستنيږي دزړه له کومې غوښتنه کېږي چې دخپلو اړوندو حاجيانو دهرکلي  اوليږدونې په مقصد دې دعيدګاه جامع جومات ته ورشي اوپه دې ترتيب دې دکابل دهوايي ډگر مسوولينو ته له مزاحمت څخه ډډه وکړي او له هوايي ډګر څځه  دعيدګاه جومات ته دزيارت کوونکو دليږدونې دعادي بهير مخه ونه نيسي.
 

کابل  \باختردلړم دمياشتې ١١ :
وسله والو طالبانو په غور ولايت کې  په پاى کې ټول يرغمل کسان آزاد کړل.
باختراژانس ته په رارسيدلو خبرونو کې ويل شوي دي  چې دغه کسان تيره شپه  دغور ولايت دسولې دشورا دهلوځلو له امله  اودسيمې دمشرانو په همکاري دوسله والو طالبانو له منګولو څخه  آزادکړي شول.
دسه شنبې په ورځ  ديارلس تنه ملکي وګړي په داسې حال کې چې دفارياب ولايت په ځانمرګي پيښه کې  ددوو تنو  وژل شويو محصلانو مړى يې غور ته ليږدول په لاره کې دوسله والو طالبانو له خوا پرې بريد وشو او وتښتول شول.
دغور دوالي ويندوى عبدالحي خطيبي باختراژانس ته وويل  چې طالبانو دغه کسان دغلمين له قوم څخه ددريو تنو دوينې دبيې دترلاسه کولو په خاطر تښتولي وو.
په دې وروستيو وختو کې دغلمين دقوم او دچارسدي ولسوالۍ دځينو اوسيدونکو ترمنځ په خونړيو نښتو کې د رې تنه و وژل شول .
طالبانو هم چې له دغه قوم سره يې خپلوي لرله دمقابل لوري دديارلسو تنو په تښتونو لاس پوري کړ .
په همدي حال کې دغور دوالي ويندوى وايي  چې وسله والوطالبانو ددغو کسانو دخلاصون په بدل کې ددغو دريو تنو دوينې دبيې دترلاسه کولو غوښتنه کړې ده .
 

کابل باختر /  دلړم ١١مه 
دکابل د١٠١ اسماي زون دقوماندانۍ دپوليسو منسوبينو پرون پنځه تنه په کابل ښار کې دجنايي جرمونو په تور ونيول
دکابل د١٠١ اسماي زون دقوماندانۍ مطبوعاتي دفتر باختر اژانس ته خبر ورکړ
په نيول شويو کسانو کې دکابل ولايت په مرطوباتو کې دوژنې  او غلا تور لګول شوي دي.  چې د پوليسو دمنسوبينو له اخوا دکابل ښار دلومړۍ ، څلورمې او ديارلسمې امنيتي حوځې په مربوطاتو وونيول شول
او له نيول شويو کسانو څخه پوښتنې او تحقيقات دوام لري .
 

کابل باختر/ لړم ١١مه 
دطالبانو دډلې څلو ر تنه غړي دامنيتي ځواکونو په هغو عملياتو کې و وژل شول چې پرون دهيواد په ځينو ولايتونو کې ترسره شول
دکورنيو چارو وزارت مطبوعاتي دفتر باختر اژانس ته خبر ورکړ
دملي پوليسو ځواکونو دملي اردو ، ملي امنيت او ايتلاف دځواکونو سره په همکاري  دپکتيا ، کونړ او غزني دولايتونو په مربوطاتو کې يو لړ گډ چانيز عمليات ترسره کړ چې له امله يې څلور تنه ياغي طالبان ووژل شول ، څلورتنه ټپيان او يوتن  بل يې دملي پوليسو دځواکونو له خوا ونيول شو
دغه راز دپوليسو موظفينو په هلمند ولايت  کې پرون مازيګر دګزمې په بهير کې دوسايطو ضد دوه ماينونه دياغي طالبانو له خوا ددغه ولايت په نهر سراج ولسوالۍ په سړک کې يښودل شوي وو ، کشف او شند کړل
 

کابل باختر / دلړم ١١مه
په هملند ولايت کې پرون په سړک کې په يو ښخ کړى شوي ماين ديو موټرسايکل دختلو له امله څور تنه ټپيان شول .
دکورنيو چارو وزات مطبوعاتي دفتر باختر اژانس ته خبر ورکړ.
يو موټر سايکل دطالبانو له خوا دهلمند ولايت دموسى قلعه ولسوالۍ دکنجک دسيمې په سړ ک کې دپه ښخ کړي شوي ماين وخوت چې له امله يې يو نارينه دوه ماشومان ټپيان شول دا په داسې حال کې  ده چې په يوه بله ورته پيښه کې چې پرون دسهار په نهو بجو ددغې ولسوالى په ديزور سيمه په واټ کې په ښخ کړي شوي ماين ديو سراجه موټر دختلو له امله رامنځته شو د٧ تنو ميرمنو او دووه تنو ماشومانو په گډون لس تنه شهيدان  او دوتنه نور ټپيان شول .
 

قندهار / باختر دلړم ١١ مه
په قندهار ولايت کې دماين دچاودنې له امله ديوې کورنۍ شپږتنه غړي و وژل شول
دغه پيښه  پرون مازيګر دمعروف ولسوالۍ په مربوطاتو کې په کرنا سيمه کې هغه وخت رامنځته شوه چې دملکي  وګړو دسپرلۍ يو موټر په واټ کې په ښخ کړي شوي ماين  وخت
دقندهار دوالي ويندوى جاويد فيصل له باختر اژانس سره په اړيکه کې دغه چاودنه تاييد کړه او ويې ويل چې وژل شوي کسان ديوې کورنۍ غړي وو چې له يوې سيمې څخه بلې سيمې ته روان وو
ويل کيږي چې ددغې پيښې په قربانيانو کې ښځې اوماشومان هم شامل دي
په همې حال کې جاويد فيصل وسله وال طالبان ددغې پيښې مسوول بولي
په هملند ولايت کې په دوه نورو ورته پيښه کې هم څه ناڅه يولس تنه ملکي وکړي و وژل شول اوشپږ ته نوريې ټپيان شول
په دغو ملکي وګړو هم پرون کله چې په ګرشک ولسوالۍ کې بازار ته روان و دوسله والو طالبانو له خوا دماينونو ګزارونه وشول اومرګ ژبله ورته واوښته
طالبان زياتره په افغانستان کې ګن ميشتو لارو په ماين ښخولو لاس پوري کوي هغه ماينونه چې زياتر ه ملکي وګړي پکې وژل کيږي .
 

کابل باختر د لړم لسمه
دافغانستان داسلامي جمهوريت دجمهور رييس  حامدکرزي دخواشيني او ډاډګيرنې پيغام .
  په ډيرې خواشيني سره  خبر شوم چې دهيواد دامنيتي قواوو يو پخواني افسر تورن جنرال محمد اکرم هلا لي  دورپيښې  ناروغي له امله له هيواده لري له دې فاني نړۍ څخه سترګې پټي کړي دي .
انا الله و انااليه راجعون
ارواښاد تورن جنرال محمد اکرم هلالي يو تعليم يافته نظامي و، دملي دفاع او داخله وزارتونو په اکادميکو موسساتوکې يې خپلو خلکو ته خدمت کړي دي ، دده مړينه يوه ضايعه ده .
  دخپلې خواشيني او ډاډګيرنې مراتب دده کورنۍ ، دوستانو او دفراه ولايت  خلکو ته وړاندې کوم الله تعالى دې دى  وبخښي او کورنۍ ته دې يې جميل صبر نصيب شي .
 

کابل باختر د لړم لسمه
د افغانستان د اسلامي جمهوریت جمهور رئیس حامد کرزي د انتخاباتو د خپلواک کمیسی دجمهوري رياست مطبوعاتي دفترباختراژانس ته خبرورکړ ون له خوا د جمهوري ریاست د انتخاباتو د نېټې د ټاکنې هرکلی وکړ.
د انتخاباتو د خپلواک کمیسیون رئیس نن اعلان وکړ چې د جمهوري ریاست راتلونکي انتخابات د ۱۳۹۳ کال د حمل په ۱۶مه ترسره کېږي.
د اساسي قانون او د هېواد د ټولو نافذه قوانینو مطابق او د کمیسیون له خوا د ټاکل شوې نېټې په نظر کې نیولو سره، جمهور رئیس د چارو ادارې لوی ریاست ته لارښوونه وکړه چې د هېواد د امنیتي ارګانونو په شمول ټولو اړوندو نهادونو ته دا ابلاغ کړي چې د ټاکل شوې نېټې په نظر کې نیولو سره، په دې برخه کې لازم چمتووالی ونیسي او د انتخاباتو له خپلواک کمیسیون سره د آزادو، منصفانه او سرتاسري انتخاباتو د ترسره کېدو په برخه کې، هر اړخیزې  همکارۍ ترسره کړي.
 

کابل باختر د لړم لسمه
د افغانستان د اسلامي جمهوریت جمهور رئیس حامد کرزي د هېواد د دولتي او خصوصي پوهنتونونو له رئیسانو او استادانو سره په دويمه غونډه کې د جمهوري ریاست د راتلونکو انتخاباتو په اړه د هغوی نظریات واورېدل.
دجمهوري رياست مطبوعاتي دفترباختراژانس ته خبرورکړ.
دا غونډه چې د تېرې غونډې په دوام نن له غرمې وروسته په ارګ کې جوړه شوه، د غونډې برخه والو د جمهوري ریاست د راتلونکو انتخاباتو په اړه لاندې نظریات وړاندې کړل:
- د جمهوري ریاست د انتخاباتو تر سره کېدل یو حتمي او ضروري کار دی او باید په ټاکلى نېټه تر سره شي.
- د جمهوري ریاست لپاره هر کاندید باید افغان، مسلمان او د افغانستان په عیني واقعیتونو او مشکلاتو خبرواوسى. هر کاندید باید د ټول افغانستان استازیتوب وکړي او له اکثرو ولایتونو څخه د خپل کاندیدۍ لپاره حد اقل(۱۰۰۰۰۰) یولک کارتونه تر لاسه کړي.
- د افغانستان نافذ شوي قوانین د سیمې په کچه ساری نه لري، خو پکار ده چې د تطبیق په برخه کې یې لازم او عملي ګامونه پورته شي.
- د افغانستان اساسي قانون هر افغان ته حق ورکړی دى چې جمهوري ریاست ته ځان کاندید کړي، هېڅوک نشي کولای چې د هغوی ددغه حق ممانعت وکړي.
 

Wednesday, 31 October 2012 10:01

دمبارکي پيغام

کابل باختر د لړم لسمه
  دسوک وهنې دنړيوال اتل حميد رحيمي دبرياليتوب په مناسبت د جمهور رييس دمرستيال محمدکريم خليلي دمبارکي پيغام .
  خوښ يم چې يوځل بيا ددې هيواد اتل بچي حميد رحيمي د حرفوي سوک وهنې داتلوالي په سيالۍ کې  وياړ وګاټه  او  تيره شپه يې دنړۍ په ګوټ ګوټ کې په مليونونو تنه  افغانان  خوشحاله کړل .
زه دده ددغه وياړلي برياليتوب له امله دافغانستان سرلوړي ملت په تيره بيا دهيواد ورزشي ټولني او حميد رحيمي او دده کورنۍ ته مبارکي وايم او داکار دهيواد دترقي  او پرمختګ په لاره کې دافغانستان دبچيانو دځواکمني  او لوړ همت او دسولې ورور ولي اوملي يو والي دتحقق لپاره دهڅو او آن نښه نښانه  بولم .
زه په کابل کې دحميد رحيمي دتانزانيايي  سيال سعيد امبيلوا شتون په دى سيالۍ کې دده ميړانه اوزړه ورتيا د قدر وړ بولم او دنيکمرغي اوسوکالي هيله ورته کوم .
په کابل کې ددغې سيالۍ ترسره کيدل نه يواځي  له دې پلوه  چې زموږ يو هيوادوال برياليتوب ته رسيدلى دى .  ارزښت لري بلکې له دې پلوه  چې دغه سيالۍ د لومړي ځل لپاره سولې لپاره دمبارزې تر عنوان لاندې په کابل کې ترسره شوه اوزموږ دخلکو دخوشحالي او هيلې سبب شوې ده هم ارزښت لري .
دهيواد ځوانانو او ورزشکارانو په هغو نورو سياليو کې چې تراوسه پورې دهيواد په دننه اوبهر کې ترسره شوي دي هم وښودله چې دوى دخپل هيواد د ترقي او پرمختګ لپاره ښه اراده لري اوپه ورزش  او په نړيوالو سياليو کې په ګام ايښودلو سره دخپل هيواد دمثبت بدلون له بهير سره مرسته کوي .
دزياتو برياليتوبونو په هيله .