27 September 2020

RSS Facebook

سوداگریز


تازه خبرونه

د پکتيکا هوايي ډګر په مخابروي دستګاو سمبال شو

کابل/ د تلي٦مه/ باختر د ملکي هوايي چلند ادارې پرون...

په کندز او بغلان کې څوارلس ماینونه شنډ شول .

کابل د تلې ۶ باختر دفاعي منسوبانو د کندز او...

په هرات کې د پوليسو لسګونو منسوبان له دندو لېرې کړاى شول

هرات / د تلي٦مه/ باختر د هېواد د کورنيو چارو وزارت...

Youtube Player

khantry design

سوداگریز

سوداگریز

کابل\  باخترد   جوزا دمياشتې  ١١ :
درې تنه ځانمرګي يرغلګر نن په هلمندولايت کې له پوليسو سره په جګړه کې ووژل شول .
دهلمند د والي ويندوى عمرځواک باخترآژانس  ته وويل : د نوزاد ولسوالۍ د جازي ساحې دپوليسو په پوستې د دريو تنو ځانمرګو کسانو له خوا بريد وشو.
ځانمرګو بريدکوونکوغوښتل په چاوديدونکو توکو بار موټر څخه په استفادې سره يو ځانمرګى بريد ترسره کړي.
دده څرگندونوله مخې: پوليسو په يرغلګرو بريد وکړ او هغوى يې ووژل.
ده زياته کړه چي لومړى يو يرغلګرخپل موټر بم وچاوه او دهغه دوه تنه نورهمکاران له پوليسو سره په دوه ساعته جګړه کې ووژل شول.
ځواک وويل: له وژل شويوکسانوڅخه يو توغندى اودوه کلاشينکوفونه هم ترلاسه شوي دي .

کابل\  باخترد   جوزا  دمياشتې  ١١ :
دماشوم نړيواله ورځ نن په کابل کې په داسې حال کې  د شهيدانو، معلولينو، کار او ټولنيزو چارو وزارت له خوا نمانځل کيږي چې په هيوادکې شپږمليونه تنه ماشومان له  ډول ډول خطرونو سره مخامخ دي.
دباخترآژانس دخبريال دخبرله مخې :
په هغې غونډه کې چې له همدې امله جوړه شوې وه؛ لومړى د شهيدانو،  معلولينو ، کار او ټولنيزو چارو وزيرې آمنې افضلي خبرې وکړې او ويې ويل: د موجودو احصائيو له مخې په هېوادکې له څوارلسو مليونو موجودو ماشومانو له جملې څخه شپږمليونه تنه يې له خطر سره مخامخ دي.
د آمنې افضلي دڅرگندونوله مخې: په کورنيوکې موجودې بيوزلۍ د دې سبب شوى دى چې دغه ماشومان په واټونوکې په سوداګرۍ او شاقه کارونو لاس پورې کړي.
دې د ماشومانو د قاچاقو، تښتونې او له هغوى څخه دغير شرعي  اوانساني ناوړو استفادو يادونه هم وکړه او زياته يې کړه: په ځينو ناامنو سيموکې د ښوونځيو دروازې دماشومانو پرمخ تړلې دي اوپه وسله والو عملياتوکې  ماشومان د سر زيات زيان زغمي.
دې ترخطر لاندې ماشومانو د ستونزو دڅيړنې په مقصد ددغه وزارت د پاليسو د طرحې يادونه وکړه او ويې ويل: دماشومانو د ساتنې د ملي ستراتيژي، د ټولنيز مصونيت دملي ستراتيژي، په سړک کې دکارګرو ماشومانو دملي ستراتيژي په  تطبيق او په ديرشو ولايتونوکې دماشومانو دساتنې شبکې په جوړولو بريالي شوي دي درې اعشاريه اته مليونه تنه زيانمنونکي ماشومان ترپوښښ لاندې ونيسي   او هغوى ته دګړندي زده کړې  او د روغتيايي او حرفوي خدمتونو زمينه برابره کړي .
په دې غونډه کې چې دجمهور رييس سلاکارانو،  دکابينې ځينو غړو، په ملي شوراکې دخلکو يوشمير استازو او نورو مينه والو ګډون کړى و؛ د ماشومانو له خوا د نمايشنامو په اجراکولو، د شعرونو  او ترانو په لوستلو سره پاى ته ورسيده.
د غبرګولي د مياشتې د ١١ نيټې  د ماشوم د نړيوالې ورځې نمانځل د ماشومانو په وړاندې د ژمنې نوى کول دى  له  ١٩٢٥ کال وروسته چې هرکال د نړۍ په ټولو هيوادونوکې نمانځل کيږي .
وروسته په دې غونډه کې د جمهور رييس دمرستيال محمدکريم خليلي پيغام دعباس نصر له خوا ولوستل شو. په پيغام کې د دې ترڅنګ چې د ماشوم ورځ  د هيواد ماشومانو ته مبارکي ويل شوي دي؛ راغلي دي:
دټولنې د زيانمنونکى قشر په توګه د ماشومانو اوتنکيو ځوانانو د ستونزو څيړنه زموږ د ټولو  مدني اوانساني مسووليتونو څخه دى.
که چيرې په دې ارتباط موضوع ته د زيانمنونکي د پيژندلو په څير وګورو؛ بايد  څرگنده کړه چې ماشومان نه په  کورنۍ او نه په ټولنه کې د رسمي غړى په توګه په رسميت پيژندل شوي. زموږ د پروګرامونو په جوړولو ماشومان په بيلابيلو ټولنه کې ځاى نه لري او هيرشوي دي.
دغه راز په پاى کې طرحه شوې ده چې د ماشومانو د ستونزو په ځواب کې کولاى شو دوه لارې غوره وکړو. لومړۍ لاره بايد د ماشومانو په اړوند د فرهنګ هر اړخيز بدلون  ته وگرځول شي .
دغه شان ليدنه د ماشومانو په باب دټولنې د نظر بدلون او په ټولنيز ژوندانه په متن کې د هغوى د په رسميت پيژندلو سبب کيږي .

کابل\باختر\ د جوزا١١
د مشرانو جرګې لو مړي نايب محمد علم ايزديار نن دملي دفاع وزارت د اوپراسيون له رييس تورن جنرال افضل امان او ددغه وزارت له ځينو افسرانو او جنرالانو سره دخپل کار په دفتر کې وکتل.
دمشرانو جرګې مطبو عاتي دفتر باخترآژانس ته خبر ورکړ: په دې غونډه کې د ملي دفاع وزارت د اوپراسيون رييس له کمي او کيفي پلوه د ملي اردو د لومړيتوبونو او اړتياوو د بيانولو په ترڅ کې وويل چې له بهرنيو ځواکونو څخه د امنيتي مسوليتونوپه غاړه اخيستل يو مثبت بهير اود هيواد د امنيتي ځواکونو دځواکمنۍ څرګندوى دى.
ښاغلى امان د هيواد د روانو حالاتو او د ملي اردو د ځواکمنۍ په باب د توضيحاتو په وړاندې کولو سره وويل چې د ملي اردو منسوبينو په هر راز شرايطوکې د هيواد د ځمکني بشپړتيا او د ملي نواميسو دفاع ته چمتو دي.
دسنامجلس لومړي نايب د ملي اردو په مسلکي زده کړو او سمبالولو باندې په ټينګار سره وويل چې د هيواد امنيتي ځواکونه د امنيتي مسووليتونو په منلو سره له يو تاريخي آزمايشت سره مخامخ کيږي چې بايد په مهارت او پيوستون سره د خپل هيواد، خلکو او دملي اوتاريخي ارزښتونو دفاع وکړي.
دغه راز د مشرانو جرګې دويم نايب رفيع الله ګل افغان دکليو د بياجوړولو او پراختيا له وزير انجنيرويس احمد برمک سره وکتل.
ښاغلى برمک په هيوادکې د ملي پيوستون د پروګرام په باره کې د معلوماتو د وړاندې کولو په ترڅ کې وويل: دغه وزارت هوډمن دى چې خپلې پروژې د افغانستان په ټولو سيموکې تطبيق او عملي کړي.
د سنا مجلس دويم نايب ددغه وزارت کړه وړه دقدر وړ وبلل او څرګنده يې کړه چې د ملي پيوستون پروګرام د يو پرمختيايي بهير په توګه د افغانستان په کليوکې دخلکو زياتره ستونزې لرې کوي اوټينګارکوي چې د کليو د بياجوړولو او پراختيا وزارت له پخوا زيات په تيره بيا د هيواد په لرې پرتوکليوکې د خلکو غوښتنې او اړتياوې حل کوي.

کابل\  باخترد   جوزا دمياشتې  ١١ :

د طالبانو د ډلې يو قوماندان صفت الله چې په ترابي مشهور و؛ له دوو تنو نورو طالبانو سره په ميدان ورد ګو  ولايت کې ووژل شو.

دميدان وردګو د والي ويندوى عطاوالله  خوږياڼي باخترآژانس ته وويل  :

صفت الله هغه وخت ووژل  شو چې غوښتل  يې د ميدان ښار _ چک ولسوالۍ په لاره کې د وسايطو ضد څوماينونه  ښخ کړي  چې ماين وچاوديد اوهغه يې وواژه.  په دې  چاودنه کې دوه تنه نور وسله وال طالبان هم ووژل شول.

 خوږياڼي زياته کړه: دميدان وردګو ولايت د سيدآباد ولسوالۍ په مربوطاتوکې  د امنيتي ځواکونو دځانګړو عملياتو په بهيرکې درې تنه وسله وال طالبان ووژل شول او درې تنه نورطالبان ټپيان شول چې د امنيتي ځواکونو له خوا ونيول شول.

 دغه راز دميدان وردګو ولايت پوليسو په تيرو ٢٤ ساعتو کې د جلريزولسوالۍ په مربوطاتوکې د وسايطو ضد يوولس ماينونه کشف اوشنډکړي دي.

کابل\  باخترد   جوزا دمياشتې ١١ :
امنيتي ځواکونو دکندزولايت د چاردرې ولسوالۍ په حاجي غفارکلي کې پنځه تنه وسله وال طالبان ووژل شول او شپږتنه نوريې ټپيان شول.
دکندزولايت د امنيې قومانداني ويندوى سيدسرور حسيني باخترآژانس ته  وويل: په وژل شويوکسانوکې د دغه ولايت د چاردرې ولسوالۍ ته دطالبانو نومول شوى  ولسوال ملارحمت الله  هم شامل دى.
د حسيني دڅرگندونوله مخې: په وژل شويوکسانوکې دغه راز دوه تنه بهرني اتباع هم ليدل شوي دي.
حسيني زياته کړه چې په دغه بريدکې يو سيمه ييزو پوليس هم ټپيان شوى دى.

کابل\باختر\ د جوزا١١
د خليفه صاحب عابد نظر د مړينې د تلين درناوى وشو.
د اطلاعاتو او فرهنګ وزيرډاکترسيدمخدوم رهين نن د خليفه صاحب ملاعابد نظر قزل اياق د مړينې د شپيتم تلين د درناوى په مراسموکې وويل : ((اسلامي عرفان او د اسلامي تصوف بېلابېل طريقتونه، انسان جوړونکى مکتبونه دي، هغه مکتبونه چې د شريعت ترسيورې لا ندې د حقيقت په لور لاره وهي.
د باخترآژانس دخبريال دخبر له مخې: په هغې غونډه کې چې په همدې مناسبت د اطلاعاتو اوفرهنګ وزارت په نوښت جوړه شوې وه؛ د کانونو وزير وحيدالله شهراني، د مهاجرينو د چارو د راستنولو د چارو وزير ډاکترجماهيرانوري، ځينو سلا کارو وزيرانو، د هيواد د پارلمان يوشميرغړو، فرهنګيانو او د طريقت پيروانو ګډون کړى و.
دغونډې په پيل کې د اطلاعاتو او فرهنګ وزيرډا کترسيد مخدوم رهين خبرې وکړې او د خليفه صاحب ملاعابدنظر قزل اياق د ژوندانه بېلابېل اړخونه يې تحليل کړل او وې ويل: ((دخوشحالى ځاى دى چې نن داسلامي عرفان ديو ډيرسترمعاصر شخصيت درناوى کوو؛ اسلامي عرفان او بېلابېل طريقتونه، د انسان جوړونکو مکتبونو اسلامي تصوف دى، هغه مکتبونه چې دشريعت ترسورې لا ندې دحقيقت په لور لاره وهي.))
ډاکتر رهين زيا ته کړه: د اسلامي عرفان مخکښانو، مقتدايانو او ددغو ښوونځيو مرشدانو د لارويانو او سالکانو دشخصيت په تهذيب کې په تيرو ١٥٠٠ کلونوکې يو لړ ستر کارونه ترسره کړي دي .
د اطلاعا تو او فرهنګ وزير وويل: يو له دغو عارفانو څخه زموږ د عرفاني معاصر له شخصيتونو څخه په تيره بيا په نقشبنديه طريقت کې يو له ځلاندو څيرو څخه يې جناب خليفه صاحب قزل اياق ملاعابدنظر وچې د جيحون سيند يا د آمو سيند په اوسني ځاى کې يې زيات شمېر پيروان، ارادتمندان او مخلصان لرل او لري يې .
وروسته د قزل اياق برحال خليفه مولوي عبدالکبير مخدوم د ملاعابدنظر ژوند ليک ولوست.
دغه راز د مهاجرينو د راستنولو د چارو وزيرډاکتر جماهير انوري د خليفه صاحب قزل اياق د سيرت او د ژوندانه د بېلابېلو اړخونو په باب معلومات و ړاندې کړل او وې ويل: مولوي صاحب قزل اياق يو متواضع ، د زغم خاوند او پوه وچې په خپل وخت او زمان کې د نقشبندي طريقت يوه ځلانده څيره وه.
وروسته سلاکاروزيرمولوي جوره، مولوي مصطفى بارکزي، د جمهوري رياست سلاکارمولوي سالک زاده او مولوي عبدالجبارمخدوم د خليفه صاحب قزل اياق د شخصيت ، سيرت او ټولنيز چلند په باب خبرې و کړې او طرحه يې کړه چې طريقت هيڅکله له شريعت سره کوم اختلاف نه لري.
وروسته په همدې مناسبت د افغانستان د ترکمنانو د اسلامي پيوستون د شورا پيغام د دغې شورا د غړى ډاکتر دوردي له خوا ولوستل شو.
ده د پيغام له لوستلومخکې د اطلاعاتو او فرهنګ له وزارت او په خپله د ډاکتر سيدمخدوم رهين څخه ددغه شان غونډې د جوړولو په خاطر قدداني وکړه.

کابل\باختر\ د جوزا١١
د ننګرهار ولايت د چپرهار د ولسوال دوه تنه ساتوونکي په يو وسله وال بريدکې ووژل شول.
دچپرهار ولسوال محمد صديق باخترآژانس ته وويل: دوه تنه ساتوونکي چې له کورڅخه دندې ته روان وو؛ د سرې کلا په چوک کې د وسله والو طالبانو له خوا په ډزو سره ووژل شول.
يوه عيني شا هد وويل چې د دوو تنو وسله والوکسانو له خوا د سرې کلا په  سيمه کې له يو تور کرولا موټرڅخه ښکته او ووژل شول.

کابل\باختر\ د جوزا١١
په افغانستان کې د يو لړ پوځي عملياتو په بهيرکې د طالبانو په ډلې او دحقاني په شبکې پورې اړوند شل تنه ووژل شول.
په دغو عملياتوکې چې پرون او نن سهار ترسره شول؛ د دغې ډلې څه نا څه پنځلس تنه نور جګړه ماران ونيول شول.
ويل کيږي د طالبانو د ډلې څلورتنه سيمه ييز قوماندانان او د حقاني د شبکې د تروريستې بريدونو پنځه تنه مرستندويان هم په وژل شويوکسانوکې شامل دي.
باخترآژانس د ناټو د يوې خبرپاڼې له خولې خبر ورکړچې دغه جګړه ماران د قندهار ، هلمند ،زابل ، سرپل، غزني ، لوګر ، پکتيا او دپکتيکا د ولايتونو په ځينو برخوکې په تروريستي فعاليتونو بوخت وو چې د افغان پوځيانو او د بهرنيوځواکونو له خوا پرې بريد وشو، ووژل شول او ونيول شول.
ناټو وايي چې ځينې وژل شوي قوماندانان په خپلو پټنځايونوکې د يو لړ تروريستي بريدونو په پلان جوړولو بوخت وو چې پرې بريد وشو.
له بلې خوا ويل کيږي د تروريستي بريدونو وژل شويو مرستندويانو په خپلو سيمو کې دجنګي وسايلو او د مالي امکاناتو د برابرولو مسووليت په غاړه درلود.
په دغو عملياتوکې پوځيانو د وسله والو طالبانو د ډلې او د حقاني دشبکې درې ډيپوګانې هم ترلاسه کړې دي.
په دغو ډيپوګانوکې په لسګونو جنګي وسايل او په سلګونو ګيلوګرامه چاوديدونکي او نشه يي تو کي هم ترلاسه شوي دي.
په خبرپاڼه کې د دغو عملياتو په بهيرکې افغان اوبهرنيو پوځيانو اوملکي وګړو ته د سر د احتمالي زيان په باب څه نه دى ويل شوى.

کابل\باختر\ د جوزا١١
د افغانستان د باسکتبال ملي ټيم د آسيا د جنوب په سياليوکې دګډون په مقصد نن هند ته روان شو.
هند د فلپين سياليو ته د باسکتبال د لارې موندلوسياليوکوربه دى چې دوه مياشتې وروسته د آسيا د جنوب د اتو ټيمونو په ګډون پيليږي.
د المپيک د ملي کميټي د خپرونو آمرسميع دره يي باخترآژانس ته وويل: د هند په سياليوکې له افغانستان څخه ١٦ تنه ورزشکاران ، درې تنه ښوونکى او يو هيئت ګډون کوي چې نهه تنه ورزشکاران او يو ښوونکى په ا مريکا کې له افغان ورزشکارانو څخه او درې تنه ورزشکارانو او دوه تنو ښوونکو له افغانستان څخه ګډون کړى دى.
دغه سيالۍ د آسيا د جنوب د هيوادونو په ګډون په هندکې پيل شوې دي او سبا افغان ورزشکاران د نيپال له ورزشکارانو سره سيالۍ کوي.
دغه سيالۍ هرکال د آسيا د جنوب په يو هيوادکې ترسره کيږي چې د افغانستان د باسکتبال ملي ټيم تيرکال و کولاى شو د دغو سياليو د اتلوالى کپ ترلاسه کړي.

کابل\باختر\ د جوزا١١
د بدن د غړو دښکلا د ملي ټيم انتخاباتي سيالۍبل سبا په کابل کې ترسره کيږي.
د المپيک د ملي کميټې د غړو د ښکلا د فدراسيون رييس باورهوتک دباختر آژانس خبريال ته وويل: په دغو سياليوکې د مرکز له ورزشکارانو سربېره د هيواد د اته ويشتو ولايتونو ورزشکاران هم ګډون کوي چې په نهو وزني ګروپونوکې دڅلورو ورځو لپاره د المپيک د ملي کميټې په لو بغالى کې سره سيالۍ کوي .
دباورهوتک دڅرګندونو له مخې: ددغو سياليو په پاى کې ٢٨غوره څيرې دځوانانو ټيم ته او ٢٧ غوره څيرې د لويانو ټيم ته او ٢٧غوره څيرې د معلولينوټيم ته دحکمانو له خوا غوره کيږي.