29 September 2020

RSS Facebook

سوداگریز


تازه خبرونه

د هېواد ولسي  سندر غاړي ميرمفتون ته د استادى لقب ورکړشو

د هېواد ولسي سندر غاړي ميرمفتون ته د استادى لقب ورکړشو

-کابل/دتلي ٨مه /باختر: له هېواد څخه بهر هنرمندانو د افغانستان ولسي...

 د فراه  د استيناف محکمې نوې رييس په کار پيل وکړ

د فراه د استيناف محکمې نوې رييس په کار پيل وکړ

کابل/دتلي ٨مه /باختر: د فراه والي تاج محمد جاهد د دغه...

Youtube Player

khantry design

سوداگریز

سوداگریز

کابل\  باخترد وري دمياشتې  ١٩ :
دافغانستان د ورزشکارانو ملي اتحاديه نن دسرحدونو ، قومونو اوقبايلو دچارو وزارت له خوا وستايل شوه  .
دباخترآژانس دخبرله مخې: دسرحدونو، قومونونو اوقبايلو دچارو وزارت سرپرست عبدالمالک صديقي نن دخوشحال خان په لومړۍ لمبر ليسه کې د يوې غونډې په ترڅ کې د هيواد د ورزشکارانو دملي اتحاديې کړه وړ ه چې وکولاى  شول د ورزشي   لوبو په ترسره کولو سره د رحمان بابا اوخوشحال خان د لومړۍ او دويم  لمبر ليسو د زده کوونکو ترمنځ ښې ورزشي اړيکې ټينګې کړي وستايل او ويې ويل  چې دغه زده کوونکي د جګړه ځپلو او محرومو سرحدي  سيمو له ليسو څخه دي اود هغوى د ذهنونو د روښانولو لپاره ددغه شان ورزشي سياليو ترسره کول اغيزمن دى.
دافغانستان د ورزشکارانو ملي اتحاديې په وروستيو شپږو مياشتوکې ددغو ليسو د زده کوونکو ترمنځ ورزشي سيالۍ ترسره کړې.

کابل\  باخترد وري دمياشتې  ١٩ :
دميدان وردګو ولايت په سالار ساحه کې په واټ کې په يو ښخ کړى شوى ماين د يو مسافروړونکى بس موټردختلو له امله يوولس تنه تنه ووژل شول او يوويشت تنه نور ټپيان شول.
دميدان وردګو ولايت دامنيې قوماندانۍ ويندوى تورن عبدالولي باخترآژانس ته  وويل چې دغه پيښه نن سهار  دنهو بجو په شاوخوا کې  دکابل – قندهار دلوى لارې په اوږدو کې دميدان ورد ګو ولايت د سيداباد ولسوالۍ په سالارکلى کې  را منځته شوه چې له  امله يې د يوې ښځې او د يو ماشوم په ګډون، يوولس تنه شهيدان  او دشپږو  ښځو او دڅلورو ماشومانو په ګډون يوويشت تنه نورټپيان شول.
دده دڅرګندونوله مخې  ټپيان له ډيل پرته دميدان وردګوولايت ملکي روغتون ته وليږدول شول  او دځينو ټپيانو  روغتيايي حالت خراب بلل شوي دي .
دميدان وردګو ولايت دامنيې قوماندانۍ ويندوى وسله وال طالبانو ددغې پيښې عاملين بولي .
دکابل _ قندهار لويه لاره په هيواد کې يوه ډيره خونړۍ لاره ده چې تل د تروريستي پيښو ډګر دى.

کابل\  باخترد وري دمياشتې  ١٩ :
دهيواد دکرکټ دملي ټيم ورزشکاران نن سهار په نيپال کې له شل اوره اسيايي لوبو څخه د اتلوالى په تر لاسه کولو سره نن سهار هيواد ته راستانه شول.
دباخترآژانس دخبرله مخې: د هيوادکرکټ دملي ټيم ورزشکارانو ته دکابل په نړيوال هوايي ډګرکې په پارلمان کې دخلکو يوشمير استازو، دکرکټ بوردمشرتابه هيئت او دکرکټ دمينه والو له خوا هرکلى وويل شو.
د يادونې وړ ده چې دکرکټ شل اوره آسيايي سيالۍ د لسو هيوادونو د وزشکارانو په ګډون په نييال کې پيل شوې وې چې زموږ دهيواد دکرکټ ملي ټيم په څلورو برياليتوبونو اويوې ماتې سره  وکولاى شو دڅلورم ځل لپاره ددغو سياليو د اتلوالى کپ ترلاسه کړي.

کابل\  باخترد وري دمياشتې  ١٩ :
ټاکل شوې ده د امريکا ددفاع  وزارت مرستيال دافغانستان دهوايي پوځ د پياوړتيا او سمبالولو په باب له افغان مقاماتو سره دخبرو لپاره نن کابل ته راورسيږي.
دباخترآژانس دخبريال دخبرله مخې: دغه ټکى دامريکا د اردو د لويو درستيزانو دکميټې رييس  پرون دافغانستان ددفاع له وزير جنرال بسم الله محمدي سره دخبرو په ترڅ کې بيان کړ.
جنرال بسم الله محمدي د امريکا د اردو د لويو درستيزانو دکميټې له رييس سره په خپلې پرونى ناسته کې د افغانستان دهوايي پوځ د پياوړتيا اوسمبالولو په باب خبرې وکړې اوپه دې برخه کې دامريکا دمتحده ايالاتو د زياتې همکاري غوښتنه وکړه.
داپه داسې حال کې ده چې دملي دفاع  وزارت ويندوى جنرال محمدظاهر عظيمي  وايي: په اوس وخت کې د افغانستان هوايي پوځ د دافع هوا وسلو او رادار دکمښت په ګډون له جدي ستونزوسره مخامخ دي.

کابل\  باخترد وري  دمياشتې  ١٩ :
دازبکستان داسلامي تحريک يو جګپوړ ى  غړى په تخار ولايت کې دافغان اوناټو دځواکونو دعملياتو په بهيرکې ووژل شو.
ناټو وايي  چې جمعه خان  دتخار په ځينو سيمو کې تروريستي ډلو ته دجنګي وسايلو  او مالي امکاناتو دبرابرولو مسووليت په   غاړه درلود.
دازبکستان داسلامي تحريک  دتروريستي سازمان دغه جګپوړى غړى دتخار ولايت داشکمش  ولسوالۍ  په مربوطاتو کې وژل شوى دى.
باختراژانس  دناټو ديوې خبرپاڼې له خولې خبرراکړ چې  په جمعه خان کله چې دتروريستانو ډلې ته دوسلو او مالي امکاناتو په برابرولو  بوخت و بريد وشو او ووژل شو.
خبرپاڼه زياتوي چې جمعه خان په تخار ولايت کې دازبکستان داسلامي تحريک جګپوړى غړى و.
ويل کيږي چې پوځيانو ددغو عملياتو په بهيرکې دازبکستان داسلامي تحريک دوسلو يوه ډيپو هم ترلاسه کړې ده.
دازبکستان داسلامي تحريک  تروريستي سازمان  دطالبانو له راپرځيدو وروسته  داسلامي ګوند  ، القاعده او طالبانو په ګډون  دنورو تروريستي ډلو ترڅنګ  په افغانستان کې په تروريستي فعاليتونو بوخت دى.

کابل\  باخترد وري دمياشتې  ١٩ :
دوسله والو طالبانو يو سيمه ييز قوماندان جمعه ګل پرون دميدان وردګو ولايت په جلريز  ولسوالۍ کې ونيول شو.
باختراژانس دناټوديوې  خبرپاڼې  له خولې خبر راکړ  چې دطالبانو  په دغه  قوماندان کله چې  په تروريستي فعاليتونو بوخت و  دافغان او ناټو دځواکونو  دپوځيانو له خوا بريد وشو او ونيول شو.
ناټووايي چې دغه قوماندان  جلريز ولسوالۍ په ځينو برخو کې  ديوې تروريستي  ډلې رهبري په  غاړه لرله.
له بلې خوا ناټو ديوې خبرپاڼې په خپرولو سره دفارياب او غور په ولايتونو کې د
عملياتو په بهيرکې  دشپږو تنو وسله والو طالبانو دوژل کيدو خبر ورکړ.
دغه وسله وال طالبان نن سهار له افغان او بهرنيو سرتيرو سره دنښتې له امله وژل شوي دي .

کابل\  باخترد وري دمياشتې  ١٩ :
دوسله والو طالبانو يو جګپوړى قوماندان چې دهرات ولايت په چشت شريف ولسوالۍ کې   دزياتو ناامنيو عامل دى ونيول شو.
دهرات دپوليسومسوول  جنرال رحمت الله صافي وويل چې دطالبانو دغه جګپوړى قوماندان دافغان سرتيرو په يو کمين کې له خپل يو ساتونکي سره نيول شوى دى .
مولوي جمعه ګل چې دغور ولايت  اصلي اوسيدونکى دى  له يوې  مودې را په دې خوا  د چشت شريف  ولسوالۍ په مربوطاتو کې په ورانکارو  فعاليتونو بوخت و.
ويل کيږي  ؛چې دطالبانو له دغه قوماندان څخه دوه جنګي  وسايل او يوه اندازه چاوديدونکي  توکي ترلاسه شوي دي.

کابل\  باخترد وري  دمياشتې  ١٩ :
په قندهار کې دوه تنه ماين ښخوونکي دهغه ماين دچاودنې له امله چې غوښتل يې ښخ کړي  ووژل شول.
دقندهار دوالي ويندوى جاويد فيصل  باختراژانس ته وويل،  دغو کسانو تيره شپه غوښتل چې ماين دقندهار دخاکريز ولسوالۍ په ناصرانو سيمه کې ښخ کړي چې دهغه دچاودنې له امله دواړه ووژل شول.
خبرځاى زياته کړه، په دې سيمه کې يوه مخابره ، يو موټرسايکل او يو کلاشينکوف  دامنيتي ځواکونو لاسته ورغلي دي .

 کابل\  باخترد وري  دمياشتې  ١٩ :
د دولت شپږتنه وسله وال مخالفين پرون مازيګر دغزني ولايت په مربوطاتوکې دعملياتو په بهيرکې ووژل  شول  او لس تنه نوريې ونيول شول.
د ٢٠٣ تندرقول اردو د دريمې لوا ويندوى جګړن محمدحکيم باخترآژانس ته وويل: دغه عمليات چې دملي اردو، ملي پوليسو او دملي امنيت دځواکونو له خوا ددغه ولايت د اندړو ولسوالۍ په مربوطاتوکې ترسره شوي وو؛ په بهيرکې يې د دولت شپږتنه وسله وال محالفين ووژل شول  او لس تنه نوريې دامنيتي ځواکونو له خوا ونيول شول.
دخبرځاى دڅرگندونوله مخې: ددغو عملياتو په بهيرکې د طالبانو د سپکې او درندې وسلې اوڅلور موټرسايکلونه  په عملياتوکې دشاملو ځواکونو لاسته ورغلي دي.
دجګړن حکيم دڅرگندونوله مخې: ددغو عملياتو په بهيرکې د ملي اردو دوه تنه سرتيري هم ټپيان شوي دي چې روغتيايي حالت  يې مخ په ښه والى بلل شوى دى .

کابل\  باخترد وري  دمياشتې  ١٩ :
دملي پوليسو دوه تنه منسوبين د يو ماين ښوونکى له نيولو څخه وروسته، تېره شپه په لغمان ولايت کې د ماين د چاودنې له امله ټپيان شول.
دلغمان د والي ويندوى سرحدي ځواک باخترآژانس ته وويل: دپوليسو ځواکونو هغه سړى ونيوه چې ددغه ولايت دمهترلام ښار د پهلوان بابا په سيمه کې په ماين ښخولو بوخت و.
ده وويل: ددغه سړى له نيول کيدو وروسته، دغه ماين وچاوديد او دملي پوليسو دوه تنه سرتيري يې ټپيان کړل.