20 August 2019

RSS Facebook

سوداگریز


تازه خبرونه

د طالبانو د سرې قطعې يو قوماندان ووژل شو

کابل/ باختر/ د زمري ۲۹ مه د طالبانو د سرې قطعې...

په ننګرهارکې د نشه يي توکو د يوه پلورونکي نيول کېدل

کابل/ باختر/ د زمري ۲۹ مه يو سړى له لسګونو انډيو...

په غورکې طالبانو درې ملکي وګړي وتښتول

کابل/ باختر/ د زمري ۲۹ مه طالبانو په غورکې درې ملکي...

Youtube Player

khantry design

سوداگریز

سوداگریز

پلخمري / باختر\ د زمري٢٦مه
د بغلان د بنو ولسوالۍ د نوي سړک د جوړولو کار نن پيل شو.
د باخترآژانس د سيمه ييز خبريال د خبرله مخې، دغه سړک د کليو د بيا جوړولو او پراختيا رياست د کليوالي لارو جوړولو د ملي پروګرام په  چوکاټ کې د ١٣ کيلومترو په اوږدوالي د موټرو د تګ راتګ له دوو پلونو سره د ٤٤ ميليونو افغانيو په لګښت رغول کېږي.
د بنو ولسوال وايي چې همدا اوس په دې ولسوالۍ کې څه دپاسه زر کورنۍ  د سړک د نشتوالي له امله له ستونزو سره مخامخې دي.
هغه زياته کړه، چې ټاکل شوې ده د دغه سړک کار په اوو مياشتو کې بشپړ شي.
پاى \ ذ ؛

 

کابل / باختر د زمري٢٦مه
په  بلح او سرپل ولايتونو کې دوه کسان د ډاراچوونکو فعاليتونو په تور ونيول شول.
د کورنيو چارو وزارت مطبوعاتي دفتر باخترآژانس ته خبر ورکړ، د پوليسو د خاصو قطعاتو ځواکونو په هغو دوو  جلاجلا عملياتو کې چې د بلخ او سرپل په ولايتونو کې ترسره شول ، دوه تنه د طالبانو له ډاراچوونکي ډلې سره دهمکار ۍ په تور ونيول.
دغه راز د دغو ځواکونو په يو لړ نورو عملياتو کې د وسلو يو قاچاق وړونکى او پلورونکى د ننګرهار په مربوطاتو کې ونيول شو.
پاى \ ذ \

کابل / باختر\ د زمري٢٦مه : 
د اطلاعاتو او فرهنګ وزارت سرپرستې حسينې ساپۍ نن د امان الله خان د اثارو او
د هېواد د خپلواکۍ او ترقۍ لپاره د هڅو نندارتون په کابل کې پرانيست.
د باخترآژانس د خبريال د خبرله مخې،  د دغه نندارتون د پرانيستلو په مراسمو کې  چې د اطلاعاتو او فرهنګ وزارت د فرهنګ او هنر د معين پوهاند محمدرسول باوري، د دې وزارت يو شمېررييسانو، په کابل کې د بهرنيو هېوادونو د سفيرانو او د سفارتونو د يوشمېر استازو، د يوشمېر دولتي، خصوصي  او فرهنګي بنسټونو د استازو په ګډون جوړ شو، لومړى د هېواد د جمهوررييس محمد اشرف غني پيغام د باخترآژانس د رييس نجيب الله شينواري په واسطه ولوستل شو چې په يوه برخه کې يې ويل شوي دي:
نن د اطلاعاتو او فرهنګ وزارت د دغې تاريخي پېښې په اړوند د امان الله خان  د اثارو او د هېواد د خپلواکۍ او ترقۍ لپاره  د هڅو تر عنوان لاندې يو نندارتون جوړ کړى دى چې د دغې پرتمينې او طلايي دورې د خاطرو د احيا کولو په برخه کې يو نيک او د قدر وړ اقدام دى.
هغه دوره چې د استعمار په وړاندې زموږ د خلکو روا مبارزو نتيجه ورکړه او د خپلواکۍ د ترلاسه کولو په خاطر يې د دې هېواد د بچيانو ميړانه او زړورتيا نندارې        ته وړاندې کوي.
دغه راز د جمهور رييس په پيغام کې د دې نندارتون د جوړولو په خاطر د اطلاعاتو او فرهنګ  له وزارت څخه مننه شوې ده.
وروسته د اطلاعاتو او فرهنګ وزارت سرپرستې حسينې ساپۍ  خبرې وکړې او ويې ويل، چې د هېواد د خپلواکۍ د سلمې کاليزې په مناسبت د دې وزارت له لوري د فرهنګي پروګرامونو د جوړولو په لړ کې نن د امان الله خان د اثارو او د هېواد  د خپلواکۍ او ترقۍ لپاره  د هڅو نندارتون  چې د ملي موزيم له لوري چمتو شوى دى، پرانېستل کېږي.
د اطلاعاتو او فرهنګ وزارت سرپرستې وويل، چې په دې نندارتون کې د شاه        امان الله خان د دورې بېلابېل اثار نندارې ته وړاندې شوي دي، څو د هغه په کړنو او فعاليتونو سره نننى نسل  په تېره بيا ځوانان  زياته بلدتيا پيدا کړي.
حسينې ساپۍ د ملي موزيم د پروګرامونو او ستراتيژۍ په اړوند معلومات ورکړل او ويې ويل: په پام کې ده چې په راتلوونکي کې د هېواد په ولايتونو کې هم موزيمونه  جوړ شي، ترڅو خلک او په تېره بيا نوى نسل د هېواد له تاريخ او هويت سره زياته بلدتيا پيدا کړي.
د اطلاعاتو او فرهنګ وزارت سرپرستې ټينګار وکړ، چې د دې وزارت ترڅنګ  د هېواد د ټولو خلکو مسووليت دى  چې  د تاريخي شتمنيو او ملي پانګو دفاع او ساتنه وکړي.
دغه راز د ملي موزيم رييس محمد فهيم رحيمي هم په خبرو کې د دې نندارتون د محصولاتو په اړوند معلومات ورکړل او ويې ويل، چې د دې نندارتون ټول اثار د شاه  امان الله په دورې او دهغه په کړنو او فعاليتونو پورې اړه لري.
هغه وويل: ملي موزيمونه کولاى شي د فرهنګونو ترمنځ د ارتباط د پله او هم په ملي او بين المللي کچه د سولې د تامينونکوپه توګه وي.
د مراسمو په بهيرکې د شاه امان الله خان د دورې د فعاليتونو اوتصويرونو هغه مستند فلم  چې د ملي موزيم له لوري چمتو شوى و ، هم نندارې ته وړاندې شو.
دغه راز د حسينې ساپۍ په واسطه د نندارتون له پرانېستلو وروسته په داسې حال کې  چې د ملي موزيم له لوري معلومات ورکول کېدل ، برخه والو د دې نندارتون اثار وکتل.
پاى \ف\ ذ

فراه / باختر د زمري٢٦مه : 
دېرش زره هګۍ اچوونکې چرګې نن په فراه کې په بې وزلو ښځو ووېشل شوې.
د باخترآژانس د خبريال د خبرله مخې، د کرنې، اوبولګولو او مالدارۍ وزارت د بڼوالۍ او مالدارۍ د ملي پروګرام له لارې د بې وزلو ښځو د اقتصادي بنسټ د پياوړتيا په منظور دېرش زره هګۍ اچوونکې چرګې د فراه په مرکز، اناردرې، شيب کو او بالابلوک په ولسواليو کې په بې وزلو ښځو ووېشلې.
د فراه د کرنې، اوبولګولو اومالدارۍ رييس عبدالمنان متين باختر اژانس ته وويل، چې دهګۍ اچوونکو چرګو پر وېش سربېره يوه اندازه خوراکي توکي او ضروري وسايل هم  په دغو کورنيو ووېشل شول . پاى \ ذ \

کابل / باختر\ د زمري٢٦مه
د بلخ د بزګرانو او صنعتکارانو کرنيز او صنعتي محصولات نن د مزارشريف په ښارکې  نندارې ته وړاندې شول.
د باخترآژانس د سيمه ييزخبريال د خبرله مخې، دغه نندارتون د هېواد د خپلواکۍ د سلمې کاليزې په مناسبت د بلخ د صنعت او سوداګرۍ رياست جوړ کړى دى.
په ياد نندارتون کې د دغه ولايت د صنعتګارانو او بزګرانو صنعتي او کرنيز محصولات  د مزار شريف په ښار کې په  ٣٥ غرفو کې  د درېيو ورځو لپاره نندارې ته وړاندې شوې دي.
يوشمېر بزګرانو او صنعتکارانو چې خپل محصولات يې په  نندراتون کې نندارې ته وړاندې کړي و له هېوادوالو څخه غواړي چې د هېواد د بسياينې په منظور له کورنيو توليداتو څخه ګټه واخلي.
پاى \ ذ \

پل علم / باختر\ د زمري٢٦مه
د هېواد د خپلواکۍ د سلمې کاليزې په وياړ د لوګر يوه پهلوان په دوو په زړه پورې نندارو سره نن د پل علم د سلګونو اوسيدونکو په وړاندې خپل بدني قدرت نندارې ته وړاندې کړ.
د باخترآژانس د سيمه ييز خبريال د خبرله مخې، په دې ننداره کې پهلوان تاج محمد دوه سراچه موټرونه  د خپلې خولې په واسطه څومتره کش کړل او يو تراکتور هم دهغه  په ټټر باندې تېر کړاى شو.
پهلوان شاه محمد وايي چې د سولې او د هېواد د خپلواکۍ په خاطر يې د خلکو لپاره دغه نمايشات اجرا کړل.
پهلوان شاه محمد  او د هغه زوى تاج محمد د لوګر دوه مشهور پهلوانان دي چې د هېواد په کچه يې په ازادو او په زړپورې نمايشاتو سره خلک حيران کړي دي.
د لوګر د اطلاعاتو او فرهنګ رييس عبدالرحمن تسل د باختر اژانس سيمه ييز خبريال ته وويل چې دغه پروګرام د هېواد د خپلواکۍ د سلمې کاليزې په وياړ جوړ شوى څو د ورزشي نمايشاتو له لارې د پيوستون، سولې  او ټيکاو پيغام د جګړې  ښکيلو لورو ته ورسېږي .
پاى \ ف\ ذ

چاريکار / باختر\ د زمري٢٦مه
د وسله والو طالبانو درې مهم غړي په پروان کې ونيول شول.
چارواکي وايي چې دغه ډاراچوونکي پرون ناوخته د سيدخېلو ولسوالۍ د حمزه خېلو په کلي کې د امنيتي مامورينو په هدفمندو عملياتو کې نيول شوي دي.
د پروان د امنيې قوماندانۍ وياند سليم نوري باخترآژانس ته وويل، چې نيول شوي کسان محمد هاشم، مولوي جان محمد او برهان الدين په وروستيو کلونو کې په پروان کې د لسګونو ډاراچوونکو بريدونو طراحان وو.
دغه کسان د سمنګانو اوسيدونکي دي او له کلونو کلونو را پدېخوا د پروان په ځينو سيمو کې د ډاراچوونکو ًبريدونو په سازمان ورکولو بوخت وو.
پاى \ ذ \

 

پلخمري / باختر\ د زمري٢٦مه
د بغلان پوليسو نن دوه طالبان ونيول.
د بغلان د امنيې قوماندانۍ وياند احمد جاويد بشارت باختراژانس ته وويل، چې د دغه ولايت د نهرين ولسوالۍ اوسيدونکى ملا فيض الله  کله يې چې غوښتل د پلخمري ښار په  مربوطاتو کې ماين ځاى پرځاى کړي ونيول شو او د ډنډ غوري د خدرخېلو د کلي اوسيدونکى عبدالشکور چې د ډنډ غوري او ډنډ شهاب الدين په ساحو کې يې ځانمرګي بريدونه او ورانکاري فعاليتونه ترسره کول د بغلان د امنيې قوماندانۍ له تروريزم سره د مبارزې د مديريت د منسوبانو د خاصو عملياتو په پايله کې ونيول شو.
سرچينې زياته کړه، چې له دغو کسانو څخه يوه اندازه جنګي وسايل او دوه موټر سايکلونه هم ترلاسه شوي دي.
پاى \ ذ \

 

پلخمري/ باختر\ د زمري٢٦مه
وسله والو طالبانو د بغلان د نهرين ولسوالۍ د محافظ بچه د پوليسو پوستې ته تېره شپه اور واچاوه.
د نهرين ولسوال فضل الرحمن مرادي باخترآژانس ته وويل، چې طالبانو لومړى په پوستې بريد وکړ او وروسته يې هغې ته اور واچاوه .
د نهرين ولسوال وايي چې پوليسو د ملکي وګړو د سر د زيان د مخنيوي په خاطر په شاتګ وکړ.
خو د نهرين ولسوالۍ امنيه قوماندان وايي  چې له مرکز څخه کومکي امنيتي ځواکونه ساحې ته استول شوي څو دغه پوسته بيا د طالبانو له ادارې څخه وباسي .
ويل کېږي چې په بريد کې پوځيانو او ملکي وګړو ته زيان نه دى اوښتى.
پاى \ ذ\

 

مزارشريف / باختر\ د زمري٢٦مه
د هېواد د خپلواکۍ د سلمې کالېزې د هرکلي په خاطر  نن په بلخ کې د سماع د نڅا غونډه جوړه شوه .
د باخترآژانس د سيمه ييز خبريال د خبرله مخې، د مولانا د فرهنګي اوونۍ د پروګرامونو په لړ کې د هېواد د خپلواکۍ د سلمې کالېزې په مناسبت د اطلاعاتو او فرهنګ وزارت په هڅو او د اپسو موسسې په همکارۍ د مزارشريف په ښارکې د سماع د نڅا غونډه جوړه شوه.
په دې غونډه کې د اطلاعاتو اوفرهنګ وزارت د ځوانانو چارو معين اجمل شاهپور، د بلخ د اطلاعاتو او فرهنګ رييس صالح محمد خليق، د اپسو د رواني ټولنيزې موسسې مسوول مهدي نيازي  او د دغه ولايت يوشمېر فرهنګيانو اومدني فعالانو ګډون درلود.
پاى \ذ \

 

Page 10 of 7974