16 October 2018

RSS Facebook

سوداگریز


تازه خبرونه

۴ تنه په بادغیس کې د وژنې په تور ونیول شول .

قلعه نوباختردتلې ۲۴ د بادغیس سیمه ییز مسولان وایي چې ۴...

د بادغیس په جوند ولسوالۍ کې انتخاباتي توکي نه دي رسیدلي .

قلعه نوبا خترد تلې ۲۴ د بادغیس ولایت د جوند ولسوالۍ...

د سمنګانود امنیت امرشهید کړی شو.

ایبک باخترد تلې ۲۴ د سمنګانوولایت د امنیت امرتیره شپه شهیدکړی...

Youtube Player

khantry design

سوداگریز

سوداگریز

کابل باختر د تلي دوه ويشتمه :
دجوزجان ولايت دقرقين په ولسوالۍ کې دافغان پوځيانو دعملياتو په پايله کې  يو اويا تنه وسله وال طالبان ووژل شول او ديرش تنه نور ټپيان شول .
دجوزجان ولايت دقرقين ولسوالۍ  امنيه قوماندان امان الله باختراژانس ته وويل چې په تيرو اته څلويښتو ساعتو کې دامنيني منسوبينو په عملياتو کې دوسله والو طالبانو دډلې له خواد جوزجان ولايت دمرديانو ولسوالۍ  لپاره دنومول شوي  ولسوال ملا جوره او ددوو تنو چيچنيانو په ګډون يواويا تنه  وسله وال طالبان وژل شوي او ديرش تنه نور ټپيان شوي دي .
دقرقين ولسوالۍ امنيه قوماندان وويل چې په دغو عملياتو کې  طالبانو دتيلو دپلورنې يوه سراى اوڅودوکانونو ته  اور اچولى دى .
په دغو نښتو کې دقرقين ولسوالۍ او ددغې ولسوالۍ دامنيې قوماندانۍ ودانۍ هم په قسمي ډول  ويجاړې شوې دي .
په دغو عملياتو کې لس تنه امنيتي منسوبان شهيدان او اته تنه نور ټپيان شوي دي او همدا اوس  ددغې ولسوالۍ په شاوخوا کې نښتې دوام لري .
  ختم_ ف _ اکرم

 

کابل باختر د تلي دوه ويشتمه :
دبغلان ولايت دعامې روغتيا رياست له خوا  ديوې روغتيايي کلينيک  دجوړولو کار پيل شو .
دباختراژانس دخبريال دخبرله مخې ، دبغلان ولايت دعامې روغتيا رياست مرستيال عبدالحليم  غفاري وويل چې دبورکې ولسوالۍ په مرکز کې  دغه روغتيايي کلينيک ددرې سوه مربع متره ځمکې په ساحه کې دعامې روغتيا وزارت له انکشافي  بودجې څخه دڅه دپاسه يوولسو مليونو افغانيو په لګښت ديوکال په موده کې بشپړيږي .
ده وويل چې دغه ودانۍ ددولسو خونو په ظرفيت جوړيږي او په اړتيا وړ وسايلو سمباليږي .
  ختم_ عطاالله _ اکرم

 

کابل باختر د تلي دوه ويشتمه :
  داطلاعاتو اوفرهنګ وزارت دځوانانو دچارو معين ډاکتر کمال سادات  نن درې تنه ښحينه ژورناليستانې  چې دهېواد په بېلابېلو  ولايتونوکې رسانه يي فعاليتونه لري وستايلې .
دباختراژانس دخبرله مخې ، دځوانانو دچارو معين دهرات ، کندز او دبلخ دولايتونو دسيمه ئيزو رسنيو له ژورناليستانو  نقيبې  بارکزي ،   سميرا شريفي او راضيې محمدي سره په کتنه کې  د هغوى دفعاليتونو له امله قدرداني وکړه او هغوى يې وستايلې .
دغه راز دځوانانو دچارو معين په دې کتنه کې له ټولو ځوانانو څخه وغوښتل چې دهېواد په ترقۍ او پرمختګ کې کارنده  ونډه واخلي .
له بلې خوا هم نقيبې بارکزي  دځوانانو دچارو دمعينيت له مشرتابه څخه دمننې په ترڅ کې  څرګنده کړه چې خلکو او ټولنې ته دخدمت او دغه راز دهېواد دابادى په لاره کې به پرله پسې هڅه وکړي .
  ختم_ عطاالله _ اکرم

کابل باختر د تلي دوه ويشتمه :
طالبان په جوزجان کې يوسرښوونکى شهيد او اووه تنه قومي مشران يې له ځان سره بوتلل .
  دجوزجان  دولايتي شورا يوه غړي شير محمد نور باختراژانس ته وويل وسله والو طالبانو نن سهار فيض اباد  ولسوالۍ  اودشبرغان ښار ترمنځ لارې په اوږدو کې  يوسرښوونکى وواژه او اووه تنه قومي مشران يې اسيران کړل .
دجوزجان دولايتي شورا ددغه غړي دڅرګندونوله مخې، دغه پيښه  هغه وخت رامنځته شوه چې دغه سرښوونکى  او قومي مشران دولسي جرګې لپاره دانتخاباتو له يوه نماند سره دملاتړ لپاره دشبرغان ښار ته روان و .
ده زياته کړه چې وسله والو طالبانو همدا اوس برمټه شوي  قومي مشران دفيض اباد ولسوالۍ دممليک کلي ته بيولي دي چې دهغوى دخلاصون لپاره دپوليسو له خوا هلې ځلې پيل شوي دي .
  ختم_ ف _ اکرم
                                     

کابل باختر د تلي دوه ويشتمه :
په تخار کې دګازو دخپريدو له امله ديوې کورنى  درې تنه غړي ووژل شول .
دباختراژانس دسيمه ئيز خبريال دخبرله مخې ،  دغه پيښه نن سهار دتالقانو په زاړه ښار کې رامنځته شوه چې په پايله کې يې يوه ميرمن ، يونارينه اويوماشوم ووژل شول .
څه موده مخکې هم يوه نوې ناوې له خپل ميړه سره دتخار ولايت په مرکز تالقانو ښار کې دګازو دخپريدو له امله ووژل شوه .
  ختم_  عطاالله _ اکرم

 

کابل باختر د تلي دوه ويشتمه :
داطلاعاتو اوفرهنګ وزارت دفرهنګ او هنر معين دباميانو ولايت داطلاعاتو اوفرهنګ رياست له کارکوونکو سره په کتنه کې دهغوى په زياتو هڅو ،  ريښتينولى   او مسووليت مننې ټينګار وکړ .
دباختراژانس دسيمه ئيز خبريال دخبرله مخې ، داطلاعاتو اوفرهنګ وزارت دفرهنګ او هنر معين پوهاند محمد رسول باوري  دباميانو ولايت ته په سفر کې  ددغه ولايت داطلاعاتو او فرهنګ رياست له کارکوونکو سره وکتل او دهغوى ستونزې او وړانديزونه يې واوريدل او دهغوى دڅيړنې په لاره کې يې دهمکارى ژمنه وکړه .
ده دباميانو ولايت داطلاعاتو اوفرهنګ رياست له ټولو کارکوونو څخه وغوښتل چې هڅان او ريښتينې  واوسي او په خپل کار کې مسووليت منوونکي واوسي .
پوهاند باوري  په دې سفر کې  دبوډا مجسمو او دفرهنګي ميراثونو جوړيدو په حال کې  ودانۍ هم وکتله .
په دې سفر کې  له پوهاند محمد رسول باوري سره داطلاعاتو اوفرهنګ وزارت د لرغون پيژندنې رييس نوراقا نوري ،  فرهنګي سلاکار  ډاکتر طارق  رشاد ،  دتاريخي ابداتو رييس عبدالاحد عباسي  او ددغه وزارت دخلکو دفرهنګ رييسې   محبوبي بابکرخيل  ملګرتيا کوله .
   ختم- ف _ اکرم

 

کابل باختر د تلي دوه ويشتمه :
داطلاعاتو اوفرهنګ وزارت سرپرستې  حسينې صافۍ  نن دافغانستان  دمتشبثينو  ځوانانو دبنسټ له مسوول  سره په کتنه کې  دټولنې  په بېلابېلو  برخو کې دځوانانو رول  ارزښتناک او اغيزمن وباله .
  دباختراژانس  دخبريال دخبرله مخې ، په دې کتنه کې  دافغانستان دمتشبثينو  ځوانانو  دبنسټ مسوول  عبدالخالق  ميرزايي ددغه بنسټ  په اړوند  معلومات ورکړل  او ويې ويل  چې ددغه بنسټ موخه دځوانانو ترمنځ دتشبث  دانګيزې  رامنځته کول  ، او دتشبث  دودې دزمينې  برابرول  او دمتشبثينو ځوانانو ترمنځ   داړيکو  ټينګښت دى .
ده زياته کړه چې دغه  بنسټ  دټولنيزې  سولې او  دلاسي صنايعو  په برخه کې  کارکوي او په کابل کې  يې رستورانت ، ميجک )  او دسوداګرى  شبکه ( ويژن  )  هم جوړ کړي دي  او له دې لارې   کابو شپيتو  تنو ته دکار فرصت  برابر شوى دى .
داطلاعاتو اوفرهنګ وزارت سرپرستې همغږي ، دسالم پروګرام جوړول او دکار انګيزه دځوانو متشبثينو په پياوړتيا  او پراختيا کې مهم عناصر  وبلل او ويې ويل  په تيرو جګړو په ټولو برخو په تيره بيا په اقتصادي  او سوداګريزو برخو کې ناوړې اغيزې کړې دي او ددغه شان بنسټونو جوړول کيداى شي داقتصادي ودې په لاره کې اغيزمن رول ولري .
دغه راز داطلاعاتو اوفرهنګ وزارت سرپرستې دټولنې په بېلابېلو برخو کې دځوانانو رول ارزښتناک او اغيزمن وباله .
ديوبل خبرله مخې ، داطلاعاتو اوفرهنګ وزارت سرپرستې  نن د((افغان مدل))  له مسوول سره په کتنه کې  د هېواد اصيل فرهنګ ته دهغه په پاملرنې باندې ټينګار وکړ .
په دې کتنه کې  دافغان مدل مسوول  عبيد ځاځي داصيلو افغاني جامو دښودلو په برخه کې  دخپلو فعاليتونو په اړوند معلومات ورکړل او دخپلو کړو وړو په برخه کې يې داطلاعاتو اوفرهنګ وزارت دملاتړ غوښتنه وکړه .
حسينې صافۍ څرګنده کړه هر هغه کړنه او فعاليت چې دهېواد داصيل فرهنګ دژوندي ساتلو سبب شي داطلاعاتو اوفرهنګ وزارت يې ملاتړ کوي او ټينګار يې وکړ چې دهېواد او نړۍ خلکو ته داصيل   افغاني فرهنګ دمنعکس کولو په لاره کې پاملرنه وشي .
  ختم_ عطاالله _ اکرم

 

کابل باختر د تلي دوه ويشتمه :
داطلاعاتو اوفرهنګ وزارت دسرپرستې  حسينې صافۍ په مشرۍ  درسانه يي  شکايتونو اوسرغړونو دڅيړنې  دکميسيون غونډه نن جوړه شوه .
  دباختراژانس  دخبريال دخبرله مخې ،  په دې غونډه کې پنځه مورده  رسانه يي شکايتونه  اوسرغړونې  چې ديوشمير بنسټونو  له خوا درسانه يي  شکايتونو اوسرغړونو دڅيړنې  کميسيون ته  لېږل شوې وې   وڅيړل شوې .
  دغه راز  په دې غونډه کې   پريکړه وشوه چې ددې کميسيون  دشپږو مياشتو  اجرااتو رپوټ  دې په نږدې  راتلونکې کې  خپور شي .
دغه راز داطلاعاتو اوفرهنګ وزارت سرپرستې  له اصولو  سره سم دکميسيون دکار دبهير په ګړندي کولو باندې ټينګار وکړ .
  ختم_ ف   _ اکرم

 

کابل باختر د تلي دوه ويشتمه :
دتخار ولايت  ددشت قلعه  په ولسوالۍ کې  دميشتې خاصې قطعې  قوماندان نن شهيد کړى شو .
دتخار ولايت دامنيې قوماندانۍ وياند خليل اسير  باختراژانس ته  وويل چې ددغې ولسوالۍ  دخاصې قطعې قوماندان محمد حنيف  په هغې جګړه کې چې له وګړني  پاڅون له يوه  قوماندان سره  له ناندرو وروسته ونښته شهيد کړى شو .
يوې اړوندې  سرچينې  وويل هغه کسان  چې ددغه قوماندان د شهات سبب شوي دي نيول شوي نه دي او پوليس دهغوى  دنيونې  په لټه کې دي .
   ختم_  عطاالله _ اکرم

Sunday, 14 October 2018 04:20

د اسعارو بيه

کابل\باختر\ د تلې د مياشتې٢٢
د کابل د شهزاده سراى د صرافانو د رييس د معلوماتو له مخې، نن له غرمې مخکې د بهرنيو پيسو په مقابل کې د افغانۍ ارزښت په دې ډول دى:
يو امريکايي ډالر پيرودل په 95/75  افغانۍ
يوانګليسي پونډ پيرودل په 98/70افغانۍ
يوه يورو پيرودل په 87/50 افغانۍ 
يو سعودي ريال پيرودل په  20/00افغانۍ
د اماراتو يو درهم پيرودل په 20/60  افغانۍ
زرپاکستانۍ کلدارې پيرودل په 582 افغانۍ
زر هندۍ کلدارې پيرودل په 1030 افغانۍ
زر ايراني تومان پيرودل په 05/90 افغانۍ
يو روسي روبل پيرودل په 1\10 افغانۍ        
پاى-سعيده

 

Page 10 of 6962