23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

فرهنگی

کابل/ باختر/ د چنګاښ ٢٠مه   
د هېواد يو ليکوال لس ټوکه کتابونه نن د اطلاعاتو او فرهنګ وزارت سرپرستې حسينۍ ساپۍ ته ورکړل.
د باختر آژانس خبريال د خبرله مخې: دغه کتابونه (د نړۍ پوځي تاريخ ته لنډه کتنه) ترعنوان لاندې د مارشال محمد قسيم  فهيم د پوځي اکاډمۍ استاد پوهيالي محمد اوليا سليمي، د هېواد د خپلواکۍ د سلمې کاليزې په مناسبت د اطلاعاتو او فرهنګ وزارت سرپرستۍ ته ورکړل.
سليمي وويل: په دغه کتاب کې له تاريخ څخه مخکې د بشري ټولنو تاريخ تر معاصرې دورې پورې ټول مسايل او پېښې چې په نړۍ کې رامنځته شوې، په ځانګړې توګه پوځي، سياسي او ټکنالوجيکي مسايل راغبرګ شوي دي.
هغه وويل چې دغه اثر په ٥٧٥ مخونو کې ليکل شوى دى او لس ټوکه يې د هېواد د خپلواکۍ د سلمې کاليزې په مناسبت د اطلاعاتو او فرهنک وزارت ته ورکړل شول.
حسينې ساپۍ له سليمي څخه د دغه کتاب د ليکلو له امله مننه وکړه او د بېلابېلو فرهنکي برخو په تېره بيا د ليکوالۍ په برخه کې يې د ځوانانو هلې ځلې يو ارزښتناک او کټورګام وباله.
پاى \ذ

کابل / باختر/ د چنګاښ ٢٠ مه 
د اطلاعاتو او فرهنګ وزارت سرپرستې حسينې ساپۍ او د نوښتګرۍ په برخه کې        د جمهوررييس سلاکار ډاکترسيمع حامد نن په کابل کې د تيمورشاه مقبره وکتله.
د باختر آژانس خبريال د خبرله مخې: په دې ليدنه کې په داسې حال کې چې د اطلاعاتو او فرهنګ وزارت د فرهنګ او هنرمعين پوهاند محمد سول باوري او د آغاخان فرهنګي بنسټ استازى امان الله صاحب زاده هم حاضر وو، د اطلاعاتو او فرهنګ وزارت سرپرستې او د جمهوررييس سلاکار د تيمورشاه مقبره وکتله.
حسينې ساپۍ د دې ليدنې په بهيرکې د هېواد د تاريخي آبداتو د ترميم او ساتنې په برخه کې د آغاخان بنسټ له همکاريو څخه په مننې سره ټينګار وکړ چې د اطلاعاتو او فرهنګ وزارت په رياست، د علومو اکاډمۍ، د آغا خان فرهنګي بنسټ او کابل پوهنتون د استازو په ترکيب بايد يو کمېسيون جوړشي او د هغو قبرونو د ډبرو لوحې مشخصې کړي چې د تيمورشاه د مقبرې په شاوخوا کې دي.
د دې ليدنې په بهيرکې ډاکتر سميع حامد، فرهنګي برخو ته د دولت د مشرتابه د پاملرنې ډاډ ورکړ او زياته يې کړه چې د معاصرهنر او ادبياتو د پياوړتيا په برخه کې هم هڅې کېږي.
پاى \ذ

کابل/ باختر/ د چنګاښ ١٩مه
د اطلاعاتو او فرهنګ وزارت د سرپرستې حسينې ساپۍ په مشرۍ نن د هوټلونو                  تصدۍ د عالي شورا غونډه جوړه شوه.
د باختر آژانس خبریال د خبرله مخې: په غونډه کې چې د ماليې او اقتصاد وزارتونو استازو په کې ګډون لاره؛ لومړى د هوټلونو تصدۍ لوى رييس ذبيح الله احسان د دې تصدۍ د ١٣٩٨کال د مالي پلان په باب معلومات ورکړل.
دغه راز د هوټلونو تصدۍ عالي شورا، د دولتي هوټلونو د تصدۍ رياست د ١٣٩٨ کال مالي پلان له هر اړخيزې څېړنې او غور وروسته، په اصل کې تاييد کړ او پرېکړه وشوه چې تخنيکي مسايل يې د ماليې وزارت په همغږۍ په يوه اوونۍ کې وروستي او بشپړ شي.
په غونډه کې دغه راز د سپين غر هوټل د شاوخوا دېوال د بيا رغاونې او په پغمان هوټل کې د پسرلني رستورات او د هغه په انګړکې د کورنيو لپاره د څپرو ( سايه بانونو) د جوړولو او د دغه رستورات د پراختيا لپاره د  بودجې په اړه هم خبرې وشوې او د شورا د صلاحيتونو مطابق لازمې پرېکړې وشوې.
حسينې ساپۍ د هوټلونو تصدۍ د عالي شورا د کاري چارو پر ګړندي کولو او د اړوندو بنستونو ترمنځ پر همغږۍ ټينګار وکړ.
پاى \ذ

کابل\باختر\ د چنګاښ ١۹مه
د اطلاعاتو او فرهنګ وزارت د مشرتابه د خواخوږۍ پيغام
په ژورې خواشينۍ سره مو د سلام وطندار د خبريال عاشق الله يعقوب د مړينې خبر ترلاسه کړ.
موږ د رسنيو د کارکوونکو او د قلم خاوندانو د ملاتړ کوونکو په توګه په دغه ستر غم کې ځان شريک بولو او د الله تعالی (ج) له دربار څخه ارواښاد  ته د فردوس جنت او پاتي کسانو ته يې د جميل صبر هيله کوو. په دې مناسبت د ژورې خواشينۍ مراتب د ارواښاد کورنۍ، دوستانو، خپلوانو او د هېواد د رسنيو سترې کورنۍ ته څرګندوو.
عاشق الله يعقوب د اطلاع رسونې په برخه کې زيات کلونه په سلام وطندارکې کار وکړ او د «هشت صبح» ورځپاڼې له پښتو څانګې سره یې ښه او صميمانه همکاري وکړه.
ارواښاد پرون د زړه د درېدو له امله په حق ورسېد.
ختم-ج -اکرم