16 September 2019

RSS Facebook

سوداگریز


تازه خبرونه

پنځه تنه په فراه کې د ماین په چاودنه کې ووژل شول

پنځه تنه په فراه کې د ماین په چاودنه کې ووژل شول

فراه /باختر /دوږی ۲۵ په فراه کې پنځه تنه د ښخ...

اووه طالبان په فاریاب کې ووژل شول

اووه طالبان په فاریاب کې ووژل شول

کابل/ باختر/ د وږي٢٥مه د درېيو سیمه ییزو قوماندانانو په ګډون...

په میدان وردګو کې د طالبانو یو قوماندان ووژل شو

په میدان وردګو کې د طالبانو یو قوماندان ووژل شو

کابل/ باختر/ د وږي٢٥مه د طالبانو یو قوماندان تېره شپه په...

Youtube Player

khantry design

سوداگریز

سوداگریز

فرهنگی

کابل/ باختر/ د غبرګولي ٢٩مه
په لوګرکې د (سولې ګل) په نامه د (سنځل ګل) دوديزې مشاعرې ديارلسمه دوره په لوګرکې جوړه شوه.
  د باختر آژانس خبريال د خبرله مخې: په هغې غونډه کې چې په همدې مناسبت د دغه ولايت د مسوولينو، شاعرانو، ليکوالانو، اديبانو او ځوانانو په ګډون په پل علم ښارکې جوړه شوه؛ د لوګر د اطلاعاتو او فرهنګ رييس محمد شفيق پوپل، د اطلاعاتو او فرهنګ وزارت د سرپرستې حسينې ساپۍ پيغام ولوست.
د اطلاعاتو او فرهنګ وزارت د سرپرستې په پيغام کې له ټولو شاعرانو او اديبانو څخه غوښتنه شوې ده چې په خپلو شعرونو او ليکنو کې د افغاني اصيل فرهنګ پياوړتيا او ودې ته جدي پاملرنه وکړي.
د لوګر والي محمد انور خان اسحق زي هم د سيمه ييزو ارګانونو د خپلواکې ادارې د رييس عبدالمتين بېک پيغام ولوست چې په هغه کې د افغانانو ترمنځ پر ملي يو والي، سولې او پيوستون  ټينګار شوى دى.
په مشاعره کې شاعرانو، د ترانې ټيمونو او ممثلانو د سولې، ملي يو والي، اتحاد او اتفاق، د جګړې او تاوتريخوالي د پاى ته رسولو، ښوونې او روزنې، فرهنګي ارزښتونو ته د پاملرنې او له قانون ماتوونکو سره د قانوني چلند په باب  خپل شعرونه ولوستل او تمثيلي ټوټې اجرا کړې.
د مشاعرې ترڅنګ د ښځو  د لاسي صنايعو او کتاب نندارتون د يوې ورځې لپاره د علاقمندانو لپاره پرانيستل شو.
د مشاعرې په پاى کې والي او د اطلاعاتو او فرهنګ رياست شاعران، ژورناليستان، فرهنګيان او د مدني ټولنې فعالان وستايل.
  ختم_ شکريه _ اکرم

کابل/ باختر/ د غبرګولي ۲۸ مه
د هېواد د فرهنګي او ملي ميراثونو د ساتنې په اړوند د ځوانانو د پوهاوي ورکولو سمينار نن په ملي موزيم کې جوړ شو.
دغه سمينار د اطلاعاتو او فرهنګ وزارت، د ځوانانو چارو معينيت له خوا د دغه معينيت رضاکارو ځوانانو ته جوړ شو.
د باختر آژانس د خبرله مخې: په سمينارکې د اطلاعاتو اوفرهنګ وزارت د ځوانانو چارو معين محمد اجمل شاهپور د فرهنګي ميراثونو په ساتنه کې د ځوانانو رول  ارښتناک وباله او ويې ويل: يو ملت هغه وخت ژوندى پاتې کېداى شي چې فرهنګي ميراثونه يې ژوندي پاتې شي.
د ځوانانو چارو معين د څرګندونو له مخې: د هويت بحران او د فرهنګي ميراثونو په باب نه پوهاوى يو ګواښ دى چې ځوانان ورسره مخامخ دي.
شاهپور له ځوانانو څخه وغوښتل چې دفرهنګي ميراثونو په ساتنه کې هڅې وکړي.
د هغه د څرګندونو له مخې: د فرهنګي ميراثونو ساتنه يوازې د دولت دنده نه ده، بايد  خلک هم پکې ونډه واخلي.
پاى \ج\ ذ

 

کابل \ باختر\ د غبرګولي ۲۸ مه
د اطلاعاتو او فرهنګ وزارت د فرهنګ او هنر معين او د وزارت سرپرست، پوهاند محمد رسول باوري نن په کابل کې د يونسکو د فرهنګي څانګې له استازي سره په ناسته کې د جام څلي د ټينګښت په خاطر د عملياتو پر ډېر ژر پيل ټينګار وکړ.
د باختر آژانس د خبر له مخې: په غونډه کې په داسې حال کې چې د تاريخي آبداتو  د ساتنې او ترميم رييس ډيپلوم مهندس عبدالاحد عباسي هم حاضر و، د غور د جام څلي د څېړنې او د هغه د ټينګښت په خاطر د عملياتو د پيل په موخه افغانستان ته د يونسکو د ماهرانو او لرغونپوهانو د ډېر ژر راتګ په باب خبرې وشوې.
په ناسته کې پوهاند باوري وويل چې يونسکو د نړۍ او افغانستان په کچه يو معتبر سازمان دى او هيله کېږي دغه سازمان د تاريخي او فرهنګي ميراثونو په تېره بيا د جام څلي د ټينګښت، ترميم او بيا رغاونې په موخه د مرستو جلبولو په لاره کې هلې ځلې وکړي.
دغه راز پوهاند باوري د يونسکو د فرهنګي برخې استازي ته په خطاب کې ټينګار وکړ چې د جام څلي د ټينګښت لپاره د عملياتو پروګرام ډېر ژر پيل شي.
د يونسکو استازي ډاډ ورکړ چې په دې لاره کې به له هېڅ راز هلوځلو څخه ډډه ونه کړي.
  ختم- ج - اکرم

کابل/ باختر/ د غبرګولي ۲۸ مه
د هرات د تيموريانو دورې د ځلاندې څېرې انځورګر او ميناتوريست استاد کمال الدين بهزاد سمينار د جوړولو مؤظف کمېسيون نن غونډه وکړه.
د باختر آژانس خبريال د خبرله مخې: ناسته د اطلاعاتو او فرهنګ وزارت د سلاکار ډاکتر طارق رشاد په مشرۍ جوړه شوه.
د ناستې په پيل کې د خلکو د فرهنګ رئيسې محبوبې بابکرخېل د سمينار د جوړولو په باب د لازمو تياريو لپاره د ترسره شويو فعاليتونو رپوټ وړاندې کړ.
وروسته د کمېسيون غړو د سمينار د جوړولو د نېټې او ځاى، د سمينار د مېلمنو او برخه والو د ليست د برابرولو، د مقالو د موضوعاتو د ټاکلو او د سمينار د موضوع په اړوند د نهو کتابونو د چاپولو په باب خبرې وکړې.
پاى \ ج\ذ