18 September 2019

RSS Facebook

سوداگریز


تازه خبرونه

انتخابات او امنیتي ګواښونه

کابل/ باختر/ د وږي ۲٧ مه د جمهوري ریاست راتلونکي انتخابات...

Youtube Player

khantry design

سوداگریز

سوداگریز

فرهنگی

کابل \ باختر\ د غبرګولي ۲۸ مه
د اطلاعاتو او فرهنګ وزارت د فرهنګ او هنر معين او د وزارت سرپرست، پوهاند محمد رسول باوري نن په کابل کې د يونسکو د فرهنګي څانګې له استازي سره په ناسته کې د جام څلي د ټينګښت په خاطر د عملياتو پر ډېر ژر پيل ټينګار وکړ.
د باختر آژانس د خبر له مخې: په غونډه کې په داسې حال کې چې د تاريخي آبداتو  د ساتنې او ترميم رييس ډيپلوم مهندس عبدالاحد عباسي هم حاضر و، د غور د جام څلي د څېړنې او د هغه د ټينګښت په خاطر د عملياتو د پيل په موخه افغانستان ته د يونسکو د ماهرانو او لرغونپوهانو د ډېر ژر راتګ په باب خبرې وشوې.
په ناسته کې پوهاند باوري وويل چې يونسکو د نړۍ او افغانستان په کچه يو معتبر سازمان دى او هيله کېږي دغه سازمان د تاريخي او فرهنګي ميراثونو په تېره بيا د جام څلي د ټينګښت، ترميم او بيا رغاونې په موخه د مرستو جلبولو په لاره کې هلې ځلې وکړي.
دغه راز پوهاند باوري د يونسکو د فرهنګي برخې استازي ته په خطاب کې ټينګار وکړ چې د جام څلي د ټينګښت لپاره د عملياتو پروګرام ډېر ژر پيل شي.
د يونسکو استازي ډاډ ورکړ چې په دې لاره کې به له هېڅ راز هلوځلو څخه ډډه ونه کړي.
  ختم- ج - اکرم

کابل/ باختر/ د غبرګولي ۲۸ مه
د هرات د تيموريانو دورې د ځلاندې څېرې انځورګر او ميناتوريست استاد کمال الدين بهزاد سمينار د جوړولو مؤظف کمېسيون نن غونډه وکړه.
د باختر آژانس خبريال د خبرله مخې: ناسته د اطلاعاتو او فرهنګ وزارت د سلاکار ډاکتر طارق رشاد په مشرۍ جوړه شوه.
د ناستې په پيل کې د خلکو د فرهنګ رئيسې محبوبې بابکرخېل د سمينار د جوړولو په باب د لازمو تياريو لپاره د ترسره شويو فعاليتونو رپوټ وړاندې کړ.
وروسته د کمېسيون غړو د سمينار د جوړولو د نېټې او ځاى، د سمينار د مېلمنو او برخه والو د ليست د برابرولو، د مقالو د موضوعاتو د ټاکلو او د سمينار د موضوع په اړوند د نهو کتابونو د چاپولو په باب خبرې وکړې.
پاى \ ج\ذ

 

کابل/ باختر/ دغبرګولي ٢٦مه
د بايومتريک فورمو د ډکولو لارې چارې نن د مسوولينو له خوا د اطلاعاتو او فرهنګ وزارت کارکوونکو ته بيان شوې.
د باختر آژانس خبريال د خبرله مخې: په هغې غونډه کې چې په همدې موخه جوړه شوې وه، د اطلاعاتو او فرهنګ وزارت د بشري منابعو رئيس احمد ضيا انوري وويل چې د افغانستان د اسلامي جمهوريت له لارښوونې سره سم، د دولت ټول کارکوونکي د شفافيت او له خيالي کارکوونکو څخه د اصلي کارکوونکو د جلا کولو په خاطر بايد د برېښنايي حکومتوالۍ په بهيرکې شامل شي.
په همدې ترتيب حشمت الله ستانکزي د فورمو د ډکولو لارې چارې کارکوونکو ته          بيان کړې.
پاى \ج\ ذ

 

کابل باختر د غبرګولې ٢٥مه :
داروپا داتحاديې هيئت داختيار الدين دتاريخي کلا په کتنه کې  دهرات دتاريخي څلو له جوړولو  او بيا رغاونې سره دمرستې  په خاطر ددغې اتحاديې  ليوالتيا  اعلام کړه .
په افغانستان کې داروپا داتحاديې هيئت  او دغه راز دنړيوالو موسسو يوشمير مسوولينو پرون دهرات دوالي په ملګرتيا دتلپاتې بشري ميراث  په توګه داختيار الدين کلا بېلابېلې برخې وکتلې .
دهرات والي نړيوالو موسسو  ته بلنه ورکړه چې دهرات دځينو څلو او ابداتو دبيا رغاونې  او مرمت په برخه کې  ونډه واخلي .
  په هرات ولايت کې کابو اته سوه تاريخي څلي ثبت شوي دي .  چې له دې جملې څخه محدود شمير يې  په وروستيو کلونوکې بيا رغاول  شوي دي .
دهېواد دجمهور رييس دملي امنيت سلاکار په دې وروستيو  وختو کې هرات ته په خپل سفر کې دمصلى  دمجموعې دبيا رغاونې په مقصد دلسو مليونو افغانيو په ارزښت مرسته اعلام کړه .
داپه داسې حال کې ده چې فرهنګي چارو په تيره بيا دتاريخي څلو بيا رغاونې ته پاملرنه دهرات دوالي عبدالقيوم رحيمي دکار يو اساسي لومړيتوب اعلام شوى دى .
په دې وروستيو وختو کې  دهرات ولايت مشرتابه په يوې عمومي بلنه کې له فرهنګيانو ، اديبانو ، هنرمندانو او ليکوالو څخه وغوښتل تر څو خپل هغه ليکلي اثار چې تراوسه پورې په هر دليل چاپ شوي نه دي دچاپ په مقصد دهرات ولايت مقام ته وسپاري .
  ختم_ عطاالله _ اکرم