22 October 2019

RSS Facebook

سوداگریز


تازه خبرونه

دنيمروز له زرنج ښار څخه څه دپاسه سل لرغونې اثار راټول کړى شول .

کابل / دتلې ٢٩مه / باختر : دنيمروز داطلاعاتواوفرهنګ رياست پرون...

دوګړني پاڅون يو قوماندان له خپل زوى سره شهيد کړى شو .

کابل / دتلې ٢٩مه / باختر : په جوزجان کې دوګړني...

Youtube Player

khantry design

سوداگریز

سوداگریز

فرهنگی

کابل/دتلې ۲۲مه/باختر
منظور احمد میاڼي د قندهار ملي موزیم ته د نولسمې او شلمې پېړۍ بانکنوټونه وسپارل.
د نولسمې او شلمې پېړيو د بانکنوټونو لرغونتيا د غازي امان الله خان دورې ته رسېږي چې منظور احمد میاڼي د قندهار د اطلاعاتو او فرهنګ ریاست ملي موزیم ته وسپارل.
د قندهار د اطلاعاتو او فرهنګ ریيس حکمت الله افغان د باختر آژانس سیمه ييز خبریال ته وویل چې میاڼي د نولسمې او شلمې پېړیو له پنځوسو څخه زيات اوسپنیز نوټونه په دې موخه اطلاعاتو او فرهنګ رياست ته سپارلي دي چې په ملي موزیم کې وساتل شي.
افغان د میاڼي احساس وستایه او له نورو هېوادوال یې وغوښتل چې په کورونو کې ساتل شوي تاريخي آثار ملي موزیم ته وسپاري.
پای/وصال

٢٤ـ کابل/دتلې ۲۲ مه/باختر
اطلاعاتو ته لاس رسی یو بشري حق دی او هر شخص کولی شي چې د یوې ادارې څخه د قانون په چوکاټ کې مالومات تر لاسه کړي.
دغه څرګندونې اطلاعاتو ته د لاس رسي کمېسیون کمېشنر فضل باري د خوست په مرکز متون ښارکې د درېیو ولایتونو ځوانانو ته په جوړ شوي کنفرانس کې وکړې.
د باختر آژانس د سیمه ييز خبریال نثارالله احسان د خبر له مخې: په دغه کنفرانس کې اطلاعاتو ته د لاس رسي کمېسیون کمېشنرانو په آنلاین ډول د خوست، قندهار او هلمند خبریالانو او ځوانانو ته هر اړخیزمعلومات ورکړل.
پای/وصال

 

کابل / دتلې ٢١مه /باختر:
دپټې خزانې کتاب  دتاليف ددرې سويمې کاليزې دنمانځنې سيمينار د جوړولو کمېسيون  نن داطلاعاتواوفرهنګ وزارت دفرهنګ او هنر  دمعين پوهاندمحمدرسول باوري په مشرى  غونډه وکړه .
دباختراژانس دخبريال دخبرله مخې ،  دغونډې په پيل کې  پوهاند باوري  په لنډو خبرو کې وويل:داطلاعاتواوفرهنګ وزارت يوه اساسي دنده د هېواد دتاريخي آثارو معرفي کول دي . او پټه خزانه  يو تاريخي اثر دى .
هغه وويل : په دغه سيمينار کې هلې ځلې کېږي  چې ددغه ګران بيې اثر تاريخي  جرړې  وڅيړل شي .
وروسته  په المان کې دافغانستان سفير  سيد نعمت الله ثاير خبرې وکړې او ويې ويل  چې دبرلين په کتابتون کې د اسرار الا فاغنه په نامه کتاب موجود دى او په هغه کې دپټې خزانې په اړوند زيات معلومات شتون لري .
ښايي  چې ددغه کتاب يوه کاپي دالمان دبهرنيو چارو دوزارت له لارې دسيمينار دجوړونکو په واک کې ورکړو .
وروسته  برخه والو ددغه سيمينار دلاښه جوړولوپه اړوند  خبرې اترې وکړې .
  ختم_ ج _ اکرم

 

کابل/ د تلې٢٠مه/باختر
د وزیرانو شورا د پریکړې پر اساس د اجرائیه ریاست د لومړي مرستيال انجنیر محمدخان په مشرۍ د مس عینک لرغونو آثارو د لېږد او ساتنې لارو چارو کمېسیون غونډه وکړه.
د اجراييه رياست د وياند دفتر باختر آژانس ته خبر ورکړ:
په غونډه کې چې د اطلاعاتو او فرهنګ، کانونو او پټرولیم، کورنیو چارو او ښار جوړونې وزارتونو د چاپیریال ساتنې ادارې او MCC شرکت استازو ګډون کړی و د مس عینک لرغونو اثارو د لیږد پر لارو چارو خبرې وشوې.
د کانونو او پټرولیم وزارت د مس عینک پروژه یوه باارزښته پروژه وبلله او ویې ویل چې له ۲۰۰۸ زیزدیږ کال را وروسته په یاده پروژه کې ځینې لومړني کارونه شوي، خو د ځینو دلایلو او ستونزو له امله لا هم نه دي توانیدلي چې د یادې پروژې تطبیق ته لاره هواره کړي.
د کانونو او پټرولیم وزارت د مس عینک کان د ایستلو په برخه کې د لرغونو اثارو شتون یو خنډ یاد کړ او زیاته یې کړه چې د دغو اثارو په اړه له چيني کمپنۍ سره د هوکړې په وخت کې یادونه نه ده شوې.
د اطلاعاتو او کلتور وزارت د مس عینک کان قرارداد ناقص وباله او ویې ویل چې په یاد قرارداد کې ځینې داسې ټکي شته چې باید له قراردادي کمپنۍ سره یې یادونه شوې وای او پر قرارداد باید له سره غور وشي.
د اطلاعاتو او فرهنګ وزارت د مس عینک لرغوني ښارګوټي پروژه یو باارزښته او ملي پروژه وبلله او د دغې لرغونو اثارو پر ساتنې يې ټینګار وکړ او ویې ویل چې یاد لرغوني اثار فرهنګي او تاریخي شتمني ده چې په خوندي کیدو سره به د نړیوالو سیلانیانو پاملرنه خپله کړي.
د اجرائیه ریاست لومړي مرستیال انجنیر محمدخان د مس عینک لرغوني اثارو په اړه وویل: " د مس عینک اثار زموږ فرهنګ او تاریخ دی؛ ساتل یې زموږ دنده ده او دغه اثار کولای شي مس عینک سیمه په یوه توریستي سیمه بدله کړي."
لومړي مرستيال د کانونو او پټرولیم او اطلاعاتو او فرهنګ وزارتونو ته دنده وسپارله چې د مس عینک لرغونو اثار د لېږد په اړه خپلې طرحې چې له وړاندې جوړې شوې د وزیرانو شورا دارالانشاء ته وسپاري چې د وروستۍ پریکړې لپاره د وزیرانو شورا ته وړاندې شي.#
پاى – ذ

Page 3 of 477