25 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

فرهنگی

کابل/ د کب لومړۍ/ باختر
د اطلاعاتو او فرهنګ وزارت د خپرونو چارو معين نن د افغانستان د خپروونکو اتحاديې له غړو سره غونډه وکړه.
په غونډه کې د کتاب د نړيوال نندارتون د جوړولو، د خپروونکو د مالياتي ستونزې د لرې کولو، د کاپي رايټ قانون د ملاتړ او د خپروونکو لپاره د مشخص ځاى د ټاکنې په اړوند خبرې وشوې.
د باختر آژانس د خبر له مخې؛ په غونډه کې د اطلاعاتو او فرهنګ وزارت د خپرونو چارو معين عبدالمنان شيواى شرق وويل چې د نوروز جشن په مناسبت د کتاب نړيوال نندارتون په کابل کې جوړېږي.
هغه زياته کړه چې يو کمېسيون په ښه توګه د دغه نندارتون د جوړولو په خاطر کار کوي.
د اطلاعاتو او فرهنګ وزارت د خپرونو چارو معين دغه راز وويل چې د څېړونکو د ماليې د کمښت په خاطر، له ماليې وزارت سره خبرې کوي چې د خپروونکو مالياتي ستونزه حل شي.
د افغانستان د خپروونکو اتحاديې رييس سېداحمد سعيد، په افغانستان کې د کاپي رايټ قانون نه تطبيق د کتاب په چاپولو او خپرولو کې اساسي ستونزه وبلله او په دې برخه کې يې د اطلاعاتو او فرهنګ وزارت د همکارۍ غوښتنه وکړه.
شيواى شرق د همکارۍ ژمنه وکړه او ويې ويل چې د کورنيو چارو وزارت په مرسته به، د کاپي رايټ قانون سرغړونکي عدلي او قضايي بنسټونو ته وروپېژندل شي.
هغه همدارنګه ژمنه وکړه چې د افغانستان د خپروونکو لپاره د يوه مشخص ځاى د ټاکنې لپاره، له کابل ښاروالۍ سره مشوره کوي چې په دې برخه کې اسانتيا رامنځته شي.
ختم- عطاالله - اکرم


 

کابل/ د کب لومړۍ/ باختر
د اطلاعاتو او فرهنګ وزارت د ځوانانو چارو معينيت خبرتيا
د اطلاعاتو او فرهنګ وزارت د ځوانانو چارو معينيت د هغه تفاهم په پام کې نيولو سره چې له يوشمېر خصوصي پوهنتونونو او د لوړو او نيمه لوړو زده کړو له موسسو  سره لري؛ د ١٣٩٩ کال د پسرلني سمستر لپاره د فيس په ځانګړي تخفيف سره د ځوانانو د ورپېژندنې بهير پيل کړى دى. مينه وال کولاى شي د نوم ليکنې او له دغه تخفيف څخه د ګټې اخيستنې لپاره له دوو عکسونو او د تابعيت تذکرې له کاپي سره د دغه معينيت د ځوانانو د خونديتوب او روزنې رياست ته ورشي .
پته: پل باغ عمومي - د شهزاده سراى سړک
د اړيکې شمېره: ٠٧٩٢٧٦٠٠٠٥
ختم- ف - اکرم

کابل/ د سلواغې۳۰ مه/ باختر
د اطلاعاتو او فرهنګ وزارت د فرهنګ او هنر معين پوهاند محمد رسول باوري نن  په کابل کې د يوناما دفتر د اداري برخې له مسوول سره وکتل.
په کتنه کې په بېلابېلو برخوکې د اطلاعاتو او فرهنګ وزارت او په کابل کې د يوناما ادارې ترمنځ د همکاريو په اړوند خبرې وشوې.
پوهاند باوري په کابل کې له يوناما ادارې سره د اطلاعاتو او فرهنګ وزارت پر همکارۍ ټينګار وکړ.
پاى \ ج \ ذ

 

کابل/ د سلواغې۳۰ مه/ باختر
د افغانستان او ايران اتم ګډ نندارتون نن په کابل کې جوړ شو. 
د باختر آژانس خبريال د خبر له مخې؛ په دغه نندارتون کې ٤٠ ايراني او ٥٠ افغاني شرکتونو خپل توليدات او محصولات نندارې ته وړاندې کړي دي.  
په نندارتون کې خوراکي او د سينګار روغتيايي توکي، ساختماني، طبي، برېښنايي، کرنيز، صنعتي او د کور وسايل نندارې ته وړاندې شوي دي او د څلورو ورځو لپاره د سهار له ٣:٣٠ څخه د مازيګر تر ٤:٣٠ بجو پورې پرانيستى دى.
د دغه نندارتون د پرانيستلو په مراسموکې د سوداګرۍ او صنعت وزارت معين عبدالکريم ملکيار وويل چې د سوداګرۍ او صنايعو په برخه کې د نويو قوانينو په چمتو کولو سره کورنيو او بهرنيو سوداګرو ته زياتې اسانتياوې برابرې کړې دي.
د افغانستان د سوداګرۍ او پانګونې د خونو مرستيال محمد يونس مومند وويل: په ١٣٩٨ کال کې ايران ته د افغانستان صادرات ٢٤ ميليونه ډالره او له ايران څخه افغانستان ته واردات څه دپاسه يو ميلياردو ډالرو ته رسېدلى دى.
پاى \ ذ 


 

Page 3 of 507