21 July 2019

RSS Facebook

سوداگریز


تازه خبرونه

په پکتيا کې چاودنې دوه سيمه ييز پوليسان ټپيان کړل

ګرديز\باختر\د چنګاښ ٣٠ مه څو شېبې وړاندې د پکتيا د مرکز...

د فوټبال  د نړيوال جام مقدماتي پړاو پچه اچونه وشوه

د فوټبال د نړيوال جام مقدماتي پړاو پچه اچونه وشوه

کابل / باختر/ دچنګاښ٣٠مه د هېواد د فوټبال ملي ټيم د...

په هلمند کې ١٤وسله وال طالبان ووژل شول

په هلمند کې ١٤وسله وال طالبان ووژل شول

کابل / باختر/ دچنګاښ٣٠مه په هلمند کې ١٤ وسله وال...

Youtube Player

khantry design

سوداگریز

سوداگریز

فرهنگی

کابل/باختر/ د چنګاښ ۸ مه
د ټوليزو رسنيو او اطلاعاتو ته د لاسرسى د قوانينو د پوهاوي په موخه نن په تخار کې  سمينار جوړ شو.
د تخار د اطلاعاتو او فرهنګ رييس فاروق الله عظيمي د باختر آژانس خبريال ته وويل: په هغه سمينارکې چې د اطلاعاتو او فرهنګ رياست په نوښت او د خبريالانو په ګډون په دغه ولايت کې جوړ شو، ټوليزو رسنيو د قانون او اطلاعاتو ته د لاسرسى قانون په باب معلومات ورکړل شول.
  ختم_ ج _ اکرم

کابل باختر دچنګاښ اتمه :
دافغانستان دخزانو داثارو له نندارې  څخه په وروستيو  دوو کلونوکې په چين کې  يو نيم مليارد ، امريکايي ډالره   ددولت دخزانې  حساب ته عايد وارد کړى دى .
دملي موزيم رييس محمد فهيم  رحيمي دباختراژانس افتخاري خبريالې  يلدا احمدي ته وويل چې دافغانستان دخزانواثار د هېواد له پنځو لرغونو ساحو څخه ترلاسه شوي دي او په ټوليزه توګه  ٢٣١اقلام  پکې شامل دي .
  هغه زياته کړه چې دغه اثار په وروستيو دوو کلونو کې دچين په نندارتونوکې  نندارې ته وړاندې شوه او په دې  موده کې  يونيم مليارده امريکايي  ډالره دافغانستان  ددولت حساب ته عايد وارد شوى دى .
هغه زياته کړه چې دافغانستان دخزانو داثارو يوه برخه دفلول غونډى  له لرغونې ساحې څخه ترلاسه شوې ده چې په برونز دورې پورې اړه لري اوڅلور  زره شپږ سوه کاله تاريخي لرغونتيا لري .                                                                  دغه راز  داثارو بله برخه  په اى خانم پورې اړه لري ، اى خانم په تخارولايت  کې لرغونې ښارګوټى  دى اوله دغه ساحې  څخه ترلاشه شوي اثار دباختري يونان دفرهنګ څرګندوى دى .
دملي موزيم  رييس څرګنده کړه چې دافغانستان دخزانو يوشمير نور اثار دطلاتېپې لرغونې ساحې څخه چې دجوزجان ولايت دمرکز شبرغان ښار په  ٣٠ کيلومترى واټن کې موقعيت لري ترلاسه شوي دي چې په دغو اثارو  کې دسروزرو ګاڼې او لوښې شامل دي .
  په همدې ترتيب د اثارو يوه بله  برخه په  دويمې ميلادي پېړى  پورې اړه پيداکوي چې د پروان دبګرام  له لرغونې ساحې څخه  او يو اثار هم د بلخ دزرګرانو غونډى  له لرغونې ساحې څخه  ترلاسه شوي دي .
رحيمي وويل  چې دلومړى ځل  لپاره دافغانستان دخزانو اثار په  ٢٠٠٧ ميلادي کال  کې په فرانسه کې  نندارې ته وړاندې شو او وروسته دايټاليا ، هالند ، المان ، دامريکا دمتحده ايالاتو ، کاناډا ، ناروې ، سويس ، انګلستان ، جاپان ، کوريا او چين په هېوادونو کې نندارې ته وړاندې شو او په ټوليزه توګه ٢٥٠ مليونه  افغانۍ له دغو نندارتونونو څخه عايد دهېواد خزانې ته وارد شول ،. دملي موزيم رييس وويل چې اوس دافغانستان دخزانو اثار دچين ګهوا پوهنتون  په هنري موزيم کې دي او دامريکا متحده ايالاتو هم په هغه هېواد کې نندارې ته ددغو اثارو دوړاندې کولوپه خاطر ليوالتيا ښودلې ده .
محمد فهيم  رحيمي  څرګنده کړه چې ملي موزيم دافغانستان له فرهنګ او تاريخ سره دنړۍ دخلکو د زياتې بلدتيا او داثارو دورپېژندنې  په خاطر نړيوال  نندارتون جوړ کړى دى .
  ختم_ عطاالله _ اکرم

کابل/باختر/ د چنګاښ ۶ مه
د (نوي مديريت) روزنيز پروګرام چې د هېواد د ولايتونو د اطلاعاتو او فرهنګ رياستونو اداري مديرانو ته جوړ شوى و؛ پرون پاى ته روسېد.
د باختر آژانس د خبر له مخې: دغه پروګرام د اطلاعاتو او فرهنګ وزارت د کاري بهير د ښه والي، د باکيفيته خدمتونو د وړاندې کولو، د سالمې او حساب ورکوونکي ادارې د جوړولو او د همغږۍ سيستم د پياوړتيا په موخه جوړ کړى و او پنځه ورځې يې دوام وکړ.
د اطلاعاتو او فرهنګ وزارت سرپرستې حسينې ساپۍ د دې روزنيزې دورې د پاى  په مراسموکې خبرې وکړې او د کارکوونکو د ظرفيتونو د لوړولو او د ادارې د کار په ښه والي کې يې د روزنيزو پروګرامونو ترسره کول ارزښتناک وبلل.
دغه راز د اطلاعاتو او فرهنګ وزارت سرپرستې هيله وکړه چې د دې روزنيزې دورې برخه وال د دې دورې له زده کړو څخه ګټوره استفاده کړې وي او له دې وروسته د هغوى په کاري برخو کې مثبت بدلونونه رامنځته شي.
هغې د اړوندو کارکوونکو د مسلکي پوهې لوړولو ته پاملرنه، د اطلاعاتو او فرهنګ وزارت له لومړيتوبونو څخه وبلله او د ادارې په چارو کې يې پر شفافيت او حساب ورکولو ټينګار وکړ.
د دغې روزنيزې دورې يو تن برخه وال د نورو په استازيتوب خبرې وکړې او د دغه پروګرام د جوړولو په خاطر يې د اطلاعاتو او فرهنګ وزارت د مشرتابه له پاملرنې مننه وکړه.
هغه د اطلاعاتو او فرهنګ وزارت ولايتي ادارو ته د دغه وزارت د زياتې پاملرنې  غوښتنه وکړه او ويې ويل: هغه څه يې چې زده کړي دي؛ په کاري برخه کې به يې مثبت بدلونونه رامنځته کړي.
د مراسمو په پاى کې د روزنيزې دورې مسوولينو پر برخه والو تصديق ليکونه ووېشل.
ختم- شکريه –اکرم

کابل/باختر/ د چنګاښ ۶ مه
د پروان د سیاه ګرد ولسوالۍ په قول لچ کې د افغان ځواکونو او وسله والو طالبانو ترمنځ نښته کې دوه وسله وال طالبان ووژل شول او درې نور يې ټپيان شول.
د ۲۰۱ سېلاب قول اردو ویاند محمد هارون یوسفزي باختر آژانس ته وویل چې په نښته کې دوه وسله وال طالبان وژل شوي او درې نور یې ټپیان شوي دي.
پای/وصال

 

Page 4 of 456