09 July 2020

RSS Facebook

سوداگریز


تازه خبرونه

د ننګرهار پخوانی والي سلیم خان کندزی په حق ورسېد

د ننګرهار پخوانی والي سلیم خان کندزی په حق ورسېد

کابل / د چنګاښ ۱۹مه / باختر د ننګرهار پخوانی والي...

رابعه ستانکزۍ د لوګر ولایت مرستیاله وټاکل شوه

رابعه ستانکزۍ د لوګر ولایت مرستیاله وټاکل شوه

کابل/ د چنګاښ ۱۹مه / باختر د سیمه ییزو ارګانونو د...

د کرونا ویروس خپرېدا کمه شوېده

د کرونا ویروس خپرېدا کمه شوېده

کابل / د چنګاښ ۱۹ مه / باختر د تېرو ۴۵...

Youtube Player

khantry design

سوداگریز

سوداگریز

فرهنگی

کابل/ د چنګاښ ۳ مه / باختر
په دغو وروستیو کې د ټولیزو رسنیو په قانون کې د بدلونونو په اړه وړاندې شوې نوې طرحې د رسنیو او همدارنګه نورو جوړښتونو توند غبرګون پارولی دی. یو شمېر بهرنیانوهم غبرګون ښودلی دی. پرون د کابینې په غونډه کې پر دې موضوع بحث وشو او پرېکړه وشوه چې پارلمان ته استول شوې طرحه بېرته وغوښتل شي او له سره پرې کار وشي.
د باختر آژانس مفسر دا موضوع څېړلې ده او لیکي:
د بیان او مطبوعاتو آزادي د  افغانستان په اساسي قانون کې تضمین شوېده. افغانستان نولس کاله وړاندې د نړیوالې ټولنې په مالي، سیاسي، پوځي او ديپلوماتیک ملاتړ د لېبرالې ولسواکۍ پراصولو د ولاړنظام د جوړولو بهیر پيل کړ. د بیان او مطبوعاتو آزادي د ولسواک نظام او په تېره بیا د  لېبرالې ولسواکۍ د اصولو او ارزښتونو پر بنسټ د ولاړ نظام د ملا تیر بلل کېږي. د بیان او مطبوعاتو له آزادۍ پرته د ولسواکۍ په اړه، د بشري حقونو په اړه خبرې کول یوازې شعاري بڼه لرلی شی او بس. که هر هېواد او هر دولت غواړي چې په رښتینې توګه ولسواکي تطبیق کړي، نو باید د بیان او مطبوعاتو آزادي د خپلې تګلارې مشال کړي او دغه ارزښت ته خپله کلکه ژمنتیا په عمل کې ثابته کړي.
لکه پورته چې وویل شول د بیان او مطبوعاتو آزادي د هېواد په اساسي قانون کې تضمین شوېده او د ټولیزو رسنیو په قانون کې راغبرګه شوېده. د افغانستان رسنیو په تېرو نولسو کلونو کې د پام وړپرمختګ کړی دی. نن ګڼې خصوصي رسنۍ په هېواد کې فعالیت کوي او خلکو ته معلومات رسوي. ټول دا خبره مني او پرې ویاړي چې په تېرو دوولسیزو کې رسنیو په افغانستان کې بې ساری پرمختګ کړی دی. افغانستان په دې برخه کې تر خپلو ګاونډیو ډېر مخکې دی. د سیمې له یو شمېر نورو هېوادونوهم مخکې دی.
همدارنګه اطلاعاتو ته د لاسرسي قانون هم په نړیواله کچه بې جوړې قانون  منل شوی دی. منو چې په تطبیق کې یې ستونزې شته، خو د قانون په اړه کومه پوښتنه او ستونزه نشته. زموږ د ټولیزو رسنیو قانون هم یو له ښو او ولسواکو قوانینو شمېرل کېږي. خو موږ باید دا خبره هم ومنو چې قانون باید د ټولنې د ودې او پرمختګ د هر پړاو غوښتنو ته ځواب وویلی شي، له دې امله په قوانینو کې د بدلونونو راوستل یوه عادي او طبیعي خبره ده، مهمه دا ده چې دغه بدلونونه باید مثبتې خوا ته روان وي، موخه یې پرمختګ وي، نه شاتګ.
یوه بله ستونزه چې په دغو وروستیو کې یې زموږ ټولنه نیولې ده، دا ده چې له بده مرغه ځیني تل د ماجراوو جوړولو کوښښ کوي. په داسې حال کې چې موږ د ټولو مسایلو په اړه د بحث لپاره سړې سینې ته اړتیا لرو. له مسایلو سره احساساتي چلند ستونزه نه شي حل کولای، برعکس ستونزې لاپسې پېچلې کوي.
که څوک ادعا وکړي چې موږ د رسنیو د آزاد فعالیت په برخه کې هېڅ ستونزه نه لرو او نه مو قانون کومه نیمګړتیا لري، نو دا به پر واقعیتونو له خاورو اړولو پرته نور څه نه وي، موږ ستونزې لرو او د ټولیزو رسنیو قانون هم د نورو ګڼو قوانینو په څېر بدلون ته اړتیا لري، خو دا بدلون باید د  سلامشورو او اجماع له لارې رامنځ ته شي. د کابینې پرونۍ پرېکړه د همدې اړتیا له مخې شوېده. هیله مو داده چې د ټولیزو رسنیو په قانون کې د بدلونونو وړاندې شوه طرحه په هراړخیزه توګه وڅېړل شي او د اوسنی پړاو او همدارنګه خلکو له غوښتنو سره سم په قانون کې اړین بدلونونه رامنځ ته شي.
پاى- ن- ش. 

کابل/  د چنګاښ ۲ مه / باختر
د هېواد د تکړه خبریال نوید عظیمي پر مړینې د اطلاعاتو او فرهنګ وزارت مشرتابه د خواشینۍ پیغام
په خواشینۍ مو خبر ترلاسه کړ چې د ملي راډیو ټلویزیون تکړه خبریال نوید عظیمي د ورپېښې ناروغۍ له امله له نړۍ سترګې پټې کړې.
ارواښاد نوید عظیمي د خبریالۍ له مسوولیته ډکه دنده په باختر اطلاعاتي آژانس کې پيل کړه او بیا یې په ملي راډیو ټلویزیون کې خپل مسلکي کار ته دوام ورکړ. له خپل مسلک او دندې سره یې مینه لرله او خلکو ته د دقیقو معلوماتو په وخت رسول یې خپل ستر مسوولیت باله.
د اطلاعاتو او فرهنګ وزارت رهبري د نوید عظیمي مړینه ضایعه بولي، ارواښاد ته د فردوس جنت، د ده کورنۍ، خپلوانو، په ملي راډیو ټلویزیون او باختر اطلاعاتي آژانس کې د ده همکارانو او همدارنګه د هېواد د رسنیو کورنۍ ټولو غړیو ته د زغم او صبر هیله کوي.
پاى / ن.ش

-کابل / د چنګاښ لومړۍ/ باختر
د اطلاعاتو او فرهنګ وزارت سرپرست او نوماند وزیر محمد طاهر زهیر نن د عامه کتابتون ریاست وکوت او د هغې ادارې ستونزې یې واورېدې.
د باختر آژانس خبریال د خبر له مخې، په دې کتنه کې لومړی د عامه کتابتون رییس حمیدالله شهراني د کتابتون د هرې برخې په اړه د اطلاعاتو او فرهنګ وزارت سرپرست ته معلومات ورکړل.
د اطلاعاتو اوفرهنګ وزارت سرپرست د هېواد د پېژندل شوي شاعر او عارف ارواښاد حیدري وجودي د کار میز هم ولید او د هغه مړینه یې په عامه کتابتون کې یوه ستره تشه وبلله.
شهراني د عامه کتابتون ستونزې لکه د کتابونو لپاره د مناسبو تالارونو اواداري دفترونو نشتوالی او د بودجې کمښت او همدارنګه د عامه کتابتون د مجتمع پیشنهادي طرحه چې په هغې کې د عامه کتابتون ټول معیارونه په پام کې نیول شوي دي او دغه راز نور وړاندیزونه د اطلاعاتو او فرهنګ وزارت له سرپرست سره شریک کړل.
د وزارت سرپرست د ستونزو په حل کې د همکارۍ ژمنه وکړه او همدارنګه ټینګار یې وکړچې هغه ریاست دې د عامه کتابتون د مجتمع پیشنهادي طرحه تر لسو ورځو پورې بشپړه کړي او د نورو اجرااتو لپاره دې د وزارت مقام ته وسپاري. ن ش

 کابل / دغبرګولې ٢٨مه / باختر :
دباختراژانس سابقه لرونکې او متقاعد کارکوونکې  پروين رفيقي پرون دهغې ناروغى له امله چې ورپېښه شوې وه ، د ٥٨ کلنى په عمر په کابل کې په حق ورسېده .
پروين رفيقي نږدې څلويښت کاله  دازادي په مطبعه او باختراژانس کې کاروکړ پروين رفيقي  رښتينې ، هڅانده او مهربانه کارکوونکې وه او په صداقت يې خدمت وکړ او دخپلو همکارانو ترمنځ  له محبوبيت او ځانګړي درناوى څخه برخمنه وه .
داطلاعاتواوفرهنګ وزارت اودباختراژانس درياست مشرتابه دپروين رفيقي دمړينې په خاطر دخپلې خواخوږى او غمشريکي مراتب  دارواښادې کورنى او خپلوانو ته  څرګندوي . او دالله ( ج ) له دربار څخه  هغې ته دفردوس جنت اوپاتې کسانو ته يې دجميل صبر هيله کوي .
ختم_ ج _ اکرم

Page 4 of 525