10 December 2018

RSS Facebook

سوداگریز


تازه خبرونه

په جوزجان کې يوشمېر سرتيري د خپلو معاشونو دنه ترلاسه کولو له امله سر ټکوي

په جوزجان کې يوشمېر سرتيري د خپلو معاشونو دنه ترلاسه کولو له امله سر ټکوي

کابل \ باختردليندۍ دمياشتې١٩نيټه : په جوزجان کې يوشمېر...

 اته تنه پوځيانو په فارياب کې شهيدان شول

اته تنه پوځيانو په فارياب کې شهيدان شول

کابل \ باختردليندۍ دمياشتې١٩نيټه اته تنه پوځيانو تېره شپه...

د نشه يي توکو د توليد درې کارخانې ويجاړې شوې

د نشه يي توکو د توليد درې کارخانې ويجاړې شوې

کابل \ باختردليندۍ دمياشتې١٩نيټه : د نشه يي توکو د...

Youtube Player

khantry design

سوداگریز

سوداگریز

فرهنگی

کابل \باختر/ د ليندۍ دمياشتې٥مه      
د ښځو پرخلاف د تاوتريخوالي د له منځه وړلو د نړيوالې ورځې په مناسبت د اطلاعاتو او فرهنګ وزارت پيغام
دليندۍ دمياشتې څلورمه دښځو پرخلاف دتاوتريخوالې دله منځه وړلو له نړيوالې ورځې سره  برابره ده .
د ښځو اوماشومانو د ځورونې اوکړونې دبندولو دقانون پربنسټ، داطلاعاتو اوفرهنګ وزارت په دولتي او خصوصي، تصويري، صوتي او چاپي رسنيو اوپه ټولنيزو شبکو کې د ښځو او ماشومانو دځورونې او ربړونې په مخنيوي پورې د اړوندو موضوعګانو په تنظيم او خپرولو، د دولتي اوخصوصي رسنيو له لارې د ښځو او ماشومانو د ځورونې او ربړونې په مخنيوي پورې د اړوندو مطالبو د خپرولو او دغه راز د ټوليزو دولتي او خصوصي رسنيو له لارې د ښځو او ماشومانو د ځورونې او ربړونې د رواجوونکو پروګرامونو له خپرولو د مخنيوي لپاره د وزارتونو، دولتي ادارو او حقيقي او حکمې اشخاصو لپاره د آسانتياوو په برابرولو مکلف دى او د ښځو پرخلاف د تاوتريخوالي د بندولو د قانون پربنسټ د اطلاعاتو او فرهنګ وزارت د تاوتريخوالي د مخنيوي په مقصد د تاوتريخوالي د عواملو او له هغه څخه د رامنځته شويوعواقبو په باب د راډيويي او ټلويزيوني  پروګرامونو د تنظيم او خپرولو په ګډون د قايوي تدبيرونو په نيولو او په ورځپاڼو، اخبارو او جريدو کې د اړوندو مطالبو د خپرولو او تر اغيزې لاندې رسنيو له لارې د تاوتريخوالي په بندولو پورې د اړوندو مطالبو د خپرولو  او د ټوليزو رسنيو له لارې د تاوتريخوالي د رواجوونکو پروګرامونو د خپرولو د مخنيوي لپاره  د وزارتونو او دولتي ادارو او د نورو حقيقي يا حکمي اشخاصو لپاره د زمينې په برابرولو مکلف دى.
دغه راز د تبعيض د بندولو د مقررې له مخې، د وزارتونو داخلي کمېټه د وزارت د مقام د دفتر د رئيس په مشرۍ د بشري منابعو او د جندر د آمريت له استازو او د داخلي پلټنې له آمريت څخه له دوو تنو استازو څخه متشکله ده . د دغې کمېټې واک د اړوندو ادارو د کارکوونکو د لومړنيو شکايتونو څېړنه او د دغې مقررې د تطبيق لپاره د اجرايي کړنلارې تدوين دى او د ښځو پرخلاف د تاوتريخوالي د بندولو دعالي کميسيون د فعاليت د څرنګوالي دلايحې له مخې، د اطلاعاتو او فرهنګ وزارت په اړوندو رسنيوکې د ښځو پرخلاف د تاوتريخوالي د بندولو د فرهنګ د بندولو، د ټلويزيوني او راډيويي، اخبارو، جريدو او د هغو ورځپاڼو د پروګرامونو دثبت  د مخنيوي په مقصد د لازمو تدبيرونو د نيولو چې د ښځو پرخلاف د تاوتريخوالي د مواردو په خپرولو لاس پورې کوي، واکمنو مراجعو ته د اشخاصو او په رسنيو پورې د اړوندو مسوولينو په معرفي کولو چې له قانوني جواز پرته د تاوتريخوالي  د مواردو په خپرولو اقدام کوي، د تاوتريخوالي د مواردو د څيړنې په مقصد د شکايتونو د خاص صندوق د جوړولو، د جندر د مسوولې، د بشري منابعو د رئيس او د دفتر د رئيس په ګډون د وزارت د يوه معين تر نظرلاندې د ښځو پرخلاف د تاوتريخوالي د قضيو د څيړنې د خاصې کمېټې د جوړولو، په منظم ډول کميسيون ته د خپلو اجرااتو د رپوټ د وړاندې کولو او د اړتيا په وخت کې د کميسيون په  تشخيص د نورو دندو د ترسره کولو په مقصد د ټوليزو رسنيو د مسوولينو د همکارۍ په جلبولو مکف دى .
د ښځو پرخلاف د تاوتريخوالي د له منځه وړلو ورځ د ملګروملتو د سازمان له خوا په ١٩٩٩ميلادي کال کې تصويب شوه او دغه ورځ  د نړۍ په زياترو هېوادونوکې په رسمي ډول نمانځل کيږي. په نړۍ کې  دغه ورځ په داسې حال کې نمانځل کيږي چې ښځو په اقتصادي، فرهنګي او سياسي برخو کې سترې لاسته راوړنې ترلاسه کړې دي، خو د افغانستان په جګړه ځپلي هېواد کې چې ډول ډول تريخوالى زموږ د ښځو او نجونو اوږې ځوروي، دې ته اړتيا ده چې د تاوتريخوالي د ډولونو او د هغه د عواملو او انګيزو د بيانولو او تشريح کولو په خاطر مفصلې خبرې وشي. له ښځو سره د يو ملاتړيز سيستم  جوړول، د ښځو پرخلاف د تاوتريخوالي د کمښت د فرهنګ رواجول او د هېواد په مرکز اوولايتونوکې د ښځو لپاره د ملاتړيزو قوانينو تشريح او بيانول هغه بله مسئله ده چې بايد ورته پاملرنه وشي. دغو مسئلو ته پاملرنه د دې فرصت برابروي چې ښځې په اقتصادي او ټولنيزو ځواکمنيو لاسرسى پيدا کړي او په خپله هم په داسې کارونو لاس پورې کړي چې نړۍ د هغو د له منځه وړلو لپاره کلونه کلونه مخکې هڅې پيل کړې دي . 
د اطلاعاتو اوفرهنګ وزارت د ښځو پرخلاف د تاوتريخوالي د فرهنګ د مخنيوي په مقصد  د ښځو پرخلاف د تاوتريخوالي د له منځه وړلو په ١٦ ورځني کمپاين کې  پراخه ونډه اخېستې ده او په دې موده کې به د فلمونو د ښودلو، دتياتر د نمايشاتو، د تاريخي، انځورګرۍ او د ښځو د لاسي صنايعو د آثارو د نندارتونونو د جوړولو، د ملي آرشيف له آثارو څخه د ښځو لپاره د ځانګړي نندارتون د جوړولو، د مشاعرې د پروګرام د جوړولو او د ښځو لپاره د روزنيزو ورکشاپونو د جوړولوپه ګډون ډول ډول پروګرامونه جوړ کړي او دغه راز دباختر آژانس او د دولتي ورځپاڼو رياستونه به د ښځو پرخلاف د تاوتريخوالي د له منځه وړلو په مناسبت ځانګړې مقالې او مطالب خپاره کړي.
له همدې امله د اطلاعاتو او فرهنګ وزارت له ټولو چاپي، صوتي او تصويري  رسنيو څخه غوښتنه کوي چې دغه موضوع په پام کې ونيسي او د ښځو پرخلاف د تاوتريخوالي د کمښت د فرهنګ په رواجولو پورې په اړوندو خپرونوکې تمرکز وکړي.
پاى \ ف \ ذ

کابل/ باختر/ د ليندۍ دمياشتې ٤مه
د اطلاعاتو او فرهنګ وزارت د رسنيو د چارو سلاکار او وياند محمد صابر مومند نن په يوه خبري غونډه کې څرګنده کړه چې د افغانستان د اسلامي جمهوريت د جمهور رييس محمد اشرف غني له فرمان سره سم په اطلاعاتو د لاسرسي د کميسيون پنځه تنه غړي وټاکل شول.
دباختر آژانس د خبريال  د خبرله مخې:
په دې غونده کې محمد صابر مومند وويل: په اطلاعاتو د لاسرسي د قانون د ٢٠مې مادې له مخې چې د تقنيني فرمان پر بنسټ نافذ شوى دى، د اطلاعاتو او فرهنګ وزارت د سرپرستې په مشرۍ په اطلاعاتو د لاسرسي د کميسيون د غړو د غوراوي په مقصد يوه کمېته جوړه شوه.
ده زياته کړه چې په دې کمېټه کې د سترې محکمې، د ولسي جرګې، د ديني، فرهنګي، پوهنې او د لوړو زده کړو د چارو د کميسيون، د افغانستان د بشر د حقوقو د کميسيون، د رسانه يي صنفي بنسټونو، د مدنې ټولنې د بنسټونو او د افغانستان د مدافعو وکيلانو د خپلواک انجمن استازو غړيتوب درلود.
د اطلاعاتو او فرهنګ وزارت وياند زياته کړه: په اطلاعاتو د لاسرسي د کميسيون د غړو د غوراوي کمېټې د پړاوونو او د کاري بهيرونوله تېرولو وروسته چې د دې کمېټې په کړنلاره کې تصويب شوي و، د درېيو مياشتو په موده کې په لسو کاري غونډوکې له  ١١٧ تنو غوښتوونکو څخه په اطلاعاتو د لاسرسي په کميسيون کې د غړيتوب لپاره په شرايطو د پنځلسو تنو برابرو کسانو فهرست د جمهوري رياست مقام ته پيشنهاد کړ.
ده څرګنده کړه چې د هېواد جمهور رييس په خپل فرمان کې د غوراوي د کمېټې له خوا له وړانديز شوي فهرست څخه نجيبه مرام، عين الدين بهادري، زهرا موسوي، حمدالله ارباب او فضل الباري بريالى د درېيو کلونو لپاره په اطلاعاتو د لاسري د کميسيون د غړو په توګه ټاکلي دي.
  ختم- عطاالله _ اکرم

کابل باختر د ليندى څلورمه :
د اطلاعاتو او فرهنګ وزارت د خپرونو د چارو معين فاضل سانچارکي نن په کابل کې د چين د سينهوا د خبري آژانس له مسوول او هيئت سره په يوه غونډه کې د افغان دولتي رسنيو او د دغه خبري آژانس ترمنځ د همکارۍ د بېلابېلو اړخونو په باب غور او څيړنه وکړه .
د باختر آژانس د خبريال د خبرله مخې: په دې غونډه کې د خپرونو د چارو معين د دواړو هېوادونو ترمنځ د تاريخي او فرهنګي اړيکو په باب خبرې وکړې او ويې ويل چې دغو اړيکو په وروستيو اتلسو کلونوکې زياته پراختيا موندلې ده.
ده دغه راز وويل چې باختر آژانس اوږد تاريخ لري او کابو ٨٠ کاله مخکې د دولتي خبري آژانس په توګه رامنځته شو.
د خپرونو د چارو معين دغه راز د دغه بنسټ تخنيکي اړتياوو ته اشاره وکړه او ويې ويل چې دباختر آژانس د عکس آرشيف بايد برښنايي شي او د سينهوا خبري آژانس دې د دغه بنسټ په سمبالښت کې هڅه وکړي.
سانچارکي دغه راز وويل چې په چين او افغانستان کې د مسلکي روزنيزو دورو جوړول کولاى شي د باختر آژانس د کارکوونکو د مسلکي ظرفيت په وده کې اغيزه وکړي .
په همدې حال کې په کابل کې د سينهوا د خبري آژانس مسوول وويل: هغه څه چې پهدغو خبروکې طرحه شول، ټول د سينهوا د خبري آژانس مرکز ته ليږدول کيږي او دغه بنسټ چمتو دى چې له باختر آژانس سره مرسته وکړي .
د باختر آژانس رييس خليل مينوي د سينهوا له خبري آژانس سره د همکارۍ د تياري په څرګندولو سره هيله وکړه چې په نږدې راتلوونکي کې د دغو دوو سابقه لرونکو او سترو آژانسونو ترمنځ د همکارۍ نوې دوره پيل شي.
ټاکل شوې ده په راتلوونکي مياشت کې د سينهوا له خبري آژانس څخه يو هيئت د باختر آژانس او د سينهوا د خبري آژانس ترمنځ د همکارۍ د تفاهم ليک د لاسليک کولو په خاطر کابل ته سفر وکړي.
هيئت دغه راز د باختر آژانس بېلابېلې څانګې وکتلې .
  ختم-  ف _اکرم

کابل/ باختر / د ليندۍ دمياشتې ٤مه :
د اطلاعاتو او فرهنګ وزارت سرپرستې حسينې صافۍ نن په يوه خبري غونډه کې د ښځو پرخلاف د تاوتريخوالي د له منځه وړلو د نړيوالې ورځې په مناسبت د دغه وزارت د پروګرامونو په اړوند معلومات ورکړل.
د باختر آژانس د خبريال د خبرله مخې:
په دې غونډه کې د اطلاعاتو او فرهنګ وزارت سرپرستې د دې ترڅنګ چې د هېواد د ښځو حالت او د ښځو په وړاندې د تاوتريخوالي پرخلاف د مبارزې لارو چاروته اشاره وکړه ويې ويل چې د ښځو پرخلاف تاوتريخوالى يوه کرغېړنه  پديده ده چې د نړۍ په زياتره هېوادونوکې يې د يوه ناسم فرهنګ په توګه ځاى نيولى دى.
حسينې صافۍ د ښځو پرخلاف د تاوتريخوالي د کمښت او له هغوى سره د يو ملاتړيز سيستم د رامنځته کولو د فرهنګ په رواجولو باندې ټينګار وکړ او ويې ويل چې افغانستان د هغو هېوادونو له جملې څخه دى چې د ښځو پرخلاف زيات تاوتريخوالى د بې وزلۍ، اقتصادي ستونزو او د رواني ناروغيو زيږنده دى.
دې زياته کړه چې د ښځو پرخلاف د تاوتريخوالي د له منځه وړلو ورځ د ملګرو ملتو د سازمان له لوري په  ١٩٩٩ ميلادي کال کې تصويب شوه او دغه ورځ د نړۍ په زياتره هېوادونوکې په رسمي ډول نمانځل کيږي.
د اطلاعاتو او فرهنګ وزارت سرپرستې څرګنده کړه چې دغه وزارت د ښځو پرخلاف د تاوتريخوالي د فرهنګ د مخنيوي په مقصد د ښځو پرخلاف د تاوتريخوالي د له منځه وړلو په ١٦ ورځني کمپاين کې پراخه ونډه اخېستې  ده او په دې موده کې د فلمونو د ښودلو، د تياتر د نمايشاتو، د تاريخي او د انځورګرۍ د آثارو، د ښځو د لاسي صنايعو، د ملي آرشيف له آثارو څخه د ښځو لپاره د ځانګړي نندارتون د جوړولو، د مشاعرې د پروګرام د جوړولو او د ښځو لپاره د روزنيزو ورکشاپونو د جوړولو په ګډون د بېلابېلو پروګرامونو په جوړولو  سره کارنده ونډه اخلي او دغه راز د باختر آژانس او دولتي ورځپاڼو رياستونه به د ښځو پرخلاف د تاوتريخوالي د له منځه وړلو په مناسبت ځانګړې مقالې او مطالب خپاره کړي.
دغه راز په دې غونډه کې فريدې نېکزاد د ښځينه خبريالانو په استازيتوب او نجلا راحل د افغان ښځو د شبکې په استازيتوب په وار سره خبرې وکړې او ويې ويل چې د ښځو پرخلاف تاوتريخوالى يوه کرغېړنه پديده ده چې نه يوازې په افغانستان بلکې د نړۍ په ټولو هېوادونوکې په بېلابېلو ډولونو شتون لري.
دوى د ښځو پرخلاف د تاوتريخوالى ځينو ډولونو ته اشاره وکړه او د ښځو پرخلاف د تاوتريخوالي د له منځه وړلو او د ښځو د ځورونې د بندولو په لاره کې  د قوانينو په تطبيق باندې ټينګار وکړ.
  ختم_   سعيده _ اکرم

Page 4 of 413