24 September 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

فرهنگی

کابل _ باختر دکب دمياشتي اتمه :
دروان کال په  بهير کې په افغانستان پوري اړوند څه دپاسه زر تاريخي اثار له انګلستان څخه بيرته هيواد ته راوړل شوي دي .
  دملي موزيم  رييس عمراخان مسعودي دباختراژانس خبريال ته وويل دغه اثار چې په افغانستان  پوري اړوند يو زرو اته پنځوس تاريخي اثار پکې شامل وو د ١٣٩١ کال په بهير کې دانګلستان دبرتش  موزيم  په  همکاري دافغانستان ملي موزيم ته سپارل شوي دي چې له دې جملې څخه دوه سوه  پنځلس يې په کوشاني دورې پوري اړوندې سکې او نورې مجسمې ، استوکي او نور اثار دي .
  ده دتيرو پيښو  دزيانونو په باب چې ملي موزيم ته رسيدلي دي معلومات  ورکړل او وي ويل دملي موزيم په سلو کې اويا اثار لوټ کړاى شوى وو چې له دې جملې څخه له ٢٠٠٧ ميلادي کال  څخه تراوسه پوري نهه  زره تاريخي اثار دانګلستان ، امريکا ، دنمارک ، ناروې ، المان او سويزرلند  دهيوادونو په همکاري ملي موزيم ته  سپارل شوي دي .
دملي موزيم رييس زياته کړه چې له بده مرغه   دهيواد په ځينو نا امنو سيمو غير قانوني کېندنې کېږي چې دايو ناوړه عمل دي .
داطلاعاتو او فرهنګ وزارت  تل هلې ځلې کړي دي چې دغير قانوني کېندنو مخه ونيول شي خوبيا هم دهيواد په ځينو سيموکې په خپل سر کېندنې کېږي او اثار لوټيږي .
  مسعودي دهيواد دټولو امنيتي موظفينو دهلوځلو له امله  دقدرداني په ترڅ چې  دلرغونو ساحو دساتنې په  خاطر همکاري کړې ده وويل دغير قانوني کېندنو دمخنيوي په خاطر  دهيواد دجمهور رييس دفرمان او دکورنيو چارو وزارت په همکاري دلرغونو ساحو دساتنې لپاره يوه قطعه جوړه شوې ده او ځينې لرغونې او تاريخي ساحې  دهغو تر پوښښ لاندې دي .
ده دغه راز ددغې قطعې دتشکېل دزياتيدو غوښتنه وکړه او دهغه افراد يې دهيواد دټولو لرغونو او تاريخي سيمو دامنيت دتامينولو لپاره لږ وبلل .
دمسعودي دڅرګندونو له مخې دملي موزيم په وړاندې  يوه ستونزه دمسلکي کسان کمښت ، تشکېلاتي محدوديتونه ، داثارو دنندارې دسالون او داړتيا وړ ډيپو کمښت دي .
ملي موزيم په ١٢٩٧ هجري لمريز کال کې دغازي  شاه امان الله خان له خوا دافغانستان دسياسي  خپلواکي له ترلاسه کولو وروسته  جوړ شو او په هغه وخت کې دموزيم اثار محدود و او زياتره اثار يې دتنوګرافيک  اثار و چې دباغ بالا په  رستورانت کې راټول کړي شوي و .
زياتره  اثار يې لاسي صنايع ، دخامک ګنډلو ، ستنې ګنډلو ، خطي نسخې  ، تاريخي سندونه  او حربي  وسايل و .
په همدې ډول لومړۍ پروتوکول  په  ١٩٢٢ کال کې دافغانستان او فرانسې ددولتونو ترمنځ لاسليک  شو چې دهغه له مخې ددغه هيواد دلرغونپوهنې ماهرانو اجاز ه ترلاسه کړه چې دافغانستان بيلابيلې ساحې سروي کړي او له يوکال وروسته دکېندنو په کار پيل وکړ او هغه اثار چې ترلاسه کېدل دملي موزيم ادارې ته سپارل کېدل .
دهرکال په تيريدو سره دافغانستان ملي موزيم بډاى اولا ښې بډاى  شو  او اوس په سيمه کې  له بډايو موزيمونو څخه  بلل کېږي  او په ملي موزيم کې څه دپاسه پنځوس زره ټوټي اثار  وو چې د ډبرو ، برونزو ، له کوشانيانو مخکې ، دکوشاني  او اسلامي دورو پوري مربوطيږي .
 

کابل\  باختردکب  دمياشتې  ٧ :
دشمال د خبريالانو ټولنې په ننګرهار ولايت کې دشپږو تنو خبريالانو وهل ډبول په کلکه وغندل.
ددغې ټولنې مسوول عبدالقيوم بابک په يوه غونډه کې چې په بلخ  ولايت کې  جوړه شوې وه باختراژانس ته وويل ، موږ دافغانستان په ټولو ولايتونو کې دخبريالانو پرخلاف هر راز غيرقانوني او ناوړه چلند غندو.
ده زياته کړه، له  خبريالانو سره دپوليسو دغه عمل غيرقانوني دى او دخبريالانو 
دحقوقو ددفاع له مرکزونو  څخه يې وغوښتل چې په دې  باب پاملرنه وکړي.
د ده دڅرگندونوله مخې،  په روان کال کې دخبريالانو پرخلاف  دوهلو ډبولو ، ګواښ، دمعلوماتو او عکسونو دترلاسه کولو دمخنيوي په ګډون اته مورده تاوتريخوالي په دې ټولنه کې ثبت شوى دى.
ده زياته کړه په فارياب ، سرپل  اوتخار ولايتونو کې هم دخبريالانو پرخلاف دتاوتريخوالي  څو مورده موجود دي.
 

کابل\  باختردکب  دمياشتې  ٧ :
داطلاعاتو اوفرهنګ وزير ډاکتر سيدمخدوم رهين له خبريالانو سره دننګرهار ولايت دامنيتي   ځواکونو ناوړه چلند په کلکه وغانده.
داطلاعاتو اوفرهنګ وزير چې په دې باب يې دباختراژانس له خبريال سره خبرې کولې  زياته کړه، په معلوماتو لاس بري  دخبريالانو دقانوني مکلفيتونو يوه برخه ده او بايد دغه حق ترپوښتنې لاندې ونه نيول شي .
ډاکتر رهين  دننګرهار ولايت له مقاماتو څخه  وغوښتل چې موضوغ وڅيړي  او امنيتي ځواکونو ته دې لارښوونه وکړي  چې له خبريالانوسره ناوړه چلند ونه کړي.
درارسيدلو خبرونوله مخې،  دپژواک دخبري اژانس ، داريانا ، هيواد ، شمشاد او دفرانسپرس دتلويزيونونو خبريالان هغه وخت ووهل شول او وډبول شول چې غوښتل يې په جلال اباد ښارکې دچاودنې يوه پيښه ترپوښښ لاندې ونيسي .
ډاکتر  رهين زياته کړه چې په دايکندي ولايت کې ددوو سيمه ييزو راډيو ګانو ستونزه هم څيړل شوې  ده.
 

کابل- باختر دکب دمياشتې شپږمه :
داطلاعاتو او فرهنګ وزارت يو سابقه لرونکى مامور  ژباړونکى، ليکوال ، شاعر او قومي مخور سيف الرحمن آشنا د هغې ناروغى له امله چې ورپيښه شوې وه؛ وفات شو .
ارواښاد سيف الرحمن  آشناپه ١٣١٩ هجري لمريز کال کې دکونړ ولايت د شيګل ولسوالۍ په شين کوړک کلي کې وزيږيد او په دغه ولايت کې يې په زده کړو پيل وکړ او له فراغت وروسته، دکورنيو چارو وزارت په مربوطاتوکې په بېلابېلو برخو کې په اداري کار پيل وکړ .
وروسته يې د پوهنې، فوايد عامې او د اطلاعاتو او فرهنګ  په وزارتونوکې رسمي ماموريت ته دوام ورکړ او د ده دکار زياته موده په باختر آژانس کې وه.
سره له دې چې ارواښاد آشنا د تقاعد د قانوني مودې په بشپړولوسره په ١٣٨٠ کال کې تقاعد شو، خو د پوهنې وزارت د تاليف او ترجمې په رياست کې يې خپل کار ته دوام ورکړ .
ارواښاد سيف الرحمن آشنا په پښتو او دري ژبو شعرونه ويل او څو ادبي آثار يې په پښتو ژباړلي دي .
دى د هغې ناروغى له امله چې ورپيښه شوې وه؛ نن وفات شو او جنازه يې سبا دکونړ ولايت د شيګل ولسوالۍ په شين کوړک کلي کې د دوى په پلرني اديره کې خاوروته سپارل کيږي .
د اطلاعاتو او فرهنګ وزير ډاکتر سيد مخدوم رهين او د باختر آژانس د مشرتابه هيئت او کارکوونکي د ارواښاد سيف الرحمن آشنا د مړينې له امله د ارواښاد  کورنۍ او د هيواد د مطبوعاتوکارکوونکو او فرهنګيانو ته د ډاډ ګيرنې مراتب څرګندوي او د لوى خداى ( ج ) له دربار څخه ده ته د فردوس جنت هيله کوي .