19 September 2018

RSS Facebook

سوداگریز


تازه خبرونه

يو انس سره زر په ۱۱۵۵ډالرو وړاندې کيږي

کابل\باختر\ د وږي د مياشتې۲۶ په نړيوالو بازارونوکې نن يو انس...

Youtube Player

khantry design

سوداگریز

سوداگریز

فرهنگی

کابل\  باختردسلواغې دمياشتې  ٢٥ :
دراډيو دنړيوالې  ورځې په مناسبت  دافغانستان داسلامي جمهوريت  د جمهوررييس حامدکرزي پيغام
دراډيو اختراع  اوفعاليدو په نړۍ کې  داطلاعاتو په سريع انتقال اوتبادله کې يو ستر انقلاب راوست  دجمعي مفاهمې دوسايلو په کورنۍ کې دراډيو په زياتون سره دانساني ټولنې  ټولې هغه کورنۍ چې يې دې وسيلې ته لاس رسي درلود دخپلو هيوادونو او نړۍ له احوالو په خپل کورکې خبررسول  داخبارونو اونورو چاپي  رسنيو څخه ددې وسيلې امتيازدا دى چې دجوامعو ټول وګړي يې که سواد لري  اويا له سواده محروم دي  له خدماتو يو ډول استفاده کوي.
  زموږ په هيواد کې په لومړنۍ اوبيا په اساسي ډول دراډيو  خپرونې دشلمې پيړۍ په  لومړني نيمايي کې پيل شوې او دتيري شلمې پيړۍ  داويايموکلونو تر وروستيو پورې زموږ په هيواد کې راډيو  يوازينۍ  وسيله وه چې دخپلو  خبري  ، تفريحي ، هنري  ، ادبي  ، اجتماعي  او نورو رنګارنګ خپرونو له لارې  يې دخپلو هيوادوالو په  باخبره ساتلو  ددوى په روزلو  او دوى ته دتفريح دوسايلو په برابرولو  کې خپله ونډه په ښه ډول سرته و رسوله .
په هيواد کې دتلويزيوني خپرونو له پيل اوبيا په وروستيولسو کلونو کې دتلويزيوني خپرونو له ډيريدو اوپراخديو سره سره راډيو  خپل اهميت ساتلى دى او دافغانستان زياتره  خلک اوس هم له راډيو څخه استفاده کوي  اوس دراډيو افغانستان ترڅنګ دهيواد په مرکز او ولاياتو کې په لسگونو دراډيويي خپرونو مراکزو په خپرونو پيل کړي دي چې هره راډيو خپل اوريدونکي  لري اوله راډيويي خپرونو سره دخلکو دعلاقې ښکارندوي   کوي.
زه نن دراډيو دنړيوالې ورځې دنمانځنې له دې غونډې دراډيويي مراکزو
له خپرونکو اوچلوونکيو څخه غواړم  چې خپلو مسلکي مسووليتونه ته پاملرنه، دسالمو اطلاعاتو په رسولو کې خپله مسلکي وجيبه  په ښه توګه ادا کاندي  دتعليم  دعامولو  اجتماعي خير _ ښيگنو  ملي وحدت اوله ملي منافعو څخه ددفاع تبليغ وکړي.
دافغانستان دراډيويي مراکزو ټولو کارکوونکيو ته دراډيو دنړيوالې ورځې مبارکي وايم او دلوى  څښتن له درباره يې دبري هيله کوم .
 

کابل\  باختردسلواغې دمياشتې  ٢٥ :
دهرات ولايت په رباط سنګي ولسوالۍ کې اويا پروژې ګټې اخيستنې ته  وسپارل شوې.
دغه پروژې د ٨٧  ميلونو او ١٢٠ زرو افغانيو په لګښت دکشک رباط سنګي
په ولسوالۍ کې بشپړې شوي دي چې اووه زره  اووه سوه نهه اويا کورنيو ته په مستقيم ډول اسانتياوي برابرې شوي دي.
دهرات ولايت دکليو دبيا جوړولو اوپراختيا رييس اقامحمد صديقي باختراژانس ته وويل، په دغو پروژو کې شل ټولنيز مرکزونه ،داوبو رسولو ديارلس شبکې ، اووه پلګي  ، دبريښنا رسولو يوه شبکه  ، دڅښاک داوبو لس څاګانې ، په سړکونو کريړ اچول ، د استنادي  ديوالونو ګابيون کاري او جوړول ، دکانالونو اوکاريزونو پاکول اوداوبو رسولو دسيتمونو  جوړول شته چې دکليو دبيا جوړولو اوپراختيا  وزارت  له بودجې څخه دملي پيوستون دپروګرام له لارې دکشک رباط سنګي  ولسوالۍ په بيلابيلو کليو کې  بشپړې شوي دي.
دروان کال له پيل څخه تراوسه پورې  دملي پيوستون دپروګرام  له لارې ددغه ولايت  په بيلابيلو ولسواليو کې ٥٥٠ پروژې  بشپړې اوګټې اخيستنې ته سپارل شوي دي.
دا په داسې حال کې ده چې پرون دملي پيوستون  ٥٩ پروژې  دنږدې اويامليونو افغانيو په لګښت دهرات په پښتون زرغون ولسوالۍ کې ګټې اخيستنې ته وسپارل شوې .
 

کابل – باختر دسلواغى پنځه ويشتمه:
نن دسلواغې پنځه ويشتمه او دفبرورى دمياشتې ديارلسمه ،دراډيو له نړيوالې ورځې سره سمون لري او د راډيو ورځ درسنيو د ډيرې اغيزمنې برخې په توګه لمانځل کيږي.
دباختر آژانس مبصر ليکى: راډيو د ډيرې اغيزمنې رسانه يي برخې په توګه دپاملرنې وړده ،له راډيو څخه استفاده او اوريدل يې دځمکې دجغرافيا په ټولو سيمو کې امکان لري.
په داسې حال کې چې په نورو رسانه يي خپرونو لاس برى خپلې مشخصې او ځانګړې ستونزې لري.
له راډيو څخه له بلې هرې رسنى څخه زيات په خبررسولو او دعامه ذهنونو په روښانولو کې کاراخستل کيږي له دغې رسانه يي برخې څخه په آسانى سره استفادې ،راډيوته دپاملرنې په مرکز کې ځاى ورکړى دى.
راډيو په افغانستان کې هم ښه کاري سابقه لري سره له دې چې نن ورځ يو زيات شمير چاپي او تصويري رسنۍ په هيواد کې فعالې دي.
راډيو خپل اغيز منتوب دپخوا په شان ساتلى دى او دهيواد په ډيرو لرو پرتو سيمو په هغه ځاى کې چې دبريښنا او دچاپي خپرونو کومه خبره نشته ،زياتره خلک له راډيو څخه استفاده کوي په اوس وخت کې په هيواد کې څه دپاسه يوسلو اتيا راډيويي شبکې شته . زياتره دغه شبکې سيمه ييزې دي او په خصوصي او آزاد ډول خپرونې کوي.
په هيواد کې دراډيويي شبکو دفعاليت پراختيا ددې څرګندويه ده چې دافغانستان داسلامي جمهوريت دولت په اطلاعاتو او دبيان په آزادۍ دلاس برى په مقصد دخلکودحق په کله دفاع کوى په دې ترڅ کې دراډيويي خپرونو دپراختيا په ګډون د ډله ييزو اطلاعاتو دوسايلو دفعاليتونو پراختيا ددې کار څرګندويه ده چې دولت دخصوصي برخې په ملاتړ سره هلې ځلې کوي چې عامه ذهنيتونه لازيات دټولنې له واقعيتونو سره بلدتيا پيداکړي او نيمګرتياوې او ناخوالې لرى شي.
دولت ددې ترڅنګ چې په هيواد کې دخصوصي شبکو دخپرونو ملاتړ کوي دولتي راډيوي شبکې يې هم تريوې اندازې پورې له منل شويو نړيوالو معيارونو سره برابرې کړي دي او ددغو شبکو فعاليت له اساسي قانون او د ډله ييزو اطلاعاتو دوسايلو له قانون سره سم ترسره کيږي ددغو شبکو له لارې د دولت انتقاد دزغم وړ دى دغه راز دغه راډيوي شبکې دفرهنګي فعاليت دپراختيا لپاره په سرچينى بدلې شوې دي .
له بلې خوا دافغانستان دولت دبهرنيو راډيوى شبکې د آزاد او اغيزمن فعاليت ملاتړ کوي.
دبي بي سي راډيو دافغانستان خلکو ته پيژندلى نوم دى دغه راډيو له څه ناڅه پنځوسو کلونو راپه دې خوا دافغانستان په اړوند خپرونې کوي.
دغه راډيو په اوس وخت کې دهيواد په زياترو برخو کې خپرونې کوي په دې ترڅ کې نوريى بهرنى راډيوګانې هم په هيواد کې خپل رسانه يي فعاليت تعقيبوي.
دافغانستان د دولت دملاتړ ترسيورې لاندې درسنيو له کار سره ددغو شبکو فعاليت پراختيا موندلې ده.
سره له دې چې دافغانستان دولت دراډيويي شبکو د فعاليت دپراختيا په ګډون درسنيو دکار ملاتړ کوي دا دټولنې په وګړو په تيره بيا ددغه شان راډيويي شبکو په چلوونکو پورې اړه پيداکوي چې له موجودو امکاناتو او فرصتونو څخه څه ډول کار واخلي . دولت درسنيو په هدفمند فعاليت او دعامه ذهنونو په روښانولو او دفرهنګ او پوهې په ودې باندې ټينګار کوي خو له بده مرغه يوشمير رسنۍ کله ناکله مبتذلو کارونو ته مخه کوي. ديوشمير دغه شان رسنيو خپرونې له افغاني دودنو او ارزښتونو سره سمون نه لري چې کيداى شي دځينو راډيويي شبکو کار ترپوښتنې لاندې ونيسى او خلکو دهغوى اعتبار کم کړى خلک هيله لري چې رسنۍ په تيره بيا راډيويي شبکې په هدفمند کار سره او دديني او افغاني ارزښتونو په ساتنې سره داستعداد دودې ،ستونزو اوبې باوريو د لمنځه وړلو ،دهيواد دقوتونو دپيوستون اوداصيل افغاني فرهنګ دپياوړتيا او پراختيا لپاره کار وکړي چې نړيواله ټولنه په تيره بيا دهغې ځوان نسل درسانه يي کار په رڼا کې دودې او پراختيا تګلورى غوره کړي.
 

کابل\  باختردسلواغې دمياشتې  ٢٥ :
دافغانستان داسلامي جمهوريت  دجمهوررييس حامدکرزي دپيغام  په  لوستلو اودډاکتر سيدمخدوم رهين په وينا سره دراډيو نړيواله ورځ  نن ونمانځل شوه
دباختراژانس دخبريال  دخبرله مخې  : په هغې غونډه کې چې له همدې امله داطلاعاتو اوفرهنګ وزارت له خوا دملي راډيو تلويزيون په تالار کې جوړه شوې وه لومړي دافغانستان  داسلامي جمهوريت  د جمهوررييس  حامدکرزي پيغام دملي   راډيوتلويزيون  دلوى رييس محمدزرين انځور له خوا  ولوستل شو  چې په يوه برخه کې يې ويل شوى دى  دراډيو په اختراع اودهغې په خپرونوسره په چټکه داطلاعاتو په ليږدونه اوتبادله کې انقلاب رامنځته شو،دډله ييزواطلاعاتواووسايلو  په کورني کې    دراډيو په زياتيدو سره انساني  ټولنې  هغو  ټولو کورنيو چې په دغې وسيلې  برلاسي درلود دخپلو هيوادونو اودنړۍ په احوالو کې  په خپلو کورنيو کې معلومات ترلاسه کړل .
داخباري  اوچاپي رسنيو په نسبت ددغې رسني  امتياز دادي  چې  دټولى نړۍ هغه خلک چې په ليک لوست پوهيږي اويا له ليک لوست څخه بې برخې  دي له خدمتونو  څخه يې يوشان ګټه اخلي .
وروسته داطلاعاتو اوفرهنګ وزير ډاکتر سيدمخدوم  رهين   خبرې وکړې  راډيو يې په خبررسولو کې  ډيره مهمه   رسانه وبلله او  ويې ويل چې راډيو په افغانستان کې  اوږده سابقه لري اوپه ابتدايي  ډول دشاه امان الله غازي په زمانه کې  جوړه شوه او وروسته دلنډې وقفې په تيريدو سره يې څه دپاسه اوياکله مخکې بيا جوړه شوه.
دډاکتررهين دڅرگندونوله مخې، په هغه وخت کې  راډيو افغانستان  ، کابل راډيو  وه او ډيره محدوده   ساحه يې ترپوښـښ لاندې وه .
د اطلاعاتو اوفرهنګ  وزير په خپلو خبرو کې تيرلنډوخت ته اشاره وکړه چې راډيو  اوخپرونې يې ځنډول شوې  وي.
ډاکتررهين وويل لس کاله مخکې چې موږ دراډيو خپرونې  سره پيل کړي محدوده نشراتي ساحه يې لرله  ، تلويزيون  هم په لومړيو ورځو کې  دمکروريانونو او انترکانتيننال  ترمنځ واټن احتوا کوله . په تيرو کلونو کې له نيکه مرغه په دى بريالي شو چې ملي راډيو او هم ملي ټلويزيون هغه ځاى  ته ورسوو چې  دنړۍ په زياترو سيمو کې تلويزيون وليدل شي اوراډيو واوريدل شي.
وروسته ديونسکواستازي ديونسکو ددفتر مديرې ايرينا يوکوفا پيغام ولوستل شو چې په يوه برخه کې يې ويل شوي دي .
په نولسمه پيړۍ کې دراډيو پيدايښت  دمدرنو ارتباطاتو پيړۍ پيل کړه  نړۍ له دغه  ستر بدلون وروسته  خپله بڼه بدله کړه  . خو راډيو هماغه شان ځوانه او دپراخ لاسبري وړ  ده  او اسانه  او اقتصادي ده .
راډيو يواځينۍ وسيله ده چې کولاي شي هر پيغام هر ځاى ته اوپه هر وخت کې ان له بريښنا پرته   وليږدوي .
دشخړواودطبيعي افتونو په حالاتو کې  دا لنډه راډيوي څپه ده چې  دژوندانه دکرښي په توګه دانسانانو دسردساتنې لپاره  معلومات  وړاندې کوي.
راډيو   دډله ييزې خپرونې او لاسبري په برخه کې ديجيتلي انقلاب خپل کړ. نن ورځ  دراډيو په شتون سره دنړۍ په  ګوټ ګوټ کې  دخپرونو لګښتونه  کم شوي  اودراډيويي  ستيشنونو شمير زياتوالي موندلى دى .
دغه راز په دې غونډه کې  د ارکوزيادراډيو رييس انجينر عطاوالله هم خبرې وکړې .