20 October 2017

RSS Facebook

سوداگریز


تازه خبرونه

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

کابل باختر د تلې اووه ويشتمه یو ټوک هغه تاریخي کتاب...

دانسانانو لپاره  د ډيرو زهري خزنده  وژونکو  خطر .

دانسانانو لپاره د ډيرو زهري خزنده وژونکو خطر .

-نوي ډيلي باختر د تلې اووه ويشتمه : دهند دژوندانه دچاپيريال...

١٠٢ تنه ډار اچوونکي ووژل شول او ٤٤ تنه نور ټپيان شول .

١٠٢ تنه ډار اچوونکي ووژل شول او ٤٤ تنه نور ټپيان شول .

-کابل باختر د تلې اووه ويشتمه : دهېواد په يوشمير ...

Youtube Player

khantry design

سوداگریز

سوداگریز

فرهنگی

داطلاعاتو اوفرهنګ وزير ډاکتر سيد مخدوم رهين  نن له کابل څخه جاپان ته روان شو .

 په دغه سفر کې داطلاعاتو او فرهنګ له وزير سره ددغه وزارت فرهنګي معين عمر سلطان او دباميانو والي حبيبه سرابي ملګرتياکوي دباميانو په سمپوزيم کې دګډون په مقصد چې په جاپان کې جوړيږي کيږي .

 ډاکتر رهين دکابل په نړيوال هوايي ډګر کې دباختر اطلاعاتي اژانس خبريال ته وويل ،ټاکل شوې ده دباميانو سمپوزيم  په روان کال کې د دسمبر په پنځمه او شپږمه نيټه دجاپان په توکيو ښار کې او وروسته ددغه هيواد په کيودوايالت کې جوړ شي .

  ټاکل شوې ده په دغه سفرکې داطلاعاتو او فرهنګ وزير اوملګري هيئت يې دجاپان کورنيوچارو له وزير او ددغه هيواد له نورو مقاماتو سره خبرې وکړي .

داطلاعاتو او فرهنګ وزير ډاکتر سيد مخدوم رهين پرون دخصوصي تلويزيونونو له خاوندانو  او مسوولو مديرانوسره دخبرو په  ترڅ کې له دوى  څخه وغوښتل چې په خپلو خپرونوکې دملي او اسلامي فرهنګ روحيه دنوى نسل اخلاق او دکورنيو مصالح په پام کې ونيسي .

 دباخترداطلاعاتي اژانس دخبر له مخې، ډاکتر رهين په هغو تلويزيونونوچې  ځوانانو او تنکيو ځوانانو  ته روزنيز پروګرامونه نه دي خپاره کړي او له اندازې  زيات  بهرني  فلمونه او سريالونه خپروي ، انتقاد وکړ .

 په ځواب کې  دخصوصي تلويزيونو نو خاوندانو او مسوولو مديرانو څرګنده کړه چې دفلمونو اوسريالونو په خپرولو کې به  زياته پاملرنه وکړي چې داسلامي او ملي فرهنګ له روحيې سره سم وي .

 ديوبل خبر له مخې، داطلاعاتو او فرهنګ وزير له صوتي او تصويري رسنيوڅخه وغوښتل چې  په خپلو خپرونوکې دمحرم دمياشتې او د حسيني عاشورا ايجابات په پام کې ونيسي .

په افغانستان کې دمشروطه غوښتنې اوددموکراسي دتګلوري سيمينار نن  داطلاعاتو اوفرهنگ  دوزير  ډاکترسيدمخدوم رهين په وينا اوپه شپږو فقرو کې دپريکړه ليک په صادريدوسره  پاى ته ورسيد.

دباختر داطلاعاتي اژانس  دخًبريال دخبرله مخې : دسيمينار نننۍ غونډې درييس په توګه دمير محمدامين فرهنګ ،  دمرستيال په توګه  دهيله من غزنوي  اودمنشي په توګه داطلاعاتو اوفرهنگ وزارت دخپرونو درييس نبي پاکطين له انتخاب وروسته خپل کار ته دوام ورکړ.

 دسيمينار په نننۍ کارکې  خليل رومان  دجنبش مشروطيت و درسي ناشي ازآن ،  سيدمصطفى سعيدي تاثير جنبش مشروطيت برادبيات معاصر افغانستان ، څيړنوال سلطان منگل  په افغانستان کې  ددموکراسي په لاره کې پراته خنډونه ،  راحلي ميرزايي ددست اورد هاي نهضت مشروطيت او شيخ علي احمدفکور دمشروطيت  و دموکراسي ترعنوانونو لاندې مقالي ولوستلي .

دغه راز  دشاه امان الله غازي وراره  کبيرالله کبيرسراج هم  ددموکراسي په لسيزه کې دقضايه قوي په اړوند معلومات ورکړل.

داطلاعاتو اوفرهنګ وزارت نشراتي معين دين محمد مبارز راشدي په خبرو کې  دسيميناردجوړولودکميسيون له غړو اودهغه له گډون کوونکو څخه دقدرداني په ترڅ کې زياته کړه چې داطلاعاتواوفرهنګ وزارت له خواددغه سيمينارجوړيدل په حقيقت کې دهغو انسانانو  دمعقولې اوروا غوښتنې دوام دى چې غواړي په ټولنه کې عدالت وي 

که چېري زموږ نسل ددموکراسي په لاره کې اوچت او کلک  ګامونه وانخلي بايد ومنو چې نسل به ډارن  وي .

وروسته  دسيمينار شپږ فقره يي پريکړه ليک دنبي پاکطين له خوا ولوستل شو چې په هغه کې ددغه سيمينار دجوړولو په خاطر   داطلاعاتو اوفرهنګ له وزارت څخه دقدرداني په ترڅ کې  ويل شوي دي  ملي راډيوتلويزيون دې دمشروطه غوښتونکو له پاتې کسانوسره  خبري وکړي او دهغوى نظريې او غوښتنې دي خپري کړي ، دعلومو اکاډمي  او کابل پوهنتون ته وړانديز وشو  چې دمشروطيت په اړوند باوري  تاريخي موضوعګانې راټولې کړي  او چاپ ته دې چمتو کړي.

داطلاعاتو اوفرهنګ وزارت دې  دهغو دچاپولو په اړوند همکاري وکړي او دمشروطه غوښتونکو په باب دخورو ورو او بي باوري نظريو مخه ونيول شي.

دغه راز په پريکړه ليک کې  ددغه سيمينار دمقالو دچاپولو لپاره داطلاعاتو اوفرهنګ له وزارت څخه دهمکاري غوښتنه شوې ده.

د افغانستان د اسلامي جمهوریت جمهور رئیس حامد کرزي د هېواد د شیعه عالمانو په ګډون د افغانستان د عالمانو د شورا له یو شمېر غړو سره وکتل.

دباختر اطلاعاتي اژانس ته دجمهور رييس  دويندوى  دمعلوماتو له مخې

په دې کتنه کې چې نن له غرمې وروسته په ارګ کې تر سره شوه، د نورو په استازیتوب مولوی صاحب غفاري خبرې وکړې، د محرم الحرام د میاشتې د ښې لمانځنې او دماتم  د مراسمو د غوره تر سره کېدو په اړه یې وویل چې په دې اړوند د هېواد د شیعه عالمانو د شورا له خوا یو لارښود جوړ شوی دی چې په هغه کې د نظم او ښې هماهنګۍ  مراعاتول او د عالمانو په ویناوو کې د اسلامي اخوت پیاوړتیا په پام  کې نیول شوې ده.

د شیعه د عالمانو استازو په تېرو کلونو کې په ډاډمنه فضا کې د عاشورا د مراسمو د ترسره کېدو له امله خوښي څرګنده کړه، د هېواد له جمهور رئیس څخه يي وغوښتل چې د روان کال ددې مراسمو د ښه تر سره کېدو په موخه د افغانستان امنیتي ارګانونو ته دنده وسپاري تر چې په پوره نظم او آرامه فضا کې دغه مراسم تر سره شي.

دغه راز دیني عالمانو له ټولو  تصویري او غږیزو رسنیو څخه وغوښتل چې خپلې خپرونې دې ورځو ته په احترام او د اسلامي ارشاداتو په رڼا کې عیارې کړي.

د هېواد جمهور رئیس د شیعه عالمانو د غوښتنو او وړاندیزو له اورېدو وروسته وویل چې په هېواد کې د دغې میاشتې د مراسمو د ښه ترسره کېدو اصلي لامل دادی چې د افغانستان د ملت تر منځ غوره اتحاد او اتفاق وجود لري او بل لامل  یې دا دی چې دغې لویې او مذهبي ورځې ته سیاسي رنګ نه دی ورکړل شوی.

جمهور رئیس عالمانو ته لارښوونه وکړه چې ددې مراسمو د آرامه او ډاډمنه ترسره کېدو لپاره دې له ډېر احتیاط څخه کار واخلي او له  امنیتي ارګانونو سره د ګډې همکارۍ او ورورګلوۍ په فضا کې ددغه  مراسم تر سره کړي.

د یادونې وړ ده چې د لازمو امنیتي تدبیرونو په موخه د کورنیو چارو د وزیر په  مشرۍ لاندې یو کمیسیون  چې په هغه کې د ملي دفاع وزارت، د ملي امنیت ریاست او د شیعه او سني یو شمېر عالمان ګډون لري، دنده لري تر څو د عاشورا د مراسمو د غوره ترسره کېدو په موخه د امنیتي تدبیرونو لپاره اړین اقدامات تر لاس لاندې ونیسي.