21 July 2018

RSS Facebook

سوداگریز


تازه خبرونه

جمهوررئیس غني: په کابل او ولایتونو کې د دولتي ملکیتونو واضح فهرست باید جوړ شي

جمهوررئیس غني: په کابل او ولایتونو کې د دولتي ملکیتونو واضح فهرست باید جوړ شي

کابل_باختر د چنګاښ د مياشتې۳۰مه د افغانستان د اسلامي جمهوریت د...

جمهوررئیس غني: د جواز د اخیستو ټولې اسانتیاوې دې برابرې شي

جمهوررئیس غني: د جواز د اخیستو ټولې اسانتیاوې دې برابرې شي

کابل_باختر د چنګاښ د مياشتې۳۰مه د افغانستان د اسلامي جمهوریت جمهوررئیس...

جمهوررئیس غني: په اترا اداره کې دې محدودیتونه او کمزورۍ تشخیص شي

جمهوررئیس غني: په اترا اداره کې دې محدودیتونه او کمزورۍ تشخیص شي

کابل_باختر د چنګاښ د مياشتې۳۰مه د افغانستان د اسلامي جمهوررئیس د...

Youtube Player

khantry design

سوداگریز

سوداگریز

فرهنگی

دشيردروازي پل  نن له غرمي وروسته دکابل ښاروال ديپلوم انجنير محمد يونس نو انديش  اوداطلاعاتو  او فرهنګ د وزير ډاکتر سيد مخدوم رهين  له خوا پرانستل شو .

 دباختر اطلاعاتي اژانس ته دکابل ښاروالۍ دخپرونو رياست دمعلوماتو له مخې  دغونډې په پيل کې  کابل ښاروال دهغو ساختماني  پروژو په باب  چې کار يې دکابل ښاروالۍ له خوا دوام لري معلومات وړاندي کړل او وي ويل  نن  د  ٩٦پروژ و له جملې څخه چې کار يې په يو وخت کې  دوام لري يو يې چې  دشير دروازي پل دى  پرانيزو .

 وروسته داطلاعاتو او فرهنګ وزير  ډاکتر سيدمخدوم رهين  دکابل ښاروالۍ  د کړو وړو له امله دمنني  په ترڅ کې  دکابل ښار د بڼونو او پلونو په باب خبرې وکړې وروسته دجمهوري رياست دلومړي مرستيال  ددفتر رييس محمد يوسف  اعتبار  دشيردروازي  پله دپرانستلو په اړوند دجمهور رييس دلومړي مرستيال  پيغام برخه والو  ته ولوست  او دکابل ښاروالۍ کارونه يې وستايل .

  دغونډې وروستي ويناو ال ديو- ان –او- پي- اس رييس  پيتر پرونسن وچې دپله دجوړولو په باب  يې خبرې وکړې .

  دغونډې  په پاى کې  دغه پل د پټي په پري کولو  سره پرانستل شو  .

 په دې غونډه کې  دچارو داداري او دوزيرانو  شورا ددارالانشا جګپوړي  سلاکار حبيب الله اصغري ، دترافيکو رييس ، دکابل ښار د ترافيکو مدير ، ددريمې امنيتي حوزي آمر ، يو شمير کورنيو  اوبهرنيو ميلمنو ګډون کړي و

 دغه پل چې شپاړس اعشاريه څلويښت  متره سور او پنځه څلويښت  متره اوږدوالي لري او د پيوستون اندازه يې له يو سړک  څخه تر بل سړک پوري   ١٥٠ متره دى  دجاپان په مرسته دنهه سوه زرو امريکايي ډالرو په لګښت جوړ شوى دى .

 دافغانستان داسلامي جمهوريت  دجمهور رييس حامدکرزي دخواشيني او ډاډګيرنې پيغام .

 په ډيري  خواشيني سره  خبر شوم چې دافغانستان دوسله والو قواوو يو پخواني خدمتګار جنرال عبدالجميل  نورستاني دورپيښي  ناروغي له امله له هيواده  لري له دې  فاني نړۍ سترګې پټي کړى دى .

 انا لله و انا اليه راجعون

  ارواښاد جنرال عبدالجميل  نورستاني دلوړو مسلکي زده کړو  خاوند افسر و ، په امنيتي  او دفاعي  موسسو کې يې ديادونې وړ خدمتونه کړي دي  دده مړينه يوه ضايعه  ده .

 دخپلې خواخوږي او ډاډګيرنې مراتب دده کورنۍ  دوستانو او نورستان ولايت خلکو ته وړاندي کوم الله تعالي دې  دى  وبخښي او کورنۍ ته دى يې جميل صبر په نصيب شي .

دجمهور رييس مرستيال محمد کريم خليلي نن له غرمي مخکې دکابل ښار دبيلابيلو ناحيو دجوماتونوله عالمانو اوملا امامانو ، فرهنګيانو او ټولنيزو مخورو سره غونډه وکړه  او دعاشورا دمراسمو دپرځاى کولو او دهيواددروانو حالاتو په اړوند يې خبرې وکړې .

 دباختر اطلاعاتي اژانس ته دجمهوري رياست  دمطبوعاتي دفتر دمعلوماتو له مخې،   په دې غونډه کې چې يوزيات شمير عالمانو و دحسينيه و  اوتکيه خانو واعظانو او فرهنګيانو ګډون درلود دجمهور رييس مرستيال دعاشورا دغم لرلو  او دردونکو  ورځو  له امله ټولو مسلمانانو ته د ډاډګيرنې مراتب څرګند کړل او په دغو ورځو کې يې  په ډيره ښه توګه ددغو مراسمو او غونډو په جوړولو ټينګار وکړ .

 ده دهيواد له ماتم  لرونکو خلکو په تيره بيا د ټټروهونکو ډلو څخه وغوښتل چې دکربلا دشهيدانو درناوي وکړي چې هغوى ته وړ دي .

 دجمهور رييس مرستيال محمد کريم خليلي دعاشورا  خونړۍ پيښه يو الهام بخښوونکي  غورځنګ وباله   چې بايد دخپلو دوست دارانو  او پيروانو ، په چلندونو ، کړو وړو او خبرو  کې بدلون رامنځته کړي .

 دده  د څرګندونو له مخې موږ هغه وخت کولاي شو دعاشورا د مکتب له لوړو او اسلامي زده کړو څخه ګټه واخلو چې دامام حسين ( ع )  دپاڅون  په  هدفونو او فلسفي په ښه توګه پوه شي او په هغه څه چې  هغه داسلامي ټولنې لپاره غوښتل عمل وکړو .

 دامام حسين  هدف د حق دترلاسه کولو ،دعدالت د تينګښت او داسلامي امت ترمنځ دچلندونو له اصلاح پرته بل څه نه و  .

 دجمهور رييس مرستيال دهيوا دخلکو ترمنځ دورورولي  ، يو والي اووحدت دروحيې په ساتنې ټينګار وکړ او دکربلا دشهيدانو له ماتم لرونکو څخه يې وغوښتل چې دماتم دغونډو دجوړولو دلازيات پرتم لپاره دهڅو  تر څنګ په ټولنيز نظم کې  د ګډوډي  ، دلارو او معبرونو دبندولو  او هيوادوالو ته مزاحمت  دپيداکولو سبب  نه شي .

 دجمهور رييس مرستيال محمد کريم خليلي يوځل بيا دامام حسين( ع )  د ماتم لرونکو او  ځوانانو  څخه وغوښتل چې په تکيه خانو او واټونوکې دځان وهني  او دخپلې وينې دتويولو پرځاى له هغو اړو ناروغانو  سره چې دوينې دپيرودنې توان نه لري وينه ورکړي .

  ده په دې ترڅ کې چې دخلکو  او په افغانستان کې دامام حسين ( ع )  دپيروانو داکار داسلامي ټولنو په کچه يو اسلامي  حرکت وباله  هيله يې وکړه دغه فرهنګ چې په وروستيو  دريو کلونوکې په افغانستان کې رواج موندلى  په نورواسلامي ټولنوکې پراختيا  ومومي .

  دکربلا دشهيدانو په درناوي دوينې  ورکول يو داسې کار دى چې په وروستيو کلونوکې په افغانستان کې رواج موندلى دى او دخلکو ترمنځ ددغه ښه فرهنګ درواجولو او پراخ بنسټه کولو  په مقصد دجمهور رييس مرستيال محمد کريم خليلي په  ١٣٨٨  کال کې په دى اړوند دامام حسين (  ع ) ماتم لرونکو ته دبلني په ترڅ کې  دعامې روغتيا وزارت دوينې مرکزي بانک  دهغې دراټولولو او په مستحقو کسانو دهغې دويشلو په مقصد دامام حسين ( ع )  د وينې دمرکزي بانک په نامه ونوماوه .

  په دې غونډه کې دجمهور رييس  مرستيال دهيواد حالات وڅيړل او يادونه يې وکړه چې دنوى بهير ټينګښت او په وروستي لسيزه کې  ترلاسه شويو داسلامي او انساني  ارزښتونو  ساتنه او پراختيا بايد  ديو ملي او هيوادني مسووليت  په توګه هر افغان ته طرحه وي .

 دجمهور رييس مرستيال   په دې  باندې دټينګار  په ترڅ کې  چې افغانستان به دلوى خداى ( ج )  په مرسته او دخلکو  په پوهي اوهوشياري  او دنړيوالې ټولنې  په مرسته ظلماني او  تورتم تيرو وختونو ته ستون نه شي .  هيله يې وکړه چې دهيواد  پوه اوويښ خلک دنوى بهيردستنو د ټينګښت او ددايمي  امنيت او ثبات  دتامينولو  په لاره کې هلې ځلې  وکړي .

 دجمهور رييس مرستيال دهغه څه په يادونې سره چې دجګړو په دورو کې دافغانستان په خلکو تير شول ددوديزې لويې جرګې  نتيجو ته اشاره وکړه او په افغانستان کې دنړيوالې ټولنې  شتون يې په خپلو پښو دهيواد ددريدو په لاره کې ضروري وباله او دافغانستان له نړيوالو  همکارانو سره يې دستراتيژيک  تړون لاسليک کول په هيواد کې دتروريزم پرخلاف د مبارزې او ددايمي امنيت اوثبات د تينګښت په لاره کې  ارزښتناک  وباله .

 دجمهور رييس مرستيال يادونه وکړه چې دافغانستان خلک  نه غواړي چې هيواد يې بيا تيرو بحرانونو او ظلمونو ته  ستون شي له دى امله له خپلو نړيوالو همکارانو او له دې جملې څخه له امريکا سره دستراتيژيکي  تړونونو په لاسليک کولو سره به دغه بهير  ټينګ کړي .  دجمهور رييس مرستيال  په وروستيو  لسو کلونوکې ترلاسه شوي ارزښتونه دهغو زياتو سرښندنو  او ځان تيريدنو  نتيجه وبلله چې دافغانستان خلکو په دې لاره کې کړي دي

 ده ددغو ارزښتونو ساتنه په دى پورې اړونده وبلله  چې دهيواد خلک څه ډول په اګاهانه ډول دهغودفاع او ملاتړ کوي .

په افغانستان کې دمشروطيت  غوښتنې او دموکراسي دتګلوري سيمينار نن دافغانستان داسلامي جمهوريت دجمهور رييس حامدکرزي دپيغام په لوستلو او اطلاعاتو اوفرهنګ دوزير ډاکتر سيد مخدوم رهين په وينا سره نن په کابل کې په خپل کار پيل وکړ .

 دباختر داطلاعاتي اژانس دخبريال دخبر له مخې په دې سيمينار کې دهيواد پوهان او څيړونکې په هيواد کې  دزندي کولو ضد او دتنور او  نوي کولو لومړني حرکتونه   څيړي  چې په افغانستان کې دبيلابيلو او نويو مفکورو د څرګندولو زميني برابري کړي .

  جمهور رييس په  خپل   پيغام کې څرګنده کړې ده بايد داطلاعاتو او  فرهنګ  له وزارت څخه مننه وکړو  خو دهيواد له معاصرو پوهانو اوڅيړونکو څخه زما هيله داده چې په هيواد کې د نويو غورځنګونو دپيدايښت او دغه راز دهغوى دنه  ځواکمني  دعلتونو په باب  واقعبينانه    څيړني  وکړي چې راتلونکې  نسلونه په دغو جرياناتو لکه  څنګه چې   و دحقايقو  پر بنسټ او سم اطلاعاتي ترلاسه کړي .

  دسيمينار کار درييس ، مرستيال او منشي  له انتخابيدو وروسته دوام وموند .

 زيات جزئيات وروسته وړاندې کېږي .

Page 382 of 384