13 December 2017

RSS Facebook

سوداگریز


تازه خبرونه

جمهور رئیس غني دامریکا متحدو ایالاتو د نوي سفیر باورلیک ومانه

جمهور رئیس غني دامریکا متحدو ایالاتو د نوي سفیر باورلیک ومانه

کابل باختر دليندي يو ويشتمه د افغانستان د اسلامي جمهوریت...

 له دارالعلوم  څخه  څلور سوه پنځوس  تنه نجونې  فارغې شوې .

له دارالعلوم څخه څلور سوه پنځوس تنه نجونې فارغې شوې .

-کابل باختر دليندي يو ويشتمه : دبي بي عايشې...

Youtube Player

khantry design

سوداگریز

سوداگریز

فرهنگی

قلات باختر د لیندۍ د میاشتې ۵ مه
د اطلاعاتو او فرهنګ وزارت فني کارکوونکوپه زابل ولایت کې د خپل سفر په ترڅ کې د ميرويس نيکه له کلا څخه کتنه وکړه.
د ميرويس نيکه کلا چې د زابل په شينکۍ ولسوالۍ کې پرته ده د زیات لرغونتوب له امله د ویجاړېدو په حال کې ده.
د زابل ولایت د اطلاعاتو اوفرهنګ رياست د تاريخي ابداتو مدير رحمت الله دروېش چې له فني کارکوونکو سره يې د شينکۍ ولسوالۍ ته سفر کړی وو، د باختر اژانس سيمه ييز خبريال ته وويل چې د ميرویس نيکه کلا چې په پنځه اویا ـ پنځه اویا مترمربع ځمکه کې جوړه شوې ده د زیات لرغونتوب له امله ویجاړ شوې او بیا رغونې ته اړتیا لري.
هغه وايي چې دغه کلا څلور برجونه او دوه دروازې لري چې يو برج يې په خښتو سره پوښل شوی او تر اوسه روغ دى، خو پاتې نور برجونه يې ويجاړ شوي دي.
هغه زياتوي چې په دغه ولایت کې لسګونه تاريخې ځایونه او ابدې شتون لري،خو د نه پاملرنې له امله يې يو شمېر له منځه تللي دي او پاتې نور يې هم د منځه تلو په حال کې دى.
دروېش وايي که يادې کلا ته پاملرنه ونه شي،نو لرې نه ده چې پاتې برخې يې هم له منځه لاړې شي.
په ورته وخت کې بيا د اطلاعاتو او فرهنګ وزارت څخه تللي فني کارکوونکي وايي چې د دغې کلا په اړه يې ټول معلومات راغونډ کړي دي چې په رغولو به يې تر پنځه ويشتو میليونو افغانيو پورې لګښت راشي.
هغوی ډاډ ورکړی چې د میرویس نيکه کلا لپاره بودجه ځانګړې شوې ده او په نږدې راتلونکي کې به يې د بيارغولو چارې پیل شي.
د یادونې وړه ده چې د یادې کلا څخه په داسې حال کې فني کارکوونکي کتنه کوي کله چې د هېواد جمهور رېیس د ځايي اوسیدونکو په غوښتنه د دغې کلا د بيارغولو ژمنه وکړه.پای/وصال

 

کابل \باختردليندۍ دمياشتې٤ نيټه  :
د وريښـمو د لارې د نړيوال ارزښت د سيمينار د جوړولو لومړنۍ مقدماتي غونډه  نن د اطلاعاتو او فرهنګ وزارت د سرپرست پوهاند محمد رسول باوري په مشرۍ جوړه شوه.
د باختر آژانس د خبريال دخبرله مخې:
د غونډې په پيل کې د اطلاعاتو او فرهنګ وزارت سرپرست خبرې وکړې او ويې ويل: موږ غواړو د دغه سيمينار په جوړولو سره د وريښمو د لارې ملي او نړيوال ارزښت په ډاګه کړو.
د ده د څرګندونوله مخې: دغه سيمينار ته پوهان، سياستوال او رسنۍ رابللې شوې دي.
د اطلاعاتو او فرهنګ وزارت د سرپرست وويل چې د سيمينار لومړى غونډه په کابل ښارکې او نورې غونډې په ننګرهار ولايت کې جوړيږي.
په دې غونډه کې د سيمينار د جوړولو د څرنګوالي، د سيمينار د جوړولو د کميسيون د دايمي غړو د ټاکنې، د سيمينار د اړتيا وړ مالي لګښټد تدارک، د مقالو د عنوانونو او د سيمينار د جوړولو د نيټې په باب خبرې اترې وشوې.
پاى \ج\ ذ

کابل_باختر د ليندۍ د مياشتې٤مه
د اطلاعاتو او فرهنګ وزارت د خواشینۍ او ډاډګېرنۍ پیغام !
په ژورې خواشینۍ سره مو خبر تر لاسه کړ، چې د هېواد وتلي لیکوال، شاعر، ادیب او فرهنګي شخصیت عبدالرؤف قتیل خوږیاڼي‌ د ورپیښې ناروغۍ له امله له دې فاني‌ نړۍ څخه سترګې پټې کړې دي.
انا لله و انا الیه راجعون
ارواښاد قتیل خوږياڼي د ننګرهار ولایت د خوږیاڼیو ولسوالۍ په یوه علمي کورنۍ کې دې نړۍ ته سترګې وغړولې او له کابل پوهنتون څخه یې د شرعیاتو په برخه کې د لیسانس تر کچه زده کړې وکړې.
ارواښاد قتیل خوږیاڼی په هېواد او هېوادوالو مین شخصیت وو او دا مینه یې په خپلو شعري او نثري لیکنو کې هم ثابته کړې وه.
ارواښاد د ننګرهار ولایت د اطلاعاتو او فرهنګ د رئیس او د ننګرهار ورځپارڼې د مدیر ترڅنګ ډیری نورې دندې هم ترسره کړې وې.
د اطلاعاتو او فرهنګ وزارت د ارواښاد قتیل خوږیاڼي مړینه د هېواد په فرهنګي او ادبي بهیرکې یوه ضایعه ګڼي ارواښاد ته د څښتن تعالی له درباره د فردوس جنت، کورنۍ او دوستانو ته یې د جمیل صبر هيله کوي.#
پاى_ج

کابل \باختردليندۍ دمياشتې٤ نيټه  :
د اطلاعاتو او فرهنګ وزارت د خپرونو د چارو معين فاضل سانچارکي نن د بهرنيو کتابونو د څيړنې د کميسيون له غړو سره په کتنه کې وويل چې د اطلاعاتو او فرهنګ وزارت د اطلاعاتو د آزادې ګرځيدنې ملاتړ کوي.
د باختر آژانس د خبريال د خبرله مخې:
د دغې کتنې په پيل کې د رسنيو په خپرونو د څارنې رئيسې ميرمن نجيبې مرام د دغه کميسيون د کارونو او ستونزو په باب معلومات ورکړل .
وروسته د کميسيون غړو د دغه کميسيون د کاري پياوړتيا او ودې په باب خپلې نظريې څرګندې کړې.
د اطلاعاتو او فرهنګ وزارت د خپرونو د چارو معين فاضل سانچارکي په لنډو  خبروکې وويل: د اطلاعاتو او فرهنګ وزارت د اطلاعاتو د آزادې ګرځيدنې ملاتړ کوي او د دغه کميسيون کار د ستاينې وړ دى.
سانچارکي دغه راز څرګنده ګړه چې په مسلمه توګه کميسيون د هغو کتابونو چې له بهر څخه وارديږي او يا په هېوادکې دننه چاپيږي او بهرته استول کيږي؛ په  قانوني ډول څيړنه کوي .
د خپرونو د چارو معين په ټينګارسره وويل چې د اطلاعاتو او فرهنګ وزارت د فکري ودې او د توليد د مخ په ودې بهير چې په حقيقت کې فکري وده رامنځته کوي؛ ملاتړ کړى او کوي يې.
پاى \  ج  \ذ


 

Page 5 of 335