09 July 2020

RSS Facebook

سوداگریز


تازه خبرونه

د ننګرهار پخوانی والي سلیم خان کندزی په حق ورسېد

د ننګرهار پخوانی والي سلیم خان کندزی په حق ورسېد

کابل / د چنګاښ ۱۹مه / باختر د ننګرهار پخوانی والي...

رابعه ستانکزۍ د لوګر ولایت مرستیاله وټاکل شوه

رابعه ستانکزۍ د لوګر ولایت مرستیاله وټاکل شوه

کابل/ د چنګاښ ۱۹مه / باختر د سیمه ییزو ارګانونو د...

د کرونا ویروس خپرېدا کمه شوېده

د کرونا ویروس خپرېدا کمه شوېده

کابل / د چنګاښ ۱۹ مه / باختر د تېرو ۴۵...

Youtube Player

khantry design

سوداگریز

سوداگریز

فرهنگی

کابل/ د غبرکولي ۲۶ مه/باختر
د اطلاعاتو او فرهنګ وزارت فرهنګي معینیت په نوښت نښتر دودیزه کلنۍ مشاعره په آنلاین ډول د روان کال د غبرګولې په ۲۱ مه ترسره شوه. د مشاعرې په پیل کې د پکتیا د اطلاعاتو او فرهنګ رییس صلاح الدین سلیس د مشاعرې د جوړېدو په هکله وینا وکړه او د کرونا په کړکېچن وضعیت کې د انلاین مشاعرې جوړول يې بې ساری ګام وباله. سلیس وویل" د وزارت له هدایت سره سم سږ کال مو د نښتر مشاعره په انلاین ډول جوړه کړه چې وکولای شو د نښتر مشاعرې یاد وساتل شي او هم هېواد والو ته  دا پیام ورسوو چې له یوه بل سره په همکارۍ او همغږۍ هره ناممکنه برنامه، ممکن کیدای شي چې یوه بېلګه یې د نښتر مشاعره ده او دا دی د انلاین مشاعرو بنیاد مو په اساسي توګه کېښود".سلیس د مشاعرې له ګډون والو مننه وکړه چې د مشاعرې جوړول یې په خپل ګډون شونی کړل.
د سلیس له وینا وروسته د اطلاعاتو او فرهنګ وزارت د خلک فرهنګ ریاست رییسې محبوبې بابکرخیل د وزارت پیغام ولوست. په پیغام کې راغلي دي:د اطلاعاتو او فرهنګ وزارت د یوې نوې طرحې له مخې وپتیله چې سږ کال د امکان تر حده دا مشاعرې په انلاین ډول تر سره کړي چې دا دی یوه هم نښتر مشاعره ده چې په انلاین ډول تر سره کېږي  او دا دی په دې کرونایي محیط کې د یوه خواږه بنډار د جوړویدو  شاهدان یو. د دې مشاعرې په واسطه به، له یوې خوا د شعر غونډو د جوړولو  فرهنګ ژوندی وساتو او له بلې خوا په دې زړه تنګي ماحول کې یو څو شېبې د شعر په ژبه بنډار وکړو او دې زړه تنګي ماحول ته به د لفظونو رنګیني وبخښو او بله ګټه یې دا ده چې په انلاین ډول به دا مشاعره له شماله تر سهیله او له ختیځه تر لویدیځه به هم ګډون وال او هم به لیدونکي ولري".

د وزارت له پيغام وروسته مشاعره پیل شوه. په دې مشاعره کې پر پکتیا سربیره له  کنړ، ننګرهار، کندوز، هلمند، لغمان، خوست، لوګر او پکتیکا څخه ګڼ شمېر شاعرانو او د شعر مینه والو هم خپل شعرونه په انلاین ډول د مشاعرې ګډونوالو او مینه والو ته ولوستل.
د یادولو وړ ده چې سږ کال د اطلاعاتو او فرهنګ وزارت د فرهنګي معینیت په نوښت ټولې ډودیزې مشاعرې په انلاین ډول ترسره کېږي او د انلاین مشاعرو د جوړېدو لړۍ روانه ده.

کابل / د غبرګولي ۲۵ مه / باختر

په خواشینۍ مو خبر تر لاسه کړ چې د هېواد تکړه سندرغاړي میرویس شوقي د ورپېښې ناروغۍ له امله له نړۍ سترګې پټې کړې.

میرویس شوقي د خپل ژوند ډېر کلونه د موسیقۍ هنر په چوپړ کې تېرکړل، لوی خدای خوږ غږ او ښه استعداد ورکړی و.

د اطلاعاتو او فرهنګ وزارت رهبري د ده مړینه ضایعه بولي، ارواښاد ته د فردوس جنت، د ده کورنۍ، خپلوانو او مینه والو او همدارنګه د هېواد ټولو سندرغاړو  ته د جمیل صبر هیله کوي.

 

-کابل / دغبرګولې ٢٤مه / باختر:
داطلاعاتواوفرهنګ وزارت سرپرست اونوماند محمدطاهر زهير نن ددغه وزارت  دفرهنګي برخې  له مسوولينو سره په غونډه کې په فرهنګي برخه کې په پرله پسې  اودوامدارو هلوځلو ټينګاروکړ .
دباختراژانس دخبرله مخې ، په دې غونډه کې په داسې حال کې چې داطلاعاتواوفرهنګ وزارت  دفرهنګ اوهنر معين پوهاندمحمد رسول باوري هم حاضر و ، دافغان فلم ، ملي ارشيف ، دخلکودفرهنګ ،عامه کتابتونونو ،تاريخي ابداتو،لرغونپوهنې ،هنرستان ، ملي تياتر ، موسيقۍ ،اودملي موزيم رييسانو هم په وار سره دخپلوبرياليتوبونو کارونو اودخپلوکارونوپه وړاندې دپرتوستونزو په باب معلومات ورکړل .
دوى دغه رازدچارو دښه والي او له ستونزوڅخه دوتلو په مقصد خپلې طرحې نظريې او پيشنهادونه داطلاعاتواوفرهنګ وزارت له سرپرست سره شريک کړل .
اوخپلې مهمې ستونزې يې دبودجې اوتشکيل کمښت اودغه راز دددغوبنسټونودفترونوته دمناسب ځاى نشتوالى بيان کړل .
داطلاعاتواوفرهنګ وزارت ددغه وزارت دفرهنګي برخې دمسوولينو کارونه او برياليتوبونه وستايل  اوخرګنده يې کړه  چې ټول دفرهنګي برخې  دکارکوونکوپه  توګه بايد  دهېواد دفرهنګي حالت  دښه والي په خاطر هلې ځلې وګړو.
هغه ټينګاروکړ چې په هېواد کې دفرهنګي حالت دښه والي او په دې برخه کې دستونزو دلرې کولو په خاطردقيق  پروګرام جوړونې ، سم مديريت او دوامداروهلوځلو ته  اړتيا ده .
داطلاعاتواوفرهنګ وزارت سرپرست له دغو رييسانوڅخه وغوښتل چې خپلې نظريې اوپيشنهادونه  په ليکلي  ډول چمتوکړي چې له هغو څخه په استفادې سره ښه پروګرامونه ترلاس لاندې ونيول شي .
ختم_ج _ اکرم

کابل / د غبرګولي ۲۳ مه / باختر

په خواشینۍ مو خبر تر لاس کړ، چې د هېواد پېژندل شوی علمي او فرهنګي شخصیت استاد فضل محمد پنهان د ورپېښې ناروغۍ له امله د ۷۵ کلونو په عمر نن له نړۍ سترګې پټې  کړې.

اراواښاد استاد پنهان پیاوړی لیکوال او شاعر و، ډېر موده د قندهار په عالي دارالمعلمین کې د پښتو ژبې او ادبیاتو استاد و او نږدې نیمه پېړۍ یې په بېلابېلو ښوونیزو او څېړنیزو برخو کې کار وکړ.

استاد پنهان ګڼ علمي څېړنیز آثار لیکلي دي، چې تر شلو ډېر یې چاپ شوي دي او ځیني یې لا تر اوسه له چاپه پاتي دي. څه موده وړاندې یې ( د ملنګ جان کچکول) اثر له چاپه راووت.

د اطلاعاتو او فرهنګ وزارت رهبري د استاد فضل محمد پنهان مړینه ضایعه بولي، ارواښاد ته د فردوس جنت او دده کورنۍ، خپلوانو او دوستانو، د قندهار او ټول هېواد لیکوالو او شاعرانو ته د جمیل صبر هیله کوي.

 

Page 5 of 525