24 June 2018

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

فرهنگی

کابل \ باختر دغبرګولي دمياشتې ٢نيټه :
د افغانستان د ۵ انځورګرانو د انځورونو نندارتون د افغانستان لوی سفارت له خوا د هند په نړیوال مرکز نوي ډيلي کې پرانستل شو.
د انځورګرۍ دغه اووه ورځنی نندارتون د ( افغان هنر: د ستونزو او هیلو خاوره ) په نوم د هند نړیوال مرکز (India International Center) له لورې د ۲۰۱۸ کال دمئ دمیاشتې په ۲۲ نیټه د افغانستان د لوی سفارت په همکارۍ د آنکس په هنري ګالرۍ کې د کوربه هېواد له دود سره سم د شمعې په بلولو پرانستل شو.
دبهرنيووزارت دوياند دفترباخترآژانس ته خبرورکړ.
په دې پرانست غونډه کې د افغانستان لوی سفیر ډاکټر شیدا محمد ابدالي، د هند نړیوال مرکز مدیر اییر مارشال نریش ورما، انځورګرانو او ګڼ شمیرهندي او بهرني لیدونکو برخه اخیستې وه.
د افغانستان لوی سفیر ډاکټر شیدا محمد ابدالي د خبرو پرمهال وویل چې انځورګري د اوو هنرونو له ډلې یو مهم هنر دی، همدا انځورګران وو چې د خبرو یا تکلم د رامنځته کیدو نه مخکي یي د اړیکو نیولو یوه ښه زمینه رامنځته کړې وه، او د همدې هنر له لارې یې په سوداګریزو چاروکې شرق له غرب او شمال له جنوب سره و نښلول او افغانستان یې د تمدن د څلور لارې په توګه و نوماوه، چې بیلګې یې لا تر اوسه له موږ سره په دوه، درې زره کلنو پخوانیو ډبرینو آثارو کې په لیکل شوېو او انځور کړای شویو بڼو پاتې دي. چې ددې هنر تاریخي ارزښت موږ ته روښانه کوي.
په دې نندارتون کې د افغانستان د بیلابیلو هنرمندانو ۵۰ انځور شوي آثار نندارې ته ایښودل شوي چې د مئ میاشتې له ۲۲ نه تر ۲۹ نیټې به د لیدونکو پرمخ پرانستی وي.

پاى- ع
 

کابل \ باختر دغبرګولي دمياشتې ٢نيټه :
دهرات  ولايت د ټولنيزو چارو مرستيال  د(  آينه فرياد ) په نامه دعکس دنندارتون له  جوړوونکو څخه  قدرداني  وکړه .
دغه  دوه ورځنى  نندارتون  چې د امنيتي ځواکونو د شهيدانو او شهيدو خبريالانو په ياد د اطلاعاتو اوفرهنګ رياست په تالار کې جوړ شوى و  ددغه ولايت د مقام دټولنيزو چارو مرستيالې  مونسې حسن زاده  له دغه  نندارتون څخه دکتنې په وخت کې  دهيواد شهيدو قهرمانانو ته  ددعا په کولو  سره  ددغه  نندارتون  جوړول يې يو خلاقانه کار وباله  او له جوړونکو څخه يې قدردانې وکړه .د ولايت مرستيال  د هېواد  دشهيدانو دياد او دهغوي دارزښتونو د ژوندي ساتلو په  لاره کې  ددغه شان نندارتونونو جوړول  ارزښتناک وبلل. .
پاى \ ذکرالله \

 

کابل \باختر دغويي دمياشتې ١نيټه :
د هنر د عالي شورا غونډه نن د اطلاعاتو او فرهنګ وزارت د فرهنګي معين او سرپرست پوهاند محمدرسول باوري په مشرۍ جوړه شوه.
د باختر آژانس د خبريال د خبرله مخې: په دې غونډه کې پريکړه وشوه  چې د هنر عالي شورا دې له پخوا زياته  فعاله شي او د شورا د طرزالعمل د تدوينولو لپاره  مشخص کار ترسره شي.
د غونډې په پاى کې پوهاند محمدرسول باوري د غونډې له برخه والو څخه وغوښتل چې په غونډه کې دې د طرحه شويو مسئلو په باب خپلې نظريې تر راتلوونکو دوو ورځو پورې وړاندې کړي .
پاى \ج  \ ذ

کابل \باختر دغويي دمياشتې ١نيټه :
د اطلاعاتو او فرهنګ وزارت سرپرست پوهاند محمدرسول باوري نن  د موزيمونو د نړيوالې ورځې د نمانځنې په غونډه کې ټينګار وکړ چې موزيمونه  زياتې پاملرنې ته اړتيالري .
د باختر آژانس دخبريال دخبرله مخې: 
دغه غونډه داطلاعاتو اوفرهنګ وزارت د رييسانو او سلاکارانو،  يوشمېر دولتي مسوولينو، فرهنګي شخصيتونو  او د بهرنيو ميلمنو په ګډون په کابل کې جوړه شوه .
په دې غونډه کې داطلاعاتو اوفرهنګ وزارت سرپرست پوهاند محمدرسول باوري  څرګنده کړه چې موزيمونه په حقيقت کې روزنيز او تحقيقي انستيتونه دي چې نه يوازې د خپلو کارکوونکو د پرمختګ او پراختيا زمينه برابروي   بلکې هغو کسانو ته چې له موزيم څخه کتنه کوي؛ د خپلو آثارو په واسطه د انساني ټولنې د پراختيا بهير نندارې ته وړاندې کوي.
ده څرګنده کړه: د موزيم په آثارو سره کولاى شو خپل  اسلامي هويت  څرنګه چې و  او دى، وګورو.
دغه راز د اطلاعاتو او فرهنګ وزارت سرپرست دملي موزيم د فعاليتونو او  د هغه د راجستر او د آثارو د ترميمولو او څيړنې د برخو د فعاليتونو د څرنګوالي په باب معلومات ورکړل او څرګنده يې کړه  چې موزيمونه زياتې پاملرنې ته اړتيا لري، په تېره بيا د مسلکي کادرونو د چمتوکولو په برخه کې.
ده هيله څرګنده کړه چې د اطﻻعاتو او فرهنګ وزارت مناسبه زمينه برابره کړي  هغه ځوانان  چې اوس په موزيم کې کار کوي؛ هغوى ته د زيات تخصصي کيدو او روزنې فرصت ډير ژر برابر شي .
په دې غونډه کې د ملي موزيم رئيس محمدفهيم رحيمي د ملي موزيم د کارونو او فعاليتونوپه باب څرګندونې وکړې او ويې ويل: موږ په داسې حال کې  د موزيمونو نړيواله ورځ نمانځو چې د نړۍ په موزيمونوکې د موزيم د کارکوونکو فعاليتونو پراختيا موندلې ده  او په موزيمونوکې نندارې ته د آثارو د وړاندې کولو له بنيادي ډول او په ويترينونوکې نندارې ته د هغو له وړاندې کولو څخه   پراختيا موندلې ده.
ده وويل چې ملي موزيم د موزيمونو د نړيوالې ورځې د نمانځنې ترڅنګ د روژې دمبارکې مياشتې په درناوي د اسلامي دورې د آثارو نندارتون چې د باعظمته اسلامي فرهنګ ښکارندوى او د دغې دورې د هنرمندانو د خلاقيت ښکارندوى دى؛ هم  جوړ کړى دى.
دغه راز په دې غونډه کې د هېواد د لومړۍ ميرمنې پيغام د لومړي ميرمنې  د دفتر د فرهنګي مسوولې زهرې يوسف له خوا ولوستل شو چې په يوه برخه کې يې  ويل شوي دي: د يوه هېواد فرهنګي او لرغوني آثار د دغه هېواد د هويت، دودونو، رواجونو او د فرهنګ نمايندګي کوي او بايد ټول د هېواد دلرغونو او تاريخي آثارو د ساتنې په لاره کې زياتې هلې ځلې وکړو.
په دې غونډه کې په کابل کې د يونسکو د ادارې مسوول هم په خپلو خبروکې وويل چې موزيمونه هغه ځايونه دي چې موږ په هغه کې خپل تېرتاريخ وينو او د يوه هېواد د هويت ښکارندوى دى چې بايد د هغه په ساتنه کې زياته پاملرنه وشي.
دغه راز د دغې غونډې په بهيرکې دملي موزيم دبېلابېلو برخو د کار اوفعاليت له بهير څخه يو مستند فلم  نندارې ته وړاندې شو.
د غونډې په پاى کې د اسلامي دورې د آثارو نندارتون دغه راز داطلاعاتو او فرهنګ وزارت د سرپرست له خوا پرانستل شو او په داسې حال کې چې ددغه نندارتون د آثارو په باب د ملي موزيم د رئيس له خوا معلومات وړاندې کيدل؛  برخه والو له هغه څخه ليدنه کوله  .
پاى \ج\ ذ

Page 5 of 376