23 September 2018

RSS Facebook

سوداگریز


تازه خبرونه

دانتخاباتو خپلواک کميسيون دګوټو دشميرنې دطرحې په باب څيړنې روانې دي .

کابل باختر دوږي يو ديرشمه : دانتخاباتو خپلواک کميسيون دروان...

په سرپل کې دنشه يي توکو دقاچاقو په تور دپنځو تنو نيول کيدل .

کابل باختر دوږي يو ديرشمه : دسرپل پوليسو نن دنشه...

Youtube Player

khantry design

سوداگریز

سوداگریز

فرهنگی

کابل \باختردزمري دمياشتې٢٧نيټه :
د اطلاعاتو او فرهنګ وزارت سرپرستې او نوماند وزيرې حسينې صافي نن په کابل کې د ايران د اسلامي جمهوريت د سفارت له فرهنګي مستشار (رایزن) سره په کتنه کې د فرهنګي همکاريو د پراختيا په باب خبرې اترې وکړې.
د باختر آژانس د خبریال د خبرله مخې:
په دې کتنه کې د ايران د اسلامي جمهوريت د سفارت فرهنګي مستشار رضا ملکي د دواړو هېوادونو په تېره بيا د همکاريو په تفاهم ليکونو د لاسليک کولو، د افغانستان په اسلامي جمهوريت کې د ايران د اسلامي جمهوريت د کتاب د نندارتونونو د جوړولو، په ايران کې د کتاب په نړيوال نندارتون کې د افغانستان د خپرونکو د ګډون، د فرهنګي جشنوارو د جوړولو، د روزنيزو پروګرامونو د ترسره کولو او دغه راز د ګرځندوى د همکاريو په برخه کې د تفاهم ليک د لاسليک کولو په خاطر د هلو ځلو په برخوکې د فرهنګي همکاريو او فعاليتونو په باب معلومات ورکړل .
دغه راز ده د دې ترڅنګ چې د ايران او افغانستان ترمنځ د فرهنګي اړيکو په ودې او پراختيا باندې ټينګار وکړ، د اطلاعاتو او فرهنګ وزارت سرپرستې ته بلنه ورکړه چې د اسلامي وحدت په نړيوال کنفرانس کې چې د اسلامي هېوادونو د اطلاعاتو او فرهنګ د وزيرانو په ګډون د روان کال په ليندۍ مياشتې په مشهد ښارکې جوړيږي، ګډون وکړي .
د اطلاعاتو او فرهنګ وزارت سرپرستې په بېلابېلو برخو په تېره بيا  فرهنګي برخه کې د ايران د اسلامي جمهوريت همکارۍ ارزښتناکې وبللې، د فرهنګي ودې او د فرهنګي همکاريو د ودې او پراختيا په لاره کې د دغه وزارت پروګرامونه بيان کړل.
پاى \ ج \ ذ

 

کابل \باختردزمري دمياشتې٢٧نيټه :   
د اطلاعاتو او فرهنګ وزارت سرپرستې او نوماند وزيرې حسینې صافي نن په کابل کې د چين د ولسي جمهوريت له سفير سره په کتنه کې د ټولنو په نږدې کولو او وده کې د فرهنګ رول مهم وباله .
د باختر آژانس د خبريال د خبرله مخې:
په دې کتنه کې په کابل کې د چين د ولسي جمهوريت سفير څرګنده کړه چې افغانستان د داسې هېواد په توګه چې د لرغونو آثارو او تاريخي سيمو له پلوه بډاى دى، ځانګړى ارزښت لري.
ده وويل چې د وريښمو لاره په تېرو وختوکې د افغانستان او چين ترمنځ د فرهنګي اړيکو په لاره کې مهم رول درلود او په راتلوونکي کې هم دغه لاره کولاى شي د دواړو هېوادونو ترمنځ په فرهنګي برخه کې زيات لاسته راوړنې ولري .
دغه راز د چين سفير د لرغونپوهانو د ګډو تحقيقاتو په اړوند چې ټاکل شوې ده د بدخشان ولايت د واخان په لرغونې سيمه کې د دواړو هېوادونو د لرغونپوهانو له خوا ترسره شي، د اطلاعاتو او فرهنګ له وزارت سره د همکارۍ تفاهم ليک د لاسليک کولو په خاطر افغانستان ته د چين هېواد د (انان)  د لرغونپوهنې پوهنتون د هيئت د سفر او دغه راز چين ته په فرهنګي نندارتون کې د ګډون په خاطر په راتلوونکي  مياشت کې د جمهوري رياست د دويم مرستيال استاد سرور دانش د سفر يادونه وکړه او د اطلاعاتو او فرهنګ وزارت سرپرستې ته يې هم بلنه ورکړه چې په دغه نندارتون کې ګډون وکړي.
حسينې صافي په بېلابېلو برخو په تېره بيا فرهنګي برخه کې د چين  د همکاريو له امله مننه وکړه او ويې ويل چې فرهنګي ارزښتونه د ټولنو په نږدې کولو او وده کې  مهم رول لري .
دې ″له خلکو سره د خلکو″ او ″له دولت سره د دولت″ ترمنځ پر اړيکو ټينګار وکړ  او د هغه رول يې د سيمه ييزو اړيکو په پراختيا کې ګټور وباله.
د اطلاعاتو او فرهنګ وزارت سرپرستې زياته کړه چې د تفاهم ليکونو لاسليک کول  د هېوادونو ترمنځ د همکاريو د ودې زمينه برابروي او دغه همکارۍ کولاى شي د سيمه ييزوهمکاريو په پراختيا کې اغيزمن رول ولري.
پاى\ ج\  ذ  

کابل \باختردزمري دمياشتې٢٧نيټه : 
د اطلاعاتو او فرهنګ وزارت خبرتيا !
د کابل په لويديځ کې د چهارشنبې د ورځې په ځانمرګي بريد کې د لسګونو تنو زده کوونکو ځوانانو او تنکيو ځوانانو ترڅنګ د ″فرهنګ د خبري آژانس″ ځوان خبريال عطاالله رحيمي هم شهيد شو .
د اطلاعاتو او فرهنګ وزارت په روزنيزو مرکزونو د تور زړو جنايتکارانو  ناځوانمردانه او ډارن بريد او په بېګناه ځوانانو بريد په کلکه غندي او له امنيتي  ځواکونو څخه غواړي چې د خلکو د سر او مال په تېره بيا د ديني او روزنيزو بنسټونو ساتنه له پخوا پياوړې کړي او تروريستي توطيې او پلانونه له رامنځته کيدو مخکې کشف او شنډ کړي.
د اطلاعاتو او فرهنګ وزارت د خپلې ژورې خواشينۍ او ډاډګيرنې مراتب د دغې تروريستي پيښې د قربانيانو کورنيو په تېره بيا د شهيد عطاالله رحيمي کورنۍ او د فرهنګ په خبري آژانس کې د ده همکارانو ته څرګندوي او د دغو شهيدانو پاتې کسانو ته د الله (ج) له دربار څخه د زغم او آرامۍ هيله کوي.
پاى\ ج\ ذ

کابل باختر دزمري ٢٦ داطلاعاتو اوفرهنګ وزارت سرپرستې په دغه وزارت کې دکار په اغيزمنتوب باندې تينګار وکړ او داطلاعاتو اوفرهنګ په وزارت کې يې داصلاحاتو اودزياتو ظرفيتونوپه رامنځته کولو غوښتنه وکړه . دباختراژانس دخبرله مخې، داطلاعاتو او فرهنګ وزارت سرپرستې حسينې صافۍ چې پرون يې ددغه وزارت له معينيانو او رييسانو سره په يوه غونډه کې خبرې کولې څرګنده کړه چې داطلاعاتو اوفرهنګ وزارت کار په تيرو وختونوکې له خنډونو او ننګونو سره مخامخ و او دهغه په نسبت انتقادي نظر شتون لري سره له دې هم دغه وزارت زيات کارونه ترسره کړي دي . دې وويل چې ددې غونډې موخه داطلاعاتو اوفرهنګ په وزارت کې دکار داغيزمنتوب او مسووليت دڅرنګوالي څيړنه ده . دغه څرګندونې په داسې حال کې کېږي چې په دې وروستيو وختو کې داداري اصلاحاتو او دملکي خدمتونو دکميسيون دکارپوهانو يوه هيئت داطلاعاتو اوفرهنګ په وزارت کې يوه پنځلس ورځني څيړنه ترسره کړه ددغه هيئت له خوا په وړاندې شوي رپوټ کې دلند مهالو، منځ مهالو ، او اوږد مهالو اصلاحاتو دراوړلو ، دانکشافي اوعادي بودجې دلګولو دڅرنګوالي ، دستراتيژي پرتطبيق باندې دڅارنې دميکانيزم دڅرنګوالي ، تشکيلاتي مسئلو ، دبستونو دبدلونونو او دفرهنګي اتشو دستونزو په شان داطلاعاتو اوفرهنګ په وزارت کې ټکو ته اشاره شوې ده او په دې وزارت کې شته نيمګړتياوې په ګوټه شوي دي ددغه رپوټ په يوه برخه کې چې داطلاعاتو اوفرهنګ وزارت دحقوقي سلاکار دلارو نذير زوي له لوري توضيحات ورکړى شول، ويل شوي دي سره له دې چې داطلاعاتو اوفرهنګ په وزارت کې کابو دوه سوه تش بستونه شتون لري خو دافرادو استخدام دقرارداد له مخې شوي دي . داطلاعاتو اوفرهنګ وزارت سرپرستې ميرمن حسينې صافۍ وويل چې داطلاعاتو اوفرهنګ وزارت ددغه وزارت ددندو دبيا څيړنې طرحه ترلاس لاندې لري او مسوولان دې بايد په دې برخه کې خپلې څيړنې په څلورو موخو سره تعقيب کړي چې په هغو دقوت دټکو ، کمزوروټکو ، فرصتونو او د ننګونو پيژندنه معيار دى . ميرمن صافۍ يادونه وکړه چې موږ بايد داطلاعاتو اوفرهنګ وزارت کاري ستراتيژي داړتياوو له مخې عياره کړو نه دذوق او سليقې له مخې . ده ټينګار وکړ چې داطلاعاتو اوفرهنګ وزارت ددندو بيا څيړنه يو ضروري کار دى خو دغه څيړنې نه شي کولاى ددې وزارت دکارکوونکو دندې او دهغه تشکيلاتي مسئلې زيانمنې کړي . وروسته داطلاعاتو اوفرهنګ وزارت دمرکزي ادارو رييسانو ، دکاري ډلو په جوړولو سره چې داړوندو معينانو له خوا يې رهبري کيده د وړاندې شوې رپوټ په باب خبرې وکړې او دچارو دښه والي په موخه يې خپلې نظريې شريکې کړې . ختم _( ف _ اکرم

Page 6 of 397