15 July 2020

RSS Facebook

سوداگریز


تازه خبرونه

د کابل ښار لپاره نوې امنیتي طرحه او د خلکو غوښتنې

د کابل ښار لپاره نوې امنیتي طرحه او د خلکو غوښتنې

-کابل/ د چنګاښ ۲۵ مه / باختر د کورنیو چارو وزارت...

 د بغلان پوليسو يو غلا کړى شوي موټر څو ساعته وروسته خاوندته يې وسپاره

د بغلان پوليسو يو غلا کړى شوي موټر څو ساعته وروسته خاوندته يې وسپاره

کابل /دچنګاښ ٢٥مه/ باختر: وسله والو غلو نن سهار يوسراچه ډول...

دکابل ښار د ترافيکو د تنظيم  تخنيکي کميټې غونډه وکړه

دکابل ښار د ترافيکو د تنظيم تخنيکي کميټې غونډه وکړه

-کابل /دچنګاښ ٢٥مه/ باختر: د کابل ښار د ترافيکو د...

Youtube Player

khantry design

سوداگریز

سوداگریز

فرهنگی

کابل / دغبرگولی 27 مه /باختر
د اطلاعاتو او فرهنګ وزارت رهبري پژواک خبري آژانس او طلوع تلويزيون خبريالې انيسې شهيد ته، چې بې پولې خبريالانو په نړۍ کې دکرونا ويروس دګواښ تر سيوري لاندې د
اطلاع رسونې د دېرشو زړه ورو اتلانو په نوملړ کې ځای ورکړی دی، د دغه بري مبارکي وايي.
د اطلاعاتو او فرهنګ وزارت رهبري دا يوازې د پژواک خبري آژانس او طلوع تلويزيون د خبريالې انيسې شهيد بری نه ګڼي، بلکې دا د هېواد د رسنيو د ټولو کارکوونکو لپاره وياړ بولي.
د اطلاعاتو او فرهنک وزارت رهبري دا بری د هېواد د خبريالانو د زړه ور کار پايله بولي او يو ځل بيا ټولو ته مبارکي وايي او په اوسنيو سختو شرايطو کې په اطلاع رسونه کې د خبريالانو د خدمتونو قدر کوي.

کابل / د غبرګولي ٢٧ مه / باختر
د پژواک خبري آژانس د کارکوونکي شاه محمد هارون پر مړينې د اطلاعاتو او فرهنګ وزارت مشرتابه د خواشينۍ پيغام
په خواشينۍ مو خبر ترلاسه کړ چې د پژواک خبري آژانس کارکوونکي شاه محمد هارون د ورپېښې ناروغۍ له امله له نړۍ سترګې پټې کړې.
د اطلاعاتو او فرهنګ وزارت رهبري د ده پر مړينې خواشيني څرګندوي او د الله (ج) له درباره هغه ته د فردوس جنت، کورنۍ او خپلوانو، د پژواک خبري آژانس مشرتابه او کارکوونکو او د هېواد ټولو رسنيو ته د زغم او صبر هيله کوي.
پاى / ذ

کابل/ د غبرکولي ۲۶ مه/باختر
د اطلاعاتو او فرهنګ وزارت فرهنګي معینیت په نوښت نښتر دودیزه کلنۍ مشاعره په آنلاین ډول د روان کال د غبرګولې په ۲۱ مه ترسره شوه. د مشاعرې په پیل کې د پکتیا د اطلاعاتو او فرهنګ رییس صلاح الدین سلیس د مشاعرې د جوړېدو په هکله وینا وکړه او د کرونا په کړکېچن وضعیت کې د انلاین مشاعرې جوړول يې بې ساری ګام وباله. سلیس وویل" د وزارت له هدایت سره سم سږ کال مو د نښتر مشاعره په انلاین ډول جوړه کړه چې وکولای شو د نښتر مشاعرې یاد وساتل شي او هم هېواد والو ته  دا پیام ورسوو چې له یوه بل سره په همکارۍ او همغږۍ هره ناممکنه برنامه، ممکن کیدای شي چې یوه بېلګه یې د نښتر مشاعره ده او دا دی د انلاین مشاعرو بنیاد مو په اساسي توګه کېښود".سلیس د مشاعرې له ګډون والو مننه وکړه چې د مشاعرې جوړول یې په خپل ګډون شونی کړل.
د سلیس له وینا وروسته د اطلاعاتو او فرهنګ وزارت د خلک فرهنګ ریاست رییسې محبوبې بابکرخیل د وزارت پیغام ولوست. په پیغام کې راغلي دي:د اطلاعاتو او فرهنګ وزارت د یوې نوې طرحې له مخې وپتیله چې سږ کال د امکان تر حده دا مشاعرې په انلاین ډول تر سره کړي چې دا دی یوه هم نښتر مشاعره ده چې په انلاین ډول تر سره کېږي  او دا دی په دې کرونایي محیط کې د یوه خواږه بنډار د جوړویدو  شاهدان یو. د دې مشاعرې په واسطه به، له یوې خوا د شعر غونډو د جوړولو  فرهنګ ژوندی وساتو او له بلې خوا په دې زړه تنګي ماحول کې یو څو شېبې د شعر په ژبه بنډار وکړو او دې زړه تنګي ماحول ته به د لفظونو رنګیني وبخښو او بله ګټه یې دا ده چې په انلاین ډول به دا مشاعره له شماله تر سهیله او له ختیځه تر لویدیځه به هم ګډون وال او هم به لیدونکي ولري".

د وزارت له پيغام وروسته مشاعره پیل شوه. په دې مشاعره کې پر پکتیا سربیره له  کنړ، ننګرهار، کندوز، هلمند، لغمان، خوست، لوګر او پکتیکا څخه ګڼ شمېر شاعرانو او د شعر مینه والو هم خپل شعرونه په انلاین ډول د مشاعرې ګډونوالو او مینه والو ته ولوستل.
د یادولو وړ ده چې سږ کال د اطلاعاتو او فرهنګ وزارت د فرهنګي معینیت په نوښت ټولې ډودیزې مشاعرې په انلاین ډول ترسره کېږي او د انلاین مشاعرو د جوړېدو لړۍ روانه ده.

کابل / د غبرګولي ۲۵ مه / باختر

په خواشینۍ مو خبر تر لاسه کړ چې د هېواد تکړه سندرغاړي میرویس شوقي د ورپېښې ناروغۍ له امله له نړۍ سترګې پټې کړې.

میرویس شوقي د خپل ژوند ډېر کلونه د موسیقۍ هنر په چوپړ کې تېرکړل، لوی خدای خوږ غږ او ښه استعداد ورکړی و.

د اطلاعاتو او فرهنګ وزارت رهبري د ده مړینه ضایعه بولي، ارواښاد ته د فردوس جنت، د ده کورنۍ، خپلوانو او مینه والو او همدارنګه د هېواد ټولو سندرغاړو  ته د جمیل صبر هیله کوي.

 

Page 6 of 527