07 December 2019

RSS Facebook

سوداگریز


تازه خبرونه

څوارلس تنه دجنايي جرمونوپه تور ونيول شول

څوارلس تنه دجنايي جرمونوپه تور ونيول شول

کابل / د ليندۍ دمياشتې ١٤ مه / باختر...

دجوزجان بڼوالو دکار وسايل ترلاسه کړل

دجوزجان بڼوالو دکار وسايل ترلاسه کړل

کابل / د ليندۍ دمياشتې ١٤ مه / باختر...

يو قاتل ونيول شو

يو قاتل ونيول شو

کابل / د ليندۍ دمياشتې ١٤ مه / باختر : دکابل...

Youtube Player

khantry design

سوداگریز

سوداگریز

فرهنگی

کابل /دلړم ٢٧مه / باختر
داستاد عبدالقيوم ناصري شپږم  شعري اثر نن ديوې غونډې په ترڅ کې دتخار داطلاعاتواوفرهنګ رياست له لوري پرانستل شو
دباختراژانس دسيمه ييز خبريال دخبرله مخې،  په هغې غونډه کې چې په همدې مناسبت دشاعرانو ، ليکوالو ، فرهنګيانو او ديوشمېر ځوانانو په ګډون دتخار داطلاعاتواوفرهنګ رياست د کنفرانسونو په تالار کې  جوړه شوې وه  ددغه ولايت داطلاعاتو اوفرهنګ  رييس فاروق الله  عظيمي په ټولنه کې دشعر دمقام په باب خبرې وکړې او ويې ويل چې کتاب لوستل  له تاوتريخوالي اوبدمرغى  څخه ديوې خلاصې ټولنې  دلرلو لپاره يومهم اصل دى او دغه هېواد پوهو اوليکوالو  ځوانانو ته زياته اړتيا لري .
هغه داستاد ناصري  دشعري اثر چاپول دشعر اوشاعري  اوليکوالى په لاره کې يومهم ارزښت وباله .
  ختم_ عطاالله _ اکرم

کابل /دلړم ٢٧مه / باختر
درسنۍ ،بنسټ  او کارکوونکي دکاري  اختلافونو دحل کولو کمېسيون غونډه نن دنى بنسټ دمسوول  او ددغه کمېسيون دغړي مجيب خلوتګر  په مشرۍ  داطلاعاتواوفرهنګ په وزارت کې جوړه شوه .
دباختراژانس دخبريال دخبرله مخې،په غونډه کې دکارکوونکو دستونزودڅېړنې په اړوند خبرې وشوې اومجيب خلوتګر د امتيازونو او دنورو ستونزو له پلوه درسنيزو کارکوونکو دستونزو په باب معلومات وړاندې کړل اوزياته يې کړه چې تراوسه پورې دوه سوه ليکونه رسنيو او رسنيزو بنسټونو ، په رسنيو پورې اړوند  کمېسيونونو او دسيمه ييزو ارګانونو خپلواکې ادارې ته  لېږل شوي دي  چې يوويشتو مواردو ته تراوسه پورې رسيدګي شوې ده
  په غونډه کې دغه راز ټينګاروشو چې بايد پراخ رسنيز پروګرام جوړ شي اودکمېسيون يوغړى دهغه مسوده برابره کړي .
دغونډې په پاى کې پريکړه وشوه چې په راتلونکې غونډه کې دې  درسنۍ ، بنسټ  او کارکوونکي دکاري اختلافونو دحل د کمېسيون کاري رپوټ وړاندې شي .    ختم_ ف _اکرم

 

کابل/ د لړم ۲٦ مه/باختر
د اطلاعاتو او فرهنګ وزارت مسوولین وايي چې په تېرو دوو کلونو کې یواځې په چین کې د باختر ګنجینې آثار له یولسو میلیونو ډېرو خلکو ننداره کړي دي اوله دې درکه له یو نیم میلون ډالرو زیات عاید راټول شوی دی.
د افغانستان دغه تاریخي آثار چې پکې د (‌تپه فلول، آی خانم، طلا تپې، باګرام او تپه زرګران) ۲۳۰ آثار شامل دي‌ له شاوخوا دوه کلونو راهیسې د چین ولسي جمهوریت سره د فرهنګي راکړه ورکړې د ګډ تفاهم لیک پربنسټ په څلورو موزیمونو کې نندارې ته ایښودل شوي دي.
دا په داسې حال کې ده چې له دې وړاندې د باختر ګنجینه په دیارلسو نورو هېوادونو او ۲۹ موزیمونو کې هم نندارې ته وړاندې شوې چې له درکه یې میلیونونه ډالر عاید راټول شوی دی.
د اطلاعاتو او فرهنګ وزارت د فرهنګ او هنر معین پوهاند محمد رسول باوري له باختر اژانس سره په مرکه کې ویلي چې باختر ګنجینه له چین وړاندې په امریکا، کاناډا، جرمني، فرانسه او یو شمېر نورو هېوادونو کې نندارې ته وړاندې شوې چې له لارې یې د هېواد په بودجه کې میلیونونه ډالر جمع شوي دي.
باوري زیاتوي: په وروستیو دوو کلونو کې یواځې په چین کې له باختر ګنجینې څخه چې د دغه هېواد په بېلابېلو ولایتونو او موزیمونو کې نندارې ته وړاندې شوې تر یو نیم میلون ډالرو زیات عاید راټول شوی دی.
باوري یادې څرګندونې په داسې مهال کوي چې تازه یې په هانګ کانګ کې هم باختر ګنجینه نندارې ته وړاندې کړه.
د اطلاعاتو او فرهنګ وزارت دغه لوړ پوړی چارواکی وايي چې باختر ګنجینه به په هانګ کانګ درې میاشتې نندارې ته اېښودل شوې وې او له هغې وروسته ترې د چین دوو نورو موزیمونو هم غوښتنه کړې چې باختر ګنجینه په خپلو موزیمونو کې نندارې ته وړاندې کړي.
باوري زیاتوي چې له چین وروسته هند، قزاقستان، امارات او یو شمېر نور هېوادنه هم غواړي چې باختر ګنجینه د خپلو هېوادونو په موزیمونو کې نندارې ته وړاندې کړي.
هغه وړاندې وايي چې ورته نندارتونونه د هېواد د تاریخ او فرهنګ په معرفي کولو کې هم ډېر زیات ارزښت لري، چې له دې جملې د فرهنګي اړیکو زیاتېدل، د خلکو د ذهنیت بدلېدل او مادي ګټه یې له تر ټولو مهمو ارزښتونو څخه دي.
د اطلاعاتو او فرهنګ وزارت د فرهنګ او هنر معین وايي چې زیات شمېر څېړونکي د باختر ګنجینې له کتو وروسته دې ته لېوال شوي چې د افغانستان پر تاریخي آثارو څېړنې وکړي.
هغه زیاتوي چې په باختر  ګنجینه کې نندارې ته د وړاندې شویو آثارو په څېر په هېواد دننه زرګونه نور تاریخي آثار او آبدات شته چې دا مهال یې د سیلانیانو پام ځان ته راړولی دی.
په ورته وخت کې د کونړ د اطلاعاتو او فرهنګ رییس جنت ګل فدا وايي چې د هېواد ختیځ ولایتونه په ځانګړي ډول نورستان او کونړ هم د نړۍ له سمسورو سیمو څخه کم نه دي.
فدا زیاتوي چې دغه ولایتونه هم سمسور طبیعت او پر ځنګونو پوښل شوي غرونه لري، خو د سیلانیانو لپاره پکې کار نه دی شوی.
فدا وايي: که په هېواد کې د ګرځندوی لپاره کار وشي، دی هیله من دی چې هر کال به په میلونونو سیلانیان دا سیمې وګوري او له دې لارې به د دولت بودجې ته هم په میلیونونو عاید راټول شي.
په خوست کې مدني فعال نجیب بیا وايي چې دا مهال د نړۍ هېوادونه په ځانګړي ډول مصر زیات عاید د ګرځندوی له لارې ترلاسه کوي.
نجیب زیاتوي: که په هېواد دننه د ګرځندوی یا توریزم د ودې لپاره ښه فعالیتونه ترسره شي، نه یواځې دا چې د دولت په بودجه کې به د پام وړ بدلون رامنځته شي، بلکې وزګارو خلکو ته به د کار کولو فرصتونه هم برابر شي.
د اطلاعاتو او فرهنګ وزارت د فرهنګ او هنر معین پوهاند محمد رسول باوري هم مني چې په هغه ډول چې لازمه ده د ګرځندوی لپاره کار نه دی شوی.
باوري زیاتوي چې، ناامني، ترانسپورت، د ویزو اسانتیا او په تاریخي او طبیعي سیمو کې د استوګنې لپاره د مناسب چاپېریال نشتون، هغه خنډونه دي چې د داخلي او بهرنیو سیلانیانو مخه یې نیولې ده.
د راپورنو له مخې دا مهال په منځني ډول په نړۍ کې د سیلانیانو شمېر یو اعشاریه دوه میلیاردو ته رسېږي چې هېوادونو ته یې عاید تر زرو میلیاردو ډالرو اوړي.
پای/وصال

کابل/دلړم۲۵مه/باختر
د اطلاعاتو او او فرهنګ وزارت چارواکي وايي چې د افغانستان د بګرام ګنجینې دیارلس قیمتي تاریخي اثار د پاکستان د پخوانۍ صدر آعظمې بې نظیر بټو په کور کې اېښودل شوي دي.
دا په داسې حال کې ده چې په هېواد کې د وروستیو څلورو لسیزو جنګ جګړو له امله زرګونه تاریخي اثار نه یوازې دا چې زیانمن شوي دي، بلکې ګاونډیو هېوادونو ته هم قاچاق شوي دي.
د افغانستان د اطلاعاتو او فرهنګ وزارت مسوولین وايي چې هڅې یې پيل کړي، څو قاچاق او تالا شوي اثار بېرته هېواد ته راولېږدوي.
د اطلاعاتو او فرهنګ وزارت د فرهنګ او هنر معین پوهاند محمد رسول باوري له باختر اژانس سره په مرکه کې ویلي چې د موزیمونو د نړیوالې ورځې په نمانځغونډه کې یې له یونیسکو څخه غوښتنه کړې، چې د هېواد له موزیمونو څخه تالا شوي اثار په سره کرښه کې راولي او د پېرـ پلور مخه یې ونیول شي.
پوهاند باوري یادې څرګندونې پر داسې مهال کوي چې څو ورځې وړاندې تازه د چین په هانګ کانګ کې ورته د افغانستان یو قیمتي اثر چې روژتي بودا نومېږي او د هېواد په ملي موزیم کې هم ثبت دی سپارل شوی دی.
باوري زیاتوي چې د روژتي بودا مجسمه ورته د چین په هانګ کانګ کې د ګبریل شاین په نامه یو بودايي راهب سپارلی ده.
شاین د یاد اثر د سپارلو پر مهال ویلي چې روژتي بودا یې شاوخو اووه کاله وړاندې په تایلنډ کې پېرلی، خو په حقیقت له پوهېدلو وروسته یې پرېکړه وکړه چې دغه اثر خپلو اصلي څښتنانو ته وسپارل شي.
د اطلاعاتو او فرهنګ وزارت معین پوهاند محمد رسول باروي وايي چې په نړۍ کې روژتي بودا ته ورته درې مجسمې شته چې یوه یې د پاکستان هېواد په لاهور موزیم کې نندارې ته اېښودل شوې، بله یې په صوات کې ده او دریېمه یې هم په تایلنډ کې ده.
خو له دوو کلونو هلو ځلو وروسته دا جوته شوه چې هغه دریېم اثر چې په تایلنډ کې دی هغه له افغانستان څخه قاچاق شوی او بیا په یوه بودايي راهب پلورل شوی دی.
باوري وړاندې وايي چې د یونیسکو د اعلامیې له خپرېدو وروسته ټول قاچاقبران باوري شول چې  نور نه یواځې دا چې د نورو هېوادونو تاریخي اثار نه شي قاچاق کولی، بلکې پېر او پلور یې هم ورته ګټه نه کوي، نو ځکه د یاد وزارت مسوولین بریالي شول چې دغه اثر  له ډېرو ستونزو او د بېلابېلو ادارو د دروازو له ټکولو وروسته هېوادته راولېږدوي.
د فرهنګ او هنر معین پوهاند باوري زیاتوي چې د لوټ شویو اثارو د بېرته راټولولو په لړۍ کې يې له دې وړاندې هم ۱۰۲ تاریخي اثار له جاپان، ۱۲۰۰ له سویس، دوه له امریکې او یو زیات شمېر تاریخي اثارله نورو هېوادونو څخه بېرته هېواد ته رالېږدول شوي دي.
د پوهاند په خبره د تاریخي اثارو د راټولولو په برخه کې لا هم لاس تر زنې نه دی ناست او په نږدې راتلونکي کې به دوه نور تاریخي اثار چې په جرمنې کې دي او تر دولسو زیات نور چې په لندن کې دي هغه هم هېواد ته راولېږدول شي او د تاریخي اثارو د راټولولو دا لړۍ به په هېواد دننه او بهر کې همداسې دوام ولري.
افغانستان چې د تاریخي آبداتو او اثارو په برخه کې یو له غني هېوادونو څخه شمېرل کېږي په وروستیو څلورو لسیزو کې یې زیات شمېر تاریخي اثار تالا شوي او نورو هېوادونو ته لېږدول شوي دي چې د چارواکو په وینا د یو شمېر اثارو څرک ورته معلوم دی چې د بېرته راوړلو لپاره یې هڅې پيل شوي دي، خو د زرګونو نورو تالا شویو اثارو څرک لا هم نه دی معلوم چې کومو ځایونو ته قاچاق شوي دي.
پای/وصال

Page 6 of 488