24 January 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

فرهنگی

کابل/ د مرغومي ٨ مه/ باختر
د اطلاعاتو او فرهنګ وزارت د ځوانانو چارو معينيت خبرتيا
د اطلاعاتو او فرهنګ وزارت د ځوانانو چارو معينيت د مصؤنيت او روزنې رياست،               د ځوانانو لپاره د زده کړې د فرصتونو د برابرولو په موخه د (MTN) مخابراتي شرکت د خيريه بنسټ په مالي ملاتړ د شاهين د تخنيکي او مسلکي لوړو زده کړو له انستيتوت سره د انګليسي ژبې، معلوماتي ټکنالوجۍ او د ادارې او منجمت په برخوکې د همکارۍ موافقه ليک لاسليک کړى دى. 
د دغه موافقه ليک له مخې، ٨٠٠ ځوانانو ته په وړيا توګه د زده کړې زمينه برابره شوې ده .
مينه وال کولاى شي د نوم ليکنې او انستيتوت ته د پېژندنې په موخه له دوو عکسونو او           د تابعيت تذکرې له فوتوکاپۍ سره په پل باغ عمومي کې د ځوانانو چارومعينيت ته ورشي.
پاى \ ذ

کابل/ د مرغومي ٧مه/ باختر
د اطلاعاتو او فرهنګ وزارت سرپرستې د پروان د اطلاعاتو او فرهنګ له رييس سره په کتنه کې د تاريخي آبداتو پر ساتنې ټينګار وکړ.
په پيل کې د پروان د اطلاعاتو او فرهنګ رييس د هېواد فرهنګي، هنري او تاريخي مسئلو ته د اطلاعاتو او فرهنګ وزارت د سرپرستې له پاملرنې مننه وکړه اوبيا پردغوموضوعاتووغږيده: د جمهوري رياست دملي پراختيا عملياتي اوملاتړې ادارې سره د امام اعظم ابوحنيفه (رح) د فرهنګي مجتمع د جوړولو په برخه کې د وزارت د مقام همغږۍ چې د هېواد د جمهوررييس يوژمنه ده، د جهاد او مقاومت موزيم په توګه د جبل السراج شاهي ماڼۍ په اړه د جمهوررييس ژمنه، د جبل السراج د زاړه بازار د بيارغاونې په اړه د جمهوررييس ژمنه، د پروان په مرکز او جبل السراج ولسوالۍ کې دهغولرغونوسيمواوتاريخي آبدو چې له خطرسره مخ دي،سروې، د ملي پارک په نامه د ګلبهار د عمومي بڼ د نومولو وړانديز، د مالي ستونزو له امله د پروان ورځپاڼې د خپرونو ځنډېدل، د پروان د ارزاقو ګودام د آبدې ترميم، د سرورخان تاريخي برج ټينګښت او د تاريخي آبداتو او ساحو د ساتنې او څارنې په موخه د نقليه واسطې پېرودل.
وروسته د اطلاعاتو او فرهنګ وزارت سرپرستې حسينې ساپۍ د تاريخي آبداتو د ساتنې په برخه کې د پروان ولايت د اطلاعاتو او فرهنګ د رييس د پروګرامونو قدرداني اوملاتړ وکړ.
پاى \ ذ

کابل / د مرغومي ٦مه / باختر :
داطلاعاتو اوفرهنګ  وزارت دټوليزو رسنيو دپاليسو مسوده چمتو کړې  او نظرغوښتنې ته يې وړاندې کړې ده . نو له تاسو درنو رسانه والو ، درسنيو فعالانو او دنظر له خاوندانو څخه  په  خورا درنښت هيله کوو چې ددې پاليسۍ په اړه خپل نظرونه له موږ سره شريک کړئ تاسو کولاى شئ چې ددې پاليسۍ مسوده داطلاعاتو اوفرهنګ وزارت له ويب پاڼې څخه ترلاسه کړئ.
WWW . MoIC.Org.af

کابل/ دمرغومي ٥مه/ باختر:
داطلاعاتواوفرهنګ وزارت دفرهنګ او هنر  معين پوهاند محمد رسول باوري نن دکابل ولايت دسروبي له ولسوال سره په کتنه کې  دکابل دفرهنګي  اوونۍ دجوړولو او په  ٢٠٢٤ کال کې داسلامي  ثقافت  دمرکز په توګه دکابل دټاکنې لپاره دتياري  په اړوند خبرې وکړې .
  دباختراژانس دخبريال دخبرله مخې ،  په دې کتنه کې دسروبي ولسوال ګوهرخان بابري دکابل دفرهنګي اوونۍ دنمانځنې او په ٢٠٢٤ کال کې داسلامي ثقافت  دمرکز په توګه دکابل دټاکنې په خاطر دپروګرامونو او تياري په باب دفرهنګ اوهنر معين ته ډاډ  ورکړ او خپلې يولړ نظريې او وړانديزونه يې هم طرحه کړل او دسروبي ولسوالۍ دکتابتون دترميمولو  غوښتنه يې وکړه .
پوهاند باوري څرګنده کړه چې داسلامي  هېوادونو علمي او فرهنګي سازمان (ايسيسکو )  په  ٢٠٠٧  ميلادي کال کې ، کابل په  ٢٠٢٤ کال کې دنړۍ داسلامي ثقافت  دمرکز په توګه اعلام کړى دى .
هغه زياته کړه دغه راز په هغې غونډه کې چې تېره اوونۍ دايسيسکو سازمان له لوري په تونس  کې جوړه شوه پريکړه وشوه چې په ٢٠٢٤ کال کې دې دنړۍ داسلامي ثقافت  دمرکز په توګه دکابل دانتتخابولو په خاطر په کابل کې ځانګړي مراسم پرځاى شي .
پوهاند باوري وويل چې داطلاعاتواوفرهنګ وزارت په  ٢٠٢٤ کال کې ددغو مراسمو دپرځاى کولو لپاره دکابل دچمتو کولو مسووليت لري او په ٢٠٢٤ ميلادي کال کې دنړۍ داسلامي ثقافت  دپايتخت په توګه دکابل دغوره نمانځنې او دکابل دفرهنګي اوونۍ دنمانځنې په خاطر په ښه چمتووالي باندې ټينګاروکړ . دغه رازدفرهنګ اوهنر معين دسروبي ولسوالۍ  د کتابتون دترميمولو په برخه کې  داطلاعاتواوفرهنګ وزارت دپاملرنې  اوهکمارى ژمنه  وکړه .
  ختم_ عطاالله – اکرم

Page 6 of 498