26 January 2020

RSS Facebook

سوداگریز


تازه خبرونه

د ملي ګټو پر محور د راټولېدو اړتیا

کابل/ د سلواغې ۶ مه/ باختر ټول دا مني چې افغانستان...

جمهورريیس غني له راس ویلسون او جنرال سکاټ مېلر سره وکتل

جمهورريیس غني له راس ویلسون او جنرال سکاټ مېلر سره وکتل

کابل/ د سلواغې ٦ مه/ باختر د افغانستان د اسلامي جمهوریت...

  د نشه يي توکو دوه قاچاق وړونکي ونيول شول

د نشه يي توکو دوه قاچاق وړونکي ونيول شول

کابل/ د سلواغې ٦ مه/ باختر پوليسو دوه تنه په کابل...

Youtube Player

khantry design

سوداگریز

سوداگریز

فرهنگی

کابل/ دمرغومي ٥مه/ باختر:
داطلاعاتواوفرهنګ وزارت دفرهنګ او هنر  معين پوهاند محمد رسول باوري نن دکابل ولايت دسروبي له ولسوال سره په کتنه کې  دکابل دفرهنګي  اوونۍ دجوړولو او په  ٢٠٢٤ کال کې داسلامي  ثقافت  دمرکز په توګه دکابل دټاکنې لپاره دتياري  په اړوند خبرې وکړې .
  دباختراژانس دخبريال دخبرله مخې ،  په دې کتنه کې دسروبي ولسوال ګوهرخان بابري دکابل دفرهنګي اوونۍ دنمانځنې او په ٢٠٢٤ کال کې داسلامي ثقافت  دمرکز په توګه دکابل دټاکنې په خاطر دپروګرامونو او تياري په باب دفرهنګ اوهنر معين ته ډاډ  ورکړ او خپلې يولړ نظريې او وړانديزونه يې هم طرحه کړل او دسروبي ولسوالۍ دکتابتون دترميمولو  غوښتنه يې وکړه .
پوهاند باوري څرګنده کړه چې داسلامي  هېوادونو علمي او فرهنګي سازمان (ايسيسکو )  په  ٢٠٠٧  ميلادي کال کې ، کابل په  ٢٠٢٤ کال کې دنړۍ داسلامي ثقافت  دمرکز په توګه اعلام کړى دى .
هغه زياته کړه دغه راز په هغې غونډه کې چې تېره اوونۍ دايسيسکو سازمان له لوري په تونس  کې جوړه شوه پريکړه وشوه چې په ٢٠٢٤ کال کې دې دنړۍ داسلامي ثقافت  دمرکز په توګه دکابل دانتتخابولو په خاطر په کابل کې ځانګړي مراسم پرځاى شي .
پوهاند باوري وويل چې داطلاعاتواوفرهنګ وزارت په  ٢٠٢٤ کال کې ددغو مراسمو دپرځاى کولو لپاره دکابل دچمتو کولو مسووليت لري او په ٢٠٢٤ ميلادي کال کې دنړۍ داسلامي ثقافت  دپايتخت په توګه دکابل دغوره نمانځنې او دکابل دفرهنګي اوونۍ دنمانځنې په خاطر په ښه چمتووالي باندې ټينګاروکړ . دغه رازدفرهنګ اوهنر معين دسروبي ولسوالۍ  د کتابتون دترميمولو په برخه کې  داطلاعاتواوفرهنګ وزارت دپاملرنې  اوهکمارى ژمنه  وکړه .
  ختم_ عطاالله – اکرم

کابل/ د مرغومي ٤مه/ باختر
له بين المللي معيارسره سم د مجلو د سريال نمبر د ثبت لپاره دموظف کمېسيون غونډه نن د اطلاعاتو او فرهنګ وزارت د خپرونو چارو د معين  فاضل سانچارکي په مشرۍ   جوړه شوه.
د باختر آژانس خبريال د خبرله مخې: دغه غونده د سريال نمبر د وېش مرکز د جوړولو لپاره د وزيرانو شورا د روان کال د تلې  د٢٢ مې مصوبې د تطبيق په موخه  جوړه شوه.
په دغه کمېسيون کې د عدليې، لوړو زده کړو او د پوهنې وزارتونو واکمن استازي  غړيتوب لري.
د کمېسيون په غونډه کې له هر اړخيزو خبرو وروسته له بين المللي معيارونو سره سم د اطلاعاتو او فرهنګ وزارت په چوکاټ کې د سريال نمبر د وېش د مرکز په  جوړولو ټينګار وشو او هم څرګنده شوه چې دغه مرکز دې د يونسکو له ادارې سره په اړيکه او همغږۍ کې کار وکړي.
دغه راز په دې برخه کې د بهرنيو چارو له وزارت سره په همغږۍ کې د هوګړليک د برابرولو د موضوع په اړه خبرې وشوې.
د غونډې په پاى کې د اطلاعاتو او فرهنګ وزارت د خپرونو چارو معين سېد آقاحسين سانچارکي د کمېسيون غړو ته لارښوونه وکړه چې دبين المللي سريال نمبر ( ISSN)
د ثبت په مقدماتي چاروکې په فعاليت پيل وکړي او راتلوونکو پړاوونو ته يې هم پاملرنه وکړي.
پاى \ ف\ ذ

 

کابل/ د مرغومي ٤مه/ باختر
د اطلاعاتو او فرهنګ وزارت د فرهنګ او هنر معين پوهاند محمد رسول باوري نن  په ملي نګارستان کې د انځورګرۍ او خطاطۍ د آثارو نندارتون پرانيست.
د باختر آژانس خبريال دخبرله مخې: د دغه نندارتون د پرانيستلو په مراسموکې يوشمېر هغو ځوانو هنرمندانو ته چې څه موده مخکې د ژوندۍ انځورګرۍ په هغې سيالۍ کې  چې د هېواد د خپلواکۍ د بېرته ترلاسه کولو د سلمې کاليزې په مناسبت د هنرستان رياست ترسره کړى و او د جايزې او ستاين ليک مستحق پېژندل شوي وو؛ جايزې او ستاين ليکونه هم ورکړل شول.
په دغو مراسموکې په داسې حال کې چې د اطلاعاتو او فرهنګ وزارت سلاکارانو ډاکټر طارق رشاد او عاقبت الله اديب يار هم حاضر وو، پوهاند باوري خبرې وکړې او د هنرمندانو له کړنو څخه په قدردانۍ سره په انځورګرۍ هنرکې يې استعداد، خلاقيت او ظرافت د مهمو ارزښتونو له جملې څخه وبلل.
هغه زياته کړه: هغه کسان چې د اطلاعاتو او فرهنګ وزارت د ملي نګارستان له لوري ستايل کېږي او جايزه ترلاسه کوي؛ په حقيقت کې د نورو ځوانانو لپاره الګو کېږي چې نور ځوانان هم هڅه وکړي او سترو برياليتوبونو ته ورسېږي.
وروسته د ملي هنرستان رييس محمد هاشم شارق د پروګرام په اړوند معلومات ورکړل او ويې ويل چې په دغه نندارتون کې د ملي نګارستان د هنرمندانو او د هغو هنرمندانو چې د فرهنګي او انافي، عظيمي، الموت، باميان او د غلام محمد ميمنه ګي د هنري روزنتون له بنسټونوڅخه د ژوندۍ انځورګرۍ په سيالۍ کې ګډون کړى و، د انځورګرۍ او خطاطۍ٥٠ آثار شامل دي.
د ژوندۍ انځورګرۍ د هغې سيالۍ په پايله کې چې څه موده مخکې ترسره شوې وه؛ د عظيمې له هنري بنسټ څخه تدبير مهران د دغې سيالۍ  لومړى مقام، د انافي له هنري مرکز څخه هلال دوېيم مقام او د ملي هنرستان له رياست څخه مريمې درېيم مقام وګاټه.
مسوولينو ګټونکو ته جايزې او ستاينليکونه او د دغې سيالۍ نورو برخه والو ته ستاينليکونه ورکړل.
د ملي نګارستان مسوولې صابرې رحماني د دغو ځوانو انځورګرانو کړه وړه وستايل او څرګنده يې کړه چې ملي نګارستان د نندارتونونو په جوړولوکې تل د هنرمندانو همکار دى.
دغه راز هغې له هنر او د هېواد له هنرمندانو سره د ملاتړ او د هنر ودې په برخه کې د حکومت د مسوولينو د زياتې پاملرنې غوښتنه وکړه.
د مراسمو په پاى کې د اطلاعاتو او فرهنګ وزارت د فرهنګ او هنر معين د انځورګرۍ او خطاطۍ د آثارو نندارتون پرانيست او برخه والو د هغه ننداره وکړه.
پاى\ ف\ ذ

 

کابل / د مرغومي ٤مه / باختر
د رسنيو د عالي شورا غونډه پرون د اطلاعاتو او فرهنګ وزارت د سرپرستې حسينې ساپۍ په رياست جوړه شوه.
په غونډه کې د ټوليزو رسنيو پاليسۍ د طرحې په اړه چې د رسنيو عالي شورا بشپړه کړې ده، خبرې وشوې او پرېکړه وشوه چې دا طرحه دې د لا بډاينې په موخه د مرغومي له څلورمې تر لسمې د يوې اوونۍ لپاره ټولپوښتنې ته وړاندې شي چې د رسنيو کارکوونکي او د نظر خاوندان د هغې په اړه خپلې نظريې وړاندې کړي.
په غونډه کې همدارنګه د رسنيو عالي شورا د غړيو پر سوبتيا او فعال ګډون هم خبرې وشوې.
پاى/ذ

Page 7 of 499