23 September 2019

RSS Facebook

سوداگریز


تازه خبرونه

په بغلان کې ٢٥٠ کورنيو مرسته ترلاسه کړه

په بغلان کې ٢٥٠ کورنيو مرسته ترلاسه کړه

پلخمري/ د وږي٣١ مه/ باختر په بغلان کې د وروستيوجګړو له...

چاودنې په پروان کې يوه ښځه ووژله

چاودنې په پروان کې يوه ښځه ووژله

کابل/ د وږي٣١ مه/ باختر د پروان په مرکز ملتان سيمه...

انتخاباتي کمېسيونونو د همکارۍ هوکړه ليک لاسليک کړ

انتخاباتي کمېسيونونو د همکارۍ هوکړه ليک لاسليک کړ

کابل/ د وږي٣١ مه/ باختر د انتخاباتوخپلواک کمېسيون او د انتخاباتي...

Youtube Player

khantry design

سوداگریز

سوداگریز

فرهنگی

کابل / باختر/ د وږي ٤مه
د اطلاعاتو او فرهنګ وزارت د سرپرستې حسينې ساپۍ په مشرۍ نن د رسنيزو شکايتونو او سرغړونو د څېړنې د کمېسيون غونډه جوړه شوه.
د باختراژانس د خبريال د خبرله مخې، په دې غونډه کې د پنځو مواردو رسنيزو شکايتونو او سرغړونو په اړوند چې له يوشمېر دولتي او خصوصي بنسټونو له لوري کمېسيون ته لېږل شوې وې خبرې وکړې .
  دغه راز د کمېسيون غړو له خبرو او څېړنې وروسته د شکايتونو د هر مورد په اړوند د رسنيزو شکايتونو اوسرغړونو سره سم لازمې پريکړې وکړې .
  ختم_  عطاالله _ اکرم

کابل / باختر/ د وږي ٤مه
د اطلاعاتو او فرهنګ وزارت د فرهنګ او هنر معين پوهاند محمد رسول باوري پرون د هېواد ښه سندرغاړي شريف غزل ته د استادۍ  د لقب سند ورکړ.
د باختراژانس د خبرله مخې، په هغې غونډه کې چې په همدې مناسبت د جګپوړو  دولتي چارواکو او د اطلاعاتو او فرهنګ وزارت د رييسانو او د فرهنګي شخصيتونو په شتون  د حکومت د اطلاعاتو او رسنيو په مرکز کې جوړه شوه.
د اطلاعاتو او فرهنګ وزارت د فرهنګ او هنر معين پوهاند محمدرسول باوري د هغو زيانونو په اړوند چې په تېرو پېښو کې بېلابېلو فرهنګي برخو ته په تېره بيا د موسيقۍ هنر ته رسېدلي دى خبرې وکړې او هغه کسان يې وستايل چې دهېواد د اصيلې موسيقۍ د هنر  په ژوندي  ساتلو کې يې هڅه کړې ده.
  پوهاند باوري د هېواد د موسيقۍ سرتاج استاد سرآهنګ د افغانستان او سيمې د کلاسيکې موسيقۍ  يو له سترو وياړنو څخه وباله او ويې ويل چې شريف غزل د استاد سرآهنګ د شاګردانو او پيروانو له جملې او  د هېواد د کلاسيکي  موسيقۍ  له پانګو څخه دى.
وروسته د جمهوري رياست دعامه او ستراتيژيکي ارتباطاتو د ادارې رييس وحيد عمر شريف غزل ته د استادۍ لقب د ورکړې  په خاطر د اطلاعاتو او فرهنګ له وزارت څخه په مننې سره هغه يې په افغانستا ن کې د کلاسيکې  موسيقۍ له سترو پانګو څخه وباله.
عمر وويل چې کابو ١٥٠ کاله مخکې په افغانستان کې کلاسيکه موسيقي پيدا شوا او استاد سر آهنګ کلاسيکه موسيقي لوړ پړاو ته ورسوله او شريف غزل د موسيقۍ  د سرتاج استاد سرآهنګ له سبک  څخه په پېروۍ سره د موسيقۍ د دغه غره ياد اوخاطره ژوندۍ ساتلې ده.
شريف غزل هم په خبرو کې هغه ته د استادۍ لقب د ورکړې په خاطر د اطلاعاتو او فرهنګ له وزارت څخه مننه  او قدرداني وکړه .
وروسته د پوهاند باوري په واسطه دهېواد دکلاسيکې موسيقۍ محبوب سندر غاړي شريف غزل ته د استادۍ  لقب ورکړ شو او د دغې غونډې په پاى کې استاد شريف غزل حاضرينو ته د کلاسيکې موسيقۍ او دغزل ټوټې  اجرا کړې.
  ختم- ف _ اکرم

کابل/ باختر / د وږي ٣ مه
د «فېروزکوه فرهنګي موسسې» او د اطلاعاتو او فرهنګ وزارت ترمنځ نن د همکارۍ هوکړه ليک لاسليک شو.
دغه هوکړه ليک د اطلاعاتو او فرهنګ وزارت د فرهنګ او هنر معين پوهاند محمد رسول باوري او د «فېروزکوه فرهنګي موسسې» لوى رييس ناتان واکراستروب  لاسليک کړ.
د باختر آژانس خبريال د خبر له مخې: ددغه هوکړه ليک له مخې د «فېروزکوه فرهنګي موسسې» د غيرملموسو فرهنګي آثارو په مرمت کولوکې له اطلاعاتو او فرهنګ وزارت سره همکاري کوي.
پوهاند باوري د دغه هوکړه ليک له لاسليک کولو مخکې وويل چې د اطلاعاتو او فرهنګ وزارت د «فېروزکوه فرهنګي موسسې» په هر اړخيزې همکارۍ سره بريالى شوى دى چې په دې فرهنګي برخه کې لاسته راوړنې ولري.
هغه دغه راز وويل چې د اطلاعاتو او فرهنګ وزارت د دغه بنسټ په همکارۍ هڅه کوي چې د هېواد يوشمېر غير ملموس فرهنګي آثار د نړيوالو آثارو په فهرست کې        شامل کړي.
وروسته د «فېروزکوه فرهنګي موسسې» رييس، د فرهنګ او هنر له معينيت سره د دغه بنسټ پر همکارۍ باندې په ټينګار سره وويل چې د هوکړه ليک موخو ته د رسېدو لپاره په لومړي ګام کې د اطلاعاتو او فرهنګ وزارت کارکوونکي روزل کېږي چې څه ډول غيرملموس آثار مرمت کړي.
د هغه د څرګندونو له مخې: د هېواد په مرکز او ولايتونوکې ١٩غير ملموس فرهنګي آثار مرمت ته اړتيا لري.
د دغه هوکړه ليک د لاسليک کولو په مراسموکې د اطلاعاتو او فرهنګ وزارت فرهنکي سلاکار ډاکتر خوشحال روهي هم شتون درلود.
پاى \ف \ ذ

کابل/ باختر / د وږي ٣ مه
د «اخلاص ټولنې» د فرهنګي موسسې رييس، نن د حيواناتو څو تاريخي فُسيلونه په ملي موزيم کې د ساتنې لپاره د اطلاعاتو او فرهنګ وزارت د فرهنګ او هنر معين پوهاند محمد رسول باوري ته وسپارل.
د باختر آژانس خبريال د خبرله مخې: د دغو تاريخي فُسيلونو د سپارلو په مراسموکې پوهاند باوري وويل چې دغه فُسيلونه په ډول ډول حيواناتو پورې اړه لري چې څو ميليونه کاله لرغونتيا لري او له علمي پلوه دغه فُسيلونه د زولوژۍ په برخه کې مطالعه کېږي.
دغه راز د اطلاعاتو او فرهنګ وزارت د فرهنګ او هنر معين، د «اخلاص ټولنې» د فرهنګي موسسې د رييس د همکارۍ له امله مننه وکړه.
په دغو مراسموکې د ملي موزيم رييس محمد فهيم رحيمي وويل چې د ډول ډول حيواناتو دغه تاريخي فُوسيلونه د کوزې پښتونخوا سيمې له سليمان غرونو څخه      ترلاسه شوي دي.
هغه وويل: دغه فُوسيلونه به د طبيعي تاريخ په څانګه کې چې په ملي موزيم کې رامنځته شوې ده؛ وساتل شي او زياته کړه چې په پام کې ده په راتلوونکي کې د ملي موزيم په چوکاټ کې د طبيعي تاريخ يو موزيم جوړ شي.
له کوزې پښتونخوا څخه د «اخلاص ټولنې» د فرهنګي موسسې رييس اطلس خان شيراني هم وويل چې دغه آثار د کوزې پښتونخوا له سيمې څخه ترلاسه شوي دي او د ساتنې په موخه ملي موزيم ته وسپارل شول.
پاى \ف\ ذ

 

Page 7 of 469