17 November 2019

RSS Facebook

سوداگریز


تازه خبرونه

 محمد اجمل شاهپور  دمشرقي دحوزې دځوانانو حالت وڅيړه .

محمد اجمل شاهپور دمشرقي دحوزې دځوانانو حالت وڅيړه .

کابل /دلړم ٢٥مه / باختر : داطلاعاتواوفرهنګ وزارت دځوانانو دچارومعين محمد...

 په سرپل کې  د صداقت دفوټبال ټيم  اتل شو .

په سرپل کې د صداقت دفوټبال ټيم اتل شو .

کابل /دلړم ٢٥مه / باختر : په سرپل کې دسولې اودوستۍ...

Youtube Player

khantry design

سوداگریز

سوداگریز

فرهنگی

کابل/دتلې۲۸مه/باختر
د اطلاعاتو او فرهنګ وزارت مسوولین وايي چې دغه وزارت ژمن دی چې د علامه ابن حبان بُستي د آثارو ژباړې ته زمینه برابره شي.
دغه څرګندونې د اطلاعاتو او فرهنګ وزارت سلاکار ډاکتر طارق رشاد هلمند ته د سفر په ترڅ کې د علامه ابن حبان بُستي په علمي ـ څېړنیز سیمینار کې وکړې.
د باختر آژانس د سیمه ييزخبریال د خبر له مخې: د اطلاعاتو او فرهنګ وزارت د سلاکار ډاکتر طارق رشاد په مشرۍ ۱۵ کسیز پلاوي د فرهنګي اوونۍ د نمانځلو په موخه هلمند ته سفر کړی چې هلته به علمي سیمینارونه، مشاعرې، د تاریخې آبداتو د لیدنې او ګڼ نور فرهنګي پروګرامونه ترسره کړي.
د هلمند سرپرست والي مجاهد الله صفاري د اطلاعاتو او فرهنګ وزارت له رهبرۍ څخه مننه وکړه چې د هېواد د یوه ستر شخصیت علامه ابن حبان بُستي پر ژوند، آثار او افکارو يې علمي ـ څېړنیز سیمینار جوړولو ته زمینه برابره کړې. ده
صفاري زیاته کړه: د دې ډول سیمینارونو جوړول یوه ستره اړتیا ده چې د هېواد د نوموتو شخصیتونو او هستیو په ویاړ غونډې جوړې شي او د هغوی د ستاینې ترڅنګ د هغوی له پوهې او افکارو څخه په اوسني وخت کي په پوره ډول ګټه پورته شي.
د اطلاعاتو او فرهنګ وزارت د خلکو او فرهنګ رییسې محبوبې بابکرخېل د علامه ابن حبان بُستي د علمي ـ څېړنیز سیمینار په تړاو د جمهوررییس محمد اشرف غني پیغام ولوست.
د اطلاعاتو او فرهنګ وزارت سلاکار ډاکتر طارق رشاد وویل: د اطلاعاتو او فرهنګ وزارت ژمن دی چې د علامه ابن حبان بُستي د آثارو ژباړې ته زمینه برابره شي، د علامه ابن حبان بُستي په نوم د مډال چارې هم بشپړې شوې او د مقبرې جوړولو لپاره به يې هم کار وکړي چې په اساسي ډول ورغول شي.
وروسته یو شمېر لیکوالانو د علامه ابن حبان بُستي د ژوند، پوهې، مقام، آثارو او علمي تالیفاتو، علمي سفرونو او نورو برخو په  اړوند مقالې او معلومات وړاندې کړل.
پای/وصال

 

کابل/دتلې۲۷مه/باختر
د سارک د فرهنګي مرکز غړي وايي چې په سېمه کې د فرهنګي ارزښتونو ساتلو او عدم تشدد فلسفې د فرهنګ ترویج ته ژمن دي.
د لویديځې اسيا د همکاریو سازمان (سارک) د فرهنګي مرکز د مدیره پلاوي يوولسمه کلنۍ غونډه په سرېلانکا کې د روان ميلادي کال د اکتوبر له ۱۶ تر ۱۷ نيټې ترسره شوه.
دا غونډه چې د سارک د ټولو اتو غړو هېوادونو (افغانستان، بنګلدیش، سرېلانکا، هندوستان، پاکستان، نيپال، مالديف او بوتان ) استازو پکې ګډون درلود، مشري یې د هېواد د اطلاعاتو او فرهنګ وزارت د پلان او پالېسي ریېس عبدالمقیم افغان کوله.
د اطلاعاتو او فرهنګ وزارت د پلان او پالېسي ريېس عبدالمقیم افغان باختر اژانس ته وویل چې په دې غونډه کې د سارک فرهنګي مرکز د تېر کال کړنې وارزول شوې او د چارو د لاسمون او همغږۍ په موخه د مرکز له مسوولینو سره لازمې سپارښتنې شریکې او د راتلونکي ۲۰۲۰ میلادي کال لپاره د فرهنګي مرکز فعالیتونه مشخص او بودجه ورته ځانګړې شوه.
سرچینه زیاتوي: په غونډه کې ټینګار وشو چې د سیمې په کچه دې د فرهنګي ارزښتونو د پېژندلو او ساتلو چارې همغږې او زیاتې شي او په سېمه کې د روان تاوتریخوالي او زور زیاتي سره د مبارزې په برخه کې دې فرهنګي هڅې ګړندۍ شي.
افغان وايي: د سارک د یوولسمې غونډې مدیره پلاوي په سرېلانکا کې د فرهنګي مرکز لپاره له جوړیدونکې ودانۍ څخه هم کتنه وکړه او د سرېلانکا له حکومت څخه یې د مننې تر څنګ چې د یاد مرکز لګښت ورکوي هیله وکړه چې د مرکز ودانیزې چارې پر ټاکلي وخت بشپړې شي.
د پلان او پالېسۍ ریېس عبدالمقیم افغان زیاتوي چې په غونډه کې د دې پرېکړه هم وشوه چې په افغانستان کې به د لرغون پېژندنې او لرغونو میراثونو د مدیریت ورکشاپ او له تاوتریخوالي سره د مبارزې (عدم تشدد)‌ ورځ نمانځل کېږي.
پای/وصال

قلات/دتلې۲۷مه/باختر
د زابل په شینکۍ ولسوالۍ کې د څه د پاسه دوه وېشتو میلیونو افغانیو په لګښت د میرویس نیکه کلا رغول کېږي.
د ملي مشر میرویس خان نیکه کلا د جمهور رییس محمد اشرف غني په شخصي لګښت رغول کېږي چې چارې به یې د دوو کلونو په موده کې بشپړې شي.
د زابل د اطلاعاتو او فرهنګ ريیس عبدالرزاق بشر د باختر اژانس سیمه ييز خبریال ته وویل چې د میرویس نیکه تاریخي کلا د دوه وېشت نیم مېلیونو افغانیو په لګښت رغول کېږي چې په دوو کلونو کې به ګټې اخېستنې ته وسپارل شي.
په همدې حال کې د زابل والي رحمت الله یارمل د میرویس نیکه له تاریخي کلا څخه د کتنې پر مهال د یادې کلا پر اساسي جوړېدو ټېنګار وکړ.
پای/وصال

کابل / دتلې ٢٧مه / باختر:
په کاپيسا کې دلرغون پيژندونکو  دکېندنو په پايله کې  نن  د زمري دوه تنديسونه  يامجسمې  ترلاسه شوې .
دکاپيسا داطلاعاتواوفرهنګ رييس  رستم رستم زاده  باختراژانس ته وويل چې دغه تنديسونه  دکاپيسا دکوهستان دلومړى برخې  ولسوالۍ په خم زرګر سيمه کې  ترلاسه شوي دي .
  داپه داسې حال کې ده چې  په تېرو دريو مياشتو کې داطلاعاتواوفرهنګ وزارت  دفرهنګ او هنر معينيت له لوري  په دې سيمه کې  کېندنې روانې دي .
لرغون پيژندونکي وايي  چې دزمري دغه مجسمې ديو سلو ديرشو سانتې مترو په اوږدوالي  دکنشکا  له زمانې څخه  دي ځکه  له ميلاد څخه  څلورسوه کاله مخکې کاپيسا  دکنشکا  فرهنګي مرکز و .
  ختم_ ف _اکرم


 

Page 7 of 482