15 July 2020

RSS Facebook

سوداگریز


تازه خبرونه

محمد طاهر زهير: د ميناتورى او خطاطۍ د هنرونو د پيداېښت  ځاى افغانستان دى .

محمد طاهر زهير: د ميناتورى او خطاطۍ د هنرونو د پيداېښت ځاى افغانستان دى .

-کابل /دچنګاښ ٢٥مه/ باختر: د اطلاعاتواوفرهنګ وزارت سرپرست محمد طاهر...

طالبانو دکابل – ګرديز  پر لويه لاره د ملي اردو يوسرتېرى  له ماشوم سره يې وواژه

طالبانو دکابل – ګرديز پر لويه لاره د ملي اردو يوسرتېرى له ماشوم سره يې وواژه

-کابل /دچنګاښ ٢٥مه/ باختر: طالبانو دکابل _ ګرديز پر لويه لاره...

پنځه وسله وال طالبان په پکتیکا کې ووژل شول

کابل / د چنګاښ ۲۵ مه / باختر د پکتیکا...

Youtube Player

khantry design

سوداگریز

سوداگریز

فرهنگی

کابل / د غبرګولي ٩ مه / باختر
د پېژندل شوي مدني او فرهنګي فعال محمد ابراهیم پر شهادت د اطلاعاتو او فرهنګ وزارت د خواخوږۍ پیغام
په ډېرې خواشینۍ مو خبر تر لاسه کړ چې د زابل تکړه مدني او فرهنګي فعال محمد ابراهیم عبرت، چې څو ورځې مخکې په یو ترهګریز برید کې سخت ټپی شوی و، په روغتون کې سا ورکړه او په شهادت ورسېد.
محمد ابراهیم عبرت نه یوازې د زابل، بلکې د هېواد په کچه ښه پېژندل شوی مدني او فرهنګي فعال و، د جګړې او فساد کلک مخالف و، خلک یې زغم،  پخلاینې او سولې ته هڅول او د هېواد وده او پرمختګ یې ستر ارمان و.
د اطلاعاتو او فرهنګ وزارت رهبري په داسې حال کې چې پر محمد ابراهیم عبرت ترهګریز برید په کلکه غندي او له اړوندو ادارو غواړي چې د دغه برید عاملین ونیسي او د قانون منګولو ته یې وسپاري، شهید عبرت ته د فردوس جنت او د ده کورنۍ، دوستانو او همفکرانو او همدارنګه د سولې د لارې ټولو مبارزینو ته د جمیل صبر هیله کوي.
پاى/ن.ش

کابل دغبرګولي ٥مه :
په ډېرې خواشینۍ مو خبر  تر لاسه کړ چې د افغانستان د عالمانو شورا رییس، د هېواد جید دیني عالم ، شیخ القرآن مولوي قیام الدین کشاف د ورپېښې  ناروغۍ له امله له نړۍ سترګې پټې کړې.
ارواښاد مولوي قیام الدین کشاف د اطلاعاتو او فرهنګ وزارت په بېلابېلو برخو کې دندې تر سره کړې  وې، په ژباړه او خبریالۍ کې یې ښه تجربه لرله او د لومړي ځل لپاره یې تفهیم القرآن پښتو ته  وژباړه.
ده د ژوند ډېره برخه د اسلام سپېڅلي دین په چوپړ کې تېره کړه او تل یې کوښښ کاوه چې خلک او په تېره بیا دهېواد ځوان کهول د اسلامي لارښوونو، ارشاداتو او ارزښتونو په ګاڼه سمبال کړي.
د عالمانو شورا د رییس په توګه یې په افغانستان کې د سولې د ټینګولو لپاره نه ستړېدونکې هڅې وکړې او سولې ته رسېدل یې ستر ارمان و.
د اطلاعاتواو فرهنګ وزارت رهبري د ده مړینه ستره ضایعه بولي، د لوی خدای (ج ) له درباره ارواښاد ته د فردوس جنت او د ده کورنۍ، خپلوانو، د عالمانو شورا غړیو او همدارنګه د هېواد ټولو دیني عالمانو ته د جمیل صبر هیله کوي.                                  پاى\ ذ

 

 کابل / د غبرګولي ۴ مه / باختر
د نېکمرغه کوچني اختر په مناسبت د اطلاعاتو او فرهنګ وزارت د مشرتابه پیغام
د اطلاعاتو او فرهنګ وزارت رهبري د نېکمرغه کوچني اختر د رارسېدو په مناسبت د افغانستان او نړۍ ټولو مسلمانانو ته د زړه له تله مبارکي وایي. د خوښۍ ځای دی چې زموږ پر دین مین ولس په هېواد کې د جګړو له دوام، د کرونا ویروس له خپرېدو او نورو ګڼو ستونزو سره سره، د طاعتونو، عبادتونو او د نفس د تزکیې میاشت په خپل کلک ایمان او ټینګې اسلامی عقیدې سره پای ته ورسوله او له دغه ستر الهي آزمونه یو ځل بیا بریالی او سرلوړی راووت.
له بده مرغه د روژې په مبارکه میاشت کې د افغانستان د اتل وسله وال پوځ د اړوندوانو په ګډون زموږ یو شمېر هېوادال په ترهګریزو بریدونو کې په شهادت ورسېدل او د طبي پرسونل په ګډون یو شمېر نورو هم د کووېډ-۱۹ ناروغۍ له امله خپل ژوند له لاسه ورکړ. موږ د ټولو شهیدانو پا ک روح ته دعا کوو او له کورنیو سره یې خواخوږي او همدردي شریکوو. کوچنی اختر پر خپل عقیدتي ارزښت سربېره ستر ټولنیز ارزښت هم لري. اختر په حقیقت کې د ټولنیزې سولې او پخلاینې، زغم، صبر او دوه اړخیز درناوي جشن دی؛ خو له بده مرغه موږ سږکال کوچنی اختر په عادی شرایطو کې نه نمانځو. کرونا ویروس د خپرېدو په حال کې دی او زموږ د ټولو سلامتیا او ژوند ګواښي. له دې امله موږ باید د ځان، کورنۍ، خپلوانو، دوستانو، همکارانو او ټول ملت د روغتیا د ژغورلو په موخه د اختر په ورځو کې روغتیایي سپارښتنې او پیغامونه په کلکه رعایت کړو. موږ د کوچني اختر په ویاړ په جګړه کې ټول ښکیل لوري اوربند ته رابولو. لکه پورته چې وویل شول اختر د ټولنیزې سولې او پخلاینې جشن دی، له دې امله باید ښکیلې خواوې د اختر په درناوي له تاوتریخوالي او جګړو ډډه وکړي. موږ پر شتمنو هېوادوالو غږ کوو چې د روژې په څېر د اختر په ورځو کې هم له بې وزلو سره مرسته وکړي.
په پای کې یو ځل بیا د کوچني اختر په مناسبت تاسې ټولو ته د زړه له تله مبارکي وایو.
پای.ن.ش

 کابل/ د ثور٣١ مه / باختر
داطلاعاتو اوفرهنګ وزارت د مشرتابه هيئت  او کارکوونکو له خوا  نن دقران عظيم الشان ختم  وشو.
دباختراژانس دخبرله مخې ؛ د ختم په دغو مراسمو کې داطلاعاتو اوفرهنګ وزارت سرپرستې  حسينې ساپۍ  او ددغه وزارت مشرتابه هيئت او يوشمېر کارکوونکو دقران عظيم الشان له ختم وروسته  دوروستيو پېښو دشهيدانو روح ، دټپيانو دروغتيا  ، د جګړې او وينې تويدنې دبندلو ، دخلکو داتحاد او پيوستون او دغه راز په هېواد کې ددايمې سولې اوثبات دټينګښت دعا وشوه.
پاى \ج \ ذ            

Page 8 of 527