24 January 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

فرهنگی

کابل/ د ليندۍ٣٠ مه/ باختر
د اطلاعاتو او فرهنګ وزارت سرپرستې حسينې ساپۍ نن د غزني له يوشمېر مشرانو، مسوولينو او د مدني ټولنې له فعالانو سره په کتنه کې د هغوى غوښتنې واورېدې.
د باختر آژانس خبريال د خبرله مخې: په کتنه کې د غزني د ولايتي شورا مرستيال امان الله کامراني او د ولايتي شورا غړي عبدالجامع جامع د نورو په استازيتوب خبرې وکړې.
دوى د تاريخي آبدو او فرهنګي ميراثونو په تېره بيا د بيګم څلي د ترميم، د کتابتون د لا زيات سمبالولو، د دغه ولايت موزيم ته پاملرنه او د غزني د اسلامي ثقافت مرکز د تشکيل د جوړولو، د ملامشک عالم د شخصيت او کارنامو د يادونې او په دې اړوند د سيمينار د جوړولو لپاره خپلې غوښتنې او ستونزې د اطلاعاتو او فرهنګ وزارت له سرپرستې سره شريکې کړې.
دغه راز هغوى په دغه ولايت کې د فرهنګي پروګرامونو په ترسره کولوکې د اطلاعاتو او فرهنګ وزارت د همکارۍ غوښتنه وکړه.
حسينې ساپۍ غزنى د هېواد له وياړونو ډک ولايت وباله او څرګنده يې کړه چې د اطلاعاتو او فرهنک وزارت يو لومړتيوب د هېواد هويت ته پاملرنه او د هېواد د هر ولايت د خلکو د هويت معرفي کول دي.
د اطلاعاتو او فرهنګ وزارت سرپرستې د غزني د مشرانو او د مدني فعالانو د ستونزو، غوښتنو او وړانديزونو له اورېدو وروسته وويل چې خپلې غوښتنې او وړانديزونه دې په ليکلي ډول دغه وزارت ته وسپاري.
همدارنګه حسينې ساپۍ د تاريخي آبدو او فرهنګي ميراثونو په ساتنه کې د خلکو همکاري ارزښتناکه وبلله او د امکان تر پولې پورې د هغوى د غوښتنو او ستونزو د څېړنې په برخه کې يې د اطلاعاتو او فرهنګ وزارت د پاملرنې ډاډ ورکړ.
پاى\ج\ ذ

 

کابل /دليندۍ ٢٧مه / باختر :
داطلاعاتواوفرهنګ وزارت سرپرستې  حسينې ساپۍ  دباميانو د اطلاعاتو او فرهنګ رييس اسلم عالمي خپل حضور ته ومانه .
په دې کتنه کې  دباميانو  داطلاعاتواوفرهنګ رييس دهېواد په تېره بيا دباميانو فرهنګي ، هنري او تاريخي مسايلو ته داطلاعاتواوفرهنګ وزارت  دسرپرستې د ځانګړي پاملرنې قدرداني وکړه اودمدارکو اوسندونو په وړاندې کولو سره  يې دروان کال په نهو مياشتو کې  دخپل رياست  مهم نوښتونه  اولاسته راوړنې وړاندې کړې اوزياته يې کړه چې دتاريخي او توريستي ساحو دعوايدو په برخه کې دسالمو،شفافو او ګټورو مديريتي  لارو چارو په کارولو سره  بريالى شوى دى دباميانو دتاريخي او توريستي ساحوعوايد په روان کال کې يو ميليون افغانيو ته  زيات کړي .داپه داسې حال کې ده چې په تېرو کلونوکې  دغه عوايد څه ناڅه دوه سوه زرو افغانيو ته رسېدل .
داطلاعاتواوفرهنګ رييس دباميانودتاريخي ساحو دعوايدو دزياتوالي عوامل په ترتيب سره داسې بيان کړل دټکټونو دپلورل، دسيمو زياتوالې ، دټکټونودپلورنې په ساحو کې  دزياتو کارکوونکو موظف کول او دفساد او دکارکوونکو له خوا  دمزو چړچو او دناوړې استفادې دمخنيوي لپاره دسريال لمبر لرونکو اومعياري  ټکټونو ډيزاين اوچاپ..
هغه دباميانو داطلاعاتواوفرهنګ ادارې دشتمنيو،مالونواو وسايلو دثبت اوسجل  په برخه کې وويل  چې دباميانو داطلاعاتواوفرهنګ ادارې په تاريخ کې دلومړي ځل لپاره هغه  دغه نوښت کړى دى  چې ددغې ادارې  ټولې شتمنۍ،  مالونه اووسايل  دفساد او دکارکوونکو دمزو چړچو او دناوړې استفادې  دمخنيوي په خاطر په قانوني، اصولي او رسمي ډول  ثبت اوسجل کړي. په اداره کې  دنظم ، انضباط او مقرراتو د ټينګولوپه برخه کې او هغه دسالمو او ګټورو مديريتي  لارو چارو په کارولو سره بريالى شوي دى  چې دباميانو داطلاعاتو اوفرهنګ رياست   له بې نظمۍ  ، بې انضباطۍ، اوپټې بې کارۍ وژغوري او په  منظمې  منضبطې فعالې پرکاره اوبريالۍ اداره يې بدله کړي .
دباميانو دتاريخي  اولرغونوساحو دساتنې او څارنې په برخه کې هغه زياته کړه چې دده تر مديريت لاندې  اداره په روان کال کې په دوامدارې څارنې او جدي او پرله پسې  کنترول  سره بريالۍ شوې ده چې  دباميانو تاريخي او لرغونو ساحو تر پخوا زيات ښه ساتنه اوڅارنه وکړي .
هغه وويل  چې په روان کال کې  له هغو افرادو اواشخاصو سره  چې په غير قانوني ډول  په تاريخي ساحو کې  دودانيو په جوړولو لاس پورې کوي قانوني جدي او غوڅ  چلند شوى دى .
دغه راز  هغه زياته کړه چې په روان کال کې يې دتاريخي  آثاروله لسګونو قاچاق وړونکو ډلو سره قانوني او غوڅ چلند کړى دى .
داطلاعاتواوفرهنګ وزارت سرپرستې  حسينې ساپۍ دوړاندې شويو سندونو اومدارکو په څېړنې سره دباميانو ولايت داطلاعاتواوفرهنګ رياست  دنوښتونو اوبرياليتوبونو هرکلى وکړاوله هر راز طرحې، نوښت او خلاقيت چې دچارودښه والي  او دادارې دعوايدو دزياتوالي  سبب شي سره يې خپل ملاتړاعلام کړ .
  ختم_ ج _اکرم

 

کابل /دليندۍ ٢٥مه / باختر :
داطﻻعاتو اوفرهنګ وزارت  دمرکز او داړوندو واحدونو داړتياو دلرې کولو  او مالي چارو دښه سمون په مقصد  نن دمالي اداري او ګرځندوي دمعينې پوهنيارې سيدې مژګان مصطفوي  په مشرۍ  غوڼډه جوړه شوه .
دباختراژانس دخبريال دخبرله مخې ،  په دې غونډه کې  داطلاعاتواوفرهنګ وزارت  داړوندو واحدونو درييسانو په ګډون جوړه شوه  ددغه وزارت مالي اداري او ګرځندوي  معينې  پوهنيارې  سيدې مژګان مصطفوي  خبرې وکړې او ويې ويل  چې په  ١٣٩٧ کال کې  داطلاعاتو اوفرهنګ وزارت  دپرمختيايي بودجې  په سلو کې  ديو نوي په لګولو سره  دلسو بنسټونو ترمنځ  ښه ځاى ترلاسه کړى دى ،.  هغې زياته کړه چې  په روان مالي کال کې تراوسه پورې ددغه وزارت  په سلو کې  ٨٨ پرمختيايي بودجه  لګول شوې ده . او دوروستيو اطلاعاتو په راټولولو سره  به  دغه شمېر  په سلو کې له نوي څخه زيات شي .
هغې  ددغه وزارت له ټولو واحدونو څخه وغوښتل چې دراتلونکې مالي کال لپاره  منسجم پروګرامونه ولري .
په دې غونډه کې داطلاعاتتواوفرهنګ وزارت مالي اواداري رييس  لياقت علي ددغه وزارت  له ټولو رييسانو څخه وغوښتل  چې خپلې اړتياوې  دروانې اوونۍ  دپنجشنبې تر ورځې پورې  په مشخص  او منسجم ډول  دغه رياست ته وليږي  چې  په ښه همغږى  سره داړتياو په برابرولو لاس پورې شي .
په دې غونډه کې داطلاعاتواوفرهنګ وزارت  دبېلابېلو برخو  رييسانو خپلې طرحې او نظريې وړاندې کړې .
  ختم_ ج _ اکرم

 

کابل/ د ليندۍ٢٥مه/ باختر
د اطلاعاتو او فرهنګ وزارت سرپرستې حسينې ساپۍ د شيکاګو پوهنتون له  جګپوړي سلاکار پروفيسور ګل ستاين او ملګري پلاوي سره يې په کتنه کې د هېواد د تاريخي آبداتو پر ساتنې ټينګار وکړ.
د کتنې په پيل کې ګل ستاين د دغه پوهنتون د فعاليتونو په اړه معلومات ورکړل او زياته يې کړه چې دغه بنسټ له اوو کلونو راپدېخوا د افغانستان د فرهنګي ميراثونو   د ساتنې په اړوند د ملي موزيم او لرغونپېژندنې له رياستونو سره همکاري کوي.
هغه په ځانګړي ډول (له ملي موزيم سره په همغږۍ کې د ننګرهار د هډې پروژې کار، له لرغونپېژندنې رياست سره د سټلايټ له لارې په عکس اخيستلو سره د لرغونو ساحو د مشخصولو پروژه او له ملي موزيم رياست سره د مبايل موزيم) د درېيو پروژو په اړه خبرې وکړې.
ګل ستاين د ننګرهار دهډې لرغونې ساحې په اړه چې د کيندنو کار پکې په ١٩٣٠  کې پيل شوى دى زياته کړه چې دغه ساحه د بودايي دورې د فوق العاده آثارو لرونکې ساحه ده چې په ٢٠٠١ کې طالبانودهغې آثار له منځه وړي وو، خو د افغانستان د ملي موزيم د کارکوونکو په هلوځلو او اتلولۍ سره دغه آثار ساتل شوي او د شيکاګو پوهنتون له دونيمو کلونو راپدېخوا  په دې پروژه کې د دغو آثارو کار کوي  چې تر يو کال پورې به په ملي موزيم کې نندارې ته د وړاندې کولو زمينه برابره شي.
هغه دغه لرغونې ساحه او له هغه څخه ترلاسه شوي آثار د نړۍ د فرهنګ او مذهب په تاريخ کې ستر ګنج وباله او زياته يې کړه چې دغه آثار نه يوازې د افغانستان  لپاره ارزښتناک او مهم دي، بلکې نړيوال فرهنګي ميراث هم دى.
پروفيسر ستاين د سټلايټ (GIS) له لارې له عکس اخيستلو سره د لرغونو ساحو د مشخصولو په اړه وويل چې دغه پروژه د افغانستان د اسلامي جمهوريت د جمهوررييس د لارښوونې له مخې په ټول هېوادکې د لرغونپېژندنې نخچې د برابرولو په خاطر پيل شوې ده  چې  له فرهنګي  ميراثونو څخه  د هېواد په اقتصادي وده کې اغېزمنه استفاده وشي چې تراوسه په ټول افغانستان کې څه دپاسه  ۱۲ زره  لرغونې ساحې کشف شوې دي.
هغه د لرغونپېژندنې رياست کارکوونکو ته د سټلايټ له لارې (GIS) د عکس اخيستلو د پنځو روزنيزو دورو د ترسره کولو يادونه وکړه او زياته يې کړه چې تېرکال دغه روزنيز پروګرام د امريکا په متحدو ايالاتوکې جوړ شوی و او د نور  يونيم کال لپاره يې د دغه پروګرام د دوام خبر هم ورکړ.
هغه زياته کړه چې د افغانستان په ګوټ ګوټ کې د هر راز پرمختيايي پروژې د تطبيق  په صورت کې په لومړي ګام کې بايد له لرغونپېژندنې انستيتوت سره همغږي ترسره شي چې په دې برخه کې د لرغونپېژندنې نخچه کولاى شي د لرغونو ساحو د ساتنې او پرمختيا پروژو د اغېزمن تطبيق په خاطر مهم رول ولوبوي.
پروفيسر ستاين د افغانستان د ملي موزيم د معرفي کولو د مبايل موزيم په اړه چې د موبايل له لارې د مزارشريف، هرات، باميانو، جلال آباد او قندهار په ښوونځيوکې  جوړ شوی دی؛ معلومات وړاندې کړل او ويې ويل چې له دې لارې به د ښوونځيو زده کوونکي د افغانستان له تاريخ، فرهنګ او د هغو آثارو په اړوند چې د افغانستان په ملي موزيم کې ساتل شوي دي؛ بلدتيا پيدا کړي.
هغه وويل چې دغه پروګرام په ١٤٤ ښوونځيوکې ١٢٤٠٠ زده کوونکي تر پوښښ لاندې نيولي دي او دغه پروګرام به دافغانستان په نورو ولايتونوکې هم دوام وکړي.
وروسته د اطلاعاتو او فرهنګ وزارت سرپرستې حسينې ساپۍ د تاريخي آبداتو د ساتنې او د ملي موزيم او د لرغونپېژندنې د متخصصانو د روزنې لپاره د اطلاعاتو او فرهنګ له وزارت سره د امريکا متحدو ايالاتو د سفارت د همکاریو قدرداني وکړه او زياته يې کړه چې د "موبايل موزيم" پروژه د هېواد ځوان او راتلونکى نسل ته د افغانستان د اصيل فرهنګ او لرغونی تاريخ په معرفي کولو کې مهم او اغېزمن رول لري او زياته يې کړه چې دغه پروژه بايد د ولايتونو په ولسواليوکې هم تطبيق او پراخه شي چې د دغو سيمو زده کوونکي د خپل هېواد پر فرهنګي تنوع او تاريخ خبر شي.
د اطلاعاتو او فرهنګ وزارت سرپرستې زياته کړه چې تنوع په هرځاى کې شته او د هغه له نښلولو څخه ملي هويت رامنځته کېږي.
هغې د افغانستان د تاريخ او فرهنګ په معرفي کولوکې د نندارتونونو جوړول مهم وبلل او زياته يې کړه چې له يوبل سره په همغږۍ کې به په دې برخه کې پرمخ لاړ شو.
حسينې ساپۍ د افغانستان فرهنګي ميراثونه د نړۍ فرهنګي ميراثونه وبلل او د هغو نړيوالو بنسټونو ملاتړ چې د هېواد د تاريخي آبداتو او د فرهنګي ميراثونو د ساتنې په لاره کې کار کوي؛ مهم وباله او زياته يې کړه چې د فرهنګي ميراثونو د ساتنې پروګرامونه دې د ټولنې او د افغانستان د فرهنګ د اړتيا پر بنسټ په پام کې ونيول شي او د افغانستان او نړۍ د فرهنګي ميراثونو د ساتنې لپاره بايد واحد او يوخېل نظر ولرو.
پاى \ج\ع \ذ


 

Page 8 of 498