16 June 2019

RSS Facebook

سوداگریز


تازه خبرونه

په بلخ کې د ميوې نندارتون پرانيستل شو

کابل/ باختر/ د غبرګولي ٢٦مه په بلخ ولايت کې د...

اجراييه رييس د سيکا سازمان د مشرانو په غونډه کې وينا وکړه

کابل/ باختر/ د غبرګولي ٢٦مه د هېواد اجراييه رييس ډاکتر...

په زابل کې ۲۰ تنو وسله والو طالبانو ته مرګ ژوبله واوښته

په زابل کې ۲۰ تنو وسله والو طالبانو ته مرګ ژوبله واوښته

قلات/باختر/ د غبرګولی ۲۶ مه د زابل ولایت چارواکي وايي چې...

Youtube Player

khantry design

سوداگریز

سوداگریز

فرهنگی

-کابل/ باختر/ د غويي د مياشتې ۵ مه
د افغانستان د ځوانانو چارو معين ډاکترکمال سادات، د نيويارک ښار د ملګرو ملتو په مرکزي دفترکې د ځوانانو د اقتصادي فوروم (ECOSOC Youth Forum) په غونډه کې چې د نړۍ د بېلابېلو هېوادونو د ځوانانو د وزيرانو او مخکښو ځوانانو په شتون جوړه شوې وه، ګډون وکړ او د دغې نړيوالې غونډې په څنډه کې یې د يوشمېر ځوانانو له وزيرانو سره وکتل.
د باختر آژانس د خبر له مخې:
په دې غونډه کې چې د سولې او د ځوانانو د اقتصادي وضعيت په اړه جوړه شوې وه؛ د ځوانانو چارو معين ډاکترکمال سادات د افغان سولې او ځوانانو په اړه معلومات ورکړل او زياته يې کړه چې له ۴۰ کلنې جګړې وروسته د افغانستان د اسلامي جمهوریت د جمهور رئيس محمد اشرف غني د واکمنۍ  پرمهال په افغانستان کې په نړيواله کچه د سولې خبرې پيل شوې دي او په دې موده کې يوازې درې ورځې اوربند هم اعلان شو چې د خلکو له تاوده هرکلي سره مخامخ شو.
د ځوانانو چارو معين د نړۍ ځوانانو ته وويل: د افغانستان جمهوررئيس سولې ته ژمن دى او په دې اړه يې پر مخالفينو له قید او شرط پرته د سولې غږ کړى دى. دغه راز جمهور رئيس محمد اشرف غني ځوانانو ته زياته پاملرنه کوي او د سولې په برخه کې هم له ځوانانو سره سلامشورې کوي چې له امله يې ځوانان هڅول شوي او د جمهور رئيس محمد اشرف غني ملاتړي دي.
ورپسې د نړۍ د ځينو هېوادونو ځوانانو خبرې وکړې او د افغانستان د اسلامي جمهوریت د جمهور رييس محمد اشرف غني کارونه او هڅې وستایلې.
د یادونې وړ ده، د افغانستان د ځوانانو چارو معينيت د نړۍ د بېلابېلو هېوادونو له ځوانانو سره د افغان ځوانانو غونډې جوړې کړي او دغه لړۍ لا هم روانه ده چې له  مخې يې افغان ځوانان وکولاى شي د  نړۍ د ځوانانو په کنفرانسونوکې برخه واخلي.
پاى \ ذکرالله

کابل باختر د ثور څلورمه :
داطلاعاتواوفرهنګ وزارت دمشرتابه هيئت غړو او کارکوونکو نن خپله يو ديرش زره او پنځه سوه سي سي وينه  دعامې روغتيا وزارت  دوينې مرکزي بانک ته ورکړه .
  دباختراژانس دخبريال دخبرله مخې ،  دوينې دورکړې په مراسمو کې داطلاعاتواوفرهنګ وزارت  دفرهنګ او هنر معين  پوهاند محمد رسول باوري په خبرو کې  دهېواد دامنيتي او دفاعي ځواکونو ميړانې ، زړورتيا او اتلوالى وستايلې او ويې ويل چې موږ دوه مکلفيتونه لرو يو دهېواد دامنيتي او دفاعي ځواکونو اړو کسانو ته  دوينې دورکړې په باب  دهېواد دجمهور رييس دفرمان تطبيق او دويم له دغو ځواکونوسره ملاتړ  چې خپل سرونه ډال ګرځوي او دهېواد  دخلکو دفاع کوي .
  داطلاعاتواوفرهنګ وزارت مالي اداري اوګرځندوى معينې پوهنيارې  سيدې مژګان مصطفوي  هم څرګنده کړه  چې دوينې ورکړه  دهېواد دامنيتي او دفاعي ځواکونو دغوره خدمتونو ډيره کمه  ستاينه ده . چې دملي نواميسو او دهېواد دپولو ، ځمکني بشپړتيا او ملي واګمنۍ  ددفاع په لاره کې  هڅه او هاند کوي .
دې زياته کړه  چې داطلاعاتواوفرهنګ وزارت په ځانګړي توګه  دکابل په وروستي  پيښه کې دهېواد  دامنيتي او دفاعي ځواکونوهڅې چې له ځانه يې  ميړانه او زړورتيا وښودله  ځانګړي قدرداني کوي .
  دغه راز دعامې روغتيا وزارت  دوينې دمرکزي بانک رييس ډاکتر عنايت الله هاشمي داسلام دمبين دين اود روغتيايي له پلوه  دوينې دورکړې  ګټې بيان کړې او ويې ويل چې  دوينې ورکړه  داسلام دمبين دين له نظره  ثواب لري . او په روغتيايي لحاظ هغه کسان چې وينه ورکوي ډير کم په ډول ډول ناروغيو اخته کېږي .
  ده  داطلاعاتواوفرهنګ  وزارت له مشرتابه هيئت او کارکوونکو څخه مننه وکړه چې تل يې  دوينې مرکزي بانک ته  دوينې دورکړې په لاره کې  کارنده ونډه اخستې  ده .
دغه راز دوينې دمرکزي بانک رييس دوينې دمرکزي بانک له لارې دوينې دويش او لګښت  دڅرنګوالي په باب دباختر اژانس دخبريال دپوښتنې په ځواب کې وويل چې وينه دمعايناتو له ترسره کولو او دساري  ناروغيو له ميکروب څخه دخلاصون له تثبيت وروسته  د ډاکتر په لارښوونه او تصديق په وړيا ډول  داړو کسانو په واک کې ورکول کېږي .
ده وويل  چې دوينې پلورنه  په جدي توګه منع ده  او هغه کسان چې په دغه شان کار لاس پورې کوي   له هغوى سره جدي  قانوني چلند کېږي .
  ددغو مراسمو په پاى کې  دوينې دمرکزي بانک  دوينې دراټولولو دديپارتمنت مسوول  ډاکتر خالد  بابکرخيل چې داطلاعاتواوفرهنګ وزارت  دمشرتابه هيئت او کارکوونکو نن خپله يو ديرش زره او پنځه سوه سي سي وينه  دهېواد  دامنيتي او دفاعي ځواکونو دټپيانو او دنورو اړو کسانو دژوند دژغورنې په خاطر  ورکړه .
  ختم- ف –اکرم

کابل باختر د ثور څلورمه :
دهېواد شپږ و تنو ځوانو او مطرحو شاعرانو اوليکوالو ته دکلکې  زرين اکاډمۍله لوري  جايزې ورکړى شوې .
دباختراژانس دخبريال دخبرله مخې ، دکلکې زرين اکاډمي پرون دکتاب دنړيوالې ورځې په مناسبت  دکلکې زرين دجايزې دورکړې لپاره داطلاعاتو اوفرهنګ وزارت دمعينانو ، يوشمير ليکوالو ، شاعرانو او فرهنګي شخصيتونو په شتون يوه غونډه  جوړه کړه او دهېواد شپږو تنو ځوانو او مطرحو شاعرانو او ليکوالو ته يې  جايزې ورکړې .
ميرمن نرګس حسن زي ، پيغله  ګيتا سعيد، اجمل پسرلى ، دستګير فرعود ، سميع الدين ارمان او هلال فرشيدورد هغه ځوان شاعران و چې په نقداو شعر کې يې دکلکې زرين جايزې ترلاسه کړي دي . او تاجکي شاعر اذر سليم ته  دکلکې زرين دستاينې يوه لوحه  ورکړى شوه .
په دې غونډه کې  داطلاعاتواوفرهنګ وزارت مالي ، اداري او ګرځندوى معينې پوهنيارې سيدې مژګان مصطفوي  دکلکې زرين  اکاډمۍ په ستاينې سره وويل  ، کلونه کلونه کېږي  چې دکلکې زرين انجمن ،  کلکې زرين ستايي او سرښندنه کوي اوموږ ته دزړه قوت راکوي .
مصطفوي څرګنده کړه  له بده مرغه زموږ په هېواد کې له څو لسيزو راپديخوا دجګړې ، تاوتريخوالي ، درد  او کړاو تصوير  نندارې ته  وړاندې شوى دى .  خوشحاله يم  چې نن  دڅو پروګرامونو شاهده يم  چې خلکو ته ادبي زيرى  په سوغات راوړي .
ددې دڅرګندونوله مخې ، دکلکې زرين  ننني  پروګرام دجايزې ګټوونکي  اعلام کړل او دادب او فرهنګ ښکلي تصوير خلکو ته دنندارې لپاره  وړاندې کوي .
ميرمن مصطفوي زياته کړه  داطلاعاتواوفرهنګ وزارت  دشاعرانو ، ليکوالو او هنرمندانو دملاتړې په توګه هڅه کوي چې زيات ادبي او فرهنګي پروګرامونه جوړ کړي .
دکلکې زرين  داکاډمۍ  بنسټ ايښودونکي نجيب الله منلي  په دې غونډه کې خبرې وکړې او ويې ويل  چې دغه جايزه يواځې  هغو کسانو ته ورکول کېږي چې په شعر او نقد کې ټول معيارونه په پام کې ونيسي .
ده وويل دکلکې زرين دجايزې  په اتم پړاو کې دهېوادشپږ تنه  ځوان شاعران په دې بريالي شوي دي  چې په منل شويو معيارونو سره دغې جايزې ته  لاسرسۍ پيداکړي .
  منلي زياته کړه  چې تراوسه پورې دهېواد ٣٦ تنو شاعرانو اوليکوالو  دکلکې زرين جايزې ترلاسه کړي دي  او دخوشحالي ځاى دى دکلکې زرين جايزه په نړيواله ټولنه کې دکتاب له ورځې سره جوخت ورکول کېږي .
  دکلکې زرين اکاډمي اتم کال دى  چې غوره شاعرانو او ليکوالو ته دهغوى داثارو له ارزونې وروسته  جايزې  ورکوي .
  ختم_ ف _ اکرم

 

کابل/ باختر/ د غويي د مياشتې٣ مه
د اطلاعاتو او فرهنګ وزارت سرپرستې حسينې ساپۍ نن د تصديو د عالي شورا په غونډه کې وويل چې د قانون تطبيق، په چاروکې د شفافيت سبب کېږي.
د باختر آژانس د خبريال د خبرله مخې:
د اطلاعاتو او فرهنګ وزارت سرپرستې په دې غونډه کې په ټينګار سره وويل: شفافيت هغه وخت رامنځته کېږي چې قانون په ټولو برخو او په مشخصه توګه د اړوندو بنسټونو د مالي پروګرامونو په چمتو کولو کې په پام کې ونيول شي.
د اطلاعاتو او فرهنګ وزارت سرپرستې په لګښتونو کې پر سپما هم ټينګار وکړ او ويې ويل چې په لګښتونو کې سپما د عوايدو له زياتوالي سره مرسته کوي.
په دې غونډه کې د افغانتور تصدۍ رئيس نورمحمد حسين خېل په ١٣٩٧کال کې د دغه بنسټ کاري رپوټ وړاندې کړ او په ١٣٩٨ کال کې يې د افغانتور تصدۍ مالي پروګرامونه بيان کړل.
په همدې ترتيب د ماليې وزارت د دولتي تصديو او شرکتونو لوى رئيس شفيق الله شهراني، د افغانتور تصدۍ د رپوټ په باب خبرې وکړې او د دغه بنسټ د مالي پروګرامونو په باب يې خپلې نظريې وړاندې کړې.
د غونډې په پاى کې په ځينو مواردوکې له تعديل وروسته، د افغانتور تصدۍ د          ١٣٩٨ کال مالي پروګرام تصويب شو.
په دې غونډه کې د اقتصاد وزارت او د اړوندو بنسټونو استازو هم ګډون کړى و.
پای – ج – ذ

Page 8 of 449