10 July 2020

RSS Facebook

سوداگریز


تازه خبرونه

د ننګرهار پخوانی والي سلیم خان کندزی په حق ورسېد

د ننګرهار پخوانی والي سلیم خان کندزی په حق ورسېد

کابل / د چنګاښ ۱۹مه / باختر د ننګرهار پخوانی والي...

رابعه ستانکزۍ د لوګر ولایت مرستیاله وټاکل شوه

رابعه ستانکزۍ د لوګر ولایت مرستیاله وټاکل شوه

کابل/ د چنګاښ ۱۹مه / باختر د سیمه ییزو ارګانونو د...

د کرونا ویروس خپرېدا کمه شوېده

د کرونا ویروس خپرېدا کمه شوېده

کابل / د چنګاښ ۱۹ مه / باختر د تېرو ۴۵...

Youtube Player

khantry design

سوداگریز

سوداگریز

فرهنگی

کابل/ د غویي ١٤ مه / باختر
د ملګروملتونو دعمومي  ټولنې د پرېکړې له مخې د می ۳  مه  د مطبوعاتو د آزادۍ نړیواله  ورځ نومول شوې او دا ورځ په ملي او نړیواله کچه نمانځل کېږي.
د مطبوعاتو د آزادۍ نړیوالې ورځې د نمانځنې اصلی موخه دا ده چې حکومتونه او ملتونه یو ځل بیا د مطبوعاتو آزادۍ ته خپل ژمنتیا نوې او  تر پخوا لا پیاوړې کوي. همدارنګه مطبوعات هم خلکو ته د دقیقو، بې پرې او کره معلوماتو په رسولو کې خپله مسلکي ژمنتیا نوې کوي.
د مطبوعاتو آزادي د افغانستان په اساسي قانون او همدارنګه ټولیزو رسنیو او نورو نافذو قوانینو کې تضمین شوې ده. که ټاکل شوې وي، چې موږ په تېرو نولسو کلونو کې پر ترلاسه شویو بریاوو وغږېږو، نو له هر ډول شک پرته د رسنیو وده او پرمختګ او همدارنګه د بیان آزادي او اطلاعاتو ته د خلکو د لاسرسی حق زموږ یوه ستره لاسته راوړنه ده. د اطلاعاتو او فرهنګ وزارت د دغې لاسته راوړنې ساتلو او لا پیاوړي کولو او بنسټي کولو ته نن یو ځل بیا خپله پیاوړې او نه ماتېدونکې ژمنه نوې کوي.
موږ سږ کال دا ورځ په داسې شرایطو کې نمانځو چې  د کرونا ویروس د انسانانو ژوند ته ستر ګواښ پېښ کړی دی او همدارنګه ګڼې ټولنیزې، فرهنګي او اقتصادی ستونزې یې راټوکولي دي. په دغه  راز کړکېچن حالت کې خلک دقیقو او کره معلوماتو ته اړتیا لري. همدارنګه موږ باید د سولې بهیر بري ته ورسوو او په دې  اړه هم دقیقو معلوماتو ته اړتیا ده. دا د رسنیو مسوولیت دی چې باید په اوسني خورا حساس او ستونزمن پړاو کې خلکو ته دقیق او بې پرې معلومات ورسوي او اجازه ورنه کړي چې معلوماتي تشه رامنځ  ته شي او بیا ناسم او غلط  معلومات دا تشه ډکه کړي.
په پای کې د اطلاعاتو او فرهنګ وزارت رهبري د هېواد ټولو خبریالانو او د رسنیو نورو کارکوونکیو ته د می درېمې – مطبوعاتو نړیوالې ورځې مبارکي وایي او دوی ته د اطلاع رسونې په چارو کې د لا ډېرو بریاوو هیله کوي.
پاى- ن-ش

 

-کابل / دثور ١٣مه / باختر:
د نامتو علمي او فرهنګي شخصیت زین الله منلي پر مړینې د خواشینۍ او ډاډګیرنې پیغام.
په خواشینۍ مو خبر تر لاسه کړ چې د افغانستان نامتو علمي، فرهنګي او ټولنیز شخصیت الحاج مولوی زین الله منلي د ورپېښې ناروغۍ له امله د ۹۶ کلونو په عمر له نړۍ سترګې پټې کړې.
ارواښاد زین الله منلي د خپل عمر ډېر کلونه د هېواد د پوهنې او فرهنګ په چوپړ کې تېر کړل، د افغانستان په بېلابېلو سیمو کې یې د ښوونکي په توګه له ویاړه ډکه دنده ترسره کړه، د پښټو ټولنې د تدریساتو عمومي مدیر او همدارنګه کابل مجلې مرستیال هم پاتی شوی و. ارواښاد هم په پښتو ټولنه او هم د علومو اکاډمۍ د اسلامي علومو مرکز کې ورسپارل شوې علمي دندې په خورا ښه او بریالۍ توګه سرته رسولې دي، په بېلابېلو برخو کې یې ګڼ علمي آثار لیکلي او ژباړلي دي.
د  اطلاعاتو او فرهنګ وزارت رهبري د ده مړینه ضایعه ګڼي، د لوی خدای (ج) له درباره ارواښاد ته د فردوس جنت او د ده کورنۍ، خپلوانو، دوستانو او د هېواد ټولو لیکوالو او فرهنګیانو ته د جمیل صبر هیله کوي.
ختم-ن-ش

هرات د غويي ۱۲ باختر د هرات پولیسو اته قلمه لرغونې آثار پرون په دغه ولایت کې کشف او ضبط کړل . د هرات د امنیې قوماندانۍ ویاند عبدالاحد وليزاده باخترآژانس ته وویل چې ددغه ولایت پولیسودهرات د امنیه قوماندان عبیدالله نورزي ترمشرتوب لاندې په یولړځانګړوعملیاتوکې ددغه ولایت د کرخ ولسوالۍ په خواجه چارشنبې کلي کې د اتوقلمولرغونوآثارو په کشفولواو ضبطولوبریالي شول . هغه زیاته کړه چې پولیسو ددغوآثارود غيرقانوني ساتنې په اړوند ددغه ولایت د کرخ ولسوالۍ پنځه اوسېدونکي نیولي دي ختم ع

 کابل/ د غویي ٩ مه / باختر
د اطلاعاتو او فرهنګ وزارت د خواشینۍ او ډاډګیرنې پیغام
د اطلاعاتو او فرهنګ وزارت مشرتابه په ډېرې خواشینۍ خبر تر لاسه کړ، چې د لرغوني هرات مشهور سندرغاړي او ترانه جوړوونکي محمود خوش نواز د ورپېښې ناروغۍ له امله  د درې شپېتو کلونو په عمر له نړۍ سترګې پټې کړې.
ارواښاد محمود خوش نواز د خپل عمر ډېر کلونه د لرغوني هرات د سیمه ییزې موسیقۍ په چوپړ کې تېر کړل، په دې برخه کې یې ګڼ زده کوونکي وروزل او مشهورې سندرې یې په میراث پرېښودې، چې ( سرپل مالان) سندره د هغه د هنري آثارو یوه ښه بېلګه ده.
د اطلاعاتو او فرهنګ وزارت د محمود خوش نواز مړینه د هرات د سیمه ییزې موسیقۍ لپاره یوه ضایعه ګڼي، ارواښاد ته د لوی خدای (ج) له درباره د جنتونو او د ده کورنۍ، دوستانو او ټولو هنرمندانو، په تېره بیا د لرغوني هرات هنرمندانو او هنردوستانو ته د زغم او صبر هیله کوي.

Page 9 of 525