26 January 2020

RSS Facebook

سوداگریز


تازه خبرونه

د ملي ګټو پر محور د راټولېدو اړتیا

کابل/ د سلواغې ۶ مه/ باختر ټول دا مني چې افغانستان...

جمهورريیس غني له راس ویلسون او جنرال سکاټ مېلر سره وکتل

جمهورريیس غني له راس ویلسون او جنرال سکاټ مېلر سره وکتل

کابل/ د سلواغې ٦ مه/ باختر د افغانستان د اسلامي جمهوریت...

  د نشه يي توکو دوه قاچاق وړونکي ونيول شول

د نشه يي توکو دوه قاچاق وړونکي ونيول شول

کابل/ د سلواغې ٦ مه/ باختر پوليسو دوه تنه په کابل...

Youtube Player

khantry design

سوداگریز

سوداگریز

فرهنگی

کابل/ د ليندۍ٢٥مه/ باختر
د اطلاعاتو او فرهنګ وزارت سرپرستې حسينې ساپۍ د شيکاګو پوهنتون له  جګپوړي سلاکار پروفيسور ګل ستاين او ملګري پلاوي سره يې په کتنه کې د هېواد د تاريخي آبداتو پر ساتنې ټينګار وکړ.
د کتنې په پيل کې ګل ستاين د دغه پوهنتون د فعاليتونو په اړه معلومات ورکړل او زياته يې کړه چې دغه بنسټ له اوو کلونو راپدېخوا د افغانستان د فرهنګي ميراثونو   د ساتنې په اړوند د ملي موزيم او لرغونپېژندنې له رياستونو سره همکاري کوي.
هغه په ځانګړي ډول (له ملي موزيم سره په همغږۍ کې د ننګرهار د هډې پروژې کار، له لرغونپېژندنې رياست سره د سټلايټ له لارې په عکس اخيستلو سره د لرغونو ساحو د مشخصولو پروژه او له ملي موزيم رياست سره د مبايل موزيم) د درېيو پروژو په اړه خبرې وکړې.
ګل ستاين د ننګرهار دهډې لرغونې ساحې په اړه چې د کيندنو کار پکې په ١٩٣٠  کې پيل شوى دى زياته کړه چې دغه ساحه د بودايي دورې د فوق العاده آثارو لرونکې ساحه ده چې په ٢٠٠١ کې طالبانودهغې آثار له منځه وړي وو، خو د افغانستان د ملي موزيم د کارکوونکو په هلوځلو او اتلولۍ سره دغه آثار ساتل شوي او د شيکاګو پوهنتون له دونيمو کلونو راپدېخوا  په دې پروژه کې د دغو آثارو کار کوي  چې تر يو کال پورې به په ملي موزيم کې نندارې ته د وړاندې کولو زمينه برابره شي.
هغه دغه لرغونې ساحه او له هغه څخه ترلاسه شوي آثار د نړۍ د فرهنګ او مذهب په تاريخ کې ستر ګنج وباله او زياته يې کړه چې دغه آثار نه يوازې د افغانستان  لپاره ارزښتناک او مهم دي، بلکې نړيوال فرهنګي ميراث هم دى.
پروفيسر ستاين د سټلايټ (GIS) له لارې له عکس اخيستلو سره د لرغونو ساحو د مشخصولو په اړه وويل چې دغه پروژه د افغانستان د اسلامي جمهوريت د جمهوررييس د لارښوونې له مخې په ټول هېوادکې د لرغونپېژندنې نخچې د برابرولو په خاطر پيل شوې ده  چې  له فرهنګي  ميراثونو څخه  د هېواد په اقتصادي وده کې اغېزمنه استفاده وشي چې تراوسه په ټول افغانستان کې څه دپاسه  ۱۲ زره  لرغونې ساحې کشف شوې دي.
هغه د لرغونپېژندنې رياست کارکوونکو ته د سټلايټ له لارې (GIS) د عکس اخيستلو د پنځو روزنيزو دورو د ترسره کولو يادونه وکړه او زياته يې کړه چې تېرکال دغه روزنيز پروګرام د امريکا په متحدو ايالاتوکې جوړ شوی و او د نور  يونيم کال لپاره يې د دغه پروګرام د دوام خبر هم ورکړ.
هغه زياته کړه چې د افغانستان په ګوټ ګوټ کې د هر راز پرمختيايي پروژې د تطبيق  په صورت کې په لومړي ګام کې بايد له لرغونپېژندنې انستيتوت سره همغږي ترسره شي چې په دې برخه کې د لرغونپېژندنې نخچه کولاى شي د لرغونو ساحو د ساتنې او پرمختيا پروژو د اغېزمن تطبيق په خاطر مهم رول ولوبوي.
پروفيسر ستاين د افغانستان د ملي موزيم د معرفي کولو د مبايل موزيم په اړه چې د موبايل له لارې د مزارشريف، هرات، باميانو، جلال آباد او قندهار په ښوونځيوکې  جوړ شوی دی؛ معلومات وړاندې کړل او ويې ويل چې له دې لارې به د ښوونځيو زده کوونکي د افغانستان له تاريخ، فرهنګ او د هغو آثارو په اړوند چې د افغانستان په ملي موزيم کې ساتل شوي دي؛ بلدتيا پيدا کړي.
هغه وويل چې دغه پروګرام په ١٤٤ ښوونځيوکې ١٢٤٠٠ زده کوونکي تر پوښښ لاندې نيولي دي او دغه پروګرام به دافغانستان په نورو ولايتونوکې هم دوام وکړي.
وروسته د اطلاعاتو او فرهنګ وزارت سرپرستې حسينې ساپۍ د تاريخي آبداتو د ساتنې او د ملي موزيم او د لرغونپېژندنې د متخصصانو د روزنې لپاره د اطلاعاتو او فرهنګ له وزارت سره د امريکا متحدو ايالاتو د سفارت د همکاریو قدرداني وکړه او زياته يې کړه چې د "موبايل موزيم" پروژه د هېواد ځوان او راتلونکى نسل ته د افغانستان د اصيل فرهنګ او لرغونی تاريخ په معرفي کولو کې مهم او اغېزمن رول لري او زياته يې کړه چې دغه پروژه بايد د ولايتونو په ولسواليوکې هم تطبيق او پراخه شي چې د دغو سيمو زده کوونکي د خپل هېواد پر فرهنګي تنوع او تاريخ خبر شي.
د اطلاعاتو او فرهنګ وزارت سرپرستې زياته کړه چې تنوع په هرځاى کې شته او د هغه له نښلولو څخه ملي هويت رامنځته کېږي.
هغې د افغانستان د تاريخ او فرهنګ په معرفي کولوکې د نندارتونونو جوړول مهم وبلل او زياته يې کړه چې له يوبل سره په همغږۍ کې به په دې برخه کې پرمخ لاړ شو.
حسينې ساپۍ د افغانستان فرهنګي ميراثونه د نړۍ فرهنګي ميراثونه وبلل او د هغو نړيوالو بنسټونو ملاتړ چې د هېواد د تاريخي آبداتو او د فرهنګي ميراثونو د ساتنې په لاره کې کار کوي؛ مهم وباله او زياته يې کړه چې د فرهنګي ميراثونو د ساتنې پروګرامونه دې د ټولنې او د افغانستان د فرهنګ د اړتيا پر بنسټ په پام کې ونيول شي او د افغانستان او نړۍ د فرهنګي ميراثونو د ساتنې لپاره بايد واحد او يوخېل نظر ولرو.
پاى \ج\ع \ذ


 

کابل/دلیندۍ۲۴مه/باختر
د اطلاعاتو او فرهنګ وزارت د سرپرستې حسينې ساپۍ په مشرۍ، نن د واټونو د نومولو کمېسيون ناسته وکړه.
د باختر آژانس خبريال د خبرله مخې: د ناستې په پيل کې د اطلاعاتو او فرهنګ وزارت سرپرستې د کمېسيون له غړو څخه وغوښتل چې د واټونو په نومولوکې دې د سيمو تاريخ، فرهنګ او دود په پام کې وي او د خلکو نظريې هم واخيستل شي.
وروسته د کمېسيون غړو په مرکز او ولايتونوکې د واټونو د نومولو د اتو وړانديزونو په اړه خبرې وکړې او خپلې نظريې يې وړاندې کړې.
پاى \ ذ

کابل/دلیندۍ۲۴مه/باختر
د خوست په مرکز متون کې د فرهنګي زون د جوړېدو لومړنۍ چارې په رسمي ډول پیل شوې.
ځايي چارواکي وايي چې په یاد زون کې به د کتابتون، حطاطانو او انځورګرو تر څنګ د کتاب پلورنکو او لاسي صنایع لپاره هټۍ، د غونډو تالار، اداري خونې، تفریحي پارک، د جرګو خونه، رسنیز مرکز، دایمي نندارتون، ولایتي موزیم، د ژباړې او څېړنې څانګه، د قبایلو لپاره ځانګړی ځای او نور مهم تاسيسات شامل دي.
د باختر اژانس د سیمه ييز خبریال د خبر له مخې، د فرهنګي زون د چارو په پیل کې له اطلاعاتو او فرهنګ وزارت څخه تللي پلاوي عبدالمقیم افغان او غالب ژوند د خوست له والي سره په کتنه کې د دغه مرکز په اړه معلومات وړاندې کړل.
په همدې حال کې د خوست والي محمد حلیم فدايي وویل چې دغه ولایت د ۱۲ ولایتونو په کچه لومړنۍ ولایت دی چې پکې بشپړ فرهنګي زون جوړېږي.
والي زیاته کړه چې د فرهنګي زون د کمپلکس لپاره وړاندیز شوی او تمه لري چې د ودانۍ د رغولو چارې به یې له مطالعې او د ځمکې له تثبیت وروسته ډېر ژر پیل شي.
والي وویل: جمهوررییس په پام کې لري چې افغانستان د سیمې پر څلورلارې بدل شي او د همدې لیدلوري لپاره د جنوب، ختیځ او لویدیځ دهلیز او کوریدور رامنځ ته کېږي، چې موخه یې وچه له لمدې سره نښلول دي.
له بلې خوا د اطلاعاتو او فرهنګ وزارت د پلان او پالیسۍ رییس عبدالمقیم افغان وايي چې دغه وزارت د چارو له ادارې سره په همغږۍ له ډېرو هڅو وروسته په دې وتوانېد چې په خوست کې د فرهنګي زون لومړنۍ چارې پیل کړي.
افغان زیاتوي چې په ۱۲ نورو سرحدي ولایتونوکې هم ورته فرهنګي زونونه رغول کېږي او خوست لومړنی ولایت دی چې د فرهنګي زون چارې پکې په رسمي ډول پیل شوې.
ویل کېږي دغه فرهنګي مرکز به د افغانستان په کچه لومړنی فرهنګي زون وي چې په جوړېدو سره به یې په فرهنګي چارو کې ښه والی رامنځ ته شي.
پای/وصال

 

کابل/ د لیندۍ ۲۴ مه/ باختر
د اطلاعاتو او فرهنګ وزارت سرپرستې حسینې ساپۍ اندونیزیا ته د خپل وروستي سفر په بهیرکې په اندونیزیا کې د  افغانستان له سفیر او د سفارت له  کارکوونکو سره وکتل او په دې کتنه کې یې د فرهنګي پروګرامونو پر ترسره کولو ټینګار وکړ.
د کتنې په پیل کې په اندونیزیا کې د افغانستان سفیر فیض الله ذکي د سفارت د پروګرامونو په اړه معلومات وړاندې کړل او زیاته یې کړه چې د افغانستان سفارت هڅه کوې له اندونیزیا سره فرهنګي اړیکې پياوړې او پراخې کړي. 
هغه د فرهنګي پروګرامونو په مرسته د دواړو هېوادونو ترمنځ په فرهنګي راکړه ورکړه کې د بهرنیو چارو وزارت له لارې د سفارت او اطلاعاتو او فرهنګ وزارت تر منځ د همغږۍ په اړه وغږېد او دغه راز پروګرامونه یې د اړیکو په پياوړي کولو کې یو ښه فرصت وباله.
د افغانستان سفیر همدارنګه په دواړو هېوادونوکې د کتابتونونو د جوړولو، د موسیقۍ انستیتوت د ارکستر اوفولکور هنرمندانو د کنسرت په اړه خبرې وکړې.
بیا د اطلاعاتو او فرهنګ وزارت سرپرستې حسینې ساپۍ د افغاني اصیل فرهنګ د معرفي کولو لپاره په اندونیزیا کې د افغانستان سفارت د فعالیتونو او پروګرامونو قدرداني وکړه او د دوه اړخیز موافقه لیک پر بنسټ یې د دواړو هېوادونو ترمنځ د فرهنګي اړیکو پر پياوړتیا ټینګار وکړ.
پاى/ن.ش

Page 9 of 499