22 January 2020

RSS Facebook

سوداگریز


تازه خبرونه

د ملي موزيم د نوې ودانۍ د ډيزاين د پرمختيا قرارداد لاسليک شو

کابل/ دسلواغې لومړۍ/ باختر د اطلاعاتو او فرهنګ وزارت د سرپرستې...

د ټوليزو رسنيو دپاليسۍ د مسودې په اړوند د نظرغوښتنې، مشورتي غونډه جوړه شوه

کابل/ دسلواغې لومړۍ/ باختر د اطلاعاتو او فرهنګ وزارت د سرپرستې...

د فارياب د کوهستاناتو مواصلاتي لاره پرانيستل کېږي

د فارياب د کوهستاناتو مواصلاتي لاره پرانيستل کېږي

کابل/ دسلواغې لومړۍ/ باختر د فارياب له مرکز سره د کوهستاناتو...

Youtube Player

khantry design

سوداگریز

سوداگریز

فرهنگی

کابل /دليندې ١٩مه /باختر :
داطلاعاتواوفرهنګ وزارت دفرهنګ او هنر معين پوهاند محمد رسول باوري نن په ملي نګارستان کې دګنج قناعت دښکلې ليکنې نندارتون پرانست .
دباختراژانس دخبريال دخبرله مخې، په دې نندارتون کې د افغانستان دښکلو ليکوونکودټولنې له شلو خطاطانو څخه دښکلې ليکنې سل آثار نندارې ته وړاندې شوي دي .
ددغه نندارتون دپرانستلو په مراسمو کې داطلاعاتواوفرهنګ و زارت دفرهنګ او هنر معين وويل چې په افغانستان کې دخطاطۍ اوښکلې  ليکنې هنر  تاريخي جرړې  لري .
هغه زياته کړه  په افغانستان کې مو دفيض محمد کاتب هزاره ،  علي هروي ، بيهقي  اودغه شان نورو په ګډون ښکلي ليکوونکي لرل  چې دهېواد دتکړه اونومياليو ښکلي ليکوونکو او خطاطانو  له جملې څخه ګڼل کېږي
پوهاند باوري وويل چې ددغه شان نندارتونونو جوړول په بېلابېلو هنري څانګو کې دهنرمندانو دآثارو د ورپېژندنې لپاره ښه زمينه ده او له هنر او دهېواد له هنرمندانو سره يې داطلاعاتواوفرهنګ  وزارت ملاتړ څرګند کړ .
وروسته  دملي نګارستان مسوولې صابرې رحماني په خبر کې په دې ترڅ کې چې دافغانستان دښکلو ليکوونکو دټولنې دکړو وړو له امله قدرداني  وکړه  دنندارتونونو دجوړولو په لاره کې يې له هنرمندانو سره دملي نګارستان ملاتړاوهمکاري څرګنده کړه .
دغه راز دافغانستان دښکلو ليکوونکودټولنې رييس عارف غلامي ددغې ټولنې دهنرمندانودښکلې  ليکنې داثارو په اړوند معلومات ورکړل او ددغه نندارتون دجوړولو په خاطر يې  داطلاعاتواوفرهنګ وزارت اودملي نګارستان دهمکارى له امله مننه وکړه .
  ختم_ عطاالله _اکرم

 

کابل/دلیندۍ۱۸مه/باختر
د اطلاعاتو او فرهنګ وزارت د توريزم او هوټلدارۍ انستيتوت د محصلانو لوست نن پيل شو.
د دغه انستيتوت په لومړنۍ روزنيزه دوره کې ١١محصلان د دوو کلونو لپاره د هوټلدارۍ او توريزم په برخوکې زده کړې کوي.
دغه انستيتوت د محصلانو د لوست ورکولو په برخه کې د کابل  پوهنتون، د پوهنې وزارت او مسلکي تخنيکي اداره، له اطلاعاتو او فرهنګ وزارت سره همکاري کوي.
د ګرځندوى د تحقيق پرمختيا او د بازارموندنې رييس محمد رامين عتيق زاده په دې اړه د باختر آژانس خبريال ته وويل: په انستيتوت کې د افغانستان د کلي موضوعګانو، د ګرځندوى د اقتصادي ارزښت، د هېواد د معرفي کولو، سيلانيانو ته د مسلکي لارښوونو، بازارموندنې او د ټولو هغو موضوعګانو په اړوند چې په ميلمه پالنې پورې مربوط کېږي؛ لوست ورکول کېږي.
هغه زياته کړه چې محصلان د کلنۍ آزموينې له لارې په دغه انستيتوت کې جذبېږي.
اوس ١١ محصلان د شموليت آزموينې له ورکولو وروسته دغه انستيتوت ته لاره موندلې ده.
هغه همدارنګه زياته کړه چې اړوندو محصلانو ته د زده کړې لنډمهال او اوږدمهال پروګرامونه په بهرکې هم په پام کې نيول شوي دي.
پاى\ج\ ذ


 

کابل/دلیندۍ۱۸مه/باختر
د افغانستان اسلامي جمهوري دولت د اطلاعاتو او فرهنګ وزارت او د هنرعالي شورا ګډه اعلامیه
کابل / د ۱۳۹۸ د لیندۍ ۱۸ مه
په دې وروستیو کې یو شمېر رسنیو د هېواد د ځینو هنرمندانو ګیلې او شکایتونه خپاره کړي دي چې ګنې د اطلاعاتو او فرهنګ وزارت او همدارنګه د هنر عالي شورا له دوی سره مرسته او همکاري نه  کوي. دا ګیلې او شکایتونه په داسې وخت کې خپرېږي چې د اطلاعاتو او فرهنګ وزارت او د هنر عالي شورا همدا پرون (د ۱۳۹۸ د لیندۍ ۱۷ مه)   د هنر جشن په کابل کې په خورا پرتمینو مراسمو سره ونمانځه او په همدغه ویاړ (په تېرو سلوکلونو کې د هنر بهیر) ترنامه لاندې علمي – څېړنیز سیمینار هم جوړ شو. په دغه جشن او سیمینار کې د هنر د ټولو برخو په اړه علمي او تاریخي معلومات وړاندې شول، د هنر تاریخي بهیر وارزول شو، بریاوې او ستونزې په ګوته شوې او د هغوی د حل لپاره وړاندیزونه هم وشول.
د اطلاعاتو او فرهنګ وزارت د افغانستان ټولو هنرمندانو او په تېره بیا هغوی ته چې د خپل عمر ډېر کلونه یې د هنر په چوپړ کې تېر کړي دي، ځانګړی درنښت لري، قدر یې کوي او د هغوی چوپړ خپل مسوولیت ګڼي. د اطلاعاتو او فرهنګ وزارت د هنرمندانو د نوښتونو او خدمتونو د درنښت لپاره ګڼ پروګرامونه تر سره کړي دي او تر سره کوي يې. د بېلګې په توګه، تېر ۱۳۹۷ کال  د لومړي ځل لپاره وزارت له هغو هنرمندانو سره چې د زړښت پړاو ته داخل شوي دي، یو ملیون افغانۍ مالي مرسته وکړه. همدارنګه د هېواد د هنر پر مخکښانو یوملیون او درې سوه زره لومړۍ، دویمه او درېمه درجه نغدې جایزې وېشل شوې دي. پر مالي ملاتړ سربېره، پر مخکښو او نوښتګرو  هنرمندانو تندیسونه او ستاینلیکونه هم وېشل شوي دي. پرون د هنر په جشن کې د هنر د بېلابېلو څانګو مخکښانو ته هم تندیسونه او ستاینلیکونه ورکړل شول.
شک نشته چې د افغانستان هنرمندان، چې په خورا سختو شرایطو کې یې زموږ ملي هنر ژوندی ساتلی دی، د لا ډېر ملاتړ او تقدیر وړ دي. د اطلاعاتو او فرهنګ وزارت د خپلو بودجه یي امکاناتو او په ټوله کې د هېواد اقتصادي او مالي حالت ته  په کتو، په دې برخه کې هېڅ راز هڅه او هاند نه سپموي. وزارت او دهنر عالي شورا د هنرمندانو د ملاتړ او تشویق لپاره د هر راز نوښت او عملي اقدام هرکلی او ملاتړ کوي.
د افغانستان د هنر ژوندي ساتل، د هغه وده او پرمختګ د اطلاعاتو او فرهنګ وزارت، هنر عالي شورا، هنرمندانو، نورو ګڼو دولتي جوړښتونو او ولسونو ګډ ملي مسوولیت دی. د اطلاعاتو او فرهنګ وزرات او د هنر عالي شورا په ښه توګه د دغه ملي مسوولیت د تر سره کولو لپاره له افغان هنرپال ولس سره خپله پیاوړې ژمنه نوې کوي.
درنښت
د اطلاعاتو او فرهنګ وزارت او د هنرعالي شورا

کابل/دلیندۍ۱۸مه/باختر
د اطلاعاتو او فرهنګ وزارت د جندر آمريت نن د جندر، د ښځو پر وړاندې د تاوتريخوالي د بندولو او د ښځو د ځورونې د بندولو د قوانينو په اړوند د پوهاوي ورکولو ورکشاپ د عامه کتابتونونو په رياست کې جوړ کړ.
د مراسمو په پيل کې د اطلاعاتو او فرهنګ  وزارت د جندر آمرې محبوبې سعادت  وويل چې د دغه ورکشاپ د جوړولو موخه د ښځو پر خلاف د تاوتريخوالي او ځورونې د بندولو د قوانينو په اړوند پوهاوي ورکول دي او په دې اړه د ١٦ ورځني کمپاين پربنسټ جوړ شوى دى.
د عامه کتابتونونو رييس حميدالله شهراني د جندر او تاوتريخوالي د مفاهيمو او د هغه د تاريخچې په اړه په تفصيل سره خبرې وکړې او ويې ويل: الله تعالى (ج) ښځه او نارينه د يوبل د بشپړولو او د ټولنې د پرمختګ لپاره پيدا کړي دي چې هر يو په ځان پورې اړوند توپيرونه او ځواکمنتياوې لري چې په هېڅ صورت پر يوبل باندې د برترۍ سبب نه دي. خو په تېرو دوروکې پر ښځو زيات ظلم او ستم شوى دى، له همدې امله په ١٦مه پيړۍ کې د لومړي ځل لپاره په لوېديځ کې د جندر بحث رامنځته شو او عالمانو هلې ځلې وکړې چې ښځې خپلو حقونو ته لاسرسى پيدا کړي.
شهراني زياته کړه: له بده مرغه زموږ په هېواد کې د جندر بحث  ډېر ناوخته طرحه شو او په ١٣٩٥ کال کې د لومړي ځل لپاره په کابل پوهنتون په ماسټرۍ پروګرام کې په همدې نامه په اکاډميک ډول تدريس شو او تراوسه دوه دورې محصلان فارغ شوي دي. دغه ورکشاپ د عامه کتابتونونو د کارکوونکو لپاره د يوې ورځې لپاره جوړ شوى و.
پاى\ج\ ذ

Page 10 of 498