25 May 2020

RSS Facebook

سوداگریز


تازه خبرونه

سولې ته رسېدل، هر اړخیزه ستراتېژي غواړي

سولې ته رسېدل، هر اړخیزه ستراتېژي غواړي

کابل / د غبرګولي ۵ مه / باختر شک نشته چې...

په غور کې د ولسي تړون د ۱۴ پروژو کار عملي کیږي .

په غور کې د ولسي تړون د ۱۴ پروژو کار عملي کیږي .

فیروزکوه د جوزا ۵ باختر د غور د لعل او سرجنګل...

Youtube Player

khantry design

سوداگریز

سوداگریز

فرهنگی

 کابل /دکب ١٥مه / باختر:
د اطلاعاتو او فرهنګ وزارت د سرپرستې حسينې ساپۍ په مشرۍ نن د اطلاعاتو او فرهنګ وزارت  د  ١٣٩٨ کال د کاري رپوټ د تدوين کمېټې غونډه  جوړه شوه.
د باختراژانس د خبريال د خبرله مخې، دغه کمېټه د اطلاعاتو او فرهنګ وزارت  له مشرتابه هيئت  څخه متشکله ده او د ې وزارت د تېر يو کال دکاري رپوټ  د تدوين په باب چې تشکيل، بودجه، عادي او پرمختيايي پروژې، خپرونې، تاريخي  آبدې، ګرځندوى، ځوانان او د اطلاعاتو او فرهنګ وزارت نورې اړوندې برخې پکې شاملې دي،کار کوي.
په غونډه کې دکمېټې غړو داطلاعاتو اوفر هنګ وزارت د ١٣٩٨ کال د کاري رپوټ  د تدوين بهير د بشپړېدو  ډاډورکړ.
د هغه پروګرام پربنسټ  چې پخوا تنظيم شوى دى، د اطلاعاتو او فرهنګ وزارت د مشرتابه هيئت د حکومت د اطلاعاتو او د رسنيو د مرکز له لارې په يوه غونډه کې د دې وزارت  د تېر يو کال د کړو وړو رپوټ  خلکو ته وړاندې کوي.
دغه راز په غونډه کې حسينې ساپۍ دکمېټې له غړو څخه چې د اطلاعاتو او فرهنګ وزارت د ١٣٩٨ کال دکړو وړو د رپوټ  د تدوين په مقصد يې هڅه او هاند کړى دى، مننه وکړه او څرګنده يې کړه چې دغه رپوټ به  په نږدې راتلونکې کې  د رسنيو په شتون  له خلکو سره  شريک شي.
ختم- ف _ اکرم

کابل/ د کب ١٤مه/ باختر
د مارچ د دويمه د هېواد د بلوڅو د فرهنګ او هنر ورځ پرون د نيمروز په زرنج ښارکې ونمانځل شوه.
يو مدني فعال اميد بلوڅ باختر آژانس ته وويل: زه د هېواد د بلوڅو د فرهنګ پر ساتنې او پراختيا ټينګار کوم او د بلوڅو فرهنګ له زياتو وختونو راپدېخوا نسل په نسل ساتل شوى دى.
هغه د تعصب شتون د فرهنګونو د نه ودې سبب وباله او د دغې پديدې پر له منځه وړلو يې ټينګار وکړ.
د بلوڅو يو مشر عبدالرزاق بلوچ وويل: د بلوڅو فرهنګ او دودونه په هېواد او سيمه کې له ډېرو ښو فرهنګونو څخه دى او ټول دنده لري چې د هېواد د قومونو دملي فرهنګونو د ساتنې او ودې لپاره هلې ځلې وکړي.
د فرهنګ کارپوه ملنګ رسولي  وايي د هيڅ قوم فرهنګ د نورو قومونو له فرهنګ پرته بشپړ نه دى او هر څومره چې قومونه له خپل فرهنګ څخه لرې شي؛ له خپل فرهنګ او هويت څخه لرې کېږي.
د غونډې په پاى کې د بلوڅو صنعتي خواړه او جامې نندارې ته وړاندې شوې.
ختم -ج - اکرم

 

کابل/ د کب ١٤مه/ باختر
د باختر آژانس د سيمه ييز خبريال بريالي همنوا د خبر له مخې؛ په هغې غونډه کې چې په همدې مناسبت د کندز د اطلاعاتو او فرهنګ رياست په تالار کې د کندز ولايت د مقام د ټولنيز مرستيال نجيب الله عمرخېل، نورو مسوولينو، شاعرانو، ليکوالانو او خبريالانو په ګډون جوړه شوې وه؛ د کندز د اطلاعاتو او فرهنګ رييس عبدالشکور قدردان شاعران او ليکوالان په ټولنه کې مهم کسان وبلل او زياته يې کړه چې د اطلاعاتو او فرهنګ رياست د ټولو شاعرانو او ليکوالانو ګډ کور دى.
هغه له شاعرانو او ليکوالانو سره د فرهنګي او ادبي پروګرامونو د جوړولو پر دوام ټينګار وکړ او ويې ويل: موږ هلې ځلې کوو چې د کندز د شاعرانو او ليکوالانو ټولنې           د جوړولو په ګډون زيات فرهنګي پروګرامونه ډېر ژر ترسره کړو.    
د کندز د ښځو چارو رييسې نصيبې هولکر وويل چې ښځې د ټولنې نيمايي برخه  جوړوي او بايد هغوى ته زياته پاملرنه وشي او د دغه شان فرهنګي پروګرامونو د جوړولو پر دوام يې ټينګار وکړ او له شاعرانو او ليکوالانو څخه يې وغوښتل چې د ښځو په اړوند شعر ووايي او نور ښه مطالب وليکي.
هغې د ښځې په اړه خپل ليکل شوى شعر ولوست او دغه راز د غونډې په بهيرکې شاعرانو د ښځې په اړه ليکل شوي شعرونه ولوستل.
پاى \ج\ ذ


 

کابل/ د کب ١٤مه / باختر     
د نوروز جشن جوړولوعالي کمېسيون غونډه نن د اطلاعاتو او فرهنګ وزارت د فرهنګ او هنر معين پوهاند محمدرسول باوري په مشرۍ  جوړه شوه.
د باختراژانس د خبرله مخې، په دې غونډه کې پوهاند محمد رسول باوري په لنډو خبرو کې وويل چې اساسي هدف  په پرتمين ډول د نوروز د لرغوني جشن  جوړول دي.
وروسته د کمېټو مسوولينو د کمېټو د کارونو رپوټ  غونډې ته وړاندې کړ.
د کمېسيون غړو د نندارتونونو، د موسيقۍ د ګرځنده ډلو له خوا د کنسرتونو د اجراکولو، د نوروز جشن جوړولو د سيمو روښانه کولو  د بېلابېلو اړخونو په باب  خبرې وکړې.
په پاى کې پوهاند باوري د نوروز جشن جوړولو په خاطر د کمېټو دغړو له هلو ځلو مننه وکړه.
پاى \ج \ ذ

 

Page 10 of 519