17 October 2019

RSS Facebook

سوداگریز


تازه خبرونه

دقندهار _ هرات په لويه لاره کې مرګانى ترافيکي پېښه

دقندهار _ هرات په لويه لاره کې مرګانى ترافيکي پېښه

-کابل / دتلي ٢٥مه / باختر : دقندهار – هرات ...

دپلخمري – ايبکو په لويه لاره کې دناامنۍ عامل ونيول شو .

دپلخمري – ايبکو په لويه لاره کې دناامنۍ عامل ونيول شو .

-کابل / دتلي ٢٥مه / باختر : دطالبانو دډلې يومشهور...

دسرې مياشتې  مخصوصه اوونۍ په لوګر کې ونمانځل شوه .

دسرې مياشتې مخصوصه اوونۍ په لوګر کې ونمانځل شوه .

-کابل / دتلي ٢٥مه / باختر : دافغاني سرې مياشتې...

Youtube Player

khantry design

سوداگریز

سوداگریز

فرهنگی

کابل/ باختر/ د وږي۱١مه
په (سلو کلونوکې د ښځو د فرهنګي وضعيت د کتنې سيمينار) د جوړولو د تياري څلورمه ناسته نن د اطلاعاتو او فرهنګ وزارت د سرپرستې حسينې ساپۍ په مشرۍ جوړه شوه.
د باختر آژانس خبريال د خبرله مخې: په دې ناسته کې د سيمينار د جوړولو کمېسيون غړو د هغو دندو په اړوند چې په تېره ناسته کې د سيمينار په لسګونو برخوکې هغوى ته سپارلې شوې وې؛ د خپلو کړنو رپوټونه وړاندې کړل.
حسينې ساپۍ د کمېسيون د غړو د رپوټونو له اورېدو وروسته ټينګار وکړ چې د هرې برخې مسوول بايد د خپلو دندو د ترسره کولو لپاره د دغه سيمينار په لازيات پرتم سره  د جوړولو په موخه زياتې هڅې وکړي.
په ناسته کې د اطلاعاتو او فرهنګ وزارت مالي، اداري او ګرځندوى معينې  پوهنيارې سيدې مژګان مصطفوي د سيمينار د مالي موضوعاکانو او لګښتونو د برابرولو په اړوند خبرې وکړې او ويې ويل چې د دغه سيمينار د جوړولو لپاره   د اطلاعاتو او فرهنګ وزارت مالي او اداري برخه د توان په حدودوکې هڅه کوي چې  نظر وړ بودجه برابره کړي.
دغه راز د هېواد د لومړۍ مېرمنې فرهنګي سلاکارې زهرې يوسف د دغه سيمينار د معنوي بډاينې په برخه کې د هر راز همکارۍ ژمنه وکړه.
ناسته په مشخصو کارونو د کمېسيون د غړو په توظيف سره پاى ته ورسېده.
پاى \ ف\ ذ

 

کابل/ باختر/ د وږي۱١مه
د رسنۍ، بنسټ او کارکوونکي د کاري اختلافونو د حل کمېسيون کړنلاره نن وروستۍ شوه.
د رسنۍ، بنسټ او کارکوونکي د کاري اختلافونو د حل کمېسيون اوومه ناسته           د غلام مصطفی هاروني په مشرۍ په اطلاعاتو او فرهنګ وزارت کې جوړه شوه.
د باختر آژانس خبريال دخبرله مخې: دغه کړنلاره د خصوصي ټوليزو رسنيو د فعاليت د کړنلارې مقررې د٢٩ مادې د ٤ فقرې پر بنسټ په ١٠ مادوکې برابره شوې ده چې له تصويب او د اطلاعاتو او فرهنګ د وزير له منظورۍ وروسته نافذيږي.
دغه راز په ناسته کې پر ٢١ شکايتونو خبرې وشوې او پرېکړه وشوه چې قضيې دې  اړوندو بنسټونو ته ولېږل شي.
پاى \ف \  ذ

کابل/ باختر/ د وږي۱١مه
د اطلاعاتو او فرهنګ وزارت د فرهنګ او هنر معين پوهاند محمد رسول باوري نن د غالۍ پرمخ د انځورګری د بې سارو توليداتو نندارتون په ملي نګارستان کې پرانیست.
د باختر آژانس خبريال د خبرله مخې: په دغه نندارتون کې ۱۰ آثار نندارې ته وړاندې شوي دي.
دغه نندارتون، مېرمن اکبري د اطلاعاتو او فرهنګ وزارت په همکارۍ جوړ کړى دى.
پوهاند باوري د نندارتون د پرانیستلو په مراسموکې په لنډو خبروکې وويل:              اوسنى نندارتون متفاوت دى؛ ځکه دغه نندارتون هغې مېرمنې جوړ کړى دى چې په زياتو ستونزو سره، بیاهم په دې بريالۍ شوې ده چې په دې اقدام لاس پورې کړي.
د فرهنګ او هنر معين دغه راز په بېلابېلو برخوکې د هنر له ودې سره اړيکې ونيولې او ويې ويل چې ځوانان د هنر په وده او پرمختګ کې اساسي رول لري.
د نندارتون جوړونکې مېرمن اکبري وويل چې د غالۍ پرمخ انځورګري ډېره مهمه ده، په تېرو وختوکې د غالۍ پرمخ انځورګري نه کېده؛ خو په دغه نندارتون کې هغه غالۍ  نندارې ته وړاندې شوې دي چې د هغو پرمخ د انسان او طبيعت تصويرونه اوبدل شوي دي.
په پاى کې د ملي تياتر هنرمندانو تمثيلي ټوټه اجرا کړه او ورزشکارانو هم ورزشي نمايشات اجرا کړل.
پاى \ف \ ذ

کابل باختر دوږي  ١٠مه :
داطلاعاتواوفرهنګ وزارت دخپرونو دچارودمعين فاضل سانچارکي  په مشرۍ دمولف ، مصنف ، هنرمند او څيړونکي  ( کاپي رايت )  له حقوقو څخه  دملاتړ دبورد شپږمه غونډه نن جوړه شوه.
دباختراژانس دخبريال دخبرله مخې ، په دې غونډه کې له خبرو او څيړنې وروسته دمولف ، مصنف ، هنرمند اوڅيړونکي ( کاپي رايت ) له حقوقو  څخه دملاتړ  دبورد کړنلاره بشپړه او دبورد دغړو له لوري تصويب شوه .
دغه کړنلاره  په دريو فصلونو اوڅوارلسو مادو کې برابره شوې ده او له تصويب او داطلاعاتواو فرهنګ دوزير  له منظورۍ وروسته نافذيږي .
دغه کړنلاره  دمولف _  مصنف ، هنرمند او څيړونکي  (کاپي رايت )  له حقوقو څخه دملاتړ دمقررې دپنځمې مادې د  ٢ فقرې دحکم پربنسټ وضع شوې ده.
داطلاعاتواوفرهنګ وزارت دخپرونو دچارو معين ټينګار وکړ چې ددغه بورد  موخه دمولفانو خپروونکو ، ليکوالو او دآثارو  درامنځته کوونکو شکايتونو او دعوا ته رسيدګي  ده چې آثار يې  لوټ اوياکاپي کېږي .
ختم_ ف _ اکرم