23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

فرهنگی

کابل/باختر/ د زمري١٤مه
د خورشید ټلویزیون د کارکوونکو د سپرلۍ پر موټر د ترهګریز برید په اړه د اطلاعاتو او فرهنګ وزارت اعلامیه
د سولې او بیان آزادۍ دښمنانو پرون د کابل ښار په ۱۵ مه ناحیه کې د ځای پر ځای کړي ماین په چولو سره د خورشید ټلویزیون د کارکوونکو د سپرلۍ موټر په نښه کړ. په دغه ترهګریز برید کې دوه تنه شهیدان شول او څلور نور ټپیان شول.
د اطلاعاتو او فرهنګ وزارت دغه برید په کلکه غندي او په ډاګه اعلاموي چې دا ډول ترهګریز بریدونه د خپلو ملي او معنوي ارزښتونو او همدارنګه د بیان آزادۍ او نورو مدني آزادیو د ساتنې او دفاع لپاره د افغانانو او په تېره بیا د رسنیو د زړه ورو او ژمنو کارکوونکو هوډ کمزوری کولای نه شي.
د اطلاعاتو او فرهنګ وزارت د خورشید ټلویزیون له کارکوونکو، د هېواد له ټولو رسنیو او بیان آزادۍ سره خپل غوڅ  ملاتړ یو ځل بیا نوی کوي او د پېښې د شهیدانو کورنیو ته د تسلیت او ډاډګیرنې مراتب څرګندوي او ټپیانو ته د بشپړې روغتیا دعا کوي.
پاى/ ن.ش

کابل / باختر/ د زمري ١٣ مه
د اطلاعاتو او فرهنګ وزارت سرپرستې حسينې ساپۍ د ښځو د لاسي صنايعو نندارتون د کتنې په وخت کې وويل: د افغان ښځو لاسي صنايع د هېواد اصيل فرهنګ نندارې ته وړاندې کوي.
د باخترآژانس د خبريال د خبرله مخې،  د اطلاعاتو او فرهنګ وزارت سرپرستې دغه راز وويل چې افغان ښځې د لاسي صنايعو د توليداتو په برخه کې مخکښې دي او که چېرې  زيات امکانات ولري لاښه  ځلېږي.
دغه نندارتون نن  د اطلاعاتو او فرهنګ وزارت د مالي، اداري او ګرځندوى د معينې پوهنيارې سيدې مژګان مصطفوي له خوا په کابل کې پرانستل شو.
په دې نندارتون کې چې په پنځوسو غرفو کې  جوړ شوى دى  د لاسي ګنډلو، څرمن ګنډلو، خياطۍ، مرۍ ګڼدلو، ګاڼو، بيکونو، کوښو او جامو په ګډون د ښځو لاسي صنايع نندارې ته وړاندې شوي دي .
د دغه نندارتون د پرانستلو په مراسمو کې د اطلاعاتو او فرهنګ وزارت مالي، اداري او ګرځندوى معينې وويل، چې دغه نندارتون د هېواد د خپلواکۍ د سلمې کاليزې په وياړ او د ښځو د لاسي صنايعو د ودې او هڅونې په خاطر  جوړ شوى دى.
هغې وويل، چې د اطلاعاتو او فرهنګ وزارت د هېواد د خپلواکۍ د سلمې کاليزې په مناسبت په مرکز او ولايتونو کې زيات فرهنګي پروګرامونه لري او دغه راز له خلکو څخه يې وغوښتل چې د لاسي صنايعو په پېرودنې سره  د هېواد د صنعتکارانو په تېره بيا د ښځو ملاتړ وکړي.
وروسته د ښځو چارو وزارت معينې سپوږمۍ وردګ  د ښځو د لاسي صنايعو د ودې په لاره کې  د دغه شان نندارتونونو جوړول ارزښتناک وبلل او د اطلاعاتو او فرهنګ  له وزارت  څخه يې چې د دغه شان نندارتونونو د جوړولو په لاره کې هلې ځلې کوي، قدردانې وکړه.
هغې د لاسي صنايعو د نندارتون جوړول له يوې خوا د صنعتکارو ښځو د اقتصادي ودې سبب وباله  او له بله پلوه يې د هېواد د توليداتو د ودې لپاره  يوه ښه زمينه وبلله او ټينګار يې وکړ چې بايد دولت  د صنعتکارانو ملاتړ وکړي.
په همدې حال کې په ملکي خدمتونو کې د اطلاعاتو او فرهنګ وزارت د ښځو د ملاتړ آمرې محبوبې سعادت د صنعتکارو ښځو د هڅونې په لاره کې د دغه نندارتون جوړول ګټور وبلل او ويې ويل: ښځې بريالۍ شوې دي څو په خپلو ظريفو ګوتو صنعتي محصولات توليد کړي او د هېواد د صنعت په وده کې  فعاله ونډه واخلي.
د سوداګرۍ او صنايعو وزارت د ښځو د لاسي صنايعو مرستيالې رقيه ګوهري د باخترآژانس خبريال ته وويل، چې دولت بايد د ښځو د صنعتي توليداتو لپاره دايمي نندارتون جوړ کړي.
دغه نندارتون د اطلاعاتو او فرهنګ وزارت په ملکي خدمتونو کې د ښځو د ملاتړ د امريت او د ګرځندوى د رياست له خوا جوړ شوى چې دوې ورځې به نور هم دوام وکړي.
پاى \ج \ذ

لښکر ګاه\باختر\د زمري ١٣ مه
د اطلاعاتو او فرهنګ وزارت د ځوانانو چارو  د معينيت خبرتيا! 
د ځوانانو چارو معينيت دهغه تفاهم  له مخې،  چې له يوشمېر خصوصي پوهنتونونو او د لوړو زده کړو او نيمه لوړو زده کړو له موسسو سره يې  لري په مياشتني فيس  کې له شلو څخه تر پنځوسو پورې په تخفيف سره د روان کال د مني سمستر لپاره د ځوانانو په معرفي کولو پيل کړى دى .
د لوړو زده کړو په دغو موسسو کې د ميوند، پيام، پيشګام، غرجستان، علامه ابوريجان، خاتم النبين او د غازي امان الله خان پوهنتونونه  او د رازي، ازهر، قلم،  افغان پامير او د لوړو زده کړو يوشمېر نورې موسسې هم شاملې دي.
مينه وال کولاى شي د نوم ليکنې او له دغه تخفيف څخه د ګټې په خاطر له دوو عکسونو او د تابعيت  د تذکرې  له فوتوکاپي سره  په پل باغ عمومي کې د ځوانانو چارو معينيت د ځوانانو د مصوونيت او روزنې رياست ته ورشي .
دغه راز د زياتو معلوماتو لپاره کولاى شي دغه ايمل آدرس وګوري
This e-mail address is being protected from spambots. You need JavaScript enabled to view it اويا له  ٠٧٤٧٠٠٨٩٠٠تيلفون سره اړيکه ونيسي .
  ختم_ ج _ اکرم

کابل / باختر/ د زمري ١٢مه
د اطلاعاتو او فرهنګ وزارت خبرتيا
د اطلاعاتو او فرهنګ وزارت د هېواد د خپلواکۍ د سلمې کاليزې په وياړ سبا يکشنبه د روان کال د زمري په ١٣مه، د سهار په ٩ بجو او ٣٠ دقيقو په تيمورشاهي بڼ کې د ښځو د لاسي صنايعو نندارتون جوړوي.
د رسنيو خبريالان او هېوادوال دې خبر وي.
پاى \ ذ