24 February 2020

RSS Facebook

سوداگریز


تازه خبرونه

کابل کې د نجونو د فوټبال سیالۍ

کابل کې د نجونو د فوټبال سیالۍ

کابل/ د کب ٥ مه / باختر په کابل کې د...

دکندز اوسېدونکو دپرمختيايي پروګرامونو ملاتړ وکړ

کابل/دکب ٥مه/باختر ولايتي شورا، ديني عالمانو، د سياسي ګوندونو استازو...

د ملکي خدمتونو کارکوونکو معاش د موبايل له لارې ورکول کېږي

کابل/دکب٥مه/باختر د مخابراتو او معلوماتي تکنالوژۍ وزارت سرپرست پرون د...

Youtube Player

khantry design

سوداگریز

سوداگریز

فرهنگی

کابل/ د مرغومي ١٦مه/ باختر
په بلخ کې د مبارکې روضې د موزيم مسوولينو د لرغونو آثارو د ساتنې په موخه په نړيوالو معيارونو سره د يوې ودانۍ د جوړولو غوښتنه وکړه.
د باختر آژانس د سيمه ييز خبريال د خبرله مخې: د مبارکې روضې د موزيم لوى مديرعبدالقيوم انصاري وويل چې په دغه موزيم کې څه دپاسه ١٠٠٠ عتيقه او لرغوني          آثار ساتل کېږي او هره ورځ څه د پاسه ١٠٠ تنه دغه موزيم ګوري.
د بلخ د اطلاعاتو او فرهنګ رياست د فرهنګ او هنر آمر ذبيح الله آريايي په دغه ولايت کې موزيمونو ته د معياري ودانيو نشتوالى تائيد کړ او ويې ويل چې دولت بايد  په دې برخه کې جدي پاملرنه وکړي.
هغه زياته کړه چې لرغوني آثار او تاريخي آبدې د يو هېواد د هويت ښکارندوى دي  چې د نسلونو ترمنځ پيوند ورکوونکي دي، بايد د هغو ساتنې ته زياته پاملرنه وشي.
په بلخ کې دوه دولتي موزيمونه شته چې يو يې د اطلاعاتو رياست په تشکيل کې ودانۍ نلري او بل د مبارکې روضې موزيم چې په ١٣٧٥ کال کې جوړشوى او معياري ودانۍ نلري.
پاى \ج \ذ

 

کابل/ د مرغومي ١٦مه/ باختر
د هېواد  د سينما يو محبوب ممثل او هنرمند قادر فرخ د هغې ناروغۍ له امله چې ورپېښه  شوې وه؛ وفات شو.  
د باختر آژانس د خبرله مخې، د هېواد د سينما مشهور هرمند قادر فرخ تېره شپه په  ١٠ بجو د هغې ناروغۍ له امله چې ور پېښه شوې وه؛ د ٧٥ کلنى په عمر د ترکيې په يو روغتون کې وفات شو.
هغه خپل ٥٠ کاله عمر د هېواد سينما او تياتر ته وقف کړ او دوه ځلې د ملي تياتر رييس و.
قادرفرخ په لومړني فلمونو او د تياتر په پارچوکې رول ولوباوه او د ستېژ سلطان          لقب يې وګاټه.
د اطلاعاتو او فرهنګ وزارت او د باختر آژانس مشرتابه د خپلې غمشريکۍ او ډاډګيرنې مراتب د ارواښاد کورنۍ، دوستانو، د سينما او تياتر هنرمندانو او د هېواد ټولو خلکو ته څرګندوي او د لوى خداى (ج) له دربار څخه ارواښاد ته د فردوس جنت او پاتي کسانو ته يې د جميل صبر هيله کوي. 
پاى \ ذ

کابل/دمرغومي۱۶مه/باختر
د اطلاعاتو او فرهنګ وزارت د سرپرستې حسینې ساپۍ په مشرۍ نن د رسنیزو شکایتونو او سرغړونو کمېسیون ناسته جوړه شوه.
د باختر آژانس خبريال د خبر له مخې: په دې ناسته کې لومړی د کمېسیون د تېرې ناستې د پرېکړو او اجرااتو په اړوند معلومات وړاندې شول.
وروسته د کمېسیون غړيو د اوو موردو شکایتونو او سرغړونو په اړوند چې د هېواد له مرکز او ولایتونو څخه یو شمېر دولتي او خصوصي بنسټونو استولې وې؛ خبرې وکړې.
همدارنګه له څېرڼې وروسته، د رسنیزو شکایتونو او سرغړونو کمېسیون له صلاحیتونو او طرزالعمل سره سم، د هر مورد په اړه لازمې پرېکړې وشوې.
د ناستې په پای کې د اطلاعاتو او فرهنګ وزارت سرپرستې د زیاتې پاملرنې او د کمېسیون د کار بهیر پر چټکتیا ټینګار وکړ.
پاى/سعیده


 

کابل / دمرغومي  ١٤مه / باختر:
دهېواد دمشهور ليکوال اودسينما کارکوونکى محمد موسى رادمنش اثر (  سيماى سينماى افغانستان ) چاپ شو .
دباختراژانس دخبرله مخې ،  دغه اثر  په  ٣٥٤مخونو کې  د٥٠٠ په تيراژ دهېواد دسينما دممثلانو او هنرمندانو په عکسونو سره ښکله کړى شوى دى   داطلاعاتواوفرهنګ وزارت  دبيهقي دکتاب خپرولو رياست چاپ کړى دى .
سيماى سينماى افغانستان  دهېواد دسينماګر، ليکوال اوفرهنګي شخصيت  محمد موسى رادمنش  دڅېړنې او تحقيق  د زحمتونو ارزښتناک اثردى  چې دخپل عمر  څه دپاسه  ٤٠ کلونه يې  دسينما برخې ، ليکوالى او نورو فرهنګي کارونوته  وقف کړى دى .
دغه اثر  په دوو  فصلونو کې  ليکل شوى دى . او دافغانستان دسينما تګلورى ،  دسينما پديده  ،  سينما او دهغه اغيزه  ، دافغانستان سينما، دافغان فلم رياست  ،( سينماتوګرافي )  دتوليد مرکز  افغاني سينما پرمختګ کوي ، دافغانستان  دسينما په پياوړتيا کې يو ګام، زموږ په سينما کې يو استثنايي ګام،  شپېتمه  لمريزه لسيزه دافغاني سينما دپرمختګ وخت، په افغانستان کې مستند سينمايي فلمونه  ، دافغانستان دسينما  دمخکښانوالبوم ، له  ١٣٧٠ – ١٣٩٠کلونو وروسته  دافغانستان دسينما حالت،  دافغانستان دسينما  تاريخ ته لنډه کتنه  او نور ارزښتناک مطالب  شته .
محمد موسى رادمنش  ددې تر څنګ چې دهېواد له رسنيو سره هم ښه  قلمي  همکاري درلوده  د خپل نوى اثر سيماى سينماى افغانستان  له چاپ  مخکې  سيماى سينماى  افغاني ، درامتداد تصوير ، مره ميګن خنده کو او دراقليم  سينماى مستند تر عنوانونو لاندې  نور اثر ددغه ښه ليکوال  له خوا چاپ شوي دي .
ختم_ ج _ اکرم