20 January 2020

RSS Facebook

سوداگریز


تازه خبرونه

په هرات کې دوه تنه د سندونو د جعل کولو په تور ونيول شول

په هرات کې دوه تنه د سندونو د جعل کولو په تور ونيول شول

کابل / دمرغومي ٣٠مه / باختر د ملي امنيت کار کوونکو...

د ننګرهار په شېرزادوکې د پوځي قرارګاوې جوړول دوام لري

د ننګرهار په شېرزادوکې د پوځي قرارګاوې جوړول دوام لري

کابل / دمرغومي ٣٠مه / باختر په داسې حال کې چې...

د هرات پوهنتون د علمي کچې د لوړولو لپاره هڅې

د هرات پوهنتون د علمي کچې د لوړولو لپاره هڅې

کابل / دمرغومي ٣٠مه / باختر د هرات پوهنتون د محصلانو...

Youtube Player

khantry design

سوداگریز

سوداگریز

فرهنگی

کابل/ د ليندۍ ٦مه/باختر
يوشمېر فرهنګي ځوانانو د عامه کتابتونونو نوې نمايندګي په ميدان وردګوکې پرانيستله.
په کتابتون کې چې د تخنيکي او مسلکي انستيتوت په ودانۍ کې دى؛ د علومو، اقتصاد، فرهنګ او ادب په برخوکې سلګونه کتابونه د ځوانانو د استفادې لپاره شته.
د ميدان وردګو د اطلاعاتو او فرهنګ رييس بشير محمدي باختر آژانس ته وويل چې هلې ځلې کوي د حکومت او يا د خير غوښتوونکو ځوانانو په مرسته په دغه ولايت کې د عامه کتابتونونو نمايندګۍ زياتې کړې چې د ميدان وردګو د ځوانانو ترمنځ د کتاب لوستلو فرهنګ بنسټيز شي . 
د فرهنګي او رضاکارو ځوانانو مشر مجيب الرحمن محمودي چې دغه کتابتون يې جوړ کړى دى؛ دغه راز د مطالعې فرهنګ د رواجولو لپاره به په دغه ولايت کې د کتابتونو په جوړولو لاس پورې کړي.
پاى \ ذ 

کابل/ د ليندۍ ٦مه/باختر
د هرات والي عبدالقيوم رحيمي  د تاريخ او تصوير په روايت د زاړه هرات د نندارتون په  کتنه کې د دغه ولايت د فرهنګي او تاريخي آثارو ساتنې او پاملرنې ته اړتيا جدي وبلله.
په نندارتون کې د عکاسۍ او انځورګرۍ لسګونه آثار چې د هرات د تېر تاريخ مستند روايتونه يې انځور کړي ؛ نندارې ته وړاندې شوي دي.
د هرات والي د هېواد په کچه د هرات د رښتينې مقام د احيا کولو لپاره د علاقمندۍ او د دغه تمدني حوزې د فرهنګي او تاريخي آثارو د ساتنې يادونه وکړه او د دغه نندارتون  له جوړونکو څخه يې قدردانې وکړه. 
د باختر آژانس د خبرله مخې: په نندارتون کې لسګونه تاريخي عکسونه او دغه راز  د انځورګرۍ هغه آثار چې د هرات څو سوه کلن تاريخ تصويروي او د نړيوالو معتبرو  منابعو او د نړيوالو مطرح عکاسانو له خوا ثبت شوي؛ د هرات د تېرتاريخ د بيانولو  په موخه نندارې ته وړاندې شوي دي . 
د هرات پوهنتون د تاريخ ديپارتمنت د محصلانو ټولنې د زاړه هرات عکسونه او تصويرونه راټول او د تاريخ او تصوير په روايت د زاړه هرات په نامه يې په دغه نندارتون کې پرانيست، دغه نندارتون دښې راتلوونکي لپاره د افغانانو د ښوونې او روزنې د بنسټ په همکارۍ جوړ شوى دى.
پاى \ج\  ذ
       

کابل/ د ليندۍ ٦مه/باختر
د هرات د سولې هنري کاروان چې څه موده مخکې د سولې غوښتنې غږ د پورته کولو په موخه ترکمنستان ته تللي وو، د لومړي مقام په ګټلو او ډک لاس سره هرات ته راستانه شول.
د تياتر په دغه نړيوال جشن کې چې د نورو هېوادونو هنرمندانو هم ګډون کړى و.
د هرات د تياتر برخې  يوشمېر مخکښو هنرمندانو  د ( راز  خاموش)  په نامه د سولې غوښتنې ننداره اجرا کړه. 
د افغانستان، امريکا، ايټاليا، قزاقستان، ازبکستان، ترکيې، تاجکستان، ايران او د اوکراين هنرمندانو په دغه جشن کې د خپلو نمايشاتو د اجرا کولو په خاطر ګډون کړى و.
دهرات دتياتر هنرمندانو په جشن کې لومړي مقام وګاټه او له تود هرکلي سره مخ شول.
مخکې له دې په هند او ايران کې هم دوه جشنونه هم جوړ شوي وو او د هرات د تياتر  هنرمندانو په پکې ګډون کړى و.
د هرات د اطلاعاتو او فرهنګ رياست د تياتر مدير او د هرات د سولې د هنري کاروان سرپرست فريدون فکوري وايي چې د دغه ولايت د تياترهنرمندانو وکولاى شول په نړيوال جشن کې د خپلو ښکلو او له محتوا ډکو نندارو په اجرا کولو سره د افغانستان  درې رنګه بيرغ د نورو هېوادونو له بيرغونو څخه په لوړ مقام کې ورپوي.
فکوري له خپل دغه سفر څخه د خوښۍ په څرګندولو سره وايي چې دوى له خپلو تجربو څخه په استفادې سره وکولاى شول د افغانستان دخلکو فرهنګ، هنر، ادبيات او انديشې  د تياتر د نندارې په چوکاټ کې نړيوالو ته وښيي.
د يادونې وړ ده چې مخکې له دې د هرات د اطلاعاتو او فرهنګ رياست دتياتر هنرمندانو د هېواد په مرکز او ولايتونوکې هم د سوله غوښتنې له محتوا ډکې نندارې اجرا کړې وې او د سولې غږ يې اوچت کړى و.
پاى\ج\ ذ

کابل/ د ليندۍ ٦مه/باختر
د هرات والي عبدالقيوم رحيمي د فرهنګ او هنر د کارکوونکو ملاتړ او د هنرمندانو او فرهنګيانو د کورنيو د ژوندانه ښه والي ته پاملرنه د سيمه ييزې ادارې له کاري لومړيتوبونو څخه وبلله. 
د هرات والي د سيمه ييز سندرغاړي او د هېواد د سينما او تياتر د سابقه لرونکي هنرمند ارواښاد استاد محمد قاسم مسرورله کورنۍ سره په کتنه کې د ارواښاد هنرمند کارونه او خدمتونه تلپاتې وبلل او د جمهوري رياست نغدي مرسته يې د هغوې کورنۍ ته ورکړه.
د هرات د اطلاعاتو او فرهنګ رييس د ارواښاد استاد مسرور د کورنۍ د دوامدار ملاتړ ډاډ ورکړ. 
استاد محمد قاسم مسرور د هېواد له محبوبو هنرمندانو څخه و چې څه موده مخکې په هرات کې وفات شو.
پاى\ج\ ذ