12 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

فرهنگی

کابل/ د کب٢٠ مه/ باختر
د کب ١٩مه د ختيځ د نابغه سېد جمال الدين افغان له تلين سره برابره ده.
په سېد جمال الدين اسعد آبادي مشهور سېد جمال الدين افغان چې د ١٢٧٥هجري لمريز کال د کب په ١٩ مه وفات شو؛ د خپل وخت له مشهورو څېرو او سياسي پوهانو څخه و.
هغه پر اسلامي هېوادونو په تېره بيا افغانستان، ايران او مصرکې زياتې اغېزې درلودې.
سېد جمال الدين افغان په خپل وخت کې د وزيرانو کابينې د جوړولو، د ځوانانو د روزنې لپاره د لشکري او کشوري ښوونځيو د جوړولو، د پوځ د تنظيم، له ملي ژبې سره د خلکو بلدتيا، د شمس النهار ورځپاڼې د خپرولو، د تتمه البيان في تاريخ افغان د کتاب تاليف او خپرولو، د روغتون د جوړولو، د بيطارخانې په جوړولو، د پوسته خانې او کارونسرا د جوړولو په ګډون په افغانستان کې زيات خدمتونه وکړل.
تېرکال د علامه سېد جمال الدين افغان مجسمه د يو ميليونو افغانيو په لګښت له برونزو څخه جوړه شوه چې د مصر په پايتخت قاهرې ښار په آزادى پارک کې کېښودل شوه.
سېد جمال الدين افغان زيات وخت په مصرکې تېر کړ او ګټور کارونه يې ترسره کړل. هغه د افغانستان او مصر په اړيکو کې د اتصال د مهم ټکى په توګه پېژندل کېږي او هلته د هغه فکر او شخصيت ته د قدر په سترګه ګتل کېږي.
سېد جمال الدين افغان د ختيځ په بېلابېلو هېوادونوکې د زياتو فعاليتونو له ترسره کولو وروسته په ١٢٧٥لمريز کال کې په ترکيه کې وفات شو چې له څو کلونو وروسته د هغه مړى د افغانستان د دولت په غوښتنه له ترکيې څخه کابل ته ولېږدول شو او اوس د سېد جمال الدين افغان آرامګاه د کابل پوهنتون په انګړکې موقعيت لري.
ختم- ج - اکرم


 

کابل /دکب ١٩مه /باختر : د اطلاعاتو او فرهنګ وزارت د فرهنګ او هنرمعين پوهاندمحمد رسول باوري په مشرۍ د تصوفي متون پېژندنې کاري کمېسيون غونډه پرون په ملي ارشيف کې جوړه شوه. د باختراژانس د خبريال د خبرله مخې، په دې غونډه کې پوهاند باوري څرګنده کړه چې د هېواد د جمهور رييس د لارښوونې له مخې، د اطلاعاتو او فرهنګ وزارت موظف دى چې د تصوفي عمده متون پېژندنې او د جمهوري رياست له فرهنګي مشاوريت سره په همغږۍ د تصوفي او عرفاني اسلامي متون ژباړې د هېواد په دريو مهمو ژبو ( پښتو دري او ازبکي ) او د عرفان او تصوف په برخه کې غوره تحقيقاتي مقالو ته په کلني ډول دجايزې ټاکنې په لاره کې کار وکړي. دغه راز په غونډه کې له دريېمې او څلورمې پېړۍ څخه داحمد شاه بابا تر دورې او د احمد شاه بابا له دورې څخه د اماني تر دورې پورې او د اماني له دورې څخه تر نن پورې د تصوفي اوعرفاني کتابونو او متون د لېست برابرولو د دغه کمېسيون دڅېړنې وروسته د ١٤ تصوفي کتابونو دچاپولو د هرات، ننګرهار، بدخشان، غزني او بلخ څخه دخطي نسخو په ګډون د تصوفي اوعرفاني متون غوښتل او په پېښور کې د افغانستان قونسلګرۍ ته دکافور دېره په سيمه کې د خطي نسخو د لېست لېږلو په خاطر او يا په همدې مقصد پېښور ته د کمېسيون دهيئت دسفرپه باب خبرې اترې وشوې. ختم_ ج _ اکرم

کابل/ د کب ١٨ مه/ باختر
د افغانستان د بشر د حقوقو کمېسیون د یو شمېر خپروونکو په همکارۍ نن د ښځو د نړیوالې ورځ په مناسبت په کابل پوهنتون کې د کتاب نندارتون جوړ شو.
د باختر آژانس خبریال د خبرله مخې؛ په نندارتون کې۶۰۰۰ کتابونه نندارې ته وړاندې شوي دي.
د "شهر کتاب" بنسټ یوه مسوول شاهد فرهوش وویل چې خپروونکو او د شهرکتاب بنسټ د دغه نندارتون په جوړولو سره د ښځو نړیواله ورځ ونمانځله.
د "امن کور" یو شمېر ښځې هم د دغه نندارتون ترڅنګ خپل لاسي صنايع نندارې ته وړاندې کړي دي.
ختم/ع

 

کابل/ د کب ١٨مه/ باختر
د کتاب خياباني نندارتون نن د پنجشېر په مرکز بازارک ښارکې جوړ شو.
د باختر آژانس د سيمه ييز خبريال فياض رحيمي د خبر له مخې؛ په دغه نندارتون کې چې د پنجشېر د ښځو چارو رياست د دغه ولايت له طبيعي پېښو سره د مبارزې رياست په همکارۍ د ښځې د نړيوالې ورځې په مناسبت جوړ کړى دى؛ د مينه والو د مطالعې لپاره سلګونه کتابونه نندارې ته وړاندې شوي دي.
د پنجشېر د ښځو چارو رييسې خاطرې شيخاني وويل چې دا د کتاب لومړنى خياباني نندارتون دى چې په دغه ولايت کې جوړېږي.
ختم-ج- اکرم