20 May 2018

RSS Facebook

سوداگریز


تازه خبرونه

لس ميليونه يورو ليلامېږي

لس ميليونه يورو ليلامېږي

کابل \ باختر\ دغويي د مياشتې ٣٠ مه: مرکزي بانک (١٠)...

د اسلامي نړۍ د عالمانو کنفرانس جوړيږي

کابل \باختر دغويي دمياشتې ٣٠نيټه : د افغانستان د عالمانو د...

 د خپرونکو او کتاب پلورونکو ستونزې وڅيړلې شوې

د خپرونکو او کتاب پلورونکو ستونزې وڅيړلې شوې

کابل \باختر دغويي دمياشتې ٣٠نيټه : د اطلاعاتو او فرهنګ وزارت...

Youtube Player

khantry design

سوداگریز

سوداگریز

د ( زن در آينه هنر ) په نامه د انځورګرۍ دآثارو نندارتون پرانستل شو

Written by  manager
Rate this item
(0 votes)

کابل \ باختر دسلواغې ١٨ نيټه :
د ( زن در آينه هنر ) په نامه د انځورګرۍ د آثارو  نندارتون  پرون  د پوهنې وزارت  د تخنيکي او مسلکي تعليماتو د معين رحيل محمد فرملي له خوا  په کابل کې په رڼا پوهنتون کې پرانستل شو .
د باخترآژانس د خبرله مخې ؛ دغه نندارتون د پيکاسو د انستيتوت له خوا  جوړ شوى چې په کې د دغه انستيتوت د نجونو د ټيم  د انځورګرۍ ، خطاطۍ او رسامۍ  اويا آثار او دغه راز د يوشمېر مخترعو ځوانانو داختراعاتو بيلګې او لاسي صنايع نندارې ته وړاندې شوي دي .
د دغه نندارتون د پرانستلو په مراسمو کې د پيکاسو انستيتوت مسوولې او بنسټ ايښودونکې وژمې شجاعې د دغه انستيتوت د کار او فعاليت په باب معلومات ورکړل  او ويې ويل چې،دغه نندارتون  د هنر د زده کړې، د ځوانانو او  په تېره بيا  د انځورګرۍ، خطاطۍ او ميناتورۍ د هنر په لاره کې  د ښځو د ظرفيتونو د لوړولو  او هڅونې په خاطر  جوړ شوى دى.
دغه رازپه دغو مراسمو کې د پوهنې وزارت د تخنيکي اومسلکي تعليماتو  معين  په خپلو خبرو کې د هنر د زده کړې  او د انځورګرۍ هنر د ودې په لاره کې        د ځوانانو د ظرفيتونو په لوړولو کې د دغه نندارتون  جوړول يو مهم ګام وباله            او  دځوانانو  له هنري کارونو او د دغه شان نندارتونونو  په  جوړولو کې يې د پوهنې وزارت ملاتړ څرګند کړ.
دغه راز د رڼا پوهنتون د ژورناليزم د برخې مسوول سيدمصطفى سعيدي ، د اطلاعاتو او فرهنګ  وزارت د ملي نګارستان مسوولې صابرې رحماني او يو شمېر نورو ويناوالو هم  د هنر او په تېره بيا د انځورګرۍ د ارزښت په باب  خبرې وکړې او  زن  در آينه هنر په نامه د انځورګرۍ د آثارو د نندارتون  جوړول يې  د انځورګرۍ ، رسامۍ  او ميناتورۍ د هنرونو په برخو کې د ځوانانو او په تېره بيا  د ښځو د هڅونې په لاره کې ارزښتناک  ګام وباله او څرګنده يې کړه چې، د دغه هنر له لارې کولاى شو د ټولنې  نيمګړتياوې منعکسې کړو او دغه راز خلکو ته   د سولې ، دوستۍ او روغې جوړې پيغامونه وروسو.
دغه راز ويناوالو د هنرمندو ځوانانو د هنري کارونو او د پيکاسو د انستيتيوت له کارونو څخه ملاتړ څرګند کړ.

Leave a comment

Make sure you enter the (*) required information where indicated.
Basic HTML code is allowed.