10 December 2019

RSS Facebook

سوداگریز


تازه خبرونه

فضل هادي مسلم یارپه کابل کې  دچګ جمهوريت  له سفير سره وکتل

فضل هادي مسلم یارپه کابل کې دچګ جمهوريت له سفير سره وکتل

کابل /دليندې ١٩مه /باختر : د مشرانوجرګې رئیس فضل هادي مسلم...

د( ګنج  قناعت)  دښکلې ليکنې داثارو نندارتون پرانستل شو .

د( ګنج قناعت) دښکلې ليکنې داثارو نندارتون پرانستل شو .

کابل /دليندې ١٩مه /باختر : داطلاعاتواوفرهنګ وزارت دفرهنګ او هنر معين...

Youtube Player

khantry design

سوداگریز

سوداگریز

حسينه ساپۍ: د اطلاعاتو او فرهنګ وزارت د هېواد د تاريخي آبداتو د ساتنې په لاره کې هلې ځلې کوي

Written by  manager
Rate this item
(0 votes)

کابل/ باختر/ د سلواغې د مياشتې ٢٣مه
د اطلاعاتو او فرهنګ وزارت سرپرستې حسينې ساپۍ نن د يونسکو سازمان د فرهنګي برخې له استازي سره په غونډه کې، د غور ولايت د جام څلي د استحکام       په خاطر د لازمو تدبيرونو په باب خبرې اترې وکړې.
د باختر آژانس د خبريال د خبرله مخې: په دې غونډه کې په داسې حال کې چې د اطلاعاتو او فرهنګ وزارت د فرهنګ او هنر معين پوهاند محمد رسول باوري او د تاريخي آبداتو د ساتني او ترميمولو رئيس ډيپلوم مهندس عبدالاحد عباسي هم حاضر وو؛ د غور ولايت د جام څلي د ټينګښت او ساتنې په خاطر د لازمو تدبيرونو په باب  خبرې اترې وشوې .
دغه راز ټينګار وشو چې د يونسکو سازمان د ماهرانو هيئت دې د جام څلي د دايمي ټينګښت په مقصد د زيانونو د پېژندنې او د لازمو تدبيرونو د نيولو په خاطر افغانستان ته راشي او دغه راز يونسکو دې د درې بُعدي عکسونو (تري.ډي- اسکن) د عکسونو په برخه کې چې د جام له څلي څخه اخيستي دي؛ د اطلاعاتو او فرهنګ وزارت ته معلومات وړاندې کړي.
حسينې ساپۍ څرګنده کړه چې د جام څلى د افغانستان له تاريخي آبدو څخه دى او د نړۍ د فرهنګي ميراثونو په ليست کې هم شامل دى.
دې زياته کړه چې د اطلاعاتو او فرهنګ وزارت د يونسکو سازمان او د همکارو بنسټونو په مرسته، د هېواد د فرهنګي ميراثونو او تاريخي آبداتو د ټينګښت او ساتنې        په لاره کې پرله پسې هلې ځلې کوي .
دغه راز د يونسکو د فرهنګي برخې استازي په دغو برخو کې د دغه سازمان د همکاريو په باب د اطلاعاتو او فرهنګ وزارت سرپرستې ته ډاډ ورکړ.
پاى\ج\ذ

Last modified on Tuesday, 12 February 2019 18:17

Leave a comment

Make sure you enter the (*) required information where indicated.
Basic HTML code is allowed.