24 April 2019

RSS Facebook

سوداگریز


تازه خبرونه

دملي شورا داوولسمې دورې دپرانستلو دمراسمو رسانه يي کميسيون غونډه وکړه .

کابل باختر د ثور څلورمه : دملي شورا داوولسمې دورې دپرانستلو...

دهېواد په ولايتونو کې د١٠٠٦پروژو تطبيق څوارلس مليونه کاري ورځې رامنځته کړې .

کابل باختر د ثور څلورمه : دکليو دبياجوړولو اوپراختيا سرپرست ...

 دبدخشان  ولايت دکران او منجان په ولسوالۍ دطالبانو بريد په شاوتمبول  شو

دبدخشان ولايت دکران او منجان په ولسوالۍ دطالبانو بريد په شاوتمبول شو

کابل باختر د ثور څلورمه : دبدخشان ولايت دکران او منجان...

Youtube Player

khantry design

سوداگریز

سوداگریز

حسينه ساپۍ: د هېواد تاريخي آبداتو ته پاملرنه د اطلاعاتو او فرهنګ وزارت له لومړيتوبونو څخه ده

Written by  manager
Rate this item
(0 votes)

کابل/ باختر/د وري دمياشتې٤ مه
د اطلاعاتو او فرهنګ وزارت سرپرستې حسينې ساپۍ نن د تاريخي آبداتو د ساتنې او ترميم رياست د بېلابېلو برخو په کتنه کې د دغې ادارې کړه وړه وڅيړل.
د باختر آژانس د خبر له مخې: په دې کتنه کې په داسې حال کې چې د دغه رياست د بېلابېلو برخو آمران او کارکوونکي هم حاضر وو؛ د تاريخي آبداتو د ساتنې او ترميم رئيس ديپلوم انجنير مهندس عبدالاحد عباسي د دغې ادارې د کړو وړو او پروګرامونو په باره کې د اطلاعاتو او فرهنګ وزارت سرپرستې ته معلومات ورکړل.
دغه راز دوی په ځانګړې توګه د کار د وسايلو او لازمو امکاناتو د کمښت په لاره کې د دوى د کار د لارې پرسر يو لړ پرتې ستونزې، مالي او بودجوي ستونزې او د مسلکي کسانو په تېره بيا د دغې ادارې په ولايتي بستونوکې د مسلکي کسانو استخدام ته پاملرنه د اطلاعاتو او فرهنګ وزارت له سرپرستې سره شريکه کړه او د چارو د ګړندي کولو په خاطر د تدارکاتو د آزاد بهيرغوښتنه وکړه.
هغوی په دې اړوند چې بايد د تاريخي آبداتو د ترميم پروژې هغو شرکتونو ته چې مسلکي کار کولاى شي، وسپارل شي او په يوه وخت کې د څو پروژو کار دې يوه شرکت ته ونه سپارل شي؛ هم د اطلاعاتو او فرهنګ وزارت د مشرتابه د پاملرنې غوښتنه وکړه .
حسينې ساپۍ د هېواد تاريخي آبداتو ته پاملرنه د اطلاعاتو او فرهنګ وزارت له  لومړيتوبونو څخه وبلله او ويې ويل چې د تاريخي آبداتو د ساتنې او ترميم رياست دې  بايد خپله سروې او پروګرام د مالي سرچينو پر بنسټ تنظيم کړي چې اغېزمنې پايلې ترلاسه شي .
د اطلاعاتو او فرهنګ وزارت سرپرستې ټينګار وکړ چې د هېواد تاريخي آبداتو ته د لاښې رسيدګۍ په خاطر بايد د تاريخي آبداتو د ساتنې او ترميم رياست د تاريخي آبداتو په اړوند داسې کلي پروګرام او طرحه چمتو کړي چې د راتلوونکو اجراآتو په مقصد د حکومت  مشرتابه ته وړاندې شي .   
دغه راز حسينې ساپۍ د امکان په حدودوکې د تاريخي آبداتو د رياست د ستونزو د څيړنې په مقصد د اطلاعاتو او فرهنګ وزارت د پاملرنې ډاډ ورکړ.
پاى \ ج \ ذ

 

Last modified on Monday, 25 March 2019 04:30

Leave a comment

Make sure you enter the (*) required information where indicated.
Basic HTML code is allowed.