15 December 2019

RSS Facebook

سوداگریز


تازه خبرونه

 د واټونو د نومولو کمېسيون ناسته وکړه

د واټونو د نومولو کمېسيون ناسته وکړه

کابل/دلیندۍ۲۴مه/باختر د اطلاعاتو او فرهنګ وزارت د سرپرستې حسينې ساپۍ په...

د ملي شورا پلاوي د فراه پوځي حالت وڅېړه

د ملي شورا پلاوي د فراه پوځي حالت وڅېړه

کابل/دلیندۍ۲۴مه/باختر د مشرانو جرګې يو شمېر غړو پرون د فراه له...

د هېواد په لوېديځ کې د پانګونو د جواز ليکونو د وېش دېرش سلنه زياتوالى

د هېواد په لوېديځ کې د پانګونو د جواز ليکونو د وېش دېرش سلنه زياتوالى

کابل/دلیندۍ۲۴مه/باختر د هرات د صنعت او سوداګرۍ ادارې مسوولينو د تېرکال...

Youtube Player

khantry design

سوداگریز

سوداگریز

حسينه ساپۍ : د جام څلي د ساتنې لپاره عاجل او عملي اقداماتو ته اړتيا ده

Written by  manager
Rate this item
(0 votes)

کابل/باختر/ د غبرګولي د میاشتې ۴ مه
د جام څلي د ساتنې او پایښت په لاره کې د اساسي تدبيرونو د نيولو په خاطر، نن د اطلاعاتو او فرهنګ په وزارت کې د کورنيو او بهرنيو متخصصانو غونډه جوړه شوه.
د باختر آژانس د خبريال د خبرله مخې: د غونډې په پيل کې د اطلاعاتو او فرهنګ وزارت د فرهنګ او هنر معين پوهاند محمد رسول باوري، د جام څلي د ساتنې او پایښت په اړوند د اطلاعاتو او فرهنګ وزارت او د اړوندو بنسټونو د وروستيو اقداماتو په باب خبرې وکړې او ويې ويل چې نږدې ۲۰۰ تنه سيمه ييز کارګران موظف شوي دي، ترڅو د جام څلي له شاوخوا څخه د اوبو تګلورى بدل کړي.
ده وويل: د وروستيو رپوټونو له مخې، د جام څلي له دواړو خواوو څخه د اوبو کچه ټیټه شوې ده او دغه موضوع فرصت برابروي چې کارګران په بيړې سره خپل کار ته شدت ورکړي.
پوهاند باوري وویل: له دې سره جوخت د حالت د څيړنې په مقصد دې يو هيئت سيمې ته واستول شي چې د هغوى د رپوټ له مخې عملي اقدامات ترسره شي.
په دې غونډه کې د اړوندو بنسټونو استازو هم د اړوندو بنسټونو کارونه بيان کړل.
په کابل کې د يونسکو دفتر رئيسې يوځل بيا د فرهنګي ميراثونو په تېره بيا د جام څلي د ساتنې او څارنې په لاره کې د خپلې ادارې د ژمنې ډاډ ورکړ.
د دغې غونډې په پاى کې د اطلاعاتو او فرهنګ وزارت سرپرستې حسينې ساپۍ په ټينګار سره وويل چې بايد د دوو طرحو په باب کار وشي. يوه طرحه دا چې وکولاى        شو د هغه له مخې ضروري عاجل اقدامات ترسره شي، ترڅو د هغې له مخې د منځ مهالې طرحې تطبيق ته زمينه برابره شي.
حسينې ساپۍ دغه راز وويل چې د رضاکارانه فرهنګ پر اساس، په لومړۍ ورځ کې له خلکو څخه وغوښتل شول چې تر څلي لاندې د اوبو له نفوذ څخه په مخنيوي کې ونډه واخلي.
مېرمن ساپۍ زياته کړه: د غور د اطلاعاتو او فرهنګ رياست د سيمه ييزې ادارې د معلوماتو له مخې، اوس د څلي په ۱۰ متری واټن کې د سيلاوونو د مخنيوي په خاطر موانع او استحکامات جوړ شوي دي او له زيانونو څخه د دغه څلي د خوندي ساتلو لپاره زيات کارونه دوام لري.
پاى \ج \ ذ

 

Leave a comment

Make sure you enter the (*) required information where indicated.
Basic HTML code is allowed.