26 February 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

يوشمېرانځورګرانو او عکاسانو په بلخ کې خپل هنري کارونه نندارې ته وړاندې کړل

Written by  manager
Rate this item
(0 votes)

کابل/ د سلواغې ٦ مه/ باختر
د هېواد د يوشمېر ولايتونو انځورګرانو او عکاسانو د سولې فرهنګ د رواجولو، د فرهنګي تجربو د راکړې ورکړې او د همدلۍ او ورورولۍ د روحيې د پياوړتيا په خاطر د "بيا گپ بزنيم " تر نامه لاندې پروګرام پرون په مزارشريف ښارکې جوړ کړ.
د دغه پروګرام مسوول حميد صدرا د باختر آژانس سيمه ييز خبريال ته وويل چې د دغه پروګرام د جوړولو موخه د فرهنګي تجربو راکړه ورکړه، د انځورګرۍ له لارې  د سولې د پالنې فرهنګ رواجول او د خلکو او ځوانانو ترمنځ د همدلى او ورورولۍ  روحيې پياوړتيا ده.
د هېواد يوشمېر انځورګرانو او فرهنګيانو هم د دغه پروګرام هرکلى وکړ او ويې ويل  چې د دغه شان پروګرامونو ترسره کول د دوستۍ او ورورولۍ فرهنګ د رواجولو او په ټولنه کې د ځوانانو د منفي نظر د له منځه وړلو او د هېواد د ولايتونو د هنرمندانو د تجربو د ترلاسه کولو سبب کېږي.
دا د انځورګرۍ لومړنى فرهنګي پروګرام دى چې د قندهار، بلخ، کابل، باميانو، هرات او د ننګرهار د انځورګرانو او عکاسانو په هېوادکې د سوله غوښتنې د پياوړتيا په خاطر جوړوي.
ختم-  ج - اکرم


 

Leave a comment

Make sure you enter the (*) required information where indicated.
Basic HTML code is allowed.