22 September 2019

RSS Facebook

سوداگریز


تازه خبرونه

په جلال آباد ښار کې چاودنه وشوه

په جلال آباد ښار کې چاودنه وشوه

کابل /دوږي ٣٠مه / باختر څو شېبې وړاندې دهېواد او خلکودښمنانود...

حسينې ساپۍ دکار په چارو کې په رښتنيوالى ، رونټيا او حساب ورکولو ټينګار وکړ .

حسينې ساپۍ دکار په چارو کې په رښتنيوالى ، رونټيا او حساب ورکولو ټينګار وکړ .

کابل /دوږي ٣٠مه / باختر داطلاعاتواوفرهنګ وزارت سرپرستې حسينې ساپۍ نن...

دځوانانو دچارو معينيت دهرات لپاره ستر پروګرامونه لري .

کابل /دوږي ٣٠مه / باختر د( له تاريخي ميراثونو سره...

Youtube Player

khantry design

سوداگریز

سوداگریز

کابل /دوږي ٣٠مه / باختر
دکاپيسا ولايت دتګاب ولسوالۍ دفوټبال سيالۍ دسرجوى  داتحاد دفوټبال ټيم په اتلوالى  سره پاى ته ورسېدې .
دباختراژانس دخبرله مخې، دغه سيالۍ دزمري د اته ويشتمې نيټې د هېواد دخپلواکۍ دبېرته ترلاسه کولو  دورځې په مناسبت دشلو ټيمونو ترمنځ  پيل شوې وې چې داتحادسرجوى  دټيم په   اتلوالى  سره پاى ته ورسېدې .
ختم_ سعيده _ اکرم


 

کابل /دوږي ٣٠مه / باختر
دتوپان  هريرود دفوټبال  ټيم  دشاهين اسمايي  دفوټبال  په وړاندې  په برياليتوب سره  دافغانستان دفوټبال دغوره ليګ په سياليو کې  ددريم ځل لپاره اتل شو .
دباختراژانس دخبرله مخې ، دغه لوبه تېره شپه  دفوټبال فدراسيون په لوبغالي کې ترسره شوه  چې په نوي دقيقو کې لوبه برابره پرته له ګول څخه پاى ته ورسېده او لوبې ته اضافي وخت ورکړ شو .
په لومړي اضافي وخت کې دتوپان هريرود ټيم يو ګول ترسره کړ او لوبه په همدې نتيجې  سره پاى ته ورسېد  او په همدې توګه دتوپان هريرود ټيم ددرېم حل لپاره ددغه جام اتل شو .
ختم_ سعيده _ اکرم

کابل/ د وږي ۳۰ مه /باختر
د افغانستان د اسلامي جمهوریت جمهور ريیس محمد اشرف غني نن له غرمې مخکې په چهار چنار ماڼۍ کې د هېواد په کچه د عالمانو او دیني مدرسو د موجوده ستونزو او حللارو د کلنۍ ارزونې غونډه کې ګډون او وینا وکړه.
دجمهوررييس دوياند دفترباخترآژانس ته خبرورکړ.
په پیل کې مولوي فرمان الله نیازي له جمهورريیس څخه عالمانو ته د پاملرنې له امله مننه وکړه او په تېرو پنځو کلونو کې یې په بېلابېلو برخو کې د جمهورريیس د کوښښونو او لاسته راوړنو قدرداني وکړه. هغه زیاته کړه، عالمانو چې د هېواد د سوکالۍ، ابادۍ او پرمختګ لپاره ډېرې قربانۍ ورکړي، باید د دوی ستونزو ته لا ډېره پاملرنه او رسیدګي وشي.
د دیني چارو ريیس مولوي رحمت الله اندړ د عالمانو د رسمي اسنادو ستونزې ته په اشارې چې د عالمانو د تحصیل، کار او پرمختګ پر وړاندې یې خنډونه ایجاد کړي دي وویل، د عالمانو د اسنادو او غیر رسمي مدرسو د ارزونې او د واحد نصاب د جوړولو لپاره دې د عالمانو بورډ جوړ شي.
همدارنګه نوموړي د عالمانو او حکومت ترمنځ د واټن او بې باورۍ فضا د لا راکمولو  او د عالمانو د مصئونیت په خاطر د عالمانو اړوند مسایلو او دوسیو د څېړلو لپاره د عالمانوکمېټې د جوړولو وړاندیز له جمهورريیس سره شریک کړ.
جمهورريیس غني د هېواد له بېلابېلو ولایتونو څخه راغلیو عالمانو، مدرسنیو او خطیبانو ته د ښه راغلاست پرمهال وویل: علمای کرام زموږ په ټولنه کې ځانګړی رول او حیثیت لري او د دوی درناوی او ستونزو ته رسیدګي حتمي ده. هغه زیاته کړه: په تېرو پنځو کلونو کې د ارګ او منبر تر منځ واټن کم شوی او د لیرې کولو لپاره یې هڅې ادامه لري.
جمهورريیس د عالمانو د اسنادو او مصئونیت په اړه د عالمانو د بورد او کمېټې جوړولو وړاندیزونه معقول وبلل او علمای کرامو ته یې په دې برخه کې د اقداماتو ډاډ ورکړ.  هغه زیاته کړه: د هېواد په بېلابېلو ولایتونو کې د تاریخي جوماتونو د بیا رغاونې په ګډون سلګونه جوماتونه جوړ شوي او لا هم په هره ولسوالۍ کې د جامع جوماتونو د جوړولو لپاره دېرش میلیونه ډالره ځانګړي شوې دي.
د هېواد جمهورريیس څرګنده کړه، زموږ علمای کرامو د تاریخ په هر پړاوو کې اساسي رول لرلی او موږ باید د خپلو عالمانو تاریخي رول او کوښښونه درک کړو. هغه زیاته کړه، د عالمانو د هر اړخیز مصئونیت ترڅنګ د مدرسو راتلونکی باید د عالمانو په سلا او لید انسجام ومومي. پاى- ع

کابل/ د وږي ۳۰ مه /باختر
د لوګر د مرکز په کمال خېلو سیمه کې د یوه قوماندان په ګډون یوولس وسله وال طالبان ووژل شول.
د ۲۰۳ تندر قول اردو ویاند ډګرمن محمد فاروق روشن باختر اژانس ته وویل چې تېره شپه بې پیلوټه الوتکې د لوګر د مرکز په کمال خېلو سیمه کې پر وسله والو طالبانو برید کړی دی.
سرچینه زیاتوي چې په دغه برید کې د یوه قوماندان په ګډون یوولس وسله وال طالبان وژل شوي دي.
پای/وصال

 

کابل/ د وږي ۳۰ مه /باختر
د کندز د خان آباد ولسوالۍ په مربوطاتو کې دولس وسله وال طالبان ووژل شول او درې نور یې ونیول شول.
د افغان کومانډو ځواکونو د مطبوعاتو مسوول عبدالقیوم نورستاني باختر اژانس ته وویل چې، تېره شپه کومانډو ځواکونو په خان آباد ولسوالۍ کې عملیات ترسره کړي دي.
سرچینه زیاتوي چې په عملیاتو کې دولس وسله وال طالبان وژل شوي او درې نور یې نیول شوي دي.
ویل کېږي په عملیاتو کې افغان ځواکونو ته زیان نه دی اوښتی.
پای/وصال

 

کابل/ د وږي ۳۰ مه/ باختر
د قندهار په ارغستان ولسوالۍ کې لس وسله وال طالبان ووژل شول او دوه نور یې سخت ټپیان شول.
له ملي دفاع وزارت څخه باختر اژانس ته په استول شوې خبرپاڼه کې ویل شوي چې هوايي ځواکونو په ارغستان ولسوالۍ کې پر وسله والو طالبانو بریدونه کړي دي.
سرچینه زیاتوي چې په بریدونو کې لس وسله وال طالبان وژل شوي او دوه نور یې سخت ټپیان شوي دي.
پای/وصال


 

قلات/ د وږي ۳۰ مه /باختر
د زابل د امنیې قوماندانۍ مسوولین وايي چې د دغه ولایت په شینکۍ ولسوالۍ کې پر وسله والو طالبانو ماین چاودنه کړې ده.
د زابل امنیه قوماندان نجیب الله سرتېري باختر اژانس ته وویل چې په شینکۍ ولسوالۍ کې پر وسله والو طالبانو خپل ماین چاودنه کړې.
سرچینه زیاتوي چې په چاودنه کې دوه وسله وال طالبان وژل شوي او دوه نور یې سخت ټپیان شوي دي.
پای/وصال

کابل/ د وږي ۳۰ مه/ باختر
د هلمند د مارجې ولسوالۍ د نور محمد شاه څلور لارې ته څېرمه د یوه قوماندان په ګډون پنځه وسله وال طالبان ووژل شول.
له ۲۱۵ میوند قول اردو څخه باختر اژانس ته په استول شوې خبرپاڼه کې ویل شوي چې پرون افغان ځواکونو د مارجې ولسوالۍ د نور محمد شاه څلور لارې ته څېرمه د وسله والو طالبانو د مهماتو او وسلو پر یوه ډیپو بریدونه کړي دي.
سرچینه زیاتوي چې په دغه برید کې د یوه قوماندان صدام په ګډون پنځه وسله وال طالبان هم وژل شوي او يوډیپو هم په بشپړ ډول له منځه وړل شوی دی.
ویل کېږي په بریدونو کې ملکي وګړو ته زیان نه دی اوښتی.
د یو بل خبر له مخې، تېر ماښام هوايی ځواکونو د هلمند په نهر سراج ولسوالۍ کې د وسله والو طالبانو پر یو ډیپو برید کړی او له منځه وړل شوی دی.
پای/وصال

 

کابل/باختر/ د وږي ۳۰ مه
د کونړ د سرکاڼو ولسوالۍ په نواپاس سیمه کې د ګډو افغان ځواکونو پیل شوي عملیات د پراخو لاسته راوړنو په لرلو سره پای ته ورسېدل.
د ۲۰۱ سیلاب قول اردو ویاند محمد هارون یوسفزي باختر اژانس ته وویل چې څه موده وړاندې ګ‌ډو افغان ځواکونو په سرکاڼو ولسوالۍ کې چاڼیز عملیات پیل کړي وو چې نن پای ته ورسېدل.
سرچینه زیاتوي چې په دغو عملیاتو کې د نواپاس لاره چې له تېرو څلورو کلونو راهېسې د ترافیکو پرمخ تړل شوې وه بیا پرانېستل شوه او د خلکو د امنیت لپاره په سیمه کې امنیتي پوستې هم جوړې شوې چې یو شمېر یې بشپړې شوې او د یو شمېر پوستو د رغونې چارې لاهم دوام لري.  پای/وصال

 

کابل/باختر/ د وږي ۳۰ مه
د لغمان د الیشنګ ولسوالۍ په کړپي سیمه کې د افغان ځوکونو او وسله والو طالبانو ترمنځ نښته شوې ده.
د ۲۰۱ سیلاب قول اردو ویاند محمد هارون یوسفزي باختر اژانس ته وویل چې پرون د الیشنګ ولسوالۍ په کړپي سیمه کې د افغان ځواکونو او وسله والو طالبانو ترمنځ نښته شوې ده.
سرچینه زیاتوي چې په نښته کې یو وسله وال طالب وژل شوی او یو بل یې ژوبل شوی دی.
ویل کېږي په نښته کې افغان ځواکونو ته زیان نه دی اوښتی.
پای/وصال

Page 4 of 8072