04 June 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

-کابل/ دغبرګولې ١٤مه / باختر :
وسله والو طالبانو ته تېره شپه  داوبې ولسوالۍ – هرات ښار  دلويې لارې په اوږدو کې دپوځيانو پرپوستو دبريد په بهير کې  دسردروند زيان اوښتى دى.
دهرات دامنيې قوماندانۍ وياند باختراژانس ته وويل چې  وسله والو طالبانو داوبې  - هرات ښار په  تګلوري کې  دپوځي پوستو  دنيولو په مقصد بريد وکړ چې دپوځيانوله متقابل بريد سره مخ شول .
په دې جګړه کې يو  شمېر وسله والو طالبانو ته چې دقيق شمېر يې معلوم نه دى مرګ ژوبله اوښتې دى .
هغه وويل  په دې جګړه کې پوځيانو ته زيان نه دى اوښتى .
  ختم _ ج _ اکرم

کابل/ دغبرګولې ١٤مه / باختر :
دوه تنه پرون  دهرات ولايت  دانجيل ولسوالۍ په مربوطاتوکې دوسله والو غلاو په تور ونيول شول .
دانجيل ولسوالۍ  دامنيې قوماندانۍ يو خبرځاى باختراژانس ته وويل  چې دغه کسان  دانجيل ولسوالۍ درباط  نو په ساحه کې دغلا په وخت کې ونيول شول .
هغه وويل  چې  له دغوکسانوڅخه يوه تومانچه ترلاسه شوې ده  او دپوليسو  تر پوښتنې لاندې دي .   ختم _ ج _ اکرم

-کابل/ دغبرګولې ١٤مه / باختر :
دننګرهار – کابل  په لويه لاره کې پرون  ديو ماين دچاودنې مخه ونيول شوه
دسيلاب قول اردو يومسوول  باختراژانس  ته وويل چې دغه ماين  دسروبي ولسوالۍ په مربوطاتو کې  دننګرهار- کابل په لويه لاره کې ځاى پرځاى شوى و چې دسيلاب قول اردو ددريمې لوا  دانجنيرى دټيم له خوا کشف او وچول شو
  ختم_ ج _اکرم

-کابل/ دغبرګولې ١٤مه / باختر :
دجلال اباد ښار په ځينوسيمو  پرون دناروغيو  دخپرېدو دمخنيوي په خاطر  دميکروب ضد درمل وشيندل شول .
دننګرهار له ملاريا سره دمجادلې آمر  ډآکټر  سپين غر باختراژانس ته وويل چې دملاريا او لشمانيا اودنورو ساري ناروغيو دمخنيوي په خاطر دجلال اباد ښار  په ځينو ګڼ مېشتو سيمو دميکروب ضد درمل وشيندل شول .   هغه وويل  چې په ولسواليو کې  هم ددرملو دشيندلو بهير دوام کوي .  ختم _ ج _ اکرم

کابل/ دغبرګولې ١٤مه / باختر :
دننګرهار ولايت په يوشمېر خلکو پرون يوسلو لس زره ماسکونه وويشل شول .
دننګرهار  دبشري منابعو رييس احمد ضيا عبدالزي باختراژانس ته وويل  چې دغه ماسکونه داکتيد دموسسې له خوا برابر شوي دي چې دکابل بانک او دافغانستان بانک له خوا  په خلکو وويشل شول .
هغه وويل  چې ددولتي ادارو له لارې په خلکو  دماسکونو دويشلو بهير دوام کوي .  ختم _ج _ اکرم

-کابل/ دغبرګولې ١٤مه / باختر :
د ٢٠٩ شاهين قول اردو دبلخ ولايت  په زارې ولسوالۍ کې په بې ځايه شويو کورنيو يوه اندازه  خوراکي توکي وويشل  .
د ٢٠٩ شاهين قول اردو مرستيال  جنرال توکلي دباختراژانس خبريال ته وويل  چې دغه خوراکي توکي په هغو اړو کورنيو چې دناامنيو له امله  له  زارې ولسوالۍ  څخه  بې ځايه شوي دي  اودمزارشريف په ښار کې  په کمپونو کې شپې سباکوي ، وويشل شول .  هغه وويل   چې له بې ځايه شويو کورنيو سره به   ددغو مرستو لړى  دوام وکړي . ختم _ ج _ اکرم

Wednesday, 03 June 2020 07:38

اعلاميه

-کابل/ دغبرګولې ١٤مه / باختر :
دهېواد دستر عالم او روحاني ډاکټر محمد اياز نيازي دشهادت په اړوند دملي روغې جوړې دعالي شورا اعلاميه .
په ژورې خواشيني سره مو خبرترلاسه کړ چې  دهېواد جيد اوستر روحاني عالم مشهور پوه او دوزير محمد اکبر خان دجامع جومات  امام ډاکټر محمد اياز نيازي پرون ماښام  په يوظالمانه تروريستي بريد کې شهيد  کړى شو .
دغه ډارن بريد داسلام له مقدس دين  ، مذهبي اوروحاني ټولنې اودافغانستان له ټولو خلکو سره  ښکاره دښمني ده . او په هيڅ دين او ائين کې جواز نه لري .
مولوي نيازي متقي او روحاني عالم ، ،پرهيزګار اوخير غوښتونکي  امام و اومشهور دانشمند و.چې دخپل ګران عمر په اوږدو کې دعامه ذهنونو دروښانه کولو او دين او سولې ته  دخدمت په لاره کې له هيڅ راز هلوځلو څخه ډډه ونه کړه .
زه شخصا دملي روغې جوړې دعالي شورا  درييس په توګه په بېلابېلو موقعيتونو کې مې ددغه ستر روحاني له  ګټورو او ارزښتناکو سلامشورو څخه  استفاده کړې ده .
ارواښاد تل په هېواد کې  په سولې  ثبات او دجګړې او دوينې توييدنې په پاى ته رسولو ټينګار کاوه . او دافغانستان دخلکو  دنيکمرغى اوسوکالى لپاره يې دعاکوله .دمولوي محمد اياز نيازي نشتوالي دهېواد اوداسلامي نړۍ علمي _ مذهبي  ټولنې ته  نه جبيره کيدونکي ضايعه ده .
موږ  له مسوولو بنسټونو څخه  غواړو چې دمولوي نيازي دشهادت دپېښې  دڅرنګوالي په اړوند تحقيق وکړي او ننتيجې يې  دافغانستان له خلکو سره شريک کړي .
په دې وسيله دخپلې ژورې  خواخوږى اوغمشريکي مراتب  دشهيد ډاکټر نيازي  کورنى دافغانستان مذهبي او روحاني ټولنې او ټولو خلکو ته  څرګندوم
  ختم _ ج _ اکرم

کابل/ دغبرګولې ١٤مه / باختر :
دلوړو زده کړو وزارت  دډاډګيرنې اوخواخوږۍ  پيغام .
په ژورې  خواشينۍ سره مو  خبرترلاسه کړ چې دکابل  دطبي علومو پوهنتون دفزيک دديپارتمنټ  متقاعد استاد پوهندوي  خان محمد ابراهيمي په حق رسيدلى دى .
دلوړوزده کړو وزارت  مشرتابه هيئت  دارواښادمړينه  يوه ستره علمي ضايعه بولي اودخپلې  ډاډګيرنې او غمشريکۍ مراتب دارواښاد  کورنى او خپلوانوته  څرګندوي .اودالله ( ج ) له دربار څخه  ارواښاد ته  دفردوس جنت اوپاتې کسانو ته يې دجميل صبر هيله کوي .
ختم _ ج _ اکرم

کابل/ دغبرګولې ١٤مه / باختر :
دپکتيا ولايت دسيد کرم ولسوالۍ  امنيه قوماندان پرون له خپلو دريو ساتونکو سره په دغې ولسوالۍ  کې دماين په چاودنه کې شهيد شو .
باختراژانس دپکتيا دسيدکرم دولسوال شريف کليوال دڅرګندونوله مخې ، خبرراکړ ، چې دغه پېښه  له هغه وروسته رامنځته شوه چې  ددغې ولسوالۍ دامنيه قوماندان دسپرلۍ  موټر په  ښخ کړى شوى ماين وخوت .
دهغه دڅرګندونوله مخې ، په دې پېښه کې دسيد کرم ولسوالۍ امنيه قوماندان اودرې  تنه سرتيري شهيدان او څلور نور سرتيري ټپيان شول .
  ختم _ ج _ اکرم

-کابل/ دغبرګولې ١٤مه / باختر :
په قندهار کې پرون ديو ماين دچاودنې له امله  څلور تنه ملکي وګړي ټپيان شول
دباختراژانس دخبرله مخې، دغه چاودنه دقندهار دشاه ولي کوټ ولسوالۍ دنيکه شيلي په ساحه کې له هغه وروسته  رامنځته شوه چې دملکي  وګړو دسپرلۍ موټر په ماين وخوت
. په دې چاودنه کې  څلور ملکي وګړي  ټپيان شول او ديو ټپي روغتيايي حالت خراب بلل  شوى دى .
تراوسه پورې  ددغې چاودنې  مسووليت چاپه غاړه نه ده اخستې .  .
په داسې حال کې چې دهېواد په ناامنو سيمو کې  دطالبانو او پوځيانوترمنځ  دجګړې په ليکه کې دزيات ارامتيا خبره کېږي خو چاودنې پېښې له پخوا څخه زياتې شوې دي  چې زياتره ملکي وګړي قرباني کېږي .
ختم _  ج _ اکرم

Page 4 of 8788