22 September 2019

RSS Facebook

سوداگریز


تازه خبرونه

په جلال آباد ښار کې چاودنه وشوه

په جلال آباد ښار کې چاودنه وشوه

کابل /دوږي ٣٠مه / باختر څو شېبې وړاندې دهېواد او خلکودښمنانود...

حسينې ساپۍ دکار په چارو کې په رښتنيوالى ، رونټيا او حساب ورکولو ټينګار وکړ .

حسينې ساپۍ دکار په چارو کې په رښتنيوالى ، رونټيا او حساب ورکولو ټينګار وکړ .

کابل /دوږي ٣٠مه / باختر داطلاعاتواوفرهنګ وزارت سرپرستې حسينې ساپۍ نن...

دځوانانو دچارو معينيت دهرات لپاره ستر پروګرامونه لري .

کابل /دوږي ٣٠مه / باختر د( له تاريخي ميراثونو سره...

Youtube Player

khantry design

سوداگریز

سوداگریز

پلخمري / باختر/ د وږي٢٩مه :  
د اطلاعاتو او فرهنګ وزارت د بغلان د اطلاعاتو او فرهنګ رياست د کتابتون          د زياتې بډاينې په خاطر د کتابونو مرسته وکړه .
د بغلان د اطلاعاتو او فرهنګ رييس ذکريا ناصري د باخترآژانس خبريال ته وويل ؛
د اطلاعاتو او فرهنګ وزارت په علمي ، تحقيقي ، حقوقي ، سياسي ، ادبي او ټولنيزو برخو کې  ١٠٠٠ عنوانه  کتابونه  چې  ٣٠٠٠  ټوکه  کتابونه کيږي  د دغه ولايت داطلاعاتو اوفرهنګ  رياست له کتابتون سره  مرسته وکړه .
هغه زياته کړه د بغلان مرکز پلخمري کې  د عامه کتابتون په فعاليت سربيره ، د دغه کتابتون درې  نورې څانګې  په  ده صلاح ، خنجانو او دوشي ولسواليو کې د ځوانانو دمطالعې پرمخ پرانستې دي.
پاى \ ذ

پلخمري/ باختر/ د وږي٢٩مه :  
په بغلان کې د يوه روغتيايي کلينيک نوې  ودانۍ پرانستل شوه.
د بغلان دعامې روغتيا سرپرست  الحاج عبدالحليم غفاري د باخترآژانس خبريال ته وويل ؛ دغه کلينيک دديارلسو خونو په لرلو سره د دغه ولايت په بورکې ولسوالۍ کې   د ١١ميليونو افغانيو په لګښت دحکومت له غيرمشروط  بودجې  څخه په  يو پوړ کې  په پاخه اواساسي ډول جوړه شوې ده .
هغه زياته کړه ؛ دغه  کلينيک مخکې له  دې په  يوه  نامناسبه او کرايي  ودانۍ  کې خدمتونه ترسره کول او ددغې ودانۍ د کار په بشپړيدوسره د دې ولسوالۍ داوسيدونکو  روغتيايي ستونزې تر يو حده  لېرې شوې .
پاى \ ذ

زرنج / باختر/ د وږي٢٩مه : 
د زرنج پوليسو ٨٠ کيلو ګرامه اپين پرون  په دغه ولايت کې ضبط کړل .
د نيمروز د امنيې  قوماندانۍ د مطبوعاتو مسوول ابراهيم اميني د باخترآژانس خبريال  ته وويل ؛ د دغه ولايت د امنيې قوماندانۍ له نشه يي توکو سره  د مبارزې منسوبانو        د نيمروز د کنګ ولسوالۍ  د حاجي قيوم په کلي کې ٨٠ کيلوګرامه اپين چې  په يوه
کرولا ډوله موټر کې ځاى پرځاى شوي و ، کشف او ضبط کړل.
هغه زياته کړه موټرچلوونکى له ساحې څخه تښتيدلى او پوليسو دهغه د نيولو په خاطر هلې ځلې پيل کړي دي .
پاى  \   ذ

 

Friday, 20 September 2019 16:51

مطبوعاتي اعلاميه

کابل/ باختر/ د وږي٢٩مه :  
بهرنیو چارو وزارت ته  د اجرائیه ریاست د مکتوب په اړه مطبوعاتي اعلامیه
په دې وروستیو کې اجرائیه رئیس ډاکټرعبدالله عبدالله په یوه مکتوب کې لیکلي د بهرنیو چارو وزارت د ارزونې په اړه د افغانستان د اسلامي جمهوریت د رئیس حکم  دې  چې  د ټاکنیزو سیالیو په ورځو کې کمپاینې بڼه غوره کوي، وځنډول شي.
د افغانستان په اساسي  قانون کې  د جمهور رئیس صلاحیتونه په  واضح ډول تسجیل شوي ،  نو پر دې بنا هیڅ مرجع د جمهور رئیس د حکم د ځنډولو حق نه لري.
د جمهوري ریاست د ۲۴/۵/۱۳۹۸ نېټې د ۱۴۴۴ ګڼې حکم پر بنسټ به د بهرنیوچارو وزارت ارزونه اوتفتیش په همدې موخه د ګومارل شوي پلاوي له لوري دوام ومومي.  پاى \ ذ

 

کابل/ باختر/ د وږي٢٩مه :    د افغانستان د ملي امنیت سلاکار ډاکټر حمدالله محب  وايي، چې  په افغانستان کې         روانه جګړه د افغانانو نه ده او د ختمولو لپاره یې باید له هېڅ ډول هڅو ډډه ونه شي.       د نوموړي په وینا په دې جګړه کې یو شمېر هیوادونه او  استخباراتي  ادارې خپل اهداف او ګټې ګوري او تر شا یې ولاړ دي.                                                  نوموړي دا خبرې په کابل کې د افغان امن نړیوال کنفرانس ګډونوالو ته په  وینا کې وکړې.   دې کنفرانس کې د ګڼو افغان سیاستوالو او فرهنګیانو  ترڅنګ  د  ډیورنډ فرضي کرښې د اخوا سیاستوال، مدني فعالان او فرهنګیان هم برخه لري.                      د ملي امنیت سلاکار وايي، چې د اوسنۍ جګړې تر ټولو ډېر زیان د دې کرښې دواړو خواو ته پرتو ولسونو ته اوړي او همدا ولسونه کولای شي لاس یو او امن ډاډمن کړي. ده ټینګار وکړ، چې په افغانستان کې جنګېدونکي کسان، چې دلته هره  ورځ  بې ګناه خلک وژني لکه پرون یې، چې په زابل کې وحشت وکړ، په نورو ځایونو کې مراکز، روزنځایونه او آن لا د قوماندې مراکز لري، چې د جګړې موخه  یې همغه ځای ته خدمت او غلامي ده.                                                                              ښاغلي محب وویل، چې له دې ټولو سره سره حکومت د پخلاینې دروازه  پرانیستې پریښې او تل دې ته تیار دی، چې د یوې با عزته سولې او ثبات لپاره خبرې اترې وکړي.                                                                                                            هغه وویل، هر کنفرانس، چې د افغانستان د سولې له بهیر سره رښتینې مرسته  کوي        او د جګړې د پای لامل کېږي، افغان حکومت به یې ملاتړ وکړي.                          ډاکټر حمدالله محب د دغه ډول کنفرانسونو د ډېرېدو غوښتنه وکړه او ټینګار يې وکړ، چې په ورته کنفرانسونو کې دې د امن او سولې تر څنګ، د ترهګرو د تمویل، تجهیز او د هغوی د روزنځایونو په اړه هم بحث او غور وشي او په ملاتړ  کوونکو  لورو دې فشار ډېر شي.                                                                                 دملي امنیت سلاکار وویل، چې د افغانستان جګړه فکري نه ده، بلکې د بهرنيو عواملو ترڅنګ مالي او جرمي بڼه هم لري او باید د عایداتي سرچینو او مخدرو موادو  رول په کې له یاده ونه اېستل شي.
پاى \ ذ

کابل/ باختر/ د وږي٢٩مه :                                                               ترهګرو یو ځل بیا په  ډېره بې رحمۍ  سره زموږ هیواد وال په  نښه او  وحشت يې جوړ کړ. 
دوی په ننګرهار او زابل ولایتونو کې د بریدونو په  کولو لسګونه افغانان شهیدان او ټپیان کړل او یو ځل بیایې  ثابته  کړه ، چې  له ولس او هیواد   سره  دښمني کې  يې کمی نه راځي.                                                                                   ترهګرو طالبانو په ننګرهار ولایت کې د تذکرو د وېش پر مرکز، چې یو ملکي ځای دی او په زابل ولایت کې پر یوه روغتون وحشیانه بریدونه وکړل، چې له امله یې ماشومانو، مېرمنو او نورو ملکي وګړو ته مرګ ژوبله واوښته.                              دغه ډله په  داسې حال کې، چې په  دې بریدونو کې د پوځيانو د زیانمنېدو ادعا کوي، په بشپړه بې شرمۍ د ملکي وګړو له زیانمنېدو سترګې پټوي او درواغ  وايي.                طالبان له دې لارې غواړي، چې د خلکو په منځ کې وېره خوره کړي او خپلو شومو موخو ته ورسېږي ؛ خو زموږ ولس هېڅکله هم دې د پردیو مزدورانو ته نه تسلیمېږي او پر شا نه ځي.                                                                                      دغه ډله  په پرله  پسې ډول زموږ د زړورو  امنیتي او دفاعي ځواکونو له  خوا ځپل کېږي او د هیواد په هېڅ برخه کې خوندي نه شي پاتې کېدلای.                                 طالبانو په دې وروستیو کې سخت ګوزارونه خوړلي او تر کنټرول لاندې  سیمې  یې  د امنیتي ځواکونو لاسته لوېدلې دي.                                                               ډاډه یو، چې د ملي امنیتي او دفاعي ځواکونو د  سرښندنو او فعالیتونو په  نتیجه  کې به دا ورانکارې ډله له منځه ولاړه او هیواد به مو یې له شره خلاص شي .                له لوی خدایه د دې ناوړه پېښو شهیدانو ته برین جنت ، ټپیانو ته عاجله شفا او کورنیو  ته یې عظیم اجر غواړم.                                                                             پاى / ذ

کابل/ باختر/ د وږي٢٩مه :  
د کورنيو چارو وزارت سرپرست ، دملي دفاع وزارت لومړى مرستيال او جنرال سکات ميلر پرون کندز ته په سفرکې  د شمال ختيځ زون له مسوولانو سره وکتل .
د پامير د ٢١٧ قول اردو د ستراتيژيکي اړيکو اوعامه چارو مرستيال برهان الدين  توفيق باختراژانس ته وويل ؛ دکورنيو چارو وزارت سرپرست لوى پاسوال مسعود اندرابي ، دملي دفاع وزارت لومړى مرستايل ډګرجنرال ياسين ضيا اوپه افغانستان  کې دغوڅ ماموريت د ځواکونو قوماندان جنرال سکات ميلرکندز ته په سفرکې د شمال ختيځ زون  د ولايتونو له واليانو او امنيتي مسوولانو سره وکتل .
مسعود اندرابي د دغه سفرهدف د شمال ختيځ زون د ولايتونو د امنيتي حالت څيړنه ، د جمهوري رياست د انتخاباتو دبهير د امنيت تامينول اوپه کندز او بغلان کې د بريښنا دويجاړو شويو ستنو دبيا جوړولو د کار دزمينې مساعدول وبلل.
پاى \ ذ

کابل/ باختر/ د وږي٢٩مه : 
د ملي اردو ځواکونو په بلخ کې د وسله والو ډاراچوونکو دجنګي وسايلو يوه زيرمه  کشف کړه.
د ٢٠٩ شاهين قول اردو وياند محمدحنيف رضايي د باخترآژانس خبريال ته وويل ؛
د دغې قول اردو کشفي او استخباراتي منسوبانو د بلخ ولايت مرکز مزاشريف ښار دلومړۍ حوزې له مربوطاتو څخه کشف او ضبط کړه.
هغه زياته کړه له دغې زيرمې څخه يو کلاشينکوف و يوه پيکا اوڅولاسي بمونه ، دنقليه وسايطو  پليټونه او يوه اندازه مهمات ترلاسه شول.
پاى  /  ذ

کابل/باختر/ د وږي ۲۸ مه
د ننګرهار د اچین ولسوالۍ په بېلابېلو سیمو کې دوه داعشیان ووژل شول.
د ۲۰۱ سیلاب قول اردو ویاند محمد هارون یوسفزي باختر اژانس ته وویل چې ګډو افغان ځواکونو څو ورځې وړاندې د وسله والو د ځپلو او د جمهوري ریاست انتخاباتو ته د زمینې دبرابرولو په موخه چاڼیز عملیات پیل کړي دي.
سرچینه زیاتوي چې د تېرو ۲۴ ساعتو په موده کې په پیل شویو عملیاتو کې ٢ داعشیان وژل شوي او ۹ بېلابېل ماینونه هم کشف او شنډ شوي دي.
ویل کېږي په عملیاتو کې افغان ځواکونو او ملکي وګړو ته زیان نه دی اوښتی.
پای/وصال

قلات/باختر/ د وږي ۲۸ مه
نن سهار شاوخو پنځه نیمې بجې د زابل د مرکز قلات د ولایتي روغتون او امنیت ملي ریاست ترمنځ د موټر بم چاودنه شوې ده.
ځايي چارواکي وايي چې په چاودنه کې تر پنځوسو زیاتو ملکي وګړو او د ولایتي روغتون روغتیاپالانو ته مرګ ژوبله اوښتې ده او د روغتون زیاته برخه هم ویجاړه شوې ده.
د زابل د والي ویاند ګل اسلام سیال باختر اژانس ته وویل چې د لومړنیو معلوماتو له مخې په دغه چاودنه کې تر ٥٠ زیاتو کسانو ته مرګ ژوبله اوښتې ده.
سیال زیاتوي چې د پېښې زیات قربانیان ملکي وګړي، ناروغان او د ولایتي روغتون روغتیا پالان دي.
د زابل د ولایتي روغتون آمر ډاکټر عباس وايي چې په دغه پېښه کې د ولایتي روغتون یو اشپز شهید شوی، دوه روغتیا پالان او درې نرسان ټپیان شوي دي.
خو د باختر اژانس سیمه ييز خبریال ته د خصوصي روغتونونو مسوولینو ویلي چې تر دې دمه ورته د پېښې له ځایه ٥ مړي، ٤٥ ټپیان وروړل شوي دي.
روغتیاپالانو د پېښې د یو شمېر ټپيانو روغتیايي وضعیت نازک بللی.
پای/وصال

 

Page 7 of 8072