04 June 2020

RSS Facebook

سوداگریز


تازه خبرونه

د ښارونو امنیتي سیستم نوې کتنې ته اړتیا لري

د ښارونو امنیتي سیستم نوې کتنې ته اړتیا لري

کابل/ د غبرګولي ۱۵ مه / باختر په دغو وروستیو ورځوکې...

په غزني کې د دوو چاودنو مخه ونيول شوه

په غزني کې د دوو چاودنو مخه ونيول شوه

کابل/ د غبرګولي ١٥ مه / باختر د غزني پوليسو...

په پروان کې د يوه ښوونځي د جوړولو کار پيل شو

په پروان کې د يوه ښوونځي د جوړولو کار پيل شو

کابل/ د غبرګولي ١٥ مه / باختر په پروان کې...

Youtube Player

khantry design

سوداگریز

سوداگریز

-کابل /دغبرګولې ١٢مه / باختر :
دبغلان ولايت يوقومي مشر اومخور فقير محمد مموزي په حق ورسيد .
فقير محمد مموزي په بغلان کې  له بانفوذو شخصيتونو څخه و او يووخت يې  دبغلان دوالي په توګه  دنده ترسره کړې  او دغه راز دبغلان دولايت دمرستيال او د پلخمري دښاروال په توګه هم کار کړى و .
فقير محمد مموزي داتيا کلنۍ په  عمر دهغې ناروغۍ له امله چې ورپېښه شوې وه ، په حق ورسيد .
ختم +_ ج _ اکرم

-واشنګتن  /دغبرګولې ١٢مه / باختر :
دراګون يا دناساددوو کازميکي پيلوټانو  دگ هرلي اوباب بنکن ،دسپرلۍ بيړى د يکشنبې په ورځ له غرمې مخکې نړيوال فضايي تمځاى ته ورسېده .
دراګون دمى په ديرشمه نيټه دسپيس  اکس دفضايي  خصوصي شرکت دفالکون  - ٩ توغندي په واسطه  دامريکا په فلوريدا ايالت کې  دکينېدي له فضايي مرکز څخه  دځمکې مدار ته ولګېږدول شو  .
  له دغې تاريخي الوتنې   ١٩ ساعته وروسته  هرلي اوبنکن لومړنى کازميکي پيلوټان دي  چې ديو خصوصي شرکت دفضايي بيړى په واسطه نړيوال فضايي تمځاى ته رسيدلي دي . 
  ختم _  ج _ اکرم

-بيت المقدس  /دغبرګولې ١٢مه / باختر :
دکروناويروس په اړوند دمحدوديتونو په کمښت سره  په بيت المقدس کې حرم شريف بيا پرانستل شو .
په سلګونو مسلمانانو دغه سيمه  وکتله .،  دغه سيمه  مسلمانانو ، يهوديانو او مسيحيانو ته مقدس دى .
امنيتي ځواکونو د نااراميو درامنځته کېدو داندېښنو په دليل  له پخوا څخه  تيارسى شوې و  چې دليل يې دبيت المقدس  په زاړه  ښار کې داسرائيلو دپوليسو له خوا يو فلسطينى وژل کېدل دى .
درارسيدلو خبرونوله مخې، قرباني  شخص يو  ٣٢ کلن رواني ناروغ و ، چې دغه پېښه په اسرائيلو کې  دفلسطينيانو دغوصې سبب شو .
دبيت المقدس په زاړه ښار مسجد الاقصى مسلمانانو ته دريم مقدس مکان دى .
چې دکرونا ويروس دخپرېدو په دليل  دمارچ دمياشتې په نيمايي کې وتړل شو
دغه مکان يهوديانو اومسحييانو ته مقدس دى .
ختم _ج _ اکرم

کابل /دغبرګولې ١٢مه / باختر :
کابل ښاروالۍ  دکابل ښار د دولسمې او دوه ويشتمې ناحيې دماموريت او دملالي  دڅلور لارو دترميمولو اوبيا رغاونې کار پيل کړ .
دباختراژانس دخبرله مخې،  ددغو څلور لارو دترميمولو اودبيا رغاونې کار چې د ژمي  دموسم او په دې وروستيو وختو کې دګربنديز له امله ځنډول شوي و ، بيا پيل شو .
ديادونې وړ ده چې ددغو څلور لارو دبيارغاونې کار چې د٣٣څلور لارو کې شامل دي چې د ١٣٩٨ کال په وروستيو کې دکابل ښاروالۍ دکار او دساتنې اوڅارنې دلوى رياست له خوا په پلان کې  نيول شوي و ، پيل شوى دى .
  ختم _ج _ اکرم

کابل /دغبرګولې ١٢مه / باختر :
کابل ښاروالۍ دکرونا ويروس دخپرېدو دمخنيوي په مقصد دکابل ښار په ګڼ مېشتو سيمودميکروب ضد درمل وشيندل . اوبېلابېلواصنافوته يې  روغتيايي لارښوونې وکړې .
دباختراژانس دخبرله مخې ، دکابل ښاروالۍ موظفينو دکابل داور  وژنې او دکابل  دعامې روغتيا درياست  په همکارۍ ددې ترڅنګ چې دکابل ښار ديو شمېر ناحيو په ګڼ مېشتو ساحو دميکروب ضد درمل وشيندل دکابل ښار بېلابېلو اصنافو ته يې روغتيايي لارښوونې وکړې .
  دوى  دخوراکي توکو له پلورونکو څخه وغوښتل  چې دکرونا ويروس  دزياتې خپرېدو دمخنيوي په مقصد  دې  روغتيايي لارښوونې په پام کې ونيسي .
  ختم _ ج _اکرم

کابل /دغبرګولې ١٢مه / باختر :
دبدخشان له طبيعي پېښو سره دمبارزې مسوولينو وويل چې په دغه ولايت کې له سېلاو ځپلو سره نغدي مرسته کېږي .
دطبيعي پېښو دڅېړنې په چارو کې  ددولت وزير غلام  بهاوالدين جيلاني  چې نوى  په دې پست کې ګومارل شوى دى ، بدخشان ولايت ته دخپل سفرپه بهير کې باختراژانس ته وويل  چې په بدخشان ولايت کې په سېلاو ځپلو لس ميليونه افغانۍ نغدې پيسې  ويشل کېږي .
هغه وويل  دغه مرستې  ددولت له بودجې څخه  برابرې شوي دي  او نور مرستې هم  رواني دي . چې ډير ژربه  په سېلاو ځپلو کورنيو وويشل شي .
   ختم _ ج _ اکرم

کابل /دغبرګولې ١٢مه / باختر :
١٦ډار اچوونکي پرون  دننګرهار ولايت  دحصارک ولسوالۍ په مربوطاتو کې ووژل شول .
دننګرهار دپوليسو يو مسوول باختراژانس ته وويل چې  دغه ډار اچوونکي هغه وخت ووژل شول  چې دحصارک ولسوالۍ په مربوطاتو کې يې دپوځيانو پرپوستو  بريد وکړ .
هغه وويل  چې دپوځيانو په متقابل بريد کې شپاړلس ډار اچوونکي ووژل شول او  ٩ نور ټپيان شول .
  ديوبل خبرله مخې، په حصارک ولسوالۍ کې دهغه ماين دچاودنې له امله چې دډار اچوونکو له خوا  ښخ کړى شوي و ، پرون  يو ملکي شهيد او يوبل ملکي ټپي شو .
  ختم _ ج _ اکرم

کابل /دغبرګولې ١٢مه / باختر :
په هرات کې ١٢تنه  روغتيايي کارکوونکي په کرونا ويروس اخته شوي دي .
دهرات د زېږنتون دروغتون رييس  دباختراژانس خبريال ته وويل  چې دهرات په نسايي اوولادي روغتون کې دمشکوکوکارکوونکو ازمايښت  وڅېړل شول چې  ١٢ تنه يې په کرونا اخته شوي دي .
هغه وويل: په هرات کې دروغتيايي کارکوونکو ترمنځ دکرونا ويروس خپرېدل مخ په زياتيدو دى .     ختم_ ج _ اکرم

کابل /دغبرګولې ١٢مه / باختر :
دننګرهار دهوايي ډګر دلومړى برخې دبيا رغاونې کار پرون پيل شو .
دملکي هوايي چلند دادارې رييس محمد قاسم وفايي زاده باختراژانس ته وويل چې دننګرهار دهوايي ډګر  دبيارغاونې لګښت څه دپاسه نهه اويا ميليونه افغانۍ کېږي  چې ددولت له بودجې  څخه ورکول کېږي اودبيا رغاونې کار يې دګلوبل اپريشن  شرکت له خوا ترسره کېږي .
  ختم _ ج _ اکرم

کابل /دغبرګولې ١٢مه / باختر :
دوه تنه ملکيان په دايکنډي کې دماين په چاودنه کې شهيدان شول .
ددايکنډي  دوالي وياندعباس کاميار دباختراژانس سيمه ييز خبريال ته وويل  چې ددغه ولايت په کجران ولسوالۍ کې  دښخ کړى شوي ماين دچاودنې له امله  دوه تنه ملکيان شهيدان شول .
دعباس کاميار دڅرګندونوله مخې،  دغه ماين طالبانو ښخ کړي و .
  ختم _ ج _ اکرم

Page 8 of 8786